六両三.台灣食堂

放假相約老朋友出黎食飯聚舊, 選擇了近APM附近一間樓上嘅台灣料理餐廳。餐廳以木系傢俱為主, 氣氛很有台灣風味。餐廳全日免加一, SCAN QR code自行下單, 而餐廳中央設自助區放有飲用水同埋餐具。我地揀咗---二人豪華套餐 HK$258皮蛋豆腐: 凍豆腐配有少少溏心嘅皮蛋, 加上了鹹甜木魚片、甜甜地嘅台式醬汁, 清新消暑。炸花枝丸: 表面炸得金黃微脆不油, 口感彈牙, 食到花枝嘅鮮甜。炸墨汁墨魚扒便當:墨魚扒肉嫩厚實彈牙, 表面炸至金黃酥脆, 米飯吸收了滷汁精華, 配有鹵蛋、醃製小菜、沙拉蕃茄仔, 平衡了整體油膩感。紅燒牛肉麵:湯底味濃不澀, 幾有咬口嘅麵條同埋牛肉稍吸了湯汁, 牛肉有肉香而且軟腍。鹵肉燙青菜: 生菜保持爽脆口感, 加咗豉油同埋滷肉, 增加一點肉香。+$8 珍珠奶茶: 口感順滑, 珍珠熟透帶少少煙韌。+$5 薑母鮮奶茶: 濃郁薑香與順滑鮮奶融合, 薑嘅辛香在口中慢慢散開, 隨後有奶香柔和, 特別適合寒冷天氣飲, 很暖胃。炸甜不辣 HK$30表面炸得金黃微脆, 內裡煙煙韌韌, 面層加咗鹹甜梅粉調味。涼伴麻辣牛展頭 HK$38牛展頭切粒, 口感爽得黎唔硬, 有肉香之餘加上麻辣汁, 麻辣過癮。…查看更多

終於感覺到冬天真的來臨了！除了要帶多件外套怕凍親之外，凍凍地當然去食煲仔飯打邊爐就最啱feel。觀塘雖然出名食肆多，但人流更多，好多食肆都會大排長龍。最怕人多嘅我今次上網做足功課，搵到間係巧明街相對較靜嘅大廈開餐。餐廳係國基集團中心，港鐵站步行五分鐘就到，地點相當方便！用餐時間係平日晚上，眼見餐廳八成滿，大多數嘅人都係食煲仔飯嘅。餐廳環境寬敞，枱與枱之間距離充足，咁樣傾偈先夠盡興嗎！- 三杯雞煲仔飯套餐¹⁰⁸即叫即煮的煲仔飯，未上檯已經香氣撲鼻！在冬冰冰的天氣下吃到熱辣辣的煲仔飯真的是一件小確幸！雞肉肉質嫩滑，三杯雞非常入味！米飯盡吸雞流出的雞油，相當美味！而底部有微焦的飯焦，油香十足！- 滷肉燙青菜生菜熱辣辣，剛熟仍保持生菜的爽脆口感，而表面加上滷肉一齊食，是我很喜歡的一道台灣菜式！- 炸甜不辣甜不辣炸得金黃香脆，咬落煙煙韌韌，再加少少辣醬更加惹味。- 牛骨沙茶鍋套餐¹²⁸湯底牛骨味濃厚配合沙茶夠惹味。套餐升級後，揀咗美國Prime牛頸脊⁺³⁶。牛頸脊口感爽嫩軟滑，牛味細緻油花適中，好食到想繼續追加！雜菜盤方面不得不提大甲芋頭，芋頭口感綿密鬆軟，入口即化，香味濃郁，係我打邊爐不可缺少嘅食材。最後煮埋個冬粉同丸子拼盤，吸晒湯底啲精華食，太滿足喇！- 凍仙草奶茶⁺⁸奶茶味醇香，內裡還有滑溜的仙草，口感Q彈，甜度適中！- 皮蛋豆腐³⁸豆腐份量十足，口感滑溜，而表面鋪滿柴魚片。皮蛋軟身入味，平時麻麻地皮蛋的我都食到！- 炸黃金地瓜條²⁸地瓜條表面炸得金黃香脆，外酥內綿，口感扎實滿足，味道香甜，好吃到停不下，讓人一條接一條！餐廳整體評分不錯，價錢合理，食材新鮮，店員有禮，係一間值得推介嘅台式餐廳喔！…查看更多

星期日和老公到觀塘六両三.台灣食堂吃晚餐。咖哩牛筋腩煲仔飯吃起來就是港式咖哩牛腩飯，但多了飯焦可以吃，很惹味。滷肉燙青菜煲仔飯套餐包青菜，是生菜。酥炸台式花枝丸還包小吃，花枝丸彈牙飽滿，有椒鹽味，很好吃。飲品選了凍冬瓜檸檬茶。另外散叫了麻辣乾拌麵，加了顆溏心蛋，吃完頭皮發麻，夠辣。三寶牛肉湯飯三寶是牛腩、牛𦟌、牛筋，都煮得挺軟腍的，湯底挺濃郁的，配飯不錯。皮蛋豆腐凍豆腐很滑又實在，皮蛋也好吃。炸墨汁墨魚扒外皮酥脆，墨魚彈牙，美味。古早味厚切排骨排骨不韌，啖啖肉。還叫了杯熱杞子桂花蜜。…查看更多

鍾意食台灣牛肉麵既人唔可以錯過呢間餐廳！餐廳老闆係基隆人，主打川味牛肉麵，「六両三」係牛肉麵的重量，紅燒湯頭是以大量牛大骨長時間熬煮而成，絕無添加任何味精，確保客人喝到的濃郁、健康湯頭。我地係下午茶時段過去，避開左觀塘lunchtime既人潮，所以餐廳座位仲有好多。我同朋友點左二人豪華套餐 $258，有一款開胃涼菜、一款小食、兩款主食及兩款台式飲品都幾抵食。開胃小菜—皮蛋豆腐呢個冷盤真係消暑小食必選，凍豆腐豆味好濃，而且好滑溜，皮蛋就有少少溏心，表面淋上台式醬汁及木魚片，好味又健康。小食— 炸黃金地瓜條新鮮既炸地瓜條好軟熟，又香又甜，表面有少少辣粉，不知不覺就吃了很多，但如果加埋梅子粉就更正啦。半筋半肉牛肉麵呢個要重點推薦，牛筋同牛肉好大舊，牛肉油脂分布均勻，牛筋好淋又入味，手工麵軟硬適中，加上咸酸菜令人特別開胃。店家教我哋第一啖可以先飲湯底後食麵，湯底果然牛肉味濃郁，絕對有驚喜👍🏻古早味排骨便當一大塊排骨香味撲鼻，排骨有少少煎香過，排骨都算幾厚，煎香過後仲保留左肉汁，而且沒有滷得過鹹，是為大滿足。伴碟有炒娃娃菜、紅蘿蔔等等，貼心考量了我們的蔬菜攝取量。整體份量多，男士都可以食飽飽，另外仲送左麻辣牛展頭，好開胃。飲品方面我地點左台式珍珠奶茶及西柚梳打，味道都唔錯，珍珠彈牙，唔會比一般手搖店差👍🏻…查看更多

之前去呢棟Building見到呢間店 上網查咗以為齋得火鍋食原來唔係 係仲有其他野食可以叫嘅😝又到需要OT嘅日子 係時候叫下台灣野食啦間唔時都會想食 係咁㗎啦 都去唔到旅行。。。💛皮蛋豆腐好食 同台灣一樣味道同口感 唔需要懷疑！💛麻醬麵本來以為會唔好食 但唔係 麵嘅軟硬度控制得剛剛好啲醬又唔會太稀 一切都剛剛好 好味😝💛鹹酥雞稍嫌細粒 大部分都皮同肉一樣咁多😌💛牛三寶拼盤呢個真心一般 有機會個醬料唔係我哋口味啦～…查看更多

-🍜三寶牛肉麵(牛筋/牛肋條/牛腱)/$93-個麵都真係好大碗🍲肉又多、又唔韌👍🏻-🍚滷肉飯/$28-有驚喜嘅飯😋因爲見佢價錢相對低，以為細細碗就試下先，點知黎到其實都幾大碗🍚！同埋竟然好多滷水汁！呢個真係喜出望外😍😍超值！-🥚皮蛋豆腐/$35-豆腐唔太滑🙈不過好大舊好多汁😋-🧋珍珠奶茶/$22-大大杯，好抵飲，係台灣美食嘅代表…查看更多

有時星期六約人去觀塘，都會順便試下新餐廳，呢度雖然唔係開左好耐，但人客唔少一出電梯，左邊就見到啦！環境好日本風有自助茶水位客人點菜只需喺餐牌上用maker畫就得啦！所有食物不添加味精，好適合注重健康嘅客人！我同朋友一人叫左一碗麵台灣既蔥油伴麵甘出名，就試吓啦！黑色既蔥油比較甜，唔算好油麵質硬度適中，有點咬口，但又未至於好彈牙。麵條上均勻地混了醬汁嘅顏色，好好食😋整體不錯👍🏻另外仲叫左滷肉拌麵滷肉切到非常之細粒，差唔多每粒都連皮脂肪帶肉，就好似東坡肉咁！好正滷肉焾到唔使用牙咬都可以食到！雖然比上一碗麵油，但係味道就非常好👍🏻唔落味精都整得好好食！一場黎到當然要叫啲牛肉食下啦牛腱上放了生青瓜絲硬度適中，薄切，好入味。要趁熱食！小食方面，叫左皮蛋豆腐係冷盤，個醬汁甜甜地同杰身，味道不錯👍🏻放喺面上面嘅木魚片好大塊因為最近天氣凍，想飲杯熱辣辣嘅薑母茶呢度嘅薑母茶非常濃郁，再加點熱水都仲ok，非常抵飲！喺呢度食飯感覺好好，地方又夠大。有啲座位附近有插蘇，可义電、亦有梳化。食物質數不錯，不用加一。性價比非常高！…查看更多