四爺車仔麵專門店 (已結業)

堅持喺死城刺激經濟嘅我, 今晚又在灣仔覓食喇 😋經常都經過呢間四爺車仔麵但一次都冇幫襯過, 感覺佢係一間比較高檔嘅車仔麵, 門口大大隻字寫住愛回家七五折優惠😍 今晚晩餐輪到你喇~皮蛋芫茜湯, 波菜麵 ($28)雖然唔係芫茜粉不過我唔討厭 波菜麵做車仔麵嘅主食真係未試過, 襯唔襯就見仁見智, 創意分贏曬~ 瑞士滷豆腐 ($13), 瑞士雞翼 ($13)個滷水汁好入味, 雞肉好嫩, 係正嘅~ 皇牌豬腩仔 ($15)叫得做王牌都冇令我失望, 肥瘦適中, 唔算太肥膩, 肉質好腍~ 睇真啲隻雞翼真係幾大幾肥美 原本屬於價錢唔算平嘅車仔麵, 打咗個七五折之後喺抵食度大大加分 食物質素好, 食得過! :)…查看更多

又係時候啦!今次想食啲有港式風味嘅嘢，所以就揀咗去灣仔食車仔麵去到餐廳嘅時候，在場所見都幾多人，不過店員都安排咗我哋坐卡位我哋唔客氣啦，拎起張店餐紙花多眼亂，作為吃貨真係唔知點揀好！首先係要揀湯底先嘅，見餐廳出名係秘製芫荽皮蛋湯...不過，個晚唔feel like 皮蛋所以我哋order咗一個傳統牛骨湯同金牌麻辣湯加腩汁~兩個都係波菜麵湯底好入味!!牛骨湯完全唔會淡金牌麻辣湯真係又麻又辣,唔會好似坊間啲餐廳咁欺騙人感情我哋叫咗皇牌豬腩仔,本身滿心期待，話明皇牌應該會好驚艷，點知比想像中有啲硬:(不過都算入味嘅!經典南乳豬手夠冧，可以試下瑞士雞翼係最有驚喜，唔貴，非常入味，食到我哋lamlam脷!!其他餸都正常,不過原來咁樣叫下叫下都$70幾蚊個人,好彩包杯嘢飲，如果唔係，就唔係話咁抵…查看更多

車仔麵呢d地道既香港美食真係買少見少，唔知係香港人既口味改變，定係車仔麵個車轆太細，追唔上時代既巨輪呢？今晚我同朋友，2個女仔，大家都唔想食d heavy野，就揀左呢間——「四爺車仔麵」。❣環境&座位商業區個個收哂工反屋企食飯，造就左我地坐得幾舒服呢，2個人都唔洗搭枱！走廊都好闊落啊，卡位又比一般茶餐廳既長，就算搭枱都唔會太貼，而引起尷尬呢。❣Menu有2張✔✔紙既，有湯+麵既餐，同車仔麵餐可以叫。我地就決定每人一碗，再叫個燉湯share。❣我地食左呢d，✨金牌豬骨湯+秘制沙嗲汁+粗麵真係好耐冇食過粗麵la，覺得粗麵比較有咬口d，有得揀都一定會揀佢丫。湯底方面就清清地，唔會過濃，有淡淡既豬骨香味，中意濃味小小就可以撈匀個沙嗲汁。✨竹笙條條都好白雪雪，睇得出店家好用心準備食材，處理得好乾淨，竹笙剛好吸哂湯汁，入口份外鮮味。✨咖哩牛柏葉呢小碟咖哩牛柏葉其實都唔小，個份量係酒樓一籠點心咁，牛柏葉都沾滿哂咖哩汁，而且好入味。✨瑞士雞翼呢個瑞士雞翼又係誠意之作，要浸足夠時間，先會有咁深褐色既雞翼。咬開，入面都好夠味，唔洗再點汁已經好夠味，雞肉又嫩又滑，好味道。✨四爺秘制芫茜皮蛋湯+菠菜麵+皇帝菜朋友鐘意Green，所以叫左個全碗綠嘅菠菜麵，加埋秘制芫茜皮蛋湯。湯底方面就芫茜味唔算太濃，清清地，淡淡嘅茜味反而來得歷久常新。菠菜麵有咬口，配合茜湯，味道真心夾。至於皇帝菜就好嫩口，夠晒翠綠，新鮮夾脆。✨韭菜豬紅豬紅細細粒都入味，食落好夠爽，一碟五粒，朋友好想encore。✨皇牌豬腩仔呢個重心推介，豬腩仔肉煮到非常入味，腩肉一層肥一層瘦，肥膏唔膩，入口即溶，雖然好邪惡，但真係好好食，必點！✨凍菜蜜+凍柚子蜜2碗車仔麵跟餐都可以用優惠價點飲品架～✨百合螺頭燉海底椰自從返左工，收得晏，都少左返屋企食晚飯，難得呢度有燉湯，都要點個補補佢。燉湯好足料，用左螺頭、海底椰、龍眼肉、雞腳、豬展等燉成，飲落幾香甜，清清地，好潤喉嘅感覺。❣總結Overall，「四爺車仔麵」用料確實唔錯，味道好好，食得好滿足。簡單嘅燉湯，飲落好有家嘅感覺，岩晒返工嘅大家，好好補一補。下次過黎要試下其他款嘅燉湯先得，個燉花膠都好吸引呀！…查看更多

別具特色車仔麵🍜平時好少去灣仔覓食 去開灣仔做嘢有一個人所以走咗去食車仔麵呢間車仔麵同平時嘅車仔麵店好唔同無論材料湯底都好特別 而且仲有燉湯添呢度嘅車仔麵係三餸起嘅 先選擇湯底1️⃣ 湯底四爺秘製芫茜皮蛋湯 呢個湯真係非常出色芫茜味超級濃 皮蛋又多 而且仲有淡淡的魚味 我都忍唔住飲多幾啖啊👍🏻2️⃣ 麵 讚岐烏冬讚岐烏冬亦都唔需要再加錢 煮得啱啱好有應有嘅口感3️⃣ 配菜 皇牌豬腩仔 麻辣豬大腸 咖喱牛筋腩 各$15呢度嘅配料呢係分開上嘅 每款一兜啲醬汁呢就唔會mix埋一齊 👍🏻皇牌豬腩仔 炆得好琳而且非常入味仲見到腩肉一層層 邪惡但係好好食🥰麻辣豬大腸 超級惹味又夠辣 豬大腸肥美 想encore呀🤤咖喱牛筋腩 牛筋好多 軟淋淋 咖哩唔會好辣☺️👍🏻 除咗車仔麵之外 呢度仲有燉湯一場嚟到當然飲埋燉湯先走啦😛北海道牛乳杏仁燉花膠花膠對女仔好大家都知 仲要加埋北海道牛乳非常滋潤☺️花膠有兩大塊 膠感十足絕不兒戲而且牛奶味香濃 好味道！🍽 四爺車仔麵專門店🔎 灣仔莊士敦道25-33號長康大廈地舖…查看更多

灣仔成個區都充滿住美食，基乎每一條橫街都至少五個餐廳，由舊式茶餐廳食碟頭飯去到高級西餐廳食地中海茶都有，要係呢到爭一席位真係唔容易呢間餐廳離地鐵站B1/2出口五分鐘路程，車仔麵嚟講個環境係異常闊落同舒適😹 通常出面都係一張圓枱同圓櫈，點會好似呢到有卡位出，啲櫈仲要有得挨🤤除咗車仔麵之外，呢到仲玩埋燉湯，好啱灣仔地區嘅打工仔，有時做嘢辛苦ot無得番屋企飲啖湯水，有個燉湯飲下就可以補番好呢到餸同麵嘅款式都比一般嘅多，淨係麵都有成十三款咁多🙀 餸就有齊哂食車仔麵不可缺少嘅款，不過要小心佢可能會賣哂。特別一提就係蔬菜嘅款式都有成十種🙀 其實肯提供咁多款式真係好難得，因為餐廳要預備嘅食物又會多咗、難預咗蟲草花花膠百合燉雞腳飲咗第一啖心諗鮮甜到傻咗！！真係好足料，用匙一「不」就勁多餸，飲咗我地每人兩碗湯🤤花膠有成三、四舊，仲要舊舊都勁大塊我碗車仔麵叫咗菠菜麵、麻辣小辣湯底，餸有皇牌豬腩仔、麻辣豬大腸、生菜豬腩仔同高質嘅豬軟骨有啲似，啲肉煮到勁入味，咬落好腍好易咬開，加上塊肥膏，即刻覺得應該要送飯😋菠菜麵麵質頗結實麻辣湯底好正，同食麻辣火鍋嘅湯底好似，唔會一味死辣或者死麻。個小辣對無食開辣嘅人嚟講都係重負擔嚟😹麻辣豬大腸好掂👍🏿 首先真係入哂味，啲豬腸入面啲肥仲係齊到，咬落有脂香，唔會好韌或者無咬口，絕對係高質朋友個碗係讚歧烏冬配四爺秘制莞茜皮蛋湯，餸有手工白菜餃、陳皮魚蛋、菜心個湯底正到不得了，本來朋友想加啲辣醬，但個湯太真材實料，佢話都係唔好污染個湯😹 最尾仲飲哂成碗呢間車仔麵高質👍🏿 除咗車仔麵仲有得嗌飯食，咩口味都照顧到，啲座位又有別於傳統車仔麵舖，真係帶friend食又得、情侶食又得👍🏿…查看更多

成日搭電車都經過這間車仔麵，外面是光鮮新淨的，內裡裝潢也十分有心思，最重要衞生情況好！不過價位都高過普通車仔麵檔不少。金牌麻辣湯小辣加秘制沙嗲汁，選了菠菜麵。小辣不算辣，反而湯底都幾鮮甜，秘制沙嗲汁的花生醬味道濃烈，撈麵一流！不過菠菜麵偏硬，都是傳統粉麵較配車仔麵食法。手工白菜餃值得一試中間白菜夾著新鮮豬肉有別於坊間急凍餃子，新鮮手製味道有照顯差異。皇牌豬腩仔很腍軟，腩肉入口即溶，而且醬汁撈麵好好吃。瑞士雞翼不是浸了超耐的街邊貨式，雖然很入味，但是雞肉仍然鮮嫩，沒有變質。北海道牛乳杏汁燉花膠扒濃厚牛奶香味，夾著杏仁淡淡甘甜味道，材料很足料，花膠扒有兩大塊，咬落幾結實，不太易咀嚼。:)…查看更多

Cart Noodles is one of the local cuisines in Hong Kong. You can choose the soup base, type of noodles, add different toppings and sauces to customize your own bowl of “cart noodle”.The restaurant is cozy and comfy, with some instrumental music and good air-conditioning system.The quality of food the above average, especially recommend braised pork belly, soft boiled egg and master sauce marinated tofu.Spinach noodle is also a hit, spinach is mixed in the noodle dough and it’s very special as it is not served in many places.I also ordered fish maw, cordyceps flower & chicken feet soup.The soup here is boil in a traditional way, will double-lids the flavor of food can be all locked in the soup because water will not be evaporating away.車仔麵店一般都是以快餐形式經營的，但這間車仔麵座位很舒適，涼涼的冷氣溫度調節剛好，放著柔和的純音樂，再加上闊落梳化，一整個享受阿~這樣的格局，收費竟然與一般車仔麵店無異，令人感到很驚喜呢。我與友人各點了一個三餸麵，我點的是：傳統牛骨湯底(額外加腩汁及麻辣汁) 菠菜麵 $27+瑞士汁滷豆腐 $13+白菜餃 $13+日本無公害糖心蛋 $15友人點了：金牌豬骨湯底(加麻辣汁) 巑岐烏冬 $27+皇牌豬腩仔 $15+咖哩陳皮魚蛋 $13+瑞士雞翼 $13牛骨湯底較豬骨湯底濃郁，豬骨湯底比較膩一些，所以我倆皆投牛骨湯一票。車仔麵最靈活彈性的是醬汁可隨意添加，而且自由配搭。腩汁是整個車仔麵的精髓所在，所以我每次吃車仔麵都會加腩汁，湯底整個昇華。喜歡辣的話再加一點點麻辣汁也可以，寫在點餐紙上店員會按著來點的。這裡的菠菜麵很有特色，麵條較粗、有口感，而且混入了菠菜蓉到麵條中。瑞士汁滷豆腐很好吃，豆腐外層滷得很入味，內裡保持嫩滑。瑞士雞翼肉質結實，瑞士汁甜甜的也很好吃。白菜餃菜肉比例適中，味道不錯；陳皮魚蛋挺特別不像街外彈牙那款，這款較為結實；日本無公害糖心蛋晶瑩剔透，蛋味香濃，非常推薦！皇牌豬腩仔也很好吃，豬肉滷得鬆化，夾雜著油脂的香，也是值得一試的。點還紙上的選項很細緻，如走蔥/多汁/餸要不要分開上/飲品走甜少甜等，各類顧客需要都能照顧到，看得出設點餐紙時的用心。餐廳還供應原盅燉湯，我點的是蟲草花花膠百合燉雞骨湯$128材料很足，有兩片厚厚的花膠、幾隻雞腳、百合、豬肉、准山、蜜棗等色澤深沉但清澈，蜜棗令湯既甜又滋潤，蟲草花帶點爽爽的口感很好吃。燉盅有兩個蓋子，烹煮時水份不會流失，鎖住水份令所有食材營養全都保存在湯內。湯的份量挺多，足夠兩個人享用呢。餐牌…查看更多

重量級車仔麵@灣仔呢間車仔麵有好多款餸揀，勁多都好吸引！兩個人嚟食揀咗個六個餸 share，全部都好食 👍🏻我哋先飲咗燉湯，鮑魚花膠燉火瞳好足料，除咗鮑魚花膠仲有雞腳，每人都飲到兩碗。怕辣又唔想太辣就揀咗小辣嘅麻辣湯底，幼麵份量幾多。每個餸都分開上，啲汁唔會撈埋哂，好企理同方便 share～瑞士雞翼好大隻，兩隻都脹卜卜，瑞士汁甜甜地好味 😝南乳豬手都有，好厲害！豬手好香南乳味，煮得好入味。格離嗰碟係古法滷水豬大腸，都係 $15。傳統牛骨湯底朋友話唔錯，佢揀讚岐烏冬都唔使加錢。麻辣牛肚好食到爆，麻麻辣辣唔係一味得個辣字，而且牛肚都幾掛汁，好惹味！皇牌豬腩仔半肥瘦，香口但唔肥膩。柱候牛筋腩醬汁香濃，炆得非常好食 😋飲品跟餐加 $8。自家嘅醃蘿蔔都好食～…查看更多