尚鮮海鮮料理

白鱔新鮮份量挺多， 而且廚師刀工一流， 完全食唔到有骨。百花釀油條即叫即炸， 即食香脆唔油膩， 浸湯食亦保持咬口。食海鮮最緊要新鮮 ，而桂花蚌和珊瑚蚌同時做到新鮮嘅要求， 放在湯裡短時間灼一灼， 已先甜爽口豚肉片亦有香濃嘅豬味。肥牛點了，手切牛邊位， 肉味香濃， 不過如果可以厚一點，就更加有咬口…查看更多

兩口子今晚黎到位於百樂中心8樓嘅尚鮮食晚餐店面唔大 但有分開一格格嘅台 又有包廂 都算幾有私隱海鮮新鮮直送 仲有時令推介～兩口子點左雙拼湯底--麻辣同牛菌湯底($146)左手面嘅牛菌湯底用料十足 可以飲下湯頭又可以食下啲料 唔錯！右手面嘅麻辣湯 愈滾愈出味 好有後勁！打邊爐料方面 當然唔少得牛肉啦～今次點左本地手切牛($288)脂肪比例均勻 好夠肉味 正！再黎就係四打四寶丸($78)有齊牛丸、豬肉丸、墨丸同埋蝦丸粒粒都勁彈牙爽口 手打之名並非浪得虛名啊!!!!!繼續就係鮮炸響鈴同百花釀油條($48)炸響鈴一貫熱辣辣又脆口反而百花油條就好大驚喜 蘸埋麻辣湯底一齊食真係超正！最後就係重頭戲-- 二人海鮮尚盛!($228)有齊蟶子 生蠔 生蝦 鱔片 同 大蜆 真係超滿足！值得一提嘅係蟶子同鱔片蟶子落水煮熟後依然好大條 啖啖肉又鮮鱔片同樣落水後仍然超級嫩滑 超讚！提提大家醬料每位釀收$15不過睇下個拼盤 有咁多選擇都抵番哂!最後睇menu果時發現 原來尚鮮都有唔少優惠同套餐店員仲溫提我尚鮮有生日優惠 睇番官網原來2-4位送格魯吉亞果汽酒5-6位送酒＋鱆紅魚刺身一客7-8位送酒＋刺身＋安格斯牛一碟9位或以上嘅話上面4樣野全送～黎緊有朋友生日嘅話記得要提前預訂啊…查看更多

假期既最後一日打算同朋友打邊爐，於是就book左依間位於銅鑼灣百樂中心既海鮮料理餐廳。同朋友兩人6點半左右到，可能時間尚早並吾多人，而且book左位好快入座。店面環境舒適寧靜，店員仲好詳細同我地講解點樣落單，仲提供埋marker比我地，直接畫落menu落單添，幾環保。醬料($15/份) 醬料有8至10款選擇，包括有辣椒、蒜蓉、芝麻、薑蓉、麻油、豉油、炸蒜、芫荽、蔥花、麻醬等，仲可以自己揀落幾多。椰子清雞鍋($218/鍋) 湯底選擇大約有10款，今次試左椰子清雞鍋，個鍋一上枱既時候望落好似好清既菌湯，但煲左陣就開始聞到淡淡椰子香味，店員幫我地加埋雞件一齊煮，仲建議先飲湯，個湯飲落甜甜地有椰子味，仲有一片片既椰子肉可以食，打邊爐飲湯都真係第一次，感覺幾新鮮！至於雞件，食落爽口嫩滑，兩個人黎講份量岩岩好。百花釀油條($58) 依個係必叫既蝦膠釀油炸鬼，油炸鬼炸到金黃色，仲有兩種食法添，即食既話食到蝦膠爽口彈牙，整體香脆可口，吾覺油膩。另外想熱食既話，可以將油炸鬼放入湯浸幾秒再食，而我比較喜歡後者，內脆外軟好特別。大花甲($108) 花甲比想像中大隻，店員仲建議海鮮應該趁新鮮時候食，的確，花甲食落好新鮮，好爽口，好鮮甜，我自己最鐘意吾沾醬油食海鮮，食佢既原汁原味，花甲真係值得一試。特尚手切牛($180/份) 另一主打係手切牛，佢一上枱已經好吸睛，牛肉表面既紋路同脂肪比例剛剛好，而且切得好薄，可見廚師既刀功，方便客人灼一灼就食得。牛肉食落牛味都重，肉質比較爽口，口感吾錯，食多幾塊都吾會膩。田園盛($78/份) 如果想fresh一d，仲可以叫好幾款吾同既蔬菜，而且佢份量都吾少。另外，我比較推介佢個有機栗米，食落好清新好鮮甜，最岩食完海鮮同肉類後解膩，真係吾錯。今餐好豐富，值得一讚係餐廳既服務，雖然店面吾算十分大，樓面既店員亦吾多，但服務都相當細心，不時會幫我地隔走湯浮面個層油，同埋又會留意客人用膳既情況去調較大細火。另外食物質素都吾錯，有機會會試下其他海鮮！…查看更多

作為海鮮狂迷，唔想俾人劏到一頸血，最好就係去間高質既火鍋或者蒸鍋店過口癮，聽朋友介紹鎖定左尚鮮。咁岩發現做緊生日優惠，拿拿林訂座登記埋會員，一坐低就送左一大盆鱆紅魚刺身，仲有埋蠟燭好似生日蛋糕咁。 係日式餐廳以外食刺身總係冇咩期望，難得鱆紅魚結實彈牙，好有水準，壽星有得打卡又大讚新鮮好味。姬松茸冬瓜湯 拼 血池麻辣湯 ($136)難得朋友食得辣，第一時間就揀左個麻辣湯。　見冇得揀辣度都知唔會好嗆喉，對我地黎講只係入門級既麻辣，唔係好過癮。　反而姬松茸冬瓜湯有驚喜，姬松茸香味好特別，冬瓜煲腍左都好清甜，大家爭住食湯料。二人海鮮尚盛 ($228)單睇色澤已經知新鮮，有蟶子、大蜆、蝦、蠔同鱔片，以此價位絕不欺場。　淥幾秒變色已經食得，彈牙鮮甜，唔洗點醬都夠哂味。　尤其是蟶子、蜆同蠔同完全係king size，大大啖好滿足，食完即時有衝動encore。　老實講我同朋友都怕蠔同鱔片會腥，唔太敢食，點知完全冇呢個問題，海鮮絕對係呢度既拿手菜。特尚手切牛 ($180)手切牛都算厚切大塊，油花幾靚，食落腍滑有肉味，兩個人分岩岩好。四式丸尚盛 ($88)金沙鮮牛丸、松露豬肉丸、甜薯墨魚丸同芥末籽蝦丸淨係聽個名都覺得創新，合埋眼都分得出每一款主打咩味既，個人口味覺得甜薯墨魚丸既甜味同我認知既丸類唔太夾。　最鐘意蝦丸真係食到彈牙既蝦肉，再一次證明係度叫海鮮類係冇錯。百花釀油條 ($58)就咁食或者淥幾秒浸湯都得，蝦膠好爽口鮮味冇得頂，食得出係岩岩炸起，如果油條可以炸到成舊都酥脆就更好。羽衣甘藍 ($38)Super food唔係度度食到，初試用黎打邊爐，食落清甜似芥蘭，即時自覺好健康。沖繩生啤($68/2)適逢沖繩生啤祭，大大杯啤酒買一送一抵到爛。 意外地生啤麥味重得黎唔會苦，好易入口，我唔太好酒都輕鬆飲左大半杯。近年越黎越少餐廳有心思搞花臣優惠，一晚連續兩個活動都受惠係開心既，下次黎要淨食海鮮食到飽。…查看更多

是日火鍋日，友人建議去出名食海鮮嘅尚鮮，又幾唔錯喎！除左用海鮮打邊爐，仲可以當刺身食調味料都幾多選擇，我想要既醬料都有血池麻辣拼鮮牛肝菌昆布湯底：麻辣味夠，對於係3哥食開2小辣既我啱啱好！牛肝菌昆布清甜，多料！百花釀油條：新鮮炸，中間係墨魚滑，可以打邊爐，亦可以就咁食！花甲：好大隻，好鮮甜！雲吞拼香菇餃：應該係自家製，雲吞足料，香菇餃亦唔錯！手切牛邊位：超級好味！有牛味，肉質正！推薦！西洋菜：份量足:)成餐飯都好滿足！…查看更多

早排同事去過佐敦嘅尚鮮打邊爐，返到嚟大讚話好好味，於是我就book咗方便我嘅銅鑼灣分店，帶埋最鐘意打邊爐嘅女朋友去試下。呢到嘅座位好寬敞，有獨立間隔嘅卡位，好有私人空間適合傾計，仲有電視睇。⭐️醬料費 HKD15/位呢到嘅醬料除咗有平時嘅蔥花/芫荽/生蒜/炸蒜/紅辣椒/XO醬/麻油/豉油，仲有芝麻同薑蓉。⭐️川貝海底椰燉鱷魚肉排湯 HKD178湯底我地揀咗呢個養生燉湯🤤可以慢慢飲哂先再加湯打邊爐。個湯好好飲，清甜滋潤，真材實料!!!! 推介👍🏻👍🏻👍🏻⭐️特尚手切牛(中) HKD180雪花好靚，油脂分佈平均，食落好香牛味，嫩滑爽口。⭐️百花釀油條 HKD58蝦膠釀油炸鬼🤤蝦膠彈牙，仲有蝦粒增強咬口，油炸鬼炸得脆卜卜，上碟前已索好多餘油份，唔會油冧冧。浸湯食定就咁食都一樣好味，仲有另跟一個酸辣醬可以點嚟食。⭐️四色丸尚盛 HKD88金沙鮮肉丸(咸旦黃)松露豬肉丸(松露)甜薯墨魚丸(紫薯)芥末籽蝦丸(芥末)呢四款手打丸各有特色，粒粒都彈牙，配撘亦都創新好味，下次要一人叫一碟先夠！⭐️五味豚拼盤 HKD138呢個tea set擺盤女朋友好鐘意，仲話要學佢買一個返屋企打邊爐嗰陣用😂拼盤有豬紅/豚肉片/黃沙豬膶/豬皮/豬粉腸，每款食材都好新鮮😋⭐️羽衣甘藍 HKD38平時通常都係沙律嗰陣食到，估唔到拎嚟打邊爐都唔錯👍🏻⭐️洛神花蜜(杯) HKD26酸酸地，清新開胃。⭐️青檸梳打(杯) HKD26入口酸甜解膩，好適合打邊爐飲。而家仲做緊早割/夜割優惠👍🏻******************************後記返到公司同同事約好嚟緊農曆年再嚟尚鮮搞團年飯，打返電話嚟問原來佢地年初一二三都開！仲有圍餐可以訂👍🏻…查看更多

邊爐鬼再次岀動搵食，係海洋公園企鵝🐧洞穴玩完之後，凍到隻手無暖過。所以就決定早d走岀番銅鑼灣打邊爐🤤尚鮮有2間分店，之前已經聽朋友講過佢嘅湯底真材實料，當中嘅養生燉湯更加值得一試👍🏻一坐低，侍應就向我地推介佢嘅招牌限售湯，川貝海底椰燉鱷魚排湯，有雞腳，杞子，淮山等材料，啱曬秋燥滋潤下，係打邊爐前同男朋友一人一碗，有家的感覺呀🥰刺身、海鮮，好似生蠔、活皇帝蟹、象拔蚌等等，提早預訂確保留到貨，本menu亦都好”足料”，時令海鮮、手工丸類、牛肉、配料等應有盡有🤫🤫最後係侍應嘅推薦下，我地叫到一枱都係野食👻當中我嘅最愛一定係百花釀油條🌟🌟卜卜脆嘅油炸鬼，上面裝滿蝦膠，彈牙嘅蝦膠加上脆口油條，雖然職員話可以好似響鈴咁淥一淥再食，不過我覺得當前菜小食咁更好味👍🏻👍🏻尚鮮嘅牛肉選擇都唔少嫁，今次地就支持香港代表，叫左碟本地手切牛。果然無令我地失望，牛香味濃，肥瘦適中！岀街打邊爐平時都比較少order丸類，因為唔想浪費quota🙊 但職員話佢地嘅四色丸尚盛係招牌菜黎嫁，一碟已經綜合晒佢哋最耍家嘅手工丸，一共四味，見係招牌菜就梗係試試佢啦！四種都好特別，當中松露豬肉丸同甜薯墨魚丸係我嘅favorite🥰打邊爐又點會缺少特色嘅飲品丫🌻一杯健康嘅飲品除咗幫你解渴之餘，仲可以解燥令人多幾次quota打邊爐😂，所以我就揀左尚鮮自家制嘅洛神花蜜茶，而男朋友就飲青檸梳打蜜。配合無味精嘅養生燉湯，食完呢餐完全無喉嚨痛，亦都無口渴之感🥳埋單後同伙計傾計，原來佢地餐廳都有早鳥同宵夜優惠😻7點半前就有8折，10:30後入座仲有7折添🤡(我細細聲同男朋友講，呢個宵夜時段好啱你呀，因為佢成日OT😂😂). 講笑姐🎈🎈見你咁辛苦做野，下次我早d訂位，同餐廳留定d時令海鮮俾你慢慢嘆啦😎象拔蚌、皇帝蟹、活蠔啱心水冇？我相信呢到將會成為邊爐鬼嘅新食堂🤩…查看更多

香港人熱愛火鍋既程度真係毋庸置疑，基本上一年四季，不論邊一區，總有一間係你左近。今晚朋友就帶左我黎呢間位於百樂中心既樓上火鍋店，主打海鮮、刺生。九宮格調味架，應有盡有，麻油特香每個卡位都有部電視機，岩哂電視撈飯既人😜正係揀湯底都揀到頭痛，款款都好正咁最終就揀左「鮮牛肝菌昆布湯」數唔出有幾多種菇類，湯底清而甜，未食就已經飲左兩大碗😅深海池魚刺生💛老闆話刺生每日都空運到港，如果有咩特別刺生想食都可以打黎落order百花釀油條新鮮即炸熱辣辣，就咁食又得，放耐左落鍋煮一煮又得，雙重食法，任君選擇本地手切牛牛味激濃肉質超滑，必食之選羽衣甘藍+松葉蟹皇餃呢兩款配料係一般火煱店比較少見味覺頗為特別最後不得不提呢杯 洛神心蜜茶本身洛神花已經生津解渴，估唔到加埋蜜糖可以咁好飲，打邊爐一流俾多個tips大家，餐廳做緊六折promotion，180蚊可以買到300蚊coupon，訂檯果時講明用此優惠就得…查看更多

今晚和中學舊同學銅鑼灣食飯，在Openrice 見到這間尚鮮海鮮火鍋料理購買現金劵六折優惠，$180 可買 $300 現金劵，非常吸引，就鐵定訂兩張順道訂檯。我們約了八點，侍應安排了我們坐卡位，座位非常闊，每張卡位都有獨立電視，侍應都非常細心地介紹今日新鮮貨，帶我們出去看看有什麼海鮮，最後我們點了一條深海池魚，侍應還向我們說如果下次再來有什麼海鮮想吃，可提早預訂，服務應真一流。海鮮推介醬汁配料是有冷藏雪櫃，保持新鮮，不像一般火鍋店放室溫一整日鮮牛肝菌昆布湯湯底真係無得頂，有很多不同品種菇菌，每款菇菌都非常新鮮，湯底鮮甜，飲了幾碗，侍應們都忙著不停加湯池魚刺身 鮮甜無比，我們要條細的，$208青檸梳打 味道清新，非常合適打邊爐清清口氣本地手切肥牛 超大碟，重牛味，肉質鮮嫩百花釀油條 這個侍應推介我們，果然無錯，可即食，可浸到湯幾秒再食羽衣甘藍 這個菜第一次食，沒有什麼特別總評：全部都很新鮮、服務一流，會推介朋友…查看更多

又到暑假，突然想食火鍋，聽說尚鮮火鍋料理食材和環境不錯，所以就在Openrice 訂枱於晚上一家三口前來。店內裝修雅緻 ，我們三人被安排坐在四人卡位上，坐得十分舒適。枱與枱之間有很多空間，所以也不覺得嘈雜。因為小女生不吃海鮮，所以我們三人選了精選二人套餐，再額外多加三款食物。 牛肝菌昆布湯牛肝菌營養價值十分高，能抗菌抗癌，增強 免疫力 。湯底裏的牛肝菌多汁味鮮，加上昆布，清甜又健康。 手切牛肉手切牛肉的雪花分佈平均，顏色鮮紅，絕對是貴價貨。牛肉肉質淰滑，入口即溶，吃到停不了口。 廣島蠔及脆肉鯇魚片廣島蠔十分肥美，鮮甜多汁，沒有腥味，而脆肉鯇魚片則非常爽口。 台式黑椒腸及日式蟹柳喜歡台式香腸的必定會喜愛這黑椒香腸， 加了黑椒的香腸更加惹味。 手打牛肉丸和豬肉丸手打牛肉丸和豬肉丸除了爽口彈牙外，也十分新鮮，吃後教人念念不忘。 菠菜香菇水餃及木耳鮮蝦雲吞自家製的水餃和雲吞大大粒的，份量十足。木耳鮮蝦雲吞內裏有很多蝦肉，十分鮮甜。 菠菜香菇水餃十分清香，又是另一種風味。 上海年糕原來上海年糕用作打邊爐也不錯，煙煙靭靭，也讓人飽肚。 百花釀油條油條裡釀了蝦膠，送上來時是香噴噴熱辣辣的，可以立刻食用。蝦膠爽口彈牙， 油條炸得十分香脆。墨魚滑釀冬菇墨魚滑上有高級的魚子，外觀十分精緻。墨魚滑十分爽口彈牙，再加上多汁的冬菇，多層口感。 羽衣甘藍這裏居然有傳說中嘅神級蔬菜，聽說羽衣甘藍具抗癌排毒功效 ，當然必定要試一試啦。 羽衣甘藍有種像椰子的香味，纖維很多 ，吸收了湯的精華後，更加好味。尚鮮的食材除了新鮮美味外，不得不讚的是員工十分殷勤款待食客，親切有禮，還經常為我們處理火鍋湯上的泡泡 ，我們仨在此過了溫馨的一夜。…查看更多

銅鑼灣耀華街百樂中心近年成為了美食熱點，不少食肆也進駐其中， 近日去了一間大廈入面的火鍋店，主打自家熬製靚湯鍋底，讓客人打邊爐之餘還可享用足料靚湯，上網搜尋一下，原來這店大有來頭，餐廳曾是得獎熱店，難怪食物用料有著一定的水準。電梯門甫打開，已感到非一般傳統火鍋店的裝潢，裝修設計以木系為主調，座位分成鋪上軟墊的布幔箱座，和一些四人或大圓枱，周邊佈置如掛簾和燈籠都充滿著點點日式風格，感覺典雅舒服。細看餐牌，這店的精選鍋底多逹十多款，除了限售的蟲草花花膠燉雞湯和鮮人參黑白蒜螺片燉烏雞湯外，還有藥膳花雕醉雞鍋、椰子清雞窩、鮮牛肝菌昆布湯和招牌龍皇海鮮鍋，款款精心配搭，選擇頗多；而火鍋配料亦不是交行貨，除了生猛海鮮外，還有各種特別配搭的手打丸子和餃子，更有一些盞鬼小食提供，讓人期待。就如店主大廚的心思，食火鍋重點當然是湯底行先，朋友選了椰子清 雞鍋，湯底端上來已傳出陣陣的椰子清香，用料十足，店員將鮮雞件 放入湯裡煮了一會後，便著大家先試一下椰子清雞湯，湯汁入口清甜滋潤，椰香滿滿，湯色清澈，入邊還有雪白椰子肉，就像是在飲椰青 水一般；而雞件肉質嫩滑，皮薄膏少，雞味濃郁，帶著淡淡椰香，口感不俗。食火鍋又怎少得了牛肉呢？！我們點了這個牛尚盛拼盤，裡面有齊七款不同的牛肉，當中包括頂級牛頸脊、手切安格斯牛，特尚手切牛，手切牛邊位，本地鮮牛舌和雪花牛柳粒等，一次過試齊不同質素的牛肉和部位。手切牛肉切得厚薄適中，雪花油脂分佈平均，入口牛味濃 郁；牛舌薄切，粉嫩新鮮，口感爽彈；手切牛邊位較有嚼勁，肉味香 濃；雪花牛柳粒牛味出眾，入口軟腍，肉汁豐富。整個拼盤質素不俗 ，各有各特色，讓我們兩個牛肉控吃個不亦樂乎。木耳鮮蝦雲吞拼西洋菜香菇餃，看似是普通的雲吞與水餃，但其實吃得出是廚師心機足料之作，薄薄的外皮，內餡塞滿豬肉、木耳絲和 大隻隻爽彈鮮蝦，漲卜卜賣相吸引，一啖咬下去滑溜爽口，肉香Juicy。西洋菜香菇餃相對較清淡，餃內材料有西洋菜、香菇和馬蹄，入口充滿菜香，鮮味清新。兩者各有千秋，而個人覺得雲吞口感較 為突出，絕對值得一試。黃沙豬潤拼豬粉腸，一碟平凡的豬潤和豬粉腸，只看顏色光澤已感受到鮮度爆燈，放入湯中輕灼一下，連平時不吃豬潤的筆者，也忍不住連吃兩塊，只因經師傅精製過後，豬潤入口爽脆甘香，全無內臟羶味，跟一般吃到的大大不同。而豬粉腸口感煙韌粉軟，味道甘香中帶粉，不算突出，但質素仍可。田園盛，明顯是蔬菜拼盤的名字，吃了這麼多肉類， 當然要點些蔬菜來平衡一下，拼盤內菜蔬品種尚算豐富， 當中包括有鮮冬菇、蘿蔔片、油麥菜、粟米和雞髀菇，浸上椰子雞湯後，吸收了湯底的清甜，令菜蔬更加甜美。日本葛絲，煙煙韌韌有嚼勁，吸滿了湯汁，晶瑩滑溜。最後大家意猶未盡，還點來一客百花釀油條試一下。這小食有點似順德的手工菜，以蝦膠釀入油炸鬼中再炸香，油條酥脆配上蝦膠彈牙，當為小吃現成熱辣辣即食已很美味，如放入鍋中略為浸軟，吸收了湯 中精華，酥脆濕軟爽彈的口感又是另一層次的滋味，是一道不錯佐酒 小食。此店除了環境舒適，食材了得之外，店員的殷勤招待也是值得一讚的。店員會不時用隨枱那個隔網工具，將湯面的油份和白泡隔走，令湯底保持清澈不油，店長更會徵詢客人意見，力求改進，實屬難得。食火鍋同時可享用足 料靚湯，對於平時醉心工作缺乏滋補湯水的港人來說，無疑是一大佳音，店主的意念實在不錯，扺讚！P.S. 因酒水佔了差不多二百元，食品其實大約只是＄８XX，收費算是合理。…查看更多

唔夠兩個星期就到聖誕節，每逢呢個時候都會相约幾位好友出黎食下飯，聚下舊。所以早兩日我地就去左銅鑼灣嘅“尚鮮”，一邊嘆下火鍋，一邊寒喧一番。海鮮尚盛……有生蠔，象拔蚌，扇貝，蟶子等，每款都相當新鮮，完全可以滿足鍾意食海鲜嘅朋友。燒芝心獅子狗卷……食落去非常軟腍，一咬落去D芝士流晒出黎，好邪惡呀蟹皇餃……饀料有蟹肉和羔，食落啖啖口感，蟹肉鲜甜，加上羔嘅質感尚鮮除了火鍋料高質同新鮮外，服務亦相當到位，值得推介…查看更多

近期天氣涼左好多，唔知係唔係秋天的來臨呢🤔，親天氣咁好又有秋意感覺，帶個女朋友出去行街同埋打下邊爐，早排熱到死，連街都唔想出。夜晚行下銅鑼灣見到尚鮮火鍋店，於是排隊拎飛入去試，食完先知都係開左唔係好耐，發覺又幾好味，食物好新鮮。我地叫左咩海鮮招牌鍋、仲有以下呢d睇相啦😉一黎到比個龍蝦吸引到，一黎到即刻夾上黎食，好鮮好好味，當然仲有其他海鮮，包有蝦、貝殼類等真係好味，如果有埋蟹，可能仲正見佢特別叫黎試食，好香脆，釀果野幾彈牙，唔差。…查看更多

毒丁一個諗唔到食咩好，於是約個朋友在銅鑼灣食個dinner，出到黎諗左好耐，之後決定打邊爐，咁岩天氣涼左，有d秋意感覺，上網搵下有咩火鍋店，就搵到尚鮮。見到好似開左唔係好耐，試下睇下有冇伏。最怕食到中伏野。我地叫左好多不過冇影到仲叫左蠔啦、雞腸。蠔食落唔腥，幾肥美。雞腸好正爽脆，滾十幾秒食得…查看更多

香港人打邊爐無分季節，即時天氣酷熱都會開住冷氣打邊爐。講開打邊爐一定要黎呢間尚鮮，因為我太鍾意佢地龍皇海鮮招牌湯底，我都算係比佢地湯底吸引入去幫襯，湯底入面有龍蝦、蝦、扇貝、蜆、聖旨等....，湯底一上臺滾起就即刻試下味道如何，個湯底好濃海鮮味，好甜，好正。下次一定要再黎…查看更多