白鬚旗艦店

此店已Bookmark咗好耐, 驚見就快畢業, 立即跑來試下, 好在沒有失望 食物 : 白鬚牛骨湯飯 $118 ~ 大推, 雖然睇落唔吸引，除咗牛骨還有幾塊牛腩，D 肉唔鞋都好淋，湯底清甜有牛味, 好味 白鬚印尼牛丸粉 $74 ~ 牛丸扎實彈牙, 湯底幾香, 味道正正常常, 賣相唔錯 飲品 : 凍檸茶 $27 ~ 貴, 味道正常 環境 : 店內裝修有特式, 今次坐地下果層, 下次可以上二樓坐, 感覺應該會更正 服務 : 職員有禮貌 價錢 : HK$241 (有加一服務費)…查看更多

回頭度🍪7.5/10｜人均消費💰~$70-120-香港都比較少見印尼菜餐廳所以就吸引咗我入去食😍文藝嘅裝修 比人舒適嘅感覺不過餐廳做到八月就唔做了🥹大家入開西貢 就記得支持吓啦-🤍白鬚牛骨湯飯 $88（學生長者優惠）牛骨湯飲落有淡淡牛味🐮都有蘿蔔嘅清甜味 撈飯一流🍚牛骨都好大舊 要用手揸住食點辣醬食就更加惹味🌶️味道🌕🌕🌕🌕🌑-🤍烤豬頸肉湯粉 $63（學生長者優惠）個湯底類似咖喱+椰汁🥥但覺得咖喱味可以再重啲同埋豬頸肉浸完湯有啲淋不過米粉幾掛湯🍜味道🌕🌕🌕🌗🌑-✨泰式魚餅（+$12）✨紫菜雞卷（+$12）魚餅香茅味幾重🐟雞卷炸得好脆 配紫菜好食😚味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌗🌑…查看更多

去西貢都有好多人推介嘅白鬚，所以難得黎到都要黎試一試。入到去環境闊落，帶有度假嘅感覺。白鬚牛骨湯飯 $108招牌菜，多數人推介。大大舊牛骨，連埋唔少牛肉、軟骨同筋膜。肉質偏瘦但唔會嚡口，湯底清甜唔太油膩，飲得到有蘿蔔香甜味。蘿蔔爽甜冇渣，牛骨湯上面灑上大量炸蒜粒同蔥粒，令整體更加惹味。如果牛骨湯加入其他牛肉，令到牛肉湯味較為濃，會更加出色。印尼雞湯飯 $78食落似味道較輕的印尼喇沙味，有濃濃嘅椰奶味，食落有香茅同檸檬葉嘅味道，可以自行加入青檸。入面配埋有雞肉絲、芽菜、豆卜，湯面上面有一塊印尼蝦餅。印尼曼特寧滴漏咖啡 跟餐半價咖啡味道濃香醇，不帶有酸味。另外配有煉奶可按個人喜好加入。…查看更多

之前嚟過一次, 但因為出名嘅牛骨湯飯已賣完, 所以選擇擇日再來. 今次是平日下午約5點, 所以餐廳無咩人, 更重要的, 是今天有牛骨湯飯 餐廳佈置格局很Cozy, 而這個時間客人較少, 所以坐得很舒服, 餐廳員工服務亦很Nice. 白鬚牛骨湯飯 - 牛骨湯不是很濃味, 是那種慢慢滲出牛的清甜味的湯, 喝得出是完全不加味精, 是慢慢熬出來的牛清湯. 牛肉&牛骨的份量頗多, 而且牛肉肉質很腍.  豬頸肉湯飯 - 豬頸肉很腍很好味, 咖哩湯很惹味配飯一流.另外加點了兩款小食, 這兩款小食對我來說是比較出色炸素春卷 - 春卷炸得很香口, 包在裡面的蔬菜亦保持爽脆菜.紫菜雞卷 - 雞肉醃得惹味, 正!蜂蜜薑茶 / 蜂蜜柚子茶 - 兩南杯飲品味道正常.…查看更多

去西貢玩可能好多人都會諗起食海鮮，但兩個人去嘅話食海鮮又太難點菜，所以都會搵下啲cafe/其他餐廳，經朋友介紹下搵到「白鬚旗艦店」，係一間食印尼嘢嘅餐廳～ 鋪頭有兩層加少少戶外位，上層好有cafe feel！仲有坐大咕臣嘅平台位，感覺可以坐一個下晝😌（最後當然無，因為難得入西貢就周圍走走～）•🥢 白鬚牛骨湯飯 $90呢個牛骨湯飯會有啲似肉骨茶，不過無咁重藥材味，湯底會清啲淡啲，但配飯都幾好食😋 而且面都仲有啲炸蒜同蔥，牛骨同牛肉食落都會淡味啲啲，但配咗一個特製嘅豉油，味道有啲啲辣～牛肉片同牛骨份量好多，有6-7片厚切牛肉同3舊牛骨，牛骨都有啲肉痴住，而啲肉唔嚡，腍得嚟又有啲咬口😛 另外仲有一嚿清甜嘅白蘿蔔👍🏻•🥢 烤豬頸肉湯粉 $72就咁睇唔太靚，因為成碗嘢都係黃色🙈 但食落係好重香料味，最突出嘅係香茅，食落有啲似咖喱同喇沙嘅混合😂 好濃郁，同牛骨湯飯好大對比～ 豬頸肉好多，而麵底睇落似米粉，但食落比較腍，兩樣都會沾滿濃濃嘅湯～…查看更多

🥣白鬚牛骨湯飯Beef Bone Soup with Rice📝每日限量供應以前食過唔錯所以朋友話想試我當然舉手贊成上枱依然係大大碗牛骨同牛肉清甜嘅湯頭唔會好油牛肉牛骨都入味牛肉好稔易入口伴有新鮮蔥粒同好多炸紅蔥片唔蘸配送嘅醬料都夠味嫲嫲係印尼華僑炸紅蔥片係我同嫲嫲嘅回憶之一所以呢碗牛骨湯飯令我感覺特別親切亦係令人飯連湯清光光嘅招牌菜Limited daily supplyIn fact tried this some while agoSo no objection withMy friend’s proposal of ordering thisIt’s still a large bowl filled with beef and bones as beforeThe clear and tasty beef consommé was not oily at allThe beef and bones were well flavouredLots of chopped spring onionAnd fried red onion with the tender beefDidn’t need to have the beef with additional dipping sauceMy grandma was Indonesian ChineseFried red onion is one of my memories of herTherefore this dish definitely made me feel warmAnd of course we ate everything up approvingly💰HKD95🍜印尼雞湯粉Soto Ayam with Noodles📝用上薑黃同椰汁嘅雞湯底好香但唔油膩仲有好多雞絲先飲一啖湯試味幾清香撈匀所有材料雞絲、芽菜、米粉夾埋一齊食口感一流不過呢個時候雞湯就顯得有啲清淡加返少少本身配搭嘅辣椒油一切嚟得啱啱好Soto ayam, infused with tumeric and coconut milkDelicious but not greasyA lot of shredded chickenHad a sip of soup without anything elseFragrantThen mixed everythingChicken, sprouts, rice vermicelli all in one goLayers of different texture in this biteBut the soup appeared too light at this momentSo added a little of the hot sauce served with itHere you go, perfect💰HKD65🗓2022-02…查看更多

同朋友請假入西貢，去之前做足功課揀左去呢間印尼餐廳食晚飯，訂位時外籍職員問我有無seat preference，上網睇先知上層係迷你電影院嘅設計，可以坐bean bags睇住片食飯，但下層樓底好高都坐得舒服。招牌牛骨湯飯好早賣完，有興趣訂位時可以預留。食物味道唔錯，但較一般印尼餐廳清淡。訂位方面有啲混亂，聽電話嘅外籍店員知我三位照幫我留枱，到訪當日本地店員打黎話四人或以上先可以訂枱，要我地walk in，有啲掃興。不過岀post後店家聯絡我跟進返，話已同員工講返訂位安排👍🏼。(w/ 10% service charge)🍽白鬚牛骨湯飯 Beef Bone Soup with Rice ($90)呢度嘅名物，湯底頗清，蘿蔔無渣(畀多兩舊就好)，三片牛腩片肉質夠淋，牛骨就無咩肉，配自家製辣醬。🍽白鬚印尼牛丸粉 Bakso Indonesian Beef Ball Noodles ($68)自家製牛丸比較淋身但都有啲咬口，個湯好飲又唔油，辣辣地幾惹味，三款主食中最鍾意呢個。🍽烤豬頸肉湯飯 Grilled Pork Jowl with Rice ($78)味道似椰香咖哩，比平時食嘅稀同清淡，撈飯食唔會太膩，但我鍾意濃味同杰身少少，薄切豬頸肉邊脆肉嫩好香口。🍽紫菜雞卷、泰式魚餅、炸素春卷 Seaweed Chicken Rolls, Thai Fish Cakes, Fried Spring Rolls （跟餐各款$9)平日叫主食可以加錢配是日小食，飲品半價，三款小食配返三款醬汁幾講究，紫菜雞卷最好食，雞肉炸過都唔鞋，配蛋黃醬，泰式魚餅幾彈牙，配參峇椰油辣椒醬，較多油，炸春卷就正常發揮，配酸甜醬。餐牌：…查看更多

秋高氣爽又係時候去行山  🧑‍🌾5:30落山黎到西貢市中心肚餓就要搵野食OpenRice見到呢間特色印尼菜 😊仲係良心小店添~ 黎到店門外覺得好有峇里feel 好chill~ 時間尚早所以唔駛等位就入座 🤩⚪️  印尼雞湯飯 $68 ⚪️ 先試一啖湯~ 好香椰汁味咖喱味比較淡口，撈飯剛剛好 😜除左雞肉之外，仲有好多椰菜同芽菜 口感更加豐富但唔知點解無左蝦片同蛋 😭（差唔多食完先發現）⚫️ 白鬚牛骨湯飯 $90 ⚫️湯底係幾出色~ 濃濃牛肉味，好清好甜 🤭牛骨好大舊，不過無咩肉仲有幾舊牛腩幾腍 🤤送飯都係好食既大家如果喺西貢想試下其他菜式又想感受下峇里渡假感可以黎白鬚試下呀✨…查看更多

白鬚牛骨湯飯飲左頭啖湯先，飲落係淡淡既牛脂香，唔會好濃，鐘意食清d既朋友岩曬。牛腩炆得好淋，牛骨雖然無咩肉食，但係啲骨膠源都煮得好淋，證明個湯係落足心機去煲。印尼雞湯粉尼個就濃味好多啦，都係飲啖湯先，入口係好濃既雞湯同椰香，以為個湯會愈食愈膩，但係完全無。每一啖都好多雞肉，肉質嫩滑，除左麵仲有椰菜絲，食落口感好多層次！粟米墨魚餅配椰油參岩辣醬墨魚餅粟米略小，不過不失。但係個醬係幾特別，好香椰子味，同埋唔算好辣。Beer - Hazy Ipa 叫左杯 🍺，未飲之前就已經聞到好香既菠蘿味，幾易入口。…查看更多

🦀西貢唔只得海鮮、泰國菜同牛🐂推介指數 ❤️❤️❤️❤️❣️西貢人氣印尼菜主題餐廳，去年向同區開咗1個月pop up store，今朝終於正式開鋪！店名以印尼峇里街頭小食-Bakso肉丸為名，皆因店主係滑浪發燒友，經常到峇里遊玩，每次返港後都十分懷念衝浪後向海灘街檔食Bakso 嘅時光！店內裝修亦以滑浪作主題，簡約風格，令人有悠閒嘅感覺！🌀白鬚牛骨湯飯 HKD90牛腩肉質鬆軟，牛骨湯啖啖牛脂香，味道略淡。🌀白鬚印尼牛丸粉 HKD68肉丸質感鬆軟，咬落有肉汁，黑椒味都頗重！🌀印尼曼特寧滴漏咖啡 +HKD20 (Main Course 有半價優惠)咖啡順滑，奉上練奶自行調較甜度。🌀白鬚。加朵 (Bakso style Affogato) HKD45 熱咖啡倒入雲喱拿雪糕，很治癒嘅感覺！咖啡順滑，雪糕甜度適中，互相配合。🌀炸素春卷 +HKD9 (Main Course 優惠)鬆脆不油膩，味道平穩。🌀泰式魚餅配搭參岩椰油辣椒醬 +HKD9 (Main Course 優惠)魚餅香草味較濃，配以椰油辣醬更提升鮮味。總結：-食物 ❤️❤️❤️❤️🤍環境 ❤️❤️❤️❤️❤️服務 ❤️❤️❤️❤️❤️.··餐廳：白鬚旗艦店 (西貢)地址：西貢灣景街9號地舖…查看更多

西貢長期人氣爆旺既印尼菜黃店！聽聞主打菜白鬚牛骨湯飯（$90)長期六點後缺貨，想食記得早d去排隊🦵我對上一次夜晚去係摸門釘既，所以今次好醒目咁係晏晝去左食依道王牌菜☺️tbh我覺得個飯無我幻想得咁驚艷，反而湯底係偏淡身，但牛骨大大舊是真der，食食下我要出動埋隻手揸住舊骨來嗗，真係好有滿足感☺️牛骨炆得好淋，但都係嗰句，偏淡身，偏重口味者或者會有少少失望🎅.至於烤豬頸肉炒菜配白飯（$90)反而比我想像中好食！首先，d豬頸肉有咬口得來烤得好香，油脂感亦是滿滿的，配合小店既特製酸辣醬都幾開胃！所以佢點得過！最後雖然依度無圖（因為上次takeaway 影得太樣衰🤡），但佢既牛丸粉（$68)其實都係recommendable ，湯濃丸彈牛味具層次，like ！.但老老豆豆咁講，佢d野食，真係未上到A嗰個level，但單單係💛同野食夠特別依點，已經夠佢係西貢企穩龍頭位置！🐲…查看更多

這家印尼菜小店令人喜出望外。先是外表，簡直與一般打卡IG咖啡店無異，純白與木系的裝潢。另外，店裏也加裝了一些木質吊扇，更添東南亞風情。店內分上下層，看見牆壁黑板上有未來活動時間表，似乎會舉辦一些電影分享會等活動。。牛骨湯飯套餐。配青檸梳打、香料魚餅。平日午市有套餐，最有名的就是牛骨湯飯，看見門口有個預備好的牌子，寫著牛骨湯售罄，可見其受歡迎程度。牛骨湯配飯，另外有一小碟豆瓣醬，午市套餐加了一杯青檸梳打，亦以優惠價錢加點了一份香煎香料魚餅，$7就有3大塊魚餅，香茅與微辛的彈牙魚餅沾一點魚露已經很美味。牛骨湯裏有幾大塊牛骨，從圖片一看已經能看出他經熬煮後非常鬆化，接近甩骨的程度。上枱的時候牛骨湯熱騰騰，牛的油脂香四溢。先呷一口湯，清香不油膩，再咬一口肉，雖鬆化卻不會太軟爛。裏面有幾塊白蘿蔔，吸收了所有牛肉的鮮味，鮮甜無渣，是精華所在。。印尼牛丸湯粉。另外也點了印尼牛丸湯粉，與平日吃的泰式或越南粉有點相似，味道卻較為溫和，不太吃得出湯底的食材，比起剛剛吃的牛骨湯飯自然略輸一籌。麵底用上金邊粉，帶嚼勁，份量足，而這碗粉的配料才是精華，非常豐富。自製牛丸與坊間粉多於牛的牛丸明顯有異，質感扎實得多。另有兩顆炸雲吞，有人説餡料為牛肉但我倆不太吃得出，還有豆卜、芽菜？炸雲吞皮等，口感豐富。。蝦多士。蝦多士不屬於午市餐牌，索價$48，有五小塊，略嫌貴，但聽說製作頗花心機。蝦膠手打，蝦的香氣撲鼻，底下的多士炸的鬆化香脆，再撒上芝麻增添風味，沾上少許沙律醬就是簡樸的美味。印尼菜在香港少見，願意表明立場更是少之又少，只衝著牛骨湯飯而來已很值得。…查看更多

經過一晚既露營後，回到西貢，想吃點東西補充體力同享受美食，朋友推薦來到呢間印尼野。由於我們拎著太多行裝，所以只能適合坐門口位置，不方便上樓上雅座，聽說樓上坐舒適，裝修得不錯我們點了好幾份餐，有白鬚牛骨湯飯，豬頸肉湯粉，印尼牛丸粉等，同一d小食拼盤，炸雞翼咁，相當豐富。呢度出名吃牛，牛骨湯牛味超濃，牛丸又好好食吃牛一定要點佢個辣醬，好配食物味道 - 8/10食物賣相 - 7/10餐廳環境 - 8.5/10店員服務 - 6/10性價比 -7/10…查看更多

呢間鋪頭細細間但有兩層，樓底好高，而家冬天仲會開哂d門窗，空間感都幾大！————————❦ 白鬚牛骨湯飯 $88睇落好似唔係好大碗，但都裝到幾舊超大既牛骨，仲舊舊都好多肉架！湯方面有d似肉骨茶，送飯一流🤤加埋佢碟辣椒醬仲好味！評分：🌕🌕🌕🌖🌑-❦ 印尼雞湯粉 $60有d似喇沙，椰味重，米粉索哂湯汁😍😍評分：🌕🌕🌕🌖🌑-❦ 泰式魚餅配參峇椰油辣椒醬 (跟餐) +$7平日食飯+$7就可以加一款小食，真係抵到爛😍😍呢個魚餅真係好香好好食，必加！但呢個辣椒醬完全唔辣😂😂評分：🌕🌕🌕🌕🌗…查看更多

💛💛💛白鬚💛💛💛一行四人去西貢玩，回程時搵下有咩食，搵到依間餐廳，即刻打電話去book枱，好好彩有最後既四人枱。建議大家預早打電話去，因為小店得4-5張枱左右。食物款式唔多，串燒類要預早一日訂。小食款就有啲無，利申當日6點15分左右食。希望佢係生意好賣晒所以無🤤！我地嗌左四個主食加兩杯飲品。烤豬頸肉湯粉 $70豬頸肉好食，湯好好飲。佢唔係喇沙/咖哩，食得出係香料整既😍，好香椰香味。不過份量較細，男仔食會唔飽😂，女仔食應該係食個一下飽，但之後好快就餓。依啲係咪叫貴精不貴多😂。白鬚牛骨湯飯 $88牛骨好似係清湯肉，點解會話係清湯肉而唔係清湯腩，係因為佢無乜油香好清。牛肉肉質係冧，湯有陣香料味。一份肉配一碗飯，女仔食份量岩岩好，男仔食會唔夠🤧🤧。烤豬頸肉炒菜配飯 $85豬頸肉唔會燒到好乾身，食落仲有肉汁，唔錯。如果下次黎食都會再叫依個。豬頸肉上連埋炸蒜片好食！炒菜唔油，菜唔會煮到過淋！份量係四份入面最多🥳，亦係咁多份入面最好食既一份。成盤清晒！飽肚😍😍！印尼雞湯粉 $60個雞湯同豬頸肉個湯係一樣，香料湯唔係味精湯，食完唔會口渴！雞肉無咩味有啲淡口🤧。同平時出街食啲野好濃味唔同，岩啲中意食淡味既人。點辣椒油好啲😂，不過個辣椒油唔算突出，為左有啲味而點既姐。飲品有少少出左事😂😂😂蜂蜜紅棗杞子茶 $32 - 得好少紅棗杞子😂檸檬七喜 $24 - 好似唔夠一罐😂一間舖得4-5張枱，但有成6-7個店員，全部都勁好，好有禮貌。環境好舒服，間餐廳係earth tone。樓上好似仲有電影播映會，Chill之選。建議：如果食物種類多啲，同埋份量大少少會開心啲😂埋單$395（包加一）…查看更多