沙嗲王 (黃金廣場)

今次真係好開心呀，因為真係好耐冇食過沙嗲王，成日都好掛住佢個白咖喱豬扒同埋沙嗲牛肉粉絲，但係放工實在太夜啦，好難有機會食到一見到個餐牌小時候嘅回憶即刻返晒嚟，樣樣都好想點嚟食，不過我哋得兩個人，我哋點咗一個1/王者小食拼盤（麻麻哋，下次可以唔使叫），正正常常普普通通，所以下次會點其他嘢食2/一個叉燒豬頸肉（麻麻哋，下次可以唔使叫），我食咗一舊咋，我個friend頂硬上隊晒3/酥皮龍蝦湯（我朋友唔鍾意，我好鍾意），4/白咖喱豬扒飯（必點）5/麻辣醬燒粟米（出奇地好正）6/蒜蓉牛油油雞雞翼（好味喎，係越南嗰種feel）7/兩杯芒果椰汁冰（勁好味，但係有啲飽）我哋八點到步，已經好多人，坐咗張四人枱，都已經預計一陣有機會會搭枱，坐低咗都未叫晒嘢食已經有人搭咗枱了，嗰間舖頭勁多人好好氣氛最後我放棄咗想食好耐嘅沙嗲牛肉粉絲，因為兩個人真係食唔到咁多，下次一定要點返先…查看更多

間唔中星期六放工嚟沙爹王食白咖哩豬扒飯。今日13:03落單，5分鐘後雞翼上菜，等多15分鐘個飯都未到，問了店員，再三催四請，我隔離枱遲過我入座已經食飽走人，見到一車8個飯出車，但無一個係我嘅，因為我要碎上，但最後25分鐘後我個飯先上枱無無碎上，仲要唔熱，等了25分鐘！勁嬲三番四次漏我單，睇嚟同呢間店八字唔夾。已經唔係第一次喺沙爹王經歷呢種事，上次等30分鐘，又係要三催四請，搞到屋企人差啲遲到返工。…查看更多

基本上整個Menu都加咗價，本來諗住去食下午茶，2:30去到門口，入邊都差唔多坐滿人，果然好生意，一心諗住食個下午茶，不過禮拜六日就冇咁嘅優惠，只有lunch Menu去到5:00pm, 認真mode, 真係今次先至第一次食到佢嘅王牌白咖喱豬扒飯，果然名不虛傳，堅係好食, 唔知係咪太好生意，我哋坐喺度差唔多一個鐘先至有嘢食另外，點咗芫荽菠蘿特飲，基本上係梳打水加菠蘿汁，你會見到一片片嘅芫荽，但係完全冇芫荽味，有點可惜…查看更多

曾經都開過好多間，曾經都幫襯過唔少當飯堂，最近突然想食番，可能閒日關係，晚上唔會好多人食，份量雖然比以前相對少左，但味道上仍然保持以前的好味。今次點選左二人套餐，性價比方面相對抵食，兩個前菜、兩個主菜、一個小食、兩份甜品、兩杯飲品。冬陰功海鮮湯：美味唔錯，最驚喜既佢海鮮配料都好充足，有蝦、青口、魷魚、蜆。辣度算輕微。白咖喱豬扒飯：最經典最令人懷念的味道，好彩美味仍然保持水準。雖然份量少左少少，但仍然充滿驚喜，配合印度薄餅絕對一流。牛油雞翼：絕對唔差得過譚仔，雞翼仍然大隻，味道香口。…查看更多

前幾日去銅鑼灣，行行下有啲肚餓就去食個午餐，入到去都算多人，不過唔洗等位直接就可以入座。叫左個沙嗲王必食嘅白咖喱香茅豬扒飯、豬軟骨拉麵同蟹粉豆腐鍋配白飯，見佢做緊優惠，小食有特價，就叫多個越南薄皮春卷同XO醬炒蘿蔔糕試下。豬軟骨拉麵份量都算多，有兩大舊肉，食落幾軟易入口，整體係普普通通。白咖喱香茅豬扒飯有兩塊半豬扒，炸得幾香脆，再加埋香濃嘅咖喱汁撈鬆軟白飯真係一流，唔覺唔覺就食曬成碗飯。除左白咖喱之外，蟹粉豆腐鍋都唔錯！有蟹肉碎係面，啲汁就有埋鹹蛋黃嘅香味，加埋豆腐熱辣辣咁撈飯食好香！不過可能因為係鹹蛋黃，食到最後會有啲膩食唔落。XO醬蘿蔔糕好香口，雖然話係小食，但係份量都幾多，食到尾會越食越辣越南春捲有6舊，外皮炸得幾酥脆，入面嘅餡料都好香，建議點埋附送嘅酸汁，可以解膩加加埋埋大約$280，由於啲主菜同小食嘅份量唔少，所以我地最後都係打包左啲返屋企食🤣，絕對係飽肚之選…查看更多

學生時代的gathering首選，因為可以坐得耐而且食物也十分大眾化，無論是選擇多樣性外，食物的價錢也十分相宜。每次來這裡都會必試招牌的白咖喱豬扒飯，基本上是沙嗲王必食之一。白咖喱汁十分香，有濃稠感，帶少少微辣，有槨香及花生味，令人十分香胃。而豬扒充滿香茅味，煎得惹味，肉質亦處理得十分之好，輕咬一口，可以感受到肉汁慢慢滲出來，沒有肥膩感，油份不多，雖然是煎，但不會太肥膩，食到滿口油。白咖喱配上白飯，簡直一流。…查看更多

同女朋友去到銅鑼灣嘅沙嗲王食晚飯，平日都好full，好彩唔使等位。叫咗白咖哩豬扒飯、奶油津白，仲有加倍嘅避風塘軟殼蟹。白咖喱豬扒飯係沙嗲王必食嘅食品之一，基本上次次黎都會食。個白咖喱汁十分之香，而豬扒充滿香茅味，肉質亦處理得十分之好。奶油津白味道濃郁，但女朋友唔係好鍾意食，因為佢嫌太油。軟殼蟹香脆可口，食落去好juicy，加倍都唔夠我哋食。記得第二次幫女朋友慶祝生日就係喺旺角嘅沙嗲王。對我地來講，呢間都係幾有回憶嘅餐廳。…查看更多

中學的時候常常吃沙爹王，所以每次去沙爹王，總有時光倒流的感覺，那沙爹王咖哩的味道，就只屬於這裡。中午到，不用等位✌🏻沙爹王價錢頗親民，經常贈送優惠券，所以幾個人一起吃，運用優惠券都可以便宜十幾元至二十元。朋友點，沒什麼特別當然不是專業拉麵，但味道還不錯，似泰國喇沙。我吃這個咖哩飯，我發現每間餐廳的咖哩飯都有自己的特色，沙爹王的咖哩的味道很濃稠，偏向沙爹的口感，不辣，與泰國和日本的咖哩有很大分別，但他的白咖喱配上白飯，簡直一流…查看更多