前日(12-2-2022 Sat)同老公喺紅磡大酒店送別男友人WHY,我哋早走,去搵男友人RK,上佢屋企前,嚟上年12月,我哋想嚟嘅呢間買漢堡上佢屋食啦.我哋去到攞張menu,一邊影俾RK揀,一邊自己揀,而睇到原來石門有分店https://www.openrice.com/zh/hongkong/r-%E9%B3%A9%E7%A0%8C-%E6%B2%99%E7%94%B0-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r741850,正,有時我可以喺嗰喥買返公司食喇.最後,RK揀咗$41.00嘅芝士漢堡,各$4.00嘅蛋同紫洋蔥,要茄汁.由於我仍飽,就同老公share食,由佢自己揀,佢揀咗$42.00嘅生酮漢堡(走包),各$8.00嘅炒雞髀菇同焦糖化洋蔥.$3.00嘅番茄要燒烤醬,$5.00嘅罐裝飲品,要松露沙士加鹽.再加今期嘅試新嘢~花心豬古力,呢個跟包就$18.00.等咗好耐,終於有齊喇,俾我哋嘅時間,店員提我哋生酮漢堡有支竹籤拮住,係固定啲食物, 花心豬古力啱啱整起好熱,小心食用.去到RK屋企就開餐喇.由於老公先食生酮漢堡,咁我食花心豬古力先啦,喺買嘅時候,店員話呢個係甜品,呢個個包好脆,有別於普通烘咗嘅漢堡,朱古力漿又唔太甜,成個組合係幾好食.然後我同老公就逐啲食生酮漢堡,燒烤醬可以話係成個漢堡嘅靈魂,好好味,而佢本身有嘅豬肉漢堡有成2塊,而且沾滿黑椒但又唔辣.老公大讚好味.至於RK嘅,我哋冇問怇好唔好食.其他:由於即叫即整,佢哋喺menu喥都寫明下次嚟之前send message俾佢哋先,就唔洗等.…查看更多
