簡.聚 (已搬遷) 新店位置

經元朗人同事大力推介呢間元朗高質西餐 簡.聚，所以近近地約埋好耐無見嘅朋友一齊去試下🤟🏼️▫生蠔 $68/pc，🦪分別叫咗法國🇫🇷嘅聖馬田同西班牙🇪🇸銀寶壘。銀堡壘口感比較肥厚爽口，聖馬田就比較薄身同清甜一啲，兩者嘅海水味都好夠，但好明顯銀堡壘係重味同濃厚，聖馬田就fresh and light嘅感覺🤌🏼▫️煙三文魚蟹肉他他 $78擺盤超靚🤩，三文魚蟹肉同蔬菜好夾❗️口感豐富，醬料鹹淡啱啱好👏🏼▫️香煎鵝肝多士 $88放上枱嗰下已經聞到好香😋 咬埋落去，兩個字：完美！嗰種肥而不膩到底係點做到🤣 軟熟又唔會好綿同勁重騷味，油香充滿成個口，諗返起都流口水🤤鵝肝控一定要試❗️❗️▫️香煎挪威鮮三文魚柳配黑松露忌廉 $178又係熱辣辣，上枱香氣逼人嘅一道菜，大大塊三文魚，配菜有薯仔同翠肉瓜，魚肉煎得啱啱好連埋塊皮食🤌🏼正❗️黑松露忌廉清清地唔會太濃味搶走三文魚嘅鮮味，一絕👏🏼▫️烤加拿大豬鞍配蜜糖芥末籽汁 $218厚身得黎，煎得啱啱好，肉質香軟熟而不韌不柴，夠juicy~個甜中帶微酸嘅芥末汁簡直係畫龍點睛🤌🏼very nice 😝▫ 檸檬蛋白批️🍋 $68酸度偏高，唔會特別甜（讚👏🏼，飯後食特別消滯🤟🏼▫️🍋檸檬薑

聽朋友講呢間西餐有水準，所以我地揀左來慶祝周年紀念☺️餐廳有多款 Set dinner 選擇，老闆仲推介左法國聖馬田及西班牙銀堡壘兩款生蠔。我地兩款生蠔都有點來品嚐，兩款蠔都好新鮮👍🏻銀堡壘比聖馬田肥美，但聖馬田嘅海水味相當濃郁，而且 After taste 持續好耐，食完我都唔捨得飲水😆我地點左烤紐西蘭肉眼扒 (5 成熟) 及烤加拿大豬鞍兩個晚餐，肉眼扒火候煎得啱啱好，鮮嫰而且肉汁豐富👍🏻仲好大塊😆豬鞍質地好厚實但唔韌，食得好滋味☺️值得一讚嘅係配菜嘅調味都係誠意之作，同主菜好夾。而呢份 Opera Cake 係用 Openrice 慶祝生日/週年紀念優惠免費換領嘅 (包括免費寫字)，祝福語寫得好靚🥰Opera Cake 嘅朱古力味好濃但又唔過甜，唔錯。值得一提嘅係老闆同店員嘅服務都好令人讚賞，既有禮又細心👍🏻餐廳有室外座位，Pet-friendly，等我下次帶埋朋友同佢地嘅狗狗再來食野先☺️

元朗多好嘢食人人都知,但要坐得舒服又夠chill就唔算多~今日嚟到呢間有戶外位置嘅Granjero,裝修企理有情調,而戶外位置就有少少花園嘅裝修風格~夏天夜晚有風再加埋風扇都唔會熱~食物方面,主打精緻嘅西餐,而且仲有新鮮生蠔!🦪既然有蠔食,當然唔少得有酒飲啦!🍷店主推介黑騎士生蠔,蠔身非常爽口,而且有比較重海水味🌊海水味過後,就開始滲出蠔肉嘅鮮甜香味~呢個日本岩手蠔非常新鮮,我處理佢嘅時候,佢嘅邊邊仲縮埋一舊!雖然覺得好殘忍咁…😭😭但證明隻蠔真係非常新鮮!呢個蠔口感比較creamy,但就無咁甜,喜歡不同口感嘅朋友可以試下~晚餐都會附送前菜,我哋揀咗個清爽嘅西班牙火腿沙律配意式黑醋~西班牙火腿鹹香十足,再加埋清爽嘅沙律菜~個人喜歡佢個黑醋,甜得嚟香味好濃~主菜來了!盲鰽一向都係好嫩滑,廚師仲要用烤焗嘅方法,令魚皮略略脆口~加埋剛好熟嘅魚肉,少少調味已經好好食了~其實我個人唔喜歡咖啡,因為佢苦🙈但呢個Cappuccino mousse cake只食到咖啡嘅香味,唔會有苦澀味,而且餅底好脆~所以連埋上面比較甜又滑嘅mousse部份,有不同層次~其實掙扎咗好耐要水果茶定熱情果特飲😂個熱情果特飲