今日食便當 @Freshlane (已結業)

-身邊好多朋友都係 「無飯家庭」 🍚一餐豐富得來又有營養又高質嘅外賣便當又點少得🍱知道上環 「Freshlane」 係充滿專門做外賣嘅食肆我去試咗 「今日食便當」 想同大家分享吓原來便當都可以咁高質🥰/▫️邪惡海膽醬燒和牛$208▫️炙燒澳洲直送嫩滑M5和牛片🇦🇺再配合自家製特式海膽醬和牛份量好多，仲唔係薄切✖️肉質夠晒軟腍，加上豐富肉汁同海膽醬嘅味道好夾，仲更加帶出牛味🐮/▫️生薑豚肉燒 $108▫️唔食牛嘅朋友都有好多其他選擇(豬、雞、鰻魚、素食等等)我就揀咗呢款啱晒冬天食🍱薑同洋蔥份量夠多豬腩肉肥瘦均勻，夠juicy💦加上配菜嘅鮮甜配搭更能為豬肉提鮮🐷/所有便當套餐跟餐配日本珍珠米飯+沙律+前菜+甜品+飲品一打開個便當都豐富到我 「嘩」 咗出聲😂/外賣唔一定食來食去都係粉麵/頹飯架你都去揀返款驚喜高質便當啦今日食咩好？今日食便當❤️/@letsbento.hk/今日食便當地址：上環德輔道西103號樂基商業中心1-2樓Freshlane(港鐵西營盤站A2出口，步行約2分鐘)營業時間：星期二至日10:30-21:00

今次又試吓新開嘅外賣店😋 主打日式便當菜式仲有和牛食好似好吸引呀🥩 每個便當同包沙律小菜甜品同嘢飲🧃 感覺好豐富CP值好高💰 附近住或者返工都值得一試🧡估唔到外賣都咁高質⭐️ 邪惡海膽醬燒和牛 🐮和牛同海膽醬份量超豐富完全值回票價🤤 和牛好淋有入口即溶嘅效果👍🏻 加上海膽醬滿滿鮮味💛 前菜有自家製嘅梅漬蕃茄🍅 酸酸甜甜梅漬味好突出好開胃🍓⭐️ 生薑豚肉燒 🥓豚肉唔會太肥而且煮得好入味😚 生薑味嘅濃同洋蔥嘅甜味好和諧🧅 配菜有鮮牛油南瓜粟米🌽 好有秋天既感覺🍁PS甜品仲有自家製啫喱🍮同埋日本嚟嘅果汁🧃飯後甜一甜十分不錯

呢日同朋友喺屋企一齊在家工作，午餐就喺外賣平台搵食。佢有會員優惠，所以可以嗌啲正嘢食😜。我喺App見過「今日食便當」好多次，餐牌吸引，但感覺偏貴。外賣好準時到達，便當完好無缺送上🍱，賣相一流，而且仲係暖笠笠的。便當超大份，包括主菜、日本珍珠米飯、沙律、前菜、甜品同飲品，我認為啲餸直頭仲多過飯。檸檬沙翁芝士年糕($48)，呢個係額外加配嘅小食，超鍾意食沙翁嘅我即刻心心眼😍。佢係將甜品同小食二合為一，沙翁空氣感十足，質感鬆軟，外層蘸滿砂糖，並帶有檸檬香🍋。咬開後入面就係Q彈嘅芝士年糕，芝士微微鹹，夾埋食好得意。主食一：生薑豚肉燒($108)，🐷豚肉燒勁正，主要係因為醬汁好好味，生薑汁清爽惹味，再加埋煮到淋晒嘅洋蔥🧅，撈飯食一流。豬腩片切得夠薄身，所以煮起上嚟特別入味，就連平日唔食豬皮同肥膏嘅我，都全部食晒。主食二：楓糖醬油照燒雞扒($98)，🐔雞扒大大塊，切件上，方便食用。雞肉肉質實淨，但一啲都唔嚡，如果雞皮係脆就不得了。調味用上楓糖醬油🍯，甜味無想像中咁強，反而醬油味濃烈，而墊底嘅燈籠椒則發揮中和作用。前菜一：鮮牛油南瓜粟米，🌽每粒粟米均沾滿牛油，味道香甜，而且仲搭配咗南瓜粒🎃，甜上加甜