正宗上海生煎皇

本身充滿期待咁黎試咩正宗生煎包，點知有d失望。個生煎包底偏厚，上皮太薄但唔鬆軟(系死死實實)，肉味都系唔够鮮(但應無咩味精)，湯就唔够祥興記爆汁。另外叫左d基本野黎試，一試就知高低: 酸辣湯好咸，你唔攪個底都易入口d，撈均左更咸，究竟點解咁怪嘅，而且d料唔靚，求求其其咁，咩都無；蟹粉小籠包皮够薄，但肉味俾d蟹鮮/腥味蓋過左；但豆漿好飮。整體上不過不失，但如果用呢個價錢，點解唔食祥興記呢，都系附近之嘛…查看更多

一行五人去到深水埗搵食，好多間都排曬隊，在外面看到呢間剛有位，就呢間喇。我們叫了生煎包(皮脆多汁，ok),醉雞(酒夠香，但入不到味去雞翼度)，小籠包(多汁，但皮不算薄)，冷麵(麻醬夠香，都質及味道都ok),上海粗炒(試了一小口，很油，但上海嘢就是如此，濃味多油，冇偈，冇得怪。)小朋友食得好開心，同行的家人也讚。而我個人感覺，除了生煎包較做得唔錯之外，其他都只是不過不失，沒想像中的出色。埋單二百幾，唔貴，以價錢，服務及食物水準嚟做平衡點，比個OK都好合適。…查看更多

去食生煎包。去咗生煎王點咗生煎包、小籠包、菜飯同埋豆漿。個鮮豆漿好飲。生煎包個賣相好正。一淡咬落去就有一淡濃湯入口。個小籠包同樣好食。個小籠包同樣有濃湯。食落口再加醋好正。本人住過上海，真係好重上海味。個菜飯好開胃。個菜飯好多菜。埋單$70。…查看更多

話咁快就6點多，肚仔餓找間食店醫下肚，身處深水步不愁無野食，路經一間叫正宗生煎王，即刻走入去試下先。店面光猛整潔客人可邊享用美食邊欣賞制作包點過程店內環境整潔，裝修簡潔，坐位舒適，馬上找個位坐下，先點幾個必食之選"生煎包、小籠湯包、酸辣湯"食物很快上枱，熱辣辣嘅生煎包皮薄多汁，外脆內軟，餡肉適中而不膩，飽底香脆可口，食時流出頗多肉汁，簡直絕配。酸辣湯配料很足，口感一流，味道剛好，不過稍為酸了一點及不救辣，整體可以。小籠湯包望落去個賣相唔錯，果然不出所料，皮薄而不易穿，湯包內熱辣辣嘅肉汁很多，味道稍為偏淡，餡肉大小剛好，肉質鮮甜，食得出用料相當新鮮，食左4隻也想再encall多籠在深水步區可以找到那麼正宗嘅小籠湯包店，價錢相宜，食物質素可比美"鼎泰豐"而無不及，下次會再來試其他美食…查看更多

拿拿拿,身為深水埗既街坊,當正宗上海生煎皇搬到黎深水埗仲開心過特首唱歌。食左幾次,水準仍然好得,價錢一樣街坊價。係時候決定比個食評讚下你啦!抄手水準依舊,大大隻入水啖啖肉。蒜香味四溢,值得encore再encore!烤麩乃係本人最愛上海前菜no.1,但略嫌唔夠入味。招牌名物,包底脆卜卜,一咬個包,入入面湯汁熱辣辣。真係無得輸呀!!!價錢相宜,每人幾十蚊就可以食飽飽,家陣有心做既小店買少見少呀!請加油…查看更多

一心想食生煎包咁去食2:45人岩岩開始散有套餐食…兩個人食每人一個餐：官保雞丁+雞絲粉皮炸醬面+小籠包四個再加四個生煎包 生煎包一黎！事不宜遲一定要即食！！！脆底！正肉汁！好好肉！雞絲粉皮酸味味幾開胃！小籠包都好味！係正常上海小籠包味😂😂😂炸醬就差少少…可能因為食哂生煎包同小籠包先…所有d面痴左埋一注…唯有起勢咁撈炸醬同青瓜都係正常味無咩特別兩個人食咁多飽到呢！總結：生煎包可一食再食…其他就當配角…查看更多