木槿花韓牛專門店 (已結業)

唔記得咗幾耐冇喺香港食過韓燒，仲話韓牛？珊瑚海上個星期無啦啦話真係好想食韓燒，仲指明要食韓牛。好，要食嘅話唔該揀間好嘅，最後揀咗呢間。呢度嘅韓牛係來自濟洲嘅短毛韓牛，個名實在太可愛喇！6點幾嚟到，未滿座，正，最怕坐滿人，個個都燒臭到不得了。我哋嗌咗個$688嘅二人餐，價錢合理牛骨清湯奶白色嘅湯用韓牛骨熬製，勁鮮甜濃香；入面仲有韓牛片及麵添，不過啲麵就腍咗啲生拌韓牛阿Oppa先俾我哋影張相，之後加入啤梨條及生雞蛋，撈埋肉質細膩又少筋嘅後腰肉，我平時唔鍾意食生牛肉，但呢個真係又滑又好味！韓牛燒烤有偏肥嘅半白肉、鬆軟香濃嘅肉眼及坂府肉，仲有Oppa嚟幫我哋燒，完全唔需要擔心會燒燶！我自己就最鍾意肉眼後腿底板肉我哋散叫咗呢個好難讀嘅部位。油花均勻肉質嫩滑，入口即溶而且牛味超級濃郁，拍得住喺韓國街市食嗰啲韓牛呀！雙色韓式炸雞係炸雞翼及炸雞鎚，中間仲有啲雜菜，感覺好似健康啲！但可惜個炸雞翼冇乜味，相反炸雞鎚徘徊在似辣又酸之間，好掛住韓國啲炸雞呀！！！！燜牛肋骨一路用火煮緊嘅一大煲牛肋骨就食過唔少，但用細火及咁精緻嘅細煲去食就真係第一次！肉味香濃有嚼勁，癡住少少筋，口感好好。咁啱我有個白飯，撈汁食啱晒啦泡菜炒飯橙色嘅炒飯真係好吸引，不過我就覺得太辣喇珍珠白飯配韓牛牛腩片牛腩片有啲鞋，但總算肉味濃郁甜品係韓國傳統甜品甜米露，肉桂味好濃，不過偏甜環境好好，非常企理，而且食完都唔覺有油煙味。掛住韓國及韓牛嘅話，嚟呢度一解相思之愁都好！…查看更多

早排同honey食完韓牛出咗篇文，契妹睇到又話想食，兩隻為食貓就相約於佢返美前，一試中環都幾近佢修甲嗰度o既「木槿花韓牛專門店」。合共兩層高o既韓牛店所有餐桌上都有個伸縮形o既抽油煙機。牆上以燈光照出大大隻牛牛，簡單到題。兩契兄妹其實早於訂座時已立心要食個「二人韓牛套餐」（$688），自選項目仲揀好咗要牛骨清湯、生拌韓牛、珍珠白米配韓牛牛腩片。點好套餐後，先由妹妹送上清爽醒神o既泡菜、鹹魚仔、芽菜。特選沙律：沙律新鮮爽脆，伴上甜甜o既芝麻醬亦倍感開胃。牛骨清湯（雪濃湯）：奶白色o既牛骨清湯濃郁帶甜。清湯內o既麵條軟腍幼滑，堅好味！生拌韓牛：生韓牛由哥哥仔即場混入雪梨條及生蛋黃攪拌而成，手勢溫柔得黎好純熟。生韓牛顏色鮮美，柔潤滑溜中帶點爽口，惹味甜美，正爆！燜牛肋骨：可能見我地食得都幾慢吓，姐姐仔專登以小火暖住個燜牛肋骨，確保菜式食用時仍能保持熱力。牛肋骨肉味香濃有嚼勁，連汁送飯就最好食。珍珠白米配韓牛牛腩片：白飯熱辣辣、香噴噴。個人只係略嫌牛腩薄片偏咗少少乾嚡。不過捲埋伴碟o既醃蘿蔔黎食，效果香辣不少之餘又多咗份爽脆:)。輪到壓軸燒韓牛出場前，溫婉o既妹妹仔先送上調味醬及靚靚生菜。三款韓牛燒烤：三色韓牛以拼盤呈上，色澤紅潤；左起分別為牛肋骨肉、雪花肥牛及肉眼。拉下抽油煙管後，妹妹仔即代為燒煮韓牛，專業又熟手。薄薄o既牛肋骨肉香軟輕巧；韓牛肉眼鬆軟多汁；而三款韓燒靚牛以雪花肥牛油脂最豐厚，以生菜連飯包黎食亦最為香潤。「木槿花韓牛專門店」裝潢簡樸，雖然新店好多地方仍在適應期間，但要一讚o既係其服務貼身優良，主打o既「二人韓牛套餐」豐富味佳仲一啲都唔貴，不過每道餸菜如果可以續一呈上，相信更能令食客慢慢欣賞到菜餚最好o既一面。…查看更多

終於等到香港有一間正宗韓牛餐廳出現， 對於韓牛迷的我實在興奮。今晚可以一償所願， 果然沒有令人失望！餐廳地方寬敞樓高兩層，裝修雅緻新穎， 牆上還有一隻大大的牛牛logo, 很是別緻。雖然是韓燒餐廳，但沒有太濃烈的燒烤味， 令人舒服！點了一客$688的Complete Hanwoo Set二人套餐, 食物豐富: Octopus Soup章魚湯 ~ 用料豐富, 章魚肉質通透，爽彈鮮美，湯清味甜。特選沙律 ~ 清新蔬菜配特式黑芝麻醬，令人 食慾大增。生拌韓牛 ~ 餐廳主打之一, 顏色鮮豔奪目, 搶眼非常。生韓牛香稔軟嫩，撈以嫩滑蛋槳及爽口韓國梨, 質感輕盈軟綿，口感豐富, 真的令人難一試難忘！三款韓牛BBQ ~ 由師傅親自燒烤，火喉控制得宜。三款韓牛各有特色，個人較喜愛牛味濃郁而油脂較少的"後腰肉", 經燒烤後外層略帶焦香，甫咬開可見肉汁豐盈，保持嫩滑口感！另一食法以爽脆鮮菜包裹著韓牛，再加上蒜片，青椒絲及韓式豆瓣醬，每一口都充滿脆嫩滋味！另外，值得一讚的是餐廳還為食客提供即棄圍裙， 非常窩心的服務！泡菜炒飯 ~ 韓國菜當然少不了有泡菜，以炒飯辣香惹味， 份量適中, 簡簡單單已包含了地方特色配料。燜牛肋骨 ~ 賣相似燜牛腩，軟腍又不失煙韌; 份量若能多些更好。甜品 ~ 甜甜的甜米粥既可解油清膩，亦為味蕾帶來清新感覺。以這樣的價錢嘆正宗韓牛算是抵食的了，甚至連鄰座的韓國遊客也讚不絕口呢！…查看更多

同男朋友慶祝兩週年紀念，話知我鐘意BBQ，但又唔想我係室外熱親，佢好Sweet咁幫我搵左間韓燒餐廳～問佢去邊，佢話間韓燒餐廳係中環，心諗：大獲，一定好貴...一入到去，餐廳環境唔錯，有兩層，一坐底就叫人介紹下有咩好食，原來我男朋友早係３日前已經打左去訂左個「燜牛膝」，話全香港得佢地有得食，蘿蔔＆紅棗熬成嘅甜醬汁好Yummy，一咬入去好林～個口好痴～～feel到有勁多骨膠原～～仲有食左個燜牛肋骨，我爆鐘意～～好濃味～跟住就食左個生拌韓牛，我麻麻地食生牛肉同生雞蛋，但男朋友話都唔錯～個粉絲同出面食果ｄ好唔同，甜甜地咁～～仲有呢個黑芝麻沙拉～～我本身都唔食芝麻，但呢個真係好Fresh!!來到就梗係要食BBQ，個半白肉同大理石我到而家仲回味緊，半白肉好爽口，大理石又多油花，入口好有油香味呢～～～不過今次得２個人，食得唔夠多，我諗下次可以叫多幾個朋友一齊食，試多Ｄ唔同部位～～甜品就試左個有肉桂味嘅糖水... 但本人就勁唔鐘意肉桂陣味... 所以成杯比哂男朋友執手尾.. 連相都唔影lu~~~~…查看更多

經常在韓劇裡都聽到主角有甚麼大事要慶祝想吃餐好的都會吃韓牛，雖然知道韓牛不比日牛便宜，但之前難得去韓國旅行本想大破慳背囊試試韓牛的美味，可惜因為腳傷言語不通找不到醫生，都不敢再亂吃東西，變成一個遺憾。最近知道中環新開了一間韓牛專門店，見價格都算合理，便立即訂枱跟星仔試試。＊＊＊＊＊＊＊＊＊＊＊＊＊＊韓牛專門店以韓國的國花木槿花作店名，而非常見的「高麗」或「漢」，特別得來又能突出餐廳是韓國菜館，都幾有心思。食店前身其實是一間法國餐館，所以店內格局不像一般韓烤店，樓底特別高，厚身的梳化座寬敞又舒服。餐具是韓國餐館常見鐵製的，但碟子卻如西餐般用上陶瓷，上面還用上金漆劃了花，多了一份貴氣。作為一間韓牛專門店，餐廳的烤肉選擇都幾多，特別是牛肉，不同部位的牛肉共二十餘款選擇，當中有些出面都不常見的，但有部份牛肉是要預訂才有貨的。除了散點外，也有多款不同套餐，今次我們就點了一客二人套餐($668)試試，套餐包括餐湯、沙律、前菜、三式烤肉、飯、甜品和餐茶。剛點完菜，例牌先來三式前菜，前菜都可以無限添加，左至加分別是芽菜、江魚仔和辣蘿蔔，雖然辣蘿蔔味道不差，但有點可惜是沒有泡菜，所以三式前菜入面我最喜歡都是甜甜的江魚仔。沙律沙律菜上澆上鐵灰色的芝麻醬，味道甜甜的帶點芝麻香。柚子茶餐飲除了咖啡茶還可選柚子茶，夜晚怕飲咖啡難以入睡，我們就選了柚子茶，由於天氣太熱，所以點了凍的，典著侍者先上柚子茶。柚子茶都幾甜，即使冰塊溶掉都嚐到柚子清甜味，杯底亦有頗多柚子肉。章魚湯章魚湯內除了兩大隻章魚，還有蔬菜和蘿蔔。章魚湯都幾清甜，嚐得出沒有加味精。生拌韓牛生拌韓牛是全晚亮點，碟子上韓牛中間有一隻生雞蛋，兩邊再放上韓國水晶梨，還有青瓜伴碟。侍者先把生蛋拌勻韓牛，再把水晶梨切碎拌在一起。細看生拌韓牛，全部都切成一條條的，據侍者介紹，平時的生拌韓牛多是用機攪成肉碎，但這裡的韓牛則是由廚師人手切成一條條，令口感更佳，而且特別選擇近臀部的肉，更為嫩滑。生拌韓牛口感果然極之嫩滑，用入口即溶來形容絕不誇張，水晶梨亦功不可沒，因為在軟滑的生牛肉中間多了一種清甜的味道和爽脆的口感，令整道菜的味道推上極緻。三款韓牛燒烤套餐包括三款不同部位的韓牛，而款式都是由餐廳指定的，由左至右分別是牛肋骨、腹脊兩側肉和後腳底板肉。食韓式烤肉少不了生菜，餐廳亦另外提供一杯生菜讓食客可以裹著牛肉佐食。烤肉調味三寶由左至右分別是鹽、生蒜片和韓式辣醬。而最貼心一定是另外提供即棄紙圍裙，不怕烤肉時油脂弄污衣腳。韓藉Oppa侍應都會為我們烤肉，雖然有點不好意思，但為怕燒壞這些靚肉，都是由Oppa效勞了。雖然Oppa沒有問我們想吃幾多成熟的肉，但綜觀整晚的肉都燒得恰到好處，沒有過火的情況，而且Oppa亦勤於換燒烤板，整晚都換了四五塊燒烤板，感覺衛生。牛肋骨牛肋骨都算厚身，近看能清楚看到牛肉的紋理，入口帶嚼勁而又不會過於韌口，牛味都不錯。白菇雖然我不算得別喜愛菇類，但這白菇卻帶給我驚喜，因為蔬菜瓜果菇類烤烤後都很容易有過乾的情況，但明明不見Oppa在燒烤途中有為白菇補水，但白菇入口卻同樣juicy。後腳底板肉後腳底板肉近看明顯比牛肋肉肉質細緻，口感亦比較嫩滑。腹脊兩側肉腹脊兩側肉跟前兩者最大不同是這款肉已預先醃過，即使燒烤過後亦能見到肉身上的蒜蓉。腹脊兩側肉同樣軟嫩，不會個人覺得有點偏鹹。後腳底板肉($100)這後腳底板肉是另外加的，本身想試其他部份的肉，可惜想試的部位大部份都要預訂。這單點的後腳底板肉比較薄身和大塊，與套餐內略為厚身的大相徑庭，個人覺得還是套餐內的比較有口感和好吃。泡菜炒飯泡菜炒飯粒粒分別，飯粒有點彈口不會過黏，是我喜歡的口感，味道帶點微辣，味道不錯。但食完後見到碗底都有幾多油。柚子蜜糖甜米露甜品是柚子蜜糖甜米露，與其說是甜品，我覺得像飲品比較多，甜米露不會過甜，記得之前去韓國旅行到汗蒸幕時第一次飲過都覺得幾好飲。門口旁的小圓桌上有糖果盤，拿了兩粒糖試試，原來是人參糖和薄荷糖。總結，韓牛整體質素不錯，重點推介生拌韓牛，套餐份量足夠，服務亦超級體貼，以四百大元能在中環吃到如此質素的韓牛都算值回票價。…查看更多

話說我同為食bb都係韓粉, 一年都會去一次韓國，除左可以瘋狂shopping，韓食都好啱我地口胃。自從上年去過首爾馬場洞韓牛市場食1++韓牛之後，就一直對韓牛念念不忘，今次可以喺香港食到，我地都好高興，雖然價錢比喺韓國食貴，不過話哂咁大隻牛要飛過黎，要運費都可以理解。先講環境，唔算好有情調, 上層較好，但下層燈光火猛，有咩瑕疵都睇哂，不太適合首次約會。至於食物，有我最鍾意嘅生牛肉tartar，好鮮味，如果多d梨絲同加隻蛋會更好基本上都好有風味, 如果可以凍少少, 雪梨絲多少少，口感會更清爽！食完前菜到主角─燒肉叫左個招牌套餐, 本來包四款肉，不過經理話果日得三款靚, 所以變成三款, 份量當然要增加返啦！查實我都唔係咁記得d肉邊款打邊款, 雖然個經理有介紹只記得最林係呢隻除左套餐, 仲有單點, 呢度sell自己有d罕有部位, 就叫兩款試下雲白肉，睇落好肥，燒完白色部份好爽口，唔油冇記錯係肌里脊，好林其他雜食，最鍾意係炸雜菜, 南瓜好甜~ 水冷麵就唔夠酸囉，希望改善。四個人食， 計埋酒水(飲左韓國米酒同手工啤)，埋單3千, 都唔平，不過去得中環，預左，飛唔到去韓國，唯有黎呢度解下「鄉愁」啦！…查看更多