沙田凱悅酒店咖啡廳

🇭🇰沙田凱悅酒店咖啡廳·星期一至四 $680/ 小童港幣$340星期五至日 升級即席烹調週末自助晚餐 $740我哋超耐冇食自助餐啦🥳🥳今次就去咗大學站既Hyatt Regency食呢個自助餐 依家係KKday book仲會有折扣添😎·海鮮 l 7:00PM 火焰芝士焗龍蝦 l 6:30PM 焗牛油果鮮蝦海鮮方面佢選擇都幾多 係個蟹腳偏鹹少少🦀之後佢仲每半個鐘仲會有啲新鮮出爐嘅菜式 職員會敲鐘 咁大家就可以去攞🔔佢個芝士焗龍蝦都唔錯 熱辣辣🦞個牛油果鮮蝦都好得意🥑·熱食 l 燒味 l 7:30PM 炭烤斧頭牛扒熱食方面我自己就最鍾意佢嘅中式嘢食 佢個紅燒鮑魚大大盆任你攞超開心 之後個花膠都好大嚿😍仲有冬菇扣鵝掌都唔錯🍄佢呢度個魚我自己都好鍾意 佢係蒸到啱啱好 啖啖肉🐟不過呢個一出爐好快就冇晒 大家要睇實😈佢另外麵檔嘅嘢食都唔錯尤其佢個雲吞係真係皮薄餡靚 魚丸魚味都好出🤤🤤·沙律 l 冷盤 l 湯 l 甜品之後佢沙律同冷盤既選擇都幾多 不過我自己就覺得甜品比較有驚喜😜佢個即整香蕉煎餅熱辣辣好好味🍌🥞之後千層酥同葡撻個酥皮都好脆 好味🤤朱古力mousse都好濃 超有驚喜🍫·#rbyeat#rby自助餐#rby沙田·📍沙田澤祥街18號沙田凱悅酒店大堂…查看更多

出了花紅當然要帶阿爸阿媽食好西，朋友介紹這間咖啡廳質素不錯, 一於去試一試~原來沙田凱悅酒店是在大學站而不是沙田, 落車行2-3分鐘, 好近, 算方便, 只是平時不會在大學站下車, 所以從來不知道~正常buffet 價錢酒店環境不錯, 每枱都不會太近, 服務也ok一整晚原來會響4次聆聲~ 提大家拎特別限定美食在枱上看到最近在抽獎, 頭獎還可有2晚酒店住~ 首先要食的當然是最愛的長腳蟹啦~ 雖然海鮮種類不多, 勝在夠新鮮, 凍蝦也很彈牙再來要推薦下酒店限定的美食:第一是海鮮丼, 有海膽! 新鮮~ 人人排隊去拎~重點是細細碟就齊晒各種刺生, 食晒都唔會太飽!大約半小時後出另一款美食偷影廚師燒龍蝦後再排隊拎一次派晒兩款的~一定要襯熱食了龍蝦先~滿滿的芝士配上龍蝦西冷扒也不錯, 一定要加上枱上的海鹽帶出鮮肉味~整塊西冷也是粉紅色的再來是可以進補一下的鮑魚+花膠!!!阿媽要食多D花膠美顏@@大大塊花膠, 派完後還有剩, 可以自己出去再拎多幾塊~連冬菇都大大粒, 好似提早團年咁~HAHA最後是火焰雪山把點了火的酒淋上甜品上內層是紅莓味雪糕, 加上少少酒香~當然....食到尾段我的肚子已經力有不逮除了這4款美食, 還有很多不錯的食物辣肉腸Pizza夠薄, 不錯上面豆角仔蝦仁的蝦大大粒, 豆角仔又嫩左手的牛仔骨好食!!上面的辣蜆及左手邊的羊腩也不錯~還有羊架薑汁湯丸最後最後是我要留第2個胃的甜品充滿新年氣氛雪糕是haagen dazs, 我最愛是士多啤梨味, 有果肉~食飽阿爸阿媽表示滿意~ 完成任務…查看更多

先生早3星期經信用咭book了下午茶自助餐，由於一早已經係信用咭過數，才可以享有買一送一優惠。大約每人180蚊左右。其實呢間自助餐，好耐之前已經想試，無奈無優惠就覺得好貴，一路都唔捨得食。今次下午茶買一送一，算是唯一好機會來試下!下午茶自助餐，大致提供既野食都好平民化，例如：車仔麵食既豬皮豬紅蘿蔔，咖哩魚蛋，燒雞翅膀，炒飯粉麵，ribs, 忌廉粟米，壽司（不提供刺身），豆腐花，雪耳木瓜湯水，雲吞，酒樓點心和三文治等糕點。飲品只包一杯餐飲，但有咖啡機可以自己沖。最想推介：沙田蘋果派，香脆有果肉芒果布丁，濃郁芒果汁做底，正!…查看更多

依家做自助餐生意實在唔容易，各出奇謀，走街坊大眾化路線嘅，就一味靠平，但大家明白，一分錢就一分貨，質素有限；相反，走高質素路線嘅，食材自然有番咁上下，而且，為求增加吸引度，除咗應季節、節日以唔同嘅主題作招徠，晌食材嘅質素上更加不斷提升。最近，同朋友到訪沙田凱悅酒店嘅「咖啡廳」食自助晚餐，就更加呈獻特色表演主題菜，容後再介紹即喺咩！因為新界區都比較少入嚟搵食，而「咖啡廳」都喺第一次到訪，位置晌大堂後邊，好易搵，而且，地方頗闊落，樓底又夠高，所以，空間感極強，座位嘅編排亦無過於擠迫嘅問題:)。晌後方另一邊區域，更設有多張圓枱，非常適合人多嘅家族聚餐，或6-8人一大棚朋友聚會，方便傾偈。而整個場，有唔少組梳化椅，喺小弟嘅心水位，既舒服好坐，又比其他單張座椅寬敞。食物區全部集中於入場嘅左手邊，所以，唔使走嚟走去。而最吸引喺每個區域加插好多聖誕擺設，真喺估唔到只喺12月初就已經開始慶祝定聖誕節，所以，就當喺提早順便慶祝埋聖誕；但多咗依大堆裝飾，真喺感覺有氛好多，再者，每個裝飾都做得好靚，好有心思，相信花咗唔少餅廚嘅精力同時間。唔單止環境，枱上都已經擺咗少少聖誕裝飾。亦順便講埋呢度自助餐嘅收費，枱上嘅價錢牌，就有齊早午晚、下午茶各項收費，各款自助餐均提供暢飲優惠，每位$98就可以無限享用橙汁、汽水、指定啤酒、紅白餐酒。最感意外，黑牛只喺$33杯，以酒店而言，算喺平！但最欣賞喺自助晚餐嘅享用時間喺由6:00pm到10:00pm，足足4小時，可以慢慢嘆兼食得多啲。雖然有暢飲優惠，但相信會享用嘅人唔多，除非你喺好鍾意飲啤酒及餐酒，因為，除有一部自助咖啡機之外，仲提供兩款自助健康特飲：西柚青檸特飲及青瓜檸檬特飲，兩款飲落都好醒神，後者就更討我歡心，皆因加入青瓜及糖漿元素，味道更特別。此外，餐後奉送餐飲一杯，故此，大可慳番呢$98。沙律、冷盤、海鮮、和式廚房回顧番個食物區，大致可分為4個區域，而每個區域都以即煮廚房為概念，所以，每區都有廚師即時製作食物作補充，故此，食物嘅補充既快且足，讓人有更新鮮嘅感覺。沙律吧全放晌一角，有多款沙律菜、配料及醬汁，仲有幾枝靚嘅橄欖油、葡萄醋……概略一望，食材睇落新鮮，但款式大路。不過，另一邊既可作為前菜小食，又可作為沙律配嘅食物，如雅枝竹、烤意大利青瓜、油浸蕃茄……等等，就更引起我注意。另有兩款預製沙律，亦甚啱我嘅口味。而芝士拼盤亦相當誘人，4款所供應嘅芝士包括：丹麥藍芝士、英國車打芝士、法國布利芝士及瑞士艾文頓芝士。小弟一向都甚好芝士，不過，文初都講過餐廳特別呈獻特色表演主題菜，所以，真喺食唔到咁多嘢，芝士就無試到喇。平常會西湯、麵包、芝士夾起一齊食，但今晚除芝士外，呢個黃金組合都放棄晒，只喺影番相做個記錄，其實，作為麵包粉絲真喺好想食架，但真喺怕為咗樖樹，放棄咗片森林嘛！麵包旁邊就喺啲冷盤，分別有帕爾馬火腿、、意大利莎樂美腸及煙三魚，小弟就用佢哋嚟襯我碟沙律。呢度仲有啲魚生、壽司、壽司卷、漬物、冷麵及少少和式熱食，壽司、壽司卷同樣喺極易飽肚嘅食物，大多數食自助餐時均好少掂嘅食物，但啲魚生睇落好新鮮，所以，之後夾埋啲凍海鮮一齊試。最尾，就介紹呢區嘅亮點：凍海鮮，包括龍蝦、虎蝦、長蟹腳、青口及甜蝦肉，配以數款特色醬，喺可惜少少無生蠔供應。不過，溫馨提示一下，啲龍蝦初段喺不停源源供應，但直至後尾特色菜芝士焗龍蝦出場，就無再供應凍龍蝦喇，但都喺接近自助餐嘅尾聲時段。沙律、冷盤大放「餸」小弟慣於先由沙律落肚，開開胃，更可以加強胃部容納嘅小宇宙，更具持久力。所以，睇我第一碟全部都喺啲沙律、冷盤，組合非常豐富，唔逐一介紹，整體食材新鮮，味道多元化，越食越清爽開胃。海鮮、刺身大解放啲凍海鮮睇起嚟色澤亮麗，點可以錯過，將凍海鮮加刺身拼上，成為小弟嘅海鮮拼盤，喺咪睇見都好吸引呢！各款海鮮都好正，但特別一提，佢哋啲凍蝦特別大隻，又爽口，無論沾上瑪莉咯嗲汁還是蕃茄辣根汁都咁正，而屬刺身級嘅帶子，同樣大大隻，沾點醬油已經鮮味盡出，柔軟嘅口感食得叫人動心，值得翻兜。海膽刺身飯大概7:00pm，聽到微微敲鐘聲，出現第一道特色表演主題菜「海膽刺身飯」，份份細細碟好適合自助餐享用，可以講喺刺身多過飯呀，亳無疑問食味絕對鮮甜，不過，可能喺自助餐關係，應付人流需事先準備所有，如果拎住一板板海膽為客人作最後添加，甚至按客人喜好加其份量，相信「表演」成份更強，客人睇見成板海膽都興奮啲。西式廚房就晌沙律、冷盤廚房對面，所提供嘅食物都喺以西式為主，而廚房內有巨型焗爐、扒爐，睇住師傅晌後面密密做，不時有新鮮薄餅、熱盤出爐，以下就逐樣介紹一下。不過，平常見唔少自助餐提供多種印度咖喱菜式，但晌處就唔多覺其蹤影。為求鮮度，薄餅都喺小批次出爐，枱面上放有一煲二煲，有莧菜芝士雲吞、肉醬大通粉，另一邊廂就喺檸檬汁蒜蓉炒蜆、芝士焗龍脷柳，以及應節嘅烤火雞。而扒爐之上，見到有3款德國腸：香草豬肉腸、司華力腸、芝士腸，仲有羊架、烤菠蘿、鴨肉，最窩心喺你揀咗邊樣嘢食，會即時再放上扒爐燒熱，令肉香散發。食肉又點少得啲伴醬，多種選擇供你配搭。而去到枱尾則放有兩款西湯：意大利雜菜湯及蘑菇忌廉湯，以及數款西式素食，所以，都顧及小眾較喜歡食素嘅客人。但行勻都點解唔喺好見肉眼、西冷之類嘅烤扒嘅？龍蝦 x 肉眼話咁快到7:30pm，又聽到敲鐘聲，原來有下一道特色表演主題菜登場「芝士焗龍蝦配肉眼」，西式廚房內火光熊熊，因為不斷晌扒爐上灑酒燒香啲龍蝦，怪不得吸引咁多食客排隊等候。其實，當晚所見，供應十足，等人潮散後先去拎都無問題，不過人排我又排好似有種優先試菜感。老實講，一人食一客真喺吃不消，所以，出外靠朋友吖嘛，肉眼可以「些牙」食，焗龍蝦可以翻兜再拎，見佢哋供應不絕。而芝士焗龍蝦故然好食，肉質爽彈，味道香濃；至於啲肉眼都屬高質，燒得頗有炭火香，肉質軟腍卻喺肉味濃，最鍾意沾芥末食。中式廚房晌西式廚房旁，就喺中式廚房，過到嚟就「聽」到一朕朕鑊氣，不時睇到師傅晌度炒菜，爐頭發出嘅「蓬蓬聲」，齋聽都覺得好有鑊氣。一系列中式小炒、燒味、粉麵就可以晌度搵到。雖然，呢度無燉湯供應，但兩大窩中湯都頗有睇頭，分別喺蟲草花煲水鴨及雲吞雞湯，唔知你又喜歡邊一款。往左望望，中式菜餚包括：上湯魚肚浸芥菜膽、羅漢齋、咖喱牛腩、茄汁炒大蝦、霸王雞、瑤柱扒瓜脯、蒸海斑，感覺款式唔算多，但都叫精。再走過啲，就喺燒味檔同粉麵檔，前者有蜜汁叉燒、豉油雞、明爐燒鴨，而後者沒有多留意，所以，除見到唔同嘅粉麵之外，未知有咩配料提供，不過，就幾鍾意佢哋將啲食物一鍋鍋冚實，衛生好多。晌自助餐中，雖然小弟對呢兩類食物興趣唔大，但經過時見唔少老人家或外國客特別感興趣。蟲草花煲水鴨先喺試試佢其中一款中湯「煲水鴨」，湯頭幾清潤，而且，味道好鮮甜，喺夠火喉嘅味道。鮑魚扣花膠轉眼8:00pm，真喺之前拎落嘅食物都未食完，又有敲鐘聲，下一道特色表演主題菜又登場，今回喺到中式廚房嘅「鮑魚扣花膠」，師傅捧出一大煲鮑魚，密密上碗。鮑魚以蠔皇扣，雖然喺細隻咗啲，但煙韌咬口又好入味，而花膠炆得夠腍又夠膠，此外，仲伴有大花菇，添加咗脆米喺有畫龍點晴之效:)。專登要求師傅俾細碗啲，因為，仲有熱盤未食呀！烤肉、熱盤中集會因為仲要留肚食甜品，所以，一次過晌西式、中式廚房區砌出一碟熱盤，計有烤火雞、羊架、香草豬肉腸、莧菜芝士雲吞、咖喱牛腩及茄汁炒大蝦，最討歡心首選喺羊架，夠晒羶香，肉質軟腍，而豬肉腸、牛腩都好食，但次選會揀炒大蝦，酸香開胃，蝦肉爽口。甜品廚房尾站唔使多講就喺甜品專區，佢哋唔單止甜品多，絕可以用琳瑯滿目嚟形容，更因應聖誕關係，好多甜品更加設聖誕裝飾，雖然可能只喺小小一個雪人公仔，又或一片聖誕葉朱古力，但已提升吸晴度。見到幾位女生，更專登擺靚「甫士」跟啲聖誕甜品合照。先喺一角多款個裝蛋糕，集中以聖誕作主題，每一款都盡顯餅廚心思，裝飾得靚一靚，小雪人開心果杯子蛋糕、聖誕樹蛋糕、鹿車薑餅人、飄雪士多啤梨蛋糕、……越睇越心郁。另一邊廂放置嘅就喺多款小巧的骰嘅甜品，如布朗尼、雜莓餅、朱古力慕絲、桂花糕、芒果奶凍、法式燉蛋、原片果仁朱古力、吉士酥卷、招牌蜂蜜蛋糕，以及意大利芝士餅、啫喱糖……等等，同樣加插咗聖誕裝飾。雪糕專櫃一共提供9款口味，不少更喺平常少見，如柑橘柚子、草莓乳酪、紅樹莓，好奇之下問問，原來喺Häagen-Dazs品牌，配脆筒或小碗裝都得。煎班戟、窩夫都喺現場即點即製，其他嘅甜品，仲有迷你葡撻、麵包布甸，以及朱古力火鍋、紅豆沙、紅棗冰糖燉雪梨及焗朱古力布甸，前前後後，數一數超過30款啦，真喺每樣試一啖都不得了！順便就講講有咩新鮮生果供應，包括鮮菠蘿、西瓜、西柚及火龍果。火焰雪山不過，未食我嘅甜品拼盤，8:30pm又嚟有敲鐘，就喺最後一道特色表演主題菜「火焰雪山」壓軸登場，一個又一個嘅小雪山，淋上着晒火嘅冧酒及白蘭地，唯可惜現場「燈火通明」，未喺好有火焰嘅效果。不過，件火焰雪山真喺幾得，外層嘅蛋白打得挺柔滑，帶有微微酒香，而裡面包住嘅紅莓雪糕酸香軟滑。甜品拼盤今晚因為有啲額外嘅特色主題菜，所以，尾段真喺幾飽吓，故甜點都唔敢一次拎太多，只拎咗其中8款，有布朗尼、朱古力慕絲蛋糕、士多啤梨奶凍餅、迷你葡撻、蜂蜜蛋糕、吉士酥卷、芒果奶凍、雜莓餅。甜品做得細緻，好似布朗尼咁，做得朱古力味濃郁，質感綿密，加有香脆嘅合桃，而朱古力慕絲蛋糕入口幼滑，蜂蜜蛋糕蜂味果然清甜，芒果奶凍挺實而柔軟，極富奶香，故綜合而言，佢哋嘅甜點確喺有出色。Häagen-Dazs自選雪糕杯小弟要咗芒果、柑橘柚子及咖啡口味，都喺個人喜好，雪糕軟滑有富厚嘅奶味，而芒果口味更加有果肉，柑橘柚子口味嘅柑橘味非常突出。淋上朱古力漿，灑下大量香脆嘅杏仁片，為甜品環節作結！紅棗冰糖燉雪梨本來真喺打算食完碗雪糕就算，但友人話個紅棗冰糖燉雪梨好滋潤，所以，不得不加時作賽，添多一碗紅棗冰糖燉雪梨，果然滋潤到不得了，好清甜，尤其依家秋冬乾燥感強，食呢道糖水滋潤效果更明顯。晌甜品時段，已撳咗杯鮮奶咖啡一邊飲，一邊食，但既然包餐飲，就要多杯洋甘菊，貪其唔會太濃，又有抗氧化，平和情緒。熱茶以壺上，可以慢慢享用，跟朋友坐多陣，並多談一啲旅遊大計。因為用餐時間比較長，可以食得好輕鬆，而且，地方舒適，服務又做到足，侍應殷勤有禮，都無乜挑剔嘅地方。食物方面真喺唔使多講，有水準，供應足，主題菜式又幾有心思，超多甜品更喺令人喜出望外。臨離開時，侍應更話晌聖誕、新年期間，會有更多節日佳餚，而且，於平安夜及聖誕日，更有合唱團現場演奏聖誕樂曲，相信到時氣氛更濃厚。…查看更多

通常啲酒店唔响市中心（不在油尖旺　灣仔中環）我都期望佢既自助餐會平少少（例如响將軍澳、觀塘、荃灣果幾間），不過依間就應該係定位高啲，所以都唔算平。熱葷：羊架、燒味好好食，啲點心都唔馬虎。即製窩夫，加雪糕甜品超好食，特別係 waffle 同雪糕。難得地有芝麻糊影相唔多，下次再去食、再影~~~…查看更多

好耐冇食自助晚餐... 話嚟試吓呢間酒店的自助餐好耐, 講足成年, 終於都嚟到喇!今次係同一班同事嚟食, 係一餐farewell飯...我哋一行七個人, 原本訂枱係訂6:45pm, 但係最終7pm先到, 不過因為都唔係好滿, 所以都仲有留枱俾我哋我覺得整體上食物都唔錯:冷盤: 主要係食刺身, 海鮮同parma ham... 刺身同海鮮都好ok...即燒燒烤: 要咗串燒牛串同埋一隻燒汁蝦,同事們大多有吃羊架, 佢哋話好好味呀熱盤: 都幾多款, 試咗炒季豆, 西蘭花蝦球, 紅咖哩鴨肉, 泰式炒肉碎等... 仲有燒味同湯麵都冇試甜品: 食咗五款cake/pie, 最喜歡嗰個係香蕉朱古力批配caramel, 係好香,好好味... 仲有好味的雪糕... 都冇肚食waffle 喇飯後仲有杯茶...整體嚟講, 我覺得啲食物的確唔錯! 服務方面,甜品師傅同燒烤部廚師的風趣, 但待應們大多是比較年輕, 笑容滿面, 但略欠經驗... 星期一至四嚟會平一點, 用恒生白金咭仲有10% off...…查看更多