米線樂•麻辣豬骨濃湯 (已結業)

去開長沙灣探親戚，夜晚返屋企之前就想買個外賣返屋企食，今日凍凍地想食下啲熱湯，就諗起食米線，見到呢間豬骨濃湯米線專門店，好少見到有米線舖係用豬骨湯做主打。起碼我自己冇食過🤔我哋兩個一人叫咗一個麵，一個要酸辣豬骨湯麵，一個就試吓呢個涼皮。另外仲叫咗兩個小食同兩支飲品。酸辣湯麵感覺食得好舒服，因為完全唔覺得油膩，而且好濃郁豬骨味，好難得米線店嘅湯係唔油膩㗎，辣到適中啱啱好，叫咗金菇，金菇索晒啲湯汁好入味。另外涼皮係叫咗一個萵筍，同滷水雞翼，入邊嘅醬汁係撈左麻將花生醬，啲面唔會好凍，暖暖地，啲涼皮亦好入味，索晒啲醬汁好好食。但係稍為辣咗少少，老公就覺得OK！小食方面，點左我哋常食嘅手拍青瓜同埋蒜泥白肉。蒜泥白肉好足料，好多辣椒，蒜味好香，但係稍為覺得可以再多少少鹹味～應該好好味夠晒辣。飲品方面就點左店員推介佢哋餐廳自製嘅特飲，顏色好靚，倒出嚟仲有花添！

我鍾意喺長沙灣天悦嗰邊搵嘢食，貪嗰頭無咁迫😉。天悦行過少少有間新開嘅米線舖，我就當然唔會錯過。「米線樂•麻辣豬骨濃湯」由門面以至內舖設計都好潮，因為用上湖藍色同好多燈箱字牌作點綴。呢度主要食米線，湯底有辣有唔辣，同時亦有好多小食同涼拌菜提供。餐牌選擇花多眼亂，不過勝在價錢相宜，食多幾款都唔貴👍。麻辣豬骨濃湯米線($29)，麵食本身無包餸，配料有蔥、芽菜同腐皮。辣度有五層，由微辣到特辣。我哋咁廢😹但又想食，所以就要咗微辣。湯底個色唔算好辣，偏黃少少，食落覺得超正，因為麻味十足，辣而不嗆😋。呢種麻辣係我愛上食辣嘅始祖，因為辣椒香料係一早喺煲湯時熬煮，所以唔會喺碗麵度有辣椒碎同好紅色。餸我哋加咗麻辣鴨血($12)同滷水雞腎($9)，兩樣隻色勁似，味道就正正常常啦。招牌涼拌涼皮($29)，配料有蔥、芫荽、炸黃豆、青瓜絲同麻醬。🌶辣度同樣有得揀，而且仲可以走辣添。我哋諗住涼拌辣一度應該都OK，點知小辣係辣過微辣咁多🙈，嚇親寶寶。餸我哋加咗滷水雞翼($12)同墨魚頭($12)，🦑墨魚頭唔錯，口感幾彈牙。由於涼皮未有貨，所以我哋轉咗土豆粉(+$3)，唔講唔知「土豆粉」係唔同「薯粉」，🥔土豆粉個樣似烏

唉！本身諗住聖誕節啲舖頭做個最後衝刺，點知又返返去夜晚冇得出街食飯日子。見星期日唔使返工唯有盡量支持下啲舖頭仔啦。食飯時間行過門面見到搶眼嘅Tiffany Blue，再望真啲裏面大大隻字寫住香港人的米線，本人比較膚淺一見到香港人就行咗入去了。入到去啲侍應都好好招呼，問佢哋有咩好推介，介紹都詳細。佢最後基本上係叫咗佢大部份打星星嘅食物。叫咗一碗米線同一碗涼皮試，雖然係香港人的米線，米線中規中矩，麻辣味好香，但係涼皮就好有驚喜，可能係咁啱啲餸嘅配搭問題。米線叫左萵筍同鴨血，萵筍唔錯但係鴨血就麻麻哋有少少鹹同酸得滯。涼皮雖然散啲但係唔算係一條條反而係一塊塊咁樣好有咬口，同埋夠凍再加上青瓜絲同埋一啲趣卜卜嘅豆，個口感好豐富。而且個餸仲叫咗墨魚咀成件事令到個涼皮由煙銀，爽口，都彈牙都有好有層次感。個涼皮叫咗小辣，平時個人都算食得OK辣但係第一下入口都有啲搶口，所以各位對食辣冇乜信心嘅要小心一啲。小食就不過不失啦，蒜泥白肉有啲暖，自己鍾意食凍啲嘅。口水雞翼都貼心嘅斬開一半唔使食得咁狼狽加分。但係個嘢飲不得不提，佢有兩款特別嘅手沖茶，我冇叫佢蜜桃烏龍反而叫咗佢個玫瑰洛神花茶，樽仔上裏面有好多唔同種類