花花世界.

在鬧市找到一間好靚既cafe，就如店鋪名一樣，望到很多玫瑰><很浪漫的場地。由店員帶入店內座位，行在一條小石路，因為預約了Dessert Garden, 看著餐牌上飲品，選了升級成特飲：玫瑰鮮奶伯爵茶及玫瑰咖啡。玫瑰鮮奶伯爵茶：飄散著玫瑰花香，伴隨著鮮奶融入在茶中，每一口都感受到甜味·花味·茶味都很適中，讓人嚐了一口停不了。玫瑰咖啡：很特別，第1次試，玫瑰的氣味與咖啡混合下，有意想不到的感覺，值得試!Dessert Garden 使用田園籃放入甜點，一打開盒子，見到個漂亮的花園，有著小動物的裝飾，非常別緻捨不得吃掉這美感。第1款：煙三文魚沙律 - 煙三文魚捲成玫瑰花很有心思// 沙律使用了黑醋令沙律菜更好吃。第2款：八爪魚腸薯粒 - 超級可愛!! 香腸表面煎到有點脆面，最驚喜是薯仔粒弄成泡芙的模樣，讓我以為是甜點，咬落也是脆口，中間的薯蓉軟滑，這個確實很有焦點。第3款：迷你朱古力冬甩 - 小小的超可愛，麵包的鬆軟配合面上的朱古力，使用的朱古力很香濃，好食！第4款：迷你杯子蛋糕 - 蛋糕的香甜配合著上面的忌廉(抹茶味)，這個也不錯。第5款：馬卡龍 - 最喜歡它的甜味+.+最重要這裡有抹茶口味///////不得了第6款：鮮果乳酪杯 - 清淡的乳酪可以緩解一下吃了這麼多的甜食。第7款：玫瑰芝士蛋糕 - 這是整個甜點的重心！芝士會給人感覺很漏，但這裡絕對不會。每一口都感到甜味的展開，軟滑的口感，吃下去感受到芝士的香味散開，真的超級喜歡這個蛋糕。週末能在這麼美麗的地方，欣賞玫瑰的擺設，吃著精緻的甜點，場景是很浪漫的感覺，我相信夜晚約會會很不錯的感覺。下午也是與友人聊天的好地方。…查看更多

最近旺角樓上鋪都開左好多特式cafe而尼間就係係朗豪坊戲院附近既朗晴坊入面開既靚靚玫瑰🌹花cafe真係好岩同女仔或3、5知己聊天休閒好去處未入去門口已經好多花花草草本來即興來這裡吃的所以打去預約也沒有了鳥籠座位了，即傷心既時候去到店內有一張鳥寵位俾我地拎到真係好lucky 而今日係平日晏就無咩人靜靜地嘆個午餐真好內在每處都幾乎可以打卡爆發少女心除左鳥籠其他位其實也不錯哦午餐🥣好抵食有set lunch包野飲同湯今日既係南瓜🎃湯健康得黎好濃郁既南瓜我叫左個《青醬大蝦🍤意粉》$66賣相已經好正不過份量比較少青醬意粉夠入味，蝦夠爽好友點左《黑椒煙鴨胸意粉》$62也大讚好吃😋另外特式飲品先加$8加左個🌹玫瑰咖啡好香好好飲朋友加左個朱古力咖啡☕️兩杯都好靚好飲尼間野不但無限時可以狂影相之外連食物質素都好好只是份量比較少需加一服務費…查看更多

一早訂左位食tea~準時去到, 但原來張枱比左第二個, 要等10分鐘先有位。。。等待期間可以周圍參觀, 四周望下, 全部都係假花~有鳥籠座位及搖搖椅佈置得幾靚, 幾有情調~菜單選擇唔算多~我點左個青醬大蝦意粉, 友人見隔離枱個西冷唔錯就叫左個西冷牛扒, 另外再加個芝士西蘭花~飲品叫左玫瑰咖啡, cappucino同榛子咖啡~食物方面個大蝦意粉幾好食, 又多蝦, 唔錯~西冷叫左七成就變左全熟。。。又有d韌, 麻麻地。。。:(芝士西蘭花, 我地一人食左一舊, 全部都覺得苦。。。要成碟退換左個白酒煮青口青口反而味道唔錯~可以encore最後我地叫左個窩夫雪糕做結尾, 賣相就幾靚, 但窩夫太薄, 味道一般, 有d失望。。。飲品方面玫瑰咖啡同cappucino都好正常, 但係個榛子咖啡似榛子朱古力多D...…查看更多

係一間好岩中意影相既人黎既cafe 度度都係影相位 book位戈時request左可唔可以坐鳥籠戈張 戈度既職員都好有禮貌咁幫我安排左lunch野食比想像中便宜 2個人黎叫左lunch set 都係$132 叫左杯玫瑰咖啡 其實因為見人地影出黎好令 點知出到黎真係令 完全唔會有圖文不符既感覺🙈 飲落去都唔會太甜 有小小玫瑰味 幾好飲 朋友叫左杯茉莉綠茶 但係朋友話杯野飲冇乜茉茶味 同埋有d苦 可能個茶包浸得較耐啦 野食方面都唔錯既 好飽肚下值得一提係 我地比book位時間早左好多到 岩岩係佢地開門時間12點鐘 職員見到我地係門口等 都叫我地入去坐低先 唔似其他餐廳咁理都唔理等你入去先招待你 點餐既時候都因為佢地未開哂檔加埋得1個人處理樓面 所以慢左小小 不過職員都好有耐心咁同我地講番因爲未準備好有部分野食會遲小小到 唔會黑面或者嬲哂咁 依點係值得讚下整體黎講係一間值得再黎食既餐廳 下次會再黎幫襯…查看更多

裝修非常之靚 好適合鐘意打卡的朋友！ 之前食過lunch 已覺得味道很好👍🏻 聖誕帶同朋友黎 一致好評 值得再黎！！ 待應的服務態度也不錯， 一坐低就會介紹餐牌上的食物！特別推介松露帶子意大利飯，雞翼！！…查看更多