鳳城小食

今日去食最有香港特式嘅餐廳—茶餐廳😛上網搵豬扒包 竟然喺好耐以前嘅旅客Blog出現咗呢間老字號 反而住香港嘅我未試過🫣• 蒜香豬扒麵 (HKD $35) - 腸仔 +$4第一眼係比條腸仔笑親😂😂開花開成咁 好搞鬼😂😂豬扒充滿蒜香 煎香咗同時有keep到肉汁同咬口 豬扒仲要切咗一條條 分咗骨 啱哂懶人🤣• 豬扒包 (HKD $25)呢到豬扒飽無多餘修飾普通餐包烘至少脆 一塊煎香嘅去骨豬扒 一撻甜甜嘅沙律醬一份純粹嘅舊時代美味💛仲要均真到 切出黎舊骨都比返您 豬扒真係原塊無呃您😛• 凍奶茶（HKD $16)茶底👍🏻👍🏻👍🏻👍🏻👍🏻當然唔少得！香港茶餐廳特式: 無服務🫵🏻等等先 呢個唔係負評嚟㗎☝🏻呢度嘅姐姐友善得嚟帶啲粗魯😂但你同佢有禮貌 佢又會收起暴躁 溫柔同你落單 好QQ😳食幾廿蚊嘅快餐 呢啲態度先係香港 反而有親切感🤭…查看更多

成日都經過呢一間餐廳，但都冇食過，今日經過呢一度，咁就過嚟試一試！佢嘅鋪面唔算好大但都有幾張枱，裝修啊或者衛生方面你都唔好有特別嘅要求。嘢食方面佢哋都有好多嘅選擇，價錢都相宜係呢區來講。平時都好鍾意去啲舊式嘅茶餐廳，因為好鍾意去食嗰啲港式嘅小食。今次我就點咗佢哋嘅豬扒包同埋西多士。豬扒包十分之有驚喜，咬落去第一啖好多肉汁，豬扒炸得好香脆，唔會好乾亦都唔會好油，而且豬扒亦都唔會話好韌，個份量都好足夠🤤食完之後會令你想叫一份。而佢嘅西多士都好特別，唔用蜜糖而用煉奶，上面仲有大大嚿牛油，你唔使另外在加蜜糖都已經夠晒甜，多士中間你會食到有少少嘅花生醬，而且佢哋炸得好香口，總括來講佢哋啲嘢食都真係好好食😋…查看更多

放假嚟到灣仔嘅玩具街睇玩具，就梗係要過埋嚟鳳城小食，食埋出名正到爆嘅豬扒包。鳳城小食位於太原街同交加街轉角位，附近有修頓球場，太原街又有得買玩具，所以假期黎食野嘅人真係特別多。熱奶茶 $15奶茶好香滑，茶未夠濃。飲奶茶、咖啡真係要搵呢啲老字號地方，先至最好飲。豬扒包 $24 - 豬扒係新鮮即叫即炸，份量仲要大大塊。呢度嘅豬扒醃得好好味，配埋生菜同沙律醬，再加上烘到好脆嘅芝麻包，真係咁耐冇食，都依然好出色。…查看更多

今日黎到灣仔，雖然到左食飯時間但又唔太肚餓，所以就黎呢道食嗰輕食午餐。呢間係十字街口嘅茶記係坐得有啲逼，但勝在啲野好食又抵食。我嗌咗兩樣嘢: 豬扒包同油占多。特別欣賞佢嘅豬扒包，豬扒大大件金黃色，煎得好靚好香脆，唔會太油而且肥瘦適中。另外，佢嘅包係有烘過嘅，所以食落會脆脆哋。夾埋沙律醬同生菜一齊食令到成個包食落去冇咁油膩。如果可以再多幾塊生菜就會更好喇!而油占多嘅餡料亦俾得非常大方，鳳城應該係我食過咁多茶餐廳之中畀得最多牛油同果醬嘅一間。烘過嘅多士配合酸甜嘅果醬真係好好食嘅配搭，而且呢個價錢都屬於超級抵食!…查看更多