來多碗車仔麵 (路德圍)

難得又入到黎荃灣，路德圍多野食就眾所周知，咁多選擇真係好難揀，跟住朋友一句說話:「不如食車仔麵？」 又好喎，呢排糧尾，係咁食車仔麵慳下荷包。環境地道車仔麵，一定係望住個廚房有咩餸吸引就叫邊樣，睇餐牌冇咁有feel ，揀好餸店員會幫埋你送餐，店內坐位唔算好多，但車仔麵嘛，人流流動快，所以冇所謂。餐牌原來都幾多花款，居然章魚丸都可以放入車仔麵，但因為我冇點望餐牌，係望住廚房啲餸點餐，冇見到章魚丸所以冇點，仲有健康啲既菠菜麵添！醬汁區一麵五餸 $49接近40款餸任揀，仲可以一麵六餸，一碗要特級潮汕牛筋丸、胡椒豬肚丸、秘製牛腩、秘汁雞翼同馳名辣魷魚，配菠菜麵(+$3)。而車仔麵既靈魂湯底醬汁，呢到居然係用自助形式，有18禁魔鬼辣醬配車仔麵，仲有自家秘制辣醬任你自己“拔”，中意幾濃都得！佢個秘制辣醬真係必不可少，食落甜甜地又帶少少辣，撈落湯底真係好正！而魔鬼辣醬寫到明係18禁咁辣，但如果你係食得辣之人，對你黎講應該唔算好辣，反而重XO醬香，好惹味，講返配菜，嗌哂店內招牌，不過牛筋丸同胡椒豬肚丸比較普普通通冇乜特別，辣魷魚都唔夠，但牛腩就燜得幾入味幾稔，而雞翼一定要點，醃到入面都係滷水色！一麵六餸 $56朋友呢一碗就叫左溏心蛋、特級墨魚丸、生筋、蠔皇靚花菇、油菜同甜心蘿蔔配米線。落醬當然唔少得，而呢碗就推介蘿蔔，稔度岩岩好又不失咬口，而且真係顧名思義係甜心蘿蔔，一咬湯汁溢出，再加清甜味道，必點！花茹勁大塊又彈牙又索汁，呢2樣配上佢個秘制醬汁加湯底冇得彈！可口可樂 $8 ，凍咖啡 $9美中不足係飲品冇跟餐價，都係散叫，但幸好唔算太貴。唔怪得叫自己“來多碗”，對我而言，湯底醬汁真係評定一碗車仔麵高低既一個大準則，呢到本身湯底已經有股腩汁既清甜，再加埋個秘制醬汁真係好惹味，加上可以嗌一麵六餸，岩哂中意食餸既朋友仔。…查看更多

荃灣食店多相信也不是什麼新聞，無論是地道的小炒、打冷、邊爐，又或是特色的西餐、和食、韓燒，滿街都是任君選擇，比起商業旺區不遑多讓，而最近筆者由朋友帶路來到荃灣路邊圍一帶，驚覺其中一個角落變了麵食專區一般，上海麵、雲吞麵和車仔麵差不多每行2步有一間，一點也沒有誇張，見到這樣的盛況，筆者當然要參一腳踩踩點，選了其中一間人流較多的車仔麵試一下。這間車仔麵點餐流程頗特别，客人需在門口位置先排隊即席點餸付款，再入内用餐，所以一定要先想好心水餸菜才排隊，亦正正因為這樣的安排幫助了分流，店內環境不會太擠逼，亦較一般的地道車仔檔來得舒適整潔。看看點菜紙，這裏的餸菜選擇頗多，有些亦頗有特色，像是溏心蛋、章魚燒、台灣黑椒腸和響鈴，都是外邊較少見的食材。筆者當晚率先試了秘製牛腩、惹味豬腸、滷水豆卜、章魚燒和溏心蛋配上幼麵，牛腩鬆軟豬腸入味，滷水豆卜咬落爆汁滿有醬香，章魚燒爽口帶粒粒章魚肉，溏心蛋也誠意十足火候控制剛好，蛋香流心。而吃車仔麵除了能點來自己心水餸菜外，能和朋友分享各自未有的食材也是其中的樂趣吧？！筆者就隨手夾來朋友的蠔皇靚花菇一試，大大隻肉厚入味，頗有驚喜。吃完一碗麵之後，大家還意猶未盡，再點來一碗淨餸和兩款小食。淨餸要了甜心蘿蔔、特級潮汕牛筋丸，台灣黑椒腸、馳名辣魷魚和牛柏葉。甜心蘿蔔清甜入味，牛筋丸爽彈帶肉汁，黑椒腸胡椒香突出，辣魷魚和牛柏葉份量頗多，香濃Q爽。台灣麻辣鴨血，鴨紅煮得入味，Q彈中帶麻辣刺激十分不錯。魔鬼雞中翼蒜香十足味道不俗，但可能魔鬼二字令人有所期望，並沒有想像中的香辣，加上肉質不算嫩滑入味，有點點不似預期，應該可以做得更好。這店除了美味的車仔餸外，不得不介紹一下這裏自家調製的兩款辣醬，鎮店的秘製辣醬，味道微辣帶甜香，用來佐麵同吃濃香惹味，增添了味道層次。另一款魔鬼辣醬，據店主透露是為了慶祝荃灣分店開張而特別創製的，用上上等指天椒經多重工序製作而成，入口果然辛辣刺激，辣度頗高，用來佐麵沾餸，十分過癮，一衆好辣之徒實不容錯過。…查看更多