尚鮮海鮮料理 (已結業)

.🔻尚鮮火鍋海鮮料理.窮人長期糧尾，岩岩出阻糧可以食餐好d,同男友收工去打海鮮邊爐🤤🤤呢到張張枱都係卡位咁，坐得好鬆動，唔使同人迫，又唔使係咁移張椅比人行，食餐飯都食得唔安樂🤪呢到絕對冇呢d 問題，多人食仲有房坐，坐到成2-30個人都ok,超誇張，真係開P 都得🥳🥳.🔻雙拼火鍋湯底 ($157)我揀阻麻辣同埋野菌茶鍋，初初食麻辣覺得冇乜野又唔係好辣，點知愈滾愈辣，d 麻辣味愈食愈出，對唔住，我開頭仲笑你冇料到☹️野菌茶鍋，唔好以為湯底d 菇一定唔好食瘦猛猛乾爭爭，呢個鍋入面好多菇，仲有幾款菇，d 菇隻隻肥嘟嘟，好有水份，可以慳返叫個菜😂😂😂.🔻特尚手切牛 (中size: $180)打邊爐點少得我最愛既牛牛🤤🤤中size 份量都唔算少，足夠2個人食，牛牛唔肥唔瘦，望落已經好吸引，佢唔係切得好薄，所以唔會食完好似冇食過野咁，有少少咬口但又唔un, 牛牛味都幾出，好味道😋😋.🔻四圍餃尚盛 ($127)一份有4種唔同既餃，每款2隻， ( 尚鮮蟹皇餃&松葉蟹皇餃&木耳鮮蝦雲吞&西洋菜香菇餃 )蟹皇餃食落有蟹膏味好香，鮮蝦雲吞好大粒好飽滿勁足料，西洋菜餃陣味好勁好似香料咁，咬落d 菜係爽口唔係淋晒咁，好有口感，呢到d 餃都係即日做，自己包，超新鮮。.🔻二人海鮮尚盛 ($239)主角黎啦😍😍呢個有蟶子皇&海蝦&大花甲&白鱔片&廣島蠔，每樣2隻，d 海鮮洗得好乾淨，掉落去涮就食得，唔使met 黎met 去d 污糟野，蟶子同花甲冇沙，涮完都仲好大隻，又唔un,好鮮甜，有驚喜😍.🔻總結係所以用料都食得出好新鮮，好有心去做，服務都好好，會介紹你有邊d 套餐抵食d呀，邊款比較岩你地食呀咁，好貼心，有時出去比2百幾蚊食垃圾，我寧願比多少少食得開心又滿足❤️.🔺🔺ps: 7:30前離座&9:30後入座有8折，22:30後入座有7折❗️❗️沖繩生啤仲有買2送1 ,未夠秤唔賣比你嫁❗️…查看更多

今日同朋友約黎銅鑼灣食晚飯，咁岩大家都想去烚下烚下，就揀左呢間尚鮮嘗下鮮一上到黎就事不宜遲較返個醬先呢度啲配料有齊晒我鍾意既辛香野，仲有個出面少見啲既麻油呢度既湯底都有幾多種類下，補身既又有，有海鮮既又有，好似我呢啲有選擇困難症既真係要揀好耐先揀到呢度除左邊爐料仲有好多野有得食，有刺身、燒烤、小菜，最勁係有私房菜！呢個就要等下次先試到了睇佢啲菜式都覺得好吸引！特別係對我呢啲海鮮迷黎講最後嗌左個鴛鴦鍋 (血池麻辣湯拼姬松茸冬瓜湯)，一上湯底時聞到好大陣花椒香味！我就最鍾意食牛架啦一上就即刻擺幾片落去淥下先！牛肉肥瘦適中，入口時唔會覺得好柴，唔錯！我最估唔到個海鮮set隻蟶子皇大隻到咁！蟶子皇好鮮甜，仲耍啖啖肉廣島蠔冇乜點縮水，鮮味濃！大花甲冇沙，好甜呢個雞件千祈唔好烚太耐！岩岩好嫩滑就最好食四色丸最有驚喜係金沙鮮牛丸，牛丸好彈牙夾埋鹹蛋黃沙沙地咁既口感，有啲對比但又幾得意！個百花釀油條 (即係墨魚漿釀油炸鬼) 係現炸再俾我地烚，個外皮吸晒啲湯汁，好好食！呢度既響鈴腸睇落都係即炸的，浸兩三秒再食，岩岩好外面吸晒汁入面仲係脆既，正！同朋友兩個人嗌左JAR青檸梳打蜜，配上打邊爐比較膩既野，好fresh～埋單時先發現原來早啲走或遲啲黎有折，而我地揀左個perfect timing：就係乜折都冇啊整體黎講都非常滿意呢度既服務非常好，職員會自動幫我地"畢"走啲油，又會見我地冇乜湯時埋黎加湯，黎野飲時仲有問洗咪幫我地斟埋，真係不得了！有咁既服務真係一定有下次！…查看更多

黎到夏天仍然冇阻我打邊爐，無奈係咁中伏，今日試下銅鑼灣既尚鮮，醫下肚。火鍋湯底揀咗最平嘅雙拼，姬松茸冬瓜湯、血池麻辣湯，前者有淡淡的松茸味，冬瓜索左啲湯汁好好食，後者麻勁十足，啱晒我呢啲鍾意食辣嘅人😎特尚手切牛脂肪紋非常靚，唔會過肥；四色丸尚盛全部都係手打丸，有齊金沙鮮牛丸、松露豬肉丸、甜薯墨魚丸、芥末子蝦丸，色調係粉紅嘅漸變色💞～好欣賞手打丸入面釀左啲黑松露啊鹹蛋啊咁樣，我自己就鍾意牛丸同豬肉丸，配搭好有趣😍🍡至於百花釀油條同酒香鮮雞件正正常常中規中矩🤘🏻重點想講佢哋嘅刺身，排場好靚！🐟是日鯛魚刺身係我食過咁多間火鍋店入面最高質！個新鮮程度係就咁點芥末豉油都已經好好味， 甚至比一般嘅日本食店更為吸引，好欣賞，正呀😎😎生日月份有優惠，即係冇幾耐又食得啦🥳-姬松茸冬瓜湯 血池麻辣湯 | $136鯛魚刺身 | $208特尚手切牛 | $180四色丸尚盛 | $88酒香鮮雞件 | $58百花釀油條 | $48-…查看更多

今日放工身處銅鑼灣區， 想搵啲好嘢食慰勞自己， 行咗去耀華街 出名嘅食廈。唔想食放題 我哋揀咗比較精品的 《尚鮮》。火鍋店標榜鮮味同靚料仲有養生嘅湯底。好有日本居酒屋小店feel, 餐廳有五，六個卡座， 更設有私家電視， 夠曬貼心。 當然仲有獨立嘅vip房。<川貝海底椰燉鱷魚扒湯> $178 夠曬滋補， 除咗鱷魚扒湯料仲有半隻雞，勁多嘅排骨， 店員推介先飲一，兩碗湯，因為全無味精， 純粹係汤料嘅味道。 果然飲落順喉清甜， 平時缺乏自家湯水 所以我哋每人都飲咗兩三碗。鱷魚扒已經煲到好冧， 肉質有啲似煲完湯嘅魚， 但印像中嘅鱷魚肉係非常硬淨。二人海鮮尚盛$228海鮮拼盤选料豐富， 聖子勁鮮甜彈牙。 大蝦爽甜鮮味。 大花甲好新鮮， 切記唔好淥過時。鱔片亦非常厚切肥美， 但鱔肉唔夠爽。特尚手切牛 $188打邊爐怎能欠缺牛肉。 手切牛肉脂肪紋理分佈均勻清晰， 放湯一會就要夾起。 唔需要蘸豉油， 肉味濃， 超嫩滑， 入口軟嫩完全冇渣。炸響鈴、蝦滑釀油炸鬼， 海鮮肉類以外做得唔錯。即炸嘅響鈴熱辣辣， 放湯之後咬落仲有少少脆， 絕對唔係預先包裝嘅貨色。 一時手快快 放咗湯， 醒唔起原來係可以即食 😅件油炸鬼夠曬厚同脆， 淥完都仲有啲咬口！👍👍《四色丸尚盛》， 全人手打造， 而且粒粒內有乾坤。豬肉丸裏面有黑松露餡料， 爽口彈牙， 味道甚有層次。 牛丸裏面有蛋黃嘅餡料， 味道並不突出。手打墨魚丸裏面紫色嘅係紫薯餡？餐廳仲備有多款時令海鮮靚料， 人多或慶祝生日 仲有驚喜菜式贈送。…查看更多

假期既最後一日打算同朋友打邊爐，於是就book左依間位於銅鑼灣百樂中心既海鮮料理餐廳。同朋友兩人6點半左右到，可能時間尚早並吾多人，而且book左位好快入座。店面環境舒適寧靜，店員仲好詳細同我地講解點樣落單，仲提供埋marker比我地，直接畫落menu落單添，幾環保。醬料($15/份) 醬料有8至10款選擇，包括有辣椒、蒜蓉、芝麻、薑蓉、麻油、豉油、炸蒜、芫荽、蔥花、麻醬等，仲可以自己揀落幾多。椰子清雞鍋($218/鍋) 湯底選擇大約有10款，今次試左椰子清雞鍋，個鍋一上枱既時候望落好似好清既菌湯，但煲左陣就開始聞到淡淡椰子香味，店員幫我地加埋雞件一齊煮，仲建議先飲湯，個湯飲落甜甜地有椰子味，仲有一片片既椰子肉可以食，打邊爐飲湯都真係第一次，感覺幾新鮮！至於雞件，食落爽口嫩滑，兩個人黎講份量岩岩好。百花釀油條($58) 依個係必叫既蝦膠釀油炸鬼，油炸鬼炸到金黃色，仲有兩種食法添，即食既話食到蝦膠爽口彈牙，整體香脆可口，吾覺油膩。另外想熱食既話，可以將油炸鬼放入湯浸幾秒再食，而我比較喜歡後者，內脆外軟好特別。大花甲($108) 花甲比想像中大隻，店員仲建議海鮮應該趁新鮮時候食，的確，花甲食落好新鮮，好爽口，好鮮甜，我自己最鐘意吾沾醬油食海鮮，食佢既原汁原味，花甲真係值得一試。特尚手切牛($180/份) 另一主打係手切牛，佢一上枱已經好吸睛，牛肉表面既紋路同脂肪比例剛剛好，而且切得好薄，可見廚師既刀功，方便客人灼一灼就食得。牛肉食落牛味都重，肉質比較爽口，口感吾錯，食多幾塊都吾會膩。田園盛($78/份) 如果想fresh一d，仲可以叫好幾款吾同既蔬菜，而且佢份量都吾少。另外，我比較推介佢個有機栗米，食落好清新好鮮甜，最岩食完海鮮同肉類後解膩，真係吾錯。今餐好豐富，值得一讚係餐廳既服務，雖然店面吾算十分大，樓面既店員亦吾多，但服務都相當細心，不時會幫我地隔走湯浮面個層油，同埋又會留意客人用膳既情況去調較大細火。另外食物質素都吾錯，有機會會試下其他海鮮！…查看更多

作為海鮮狂迷，唔想俾人劏到一頸血，最好就係去間高質既火鍋或者蒸鍋店過口癮，聽朋友介紹鎖定左尚鮮。咁岩發現做緊生日優惠，拿拿林訂座登記埋會員，一坐低就送左一大盆鱆紅魚刺身，仲有埋蠟燭好似生日蛋糕咁。 係日式餐廳以外食刺身總係冇咩期望，難得鱆紅魚結實彈牙，好有水準，壽星有得打卡又大讚新鮮好味。姬松茸冬瓜湯 拼 血池麻辣湯 ($136)難得朋友食得辣，第一時間就揀左個麻辣湯。　見冇得揀辣度都知唔會好嗆喉，對我地黎講只係入門級既麻辣，唔係好過癮。　反而姬松茸冬瓜湯有驚喜，姬松茸香味好特別，冬瓜煲腍左都好清甜，大家爭住食湯料。二人海鮮尚盛 ($228)單睇色澤已經知新鮮，有蟶子、大蜆、蝦、蠔同鱔片，以此價位絕不欺場。　淥幾秒變色已經食得，彈牙鮮甜，唔洗點醬都夠哂味。　尤其是蟶子、蜆同蠔同完全係king size，大大啖好滿足，食完即時有衝動encore。　老實講我同朋友都怕蠔同鱔片會腥，唔太敢食，點知完全冇呢個問題，海鮮絕對係呢度既拿手菜。特尚手切牛 ($180)手切牛都算厚切大塊，油花幾靚，食落腍滑有肉味，兩個人分岩岩好。四式丸尚盛 ($88)金沙鮮牛丸、松露豬肉丸、甜薯墨魚丸同芥末籽蝦丸淨係聽個名都覺得創新，合埋眼都分得出每一款主打咩味既，個人口味覺得甜薯墨魚丸既甜味同我認知既丸類唔太夾。　最鐘意蝦丸真係食到彈牙既蝦肉，再一次證明係度叫海鮮類係冇錯。百花釀油條 ($58)就咁食或者淥幾秒浸湯都得，蝦膠好爽口鮮味冇得頂，食得出係岩岩炸起，如果油條可以炸到成舊都酥脆就更好。羽衣甘藍 ($38)Super food唔係度度食到，初試用黎打邊爐，食落清甜似芥蘭，即時自覺好健康。沖繩生啤($68/2)適逢沖繩生啤祭，大大杯啤酒買一送一抵到爛。 意外地生啤麥味重得黎唔會苦，好易入口，我唔太好酒都輕鬆飲左大半杯。近年越黎越少餐廳有心思搞花臣優惠，一晚連續兩個活動都受惠係開心既，下次黎要淨食海鮮食到飽。…查看更多

雖然天氣好熱，但香港人真係好鍾意打邊爐，我都唔例外。怕人多，所以決定六點就食晚飯，好彩未到晚飯時間，唔使等位，仲有卡位坐餐牌有好多款食物，選擇困難既我，最後揀左二人餐，唔使點諗之餘又可以樣樣試下一如一般火鍋店，可以自己調配醬料，呢度既員工仲幫客人倒埋豉油湯底點左牛肝菌昆布，先試一啖湯底，係清甜既味道，昆布和牛肝菌份量都唔少特尚手切牛：脂肪比例很平均，是較淋身同有牛肉味，好好味，對於兩個人黎講，份量都不少！鮮打牛丸：有咬口，但不靭。鮮打豬肉丸：較牛丸淋身，比較喜歡豬肉丸。木耳鮮蝦雲吞：一咬落去，就知佢地真係用鮮蝦，好彈牙，應該唔係一早包定既，成粒雲吞感覺好新鮮！西洋菜香菇餃：好少食西洋菜餡，估唔到咁好食，入面唔知係唔係加左馬蹄，仲脆脆地咁，好得意十分推介大家試下呢間火鍋店既餃類，好好味脆鯇片：與其他火鍋店差不多廣島蠔：應該是急凍的，但也沒有雪藏味，每人兩隻剛剛好。田園盛：入面有菇、菜、粟米、蘿蔔，其中粟米係好鮮甜忍唔住叫左兩杯特飲洛神花茶蜜：濃濃的洛神花味，而且洛神花可以清熱降火，好適合打邊爐飲。青檸梳打蜜：呢杯估唔到咁好飲，青檸味同蜜糖好夾，而且落既蜜糖份量應該都唔少，推介飲品我覺得呢個二人餐幾好，平時我地兩個人出去打邊爐，永遠有好多野食唔到，因為每碟既份量都唔少，變相唔可以叫太多款野食，但呢個餐就幾好，每樣都有d，未食到出前一丁已經飽飽地，食埋個麵就真係超飽，以呢個價錢打邊爐食到咁多款，真係值仲有就係呢度既員工好細心同埋好有禮貌，服務態度好好，值得一讚呢度仲有包廂，無論係三五知己或者公司聚餐都唔錯喎…查看更多

在香港人心目中，打邊爐的飲食節目已經不分季節時令，不論人數多寡，有冷氣的地方都能齊齊恰下恰下。這天便和姐妹到過銅鑼灣的尚鮮打邊爐。餐廳以黑色為主調，夠搭實又夠型格，座位多以四至六人的卡位為主，有小型電視機伴著打邊爐。周邊佈置有掛簾和小燈籠都充滿著日式風格，感覺典雅親切。另有獨立廂房供一大班人自成一角，私隱度什高。另一處牆身掛上特色推介的海鮮或火鍋配料，再放有一系列新鮮的海鮮的display，證明店舖用料新鮮，可供客人即席揀選，非常吸引。細看餐牌，餐牌除了精選鍋底、海鮮盛、海鮮刺身、牛肉、自家手工精品、火鍋料、田園蔬菜，特色燒烤/特式小廚等過百款食品選擇，真係要花一段時間先可以睇得完整份menu。好彩餐廳仲有供應套餐，分有二人、四至六人、六至八人，最適合一班有選擇困難症的朋友。不過宵夜時段原來更多優惠，除了有刺身宵夜套餐$388外，更有活象拔蚌五折$388、手切安格斯六折$98、沖繩啤酒買一送一和火鍋埋單七折優惠，真適合一班娃鬼朋友來這裡夜消磨吧。為免選擇困難症發作，一早鎖定了精選二人套餐$688，湯底由牛肝菌昆布、冬蔭功、土鄉清湯三選一，另外食材還包有特尚手切牛、鮮打牛肉丸拼豬肉丸、木耳鮮蝦雲吞拼西洋菜香菇餃、脆鯇片拼廣島蠔、台式黑椒腸拼日本蟹柳、田園盛、上海年糕或出前一丁。套餐還包括紅/白酒兩杯或罐裝汽水兩罐，可惜小妹帶病在身，不能喝酒，單點了兩罐椰清水也很不錯。不知是否和朋友言談之間說不舒服的對話內容讓員工聽到了，員工轉過頭就端上兩杯偏熱的溫水給我們，是雪中送炭吧。同朋友商議後，最後揀了鮮牛肝菌昆布湯，據知材料是由雲南直送，新鮮淆製而成的自家風味，外面難求。 昆布的營養價值極高，當中有豐富的碘、鈣、磷、鐵，尤其外層那白霜物質是海帶體滲出的甘露醇，是具有降血壓、消種、利尿的功能，並幫助清除鎘、鉛等重金屬和有害物質，達到體內淨化、排毒的效果。此外，豐富的食物纖維還能促進腸道蠕動運動、改善便秘！既然昆布的營養成分那麼驚人，一於一邊恰下恰下，一邊養生。湯中除了昆布，還舖滿各類菇菌，例如冬菇、牛肝菌、草菇，完全是好菇者的福音。湯頭清澈，味道清甜微咸，沒有蓋過食材的原味反而更能帶出鮮味來。除了湯底外，調味醬料是不可缺少的一環，更有點石成金之效。員工遞上一籃調味架，分成九宮格，有麻醬、豉油、辣油、芫茜、香蔥、生蒜、炸蒜、辣椒粒等等，選好後就可以自行混醬了。特尚手切牛雪花紋路不算多，但算是清晰細膩，大概每面牛肉煮十秒就可以吃了。尚有淡紅偏竭色的和牛肉，肉質一點也不老，質感柔軟有咬口，肉香也挺濃。鮮打牛肉丸尚未煮的牛肉丸，紅潤菲菲，新鮮到極點。用筷子夾起，感覺很重手又結實。在鍋中任由它淆滾著，到熟透便自然升起。外面肉色呈淺啡，但內裡肉質卻保留一絲絲微紅的狀況。咬下去一點都不韌，還非常彈牙，肉質鬆化又無渣，牛味也十分濃郁，相當有驚喜。豬肉丸相比起牛肉丸，豬肉丸的表現似乎普通了一點，可能始終是小妹偏好牛肉居多。質感比牛肉丸還要實淨，但整體都尚算彈牙鬆化。木耳鮮蝦雲吞薄薄的雲吞皮隱約透出飽滿的內饀，賣相漲卜卜很吸引。内裡塞滿豬肉、木耳絲和鮮蝦肉，木耳絲帶來清脆爽甜的口感，大大突出豬肉和蝦肉的味道，肉味濃而蝦味鮮的美味，啖啖肉的口感真的零舍不同。西洋菜香菇餃西洋菜香菇餃同樣也是漲卜卜，肉饀則蘊藏著西洋菜、香菇和馬蹄，入口充滿素菜香，清脆帶爽。台灣黑椒腸很少在打邊爐上看到有黑椒腸的出現，感覺挺特別，黑椒味比想像中濃，微辣帶甜，很有咬口。蟹柳在火鍋中刷一刷就吃得，簡單而鮮甜。脆鯇片脆鯇片晶瑩剔透，切得很薄身，落鍋滾幾滾，新鮮爽脆，魚味鮮甜。廣島蠔廣島蠔的蠔肚未有煮至入陷，肉身仍舊脹卜卜而細軟，入口完全不腥，反而帶出蠔水本身的鮮味，十分出色。上海年糕選揀上海年糕，份量都幾多的，可惜口感有點粉粉腍腍，與平常煙韌有𡁻勁有點距離。田園盛內有鮮冬菇、油麥菜、蘿蔔片、粟米和生菜等，以材料非常豐富，而且分量十足，纖維豐富。整體而言，套餐$688兩個人，包有七道菜，種類概括性較多，食物質素又好，期間又有員工熱情的招待，無論加湯或過來用撈撈走湯面的肥油都十分積極主動，整體性價比極高。既然人人都說打邊爐會熱氣，相信以牛肝菌昆布做的湯底就無人敢再說吧，下次必定再叫一大班朋友來恰下恰下呢。尚鮮火鍋海鮮料理 (銅鑼灣)銅鑼灣耀華街3號百樂中心8樓…查看更多