牛站(駅)麻辣火鍋放題

營業中

休息中

前排見到網友post食呢間打邊爐諗起好耐冇打邊爐 即刻約朋友食嚟到見到裝修 覺得好似千海水產上網查咗 有啲人話係同一個老闆雖然唔知係咪真但環境/食物好似好笑嘅係 有人話訂唔到千海水產位就嚟呢間牛站 可食差唔多嘅嘢食XD- - - - - - - - - - - - - - - - - - - - - - - - 1. 晚市放題大滿足無限任飲任食(特上牛小排)三個套餐入面揀咗最貴特上牛小排另外仲有美國極黑和牛片/美國精選牛揀嘅套餐咩肉都可以叫 肉質都好鮮紅油花好靚 尤其特上牛小排 軟腍腍咁湯底就有10款可揀 嚟得呢間叫咗店名透露主打嘅牛站秘製麻辣鍋同埋鴛鴦叫埋唔辣嘅金湯花膠雞鍋一如既往 麻辣落肉/鴨血 唔辣落菜想講呢個自家製嘅麻辣湯底值得推薦因為辣味好夠 重點係食完冇即刻肚痛海鮮方面可叫肥大肉厚嘅蠔同大頭蝦仲有鮑魚都係好食 一樣大隻同埋新鮮最正係有乳鴿任食 有埋椒鹽就好XD出面都有多達80幾樣嘢食可自助拎沙律冷盤/火鍋配料/熱食/炸物/自助甜品鍾意有豆腐串/珍寶蟹柳/紫菜響鈴/荔枝蝦球嘢飲都有好多選擇 汽水/酒類/奶茶/果汁..甜品今次淨係食咗海鹽奧利奧大福出奇地好食!! 下次想試自家製

這間人氣火鍋店位於旺角的創興廣場，鄰近旺角及油麻地站，主打任飲任食火鍋放題，食物款式五花八門，尤其可以任食大蝦頭、乳鴿及Häagen-Dazs等，可能是全港最平最抵食的放題。特上牛小排套餐 - $348/位 (星期一至四)肉類方面，特上牛小排有著如大理石般的油花分佈豐富且平均，多汁鮮嫩細緻；澳洲M5和牛的肉味更濃郁；SRF美國極黑和牛片其甜度及嫩度且豐富多汁；美國安格斯牛板腱中間有一根透明的嫩筋，脂肪少有嚼勁…湯底方面，有八款每日新鮮熬製的足料鍋底，清甜椰子雞鍋呈乳白色，散發陣陣濃厚的椰奶香氣，有不少雞件、椰子肉、紅棗及枸杞等，清甜滋潤。海鮮方面，鮮鮑魚已處理內臟，厚肉爽身有明顯的鮮甜味；雪白肉厚的帆立貝有純淨的鮮甜；海蝦爽滑彈牙，而大頭蝦更有甘香的蝦頭膏；沙白鮮甜無沙；象拔蚌脆嫩充滿海水味；竹笙釀蝦滑及手打蝦滑鮮嫩彈牙…熟食方面，燒乳鴿皇燒得外脆內嫩充滿肉汁，有陣陣滷水香氣；芝麻雞翼有香脆可口的芝麻粒；醬爆糍粑煙煙韌韌，咬開流出香甜的黑糖漿…自助區方面，單是火鍋配料便有數十款選擇，亦有多款炸物小食及滷肉飯等台式料理。甜品方面，有Häagen-Dazs、Appolo、Lotte、MEL

朋友聚會，順便提早做冬，揀咗呢間午市火鍋放題，四小時任飲任食（12：00-16：00），可以慢慢食，又夠哂時間吹水。揀咗最貴嘅套餐「#4 特上牛小排」，$318，另收加一。（雖然係平日，但因為係特別日子，所以收費有調整）湯底揀咗蕃茄豬骨湯，清清哋但又夠味，不錯。牛類主攻牛小排，海鮮主攻鮑魚、蠔。・特上牛小排，一碟三片，前後叫咗十零碟，夠軟嫩又有肉味，大部分都OK，但有三碟偏多肥膏・澳洲M5和牛，一碟三片，只要咗兩碟，雖然賣相不錯，但肉質唔太滑，好有𡁻頭，而且肉味唔多・美國極黑和牛SRF，一碟兩片，只要咗一碟，太瘦，少嚡少韌・巴黎牛脷托，好壞參半，有啲爽口彈牙，有啲好韌・鮑魚，我估每人都食咗至少半打，彈牙，唔韌，少許鮮甜・蠔，我估每人都食咗至少半打，好大隻，唔縮水，鮮味・海參仔，迷你版，一口一隻，爽口，過吓口癮・蝦，正常，隻隻都彈牙，肉身唔梅，但應該係養蝦・八爪魚仔，切件，有身有鬚，爽口，過吓口癮・田雞，腿位無俾身位，大隻，但無咩味熟食有乳鴿，但室溫唔夠熱，皮亦唔脆。今次無鴨舌（上年食過），可惜。酒類有清酒、啤酒（Asahi 係日本版）。整體用餐體驗，好似無上次咁出色，雖然唔差，但感覺有

午市4小時無限任飲任食（12:00 - 16:00，最後落單時間為 15:30）。#4 特上牛小排（$308），另外可以享用 #1 美國牛肩胛 + #2 美國特級肩胛肉眼 + #3 SRF 美國極黑和牛片 + 海鮮。有十款湯底可供選擇，揀咗滋補豬筒骨鍋。因為揀咗最貴嗰個 plan，所以好多嘢食揀。牛肉類別：・特上牛小排，必食，牛味重・澳洲M5和牛，必食，夠嫩滑・美國牛頸脊，必食，又嫩又有牛味・美國極黑和牛SRF・美國安格斯牛板腱・美國特級肩胛肉眼・美國肩胛肉海鮮類別：・鮑魚，必食，爽口彈牙・蠔，必食，大隻・蝦・青口・帆立貝熟食類別：・乳鴿，必食，叫咗幾轉，次次都熱辣辣・鴨舌，必食，吹水期間送酒必吃小食・芝麻雞翼自助 scan QR code 落單，食物出得快，又出得足，抵讚。除咗落單食物，出面仲有不同自助區・自助火鍋食物區・自助熟食炸物區・自助飲品區・自助雪糕區4個鐘，同班 friends 慢慢食，吹吓水，大滿呎。PS：午市沒有提供珍珠奶茶類飲品。

放工想食得豐富啲，來到這間任食火鍋店。 之前都去過牛駅的尖沙咀分店，覺得十分不錯，所以今日就想試試另一家旺角店。旺角店地方空間比尖沙咀的大很多，座位寛闊，坐下來也舒適一點。因為喜歡食肉，所以選擇了最貴套餐，有特上牛小排和澳洲M5和牛可以點，味道是不俗，就是最初來的時候可能解凍了一段時間，血水浸濕了介紹牛品種的卡紙。湯底有很多款，加了48蚊選了鴛鴦鍋（點了沙嗲+龍蝦頭湯）。水海鮮選擇豐富，蠔，鮑魚，蝦，帆立貝等等都係至愛，仲有墨魚滑同蝦滑，不過今晚喜歡的花膠就沒有了。雲吞，魚皮餃，響鈴，不同丸類應有盡有，就是食不了這麼多，熟食有乳鴿和小龍蝦...而甜品選擇都多嘅！同單點火鍋專門店味道上當然始終會有距離，但食任食就係食佢嗰款式選擇，餐廳食物款式很多，遇上啱食的絕對會讓你苦惱好唔好淥多舊，因為食多一舊，quota就小一舊......