牡蠣小屋

🦪 鐵盒燒生蠔 $240/半打好新鮮，好好食🥹，職員會俾個盒你睇咗啲蠔先，佢真係燒到啱啱好，完全保留哂生蠔嘅味道，勁嫩滑鮮美多汁🤩，但係口感又唔似生蠔咁一pat野，啱晒啲接受唔到滑捋捋口感嘅朋友🍝 牡蠔忌廉意粉 $118呢個面勁有咬口又勁索汁，忌廉汁令人一食上癮，奶香味好重，呢個意粉比好多西餐更出色👍🏻，我真係大讚❤️❤️❤️，好少食麵嘅我，一定會返轉頭食呢個意粉🧀 明太子芝士玉子燒 $108蛋嫩滑爆汁，芝士一切開成pat湧出來🤤，明太子唔算好辣，我鍾意芝士嗰一半多啲😛🍣 拖羅蔥花卷 $88師傅喺我哋面前即場卷，勁多餡多蔥，就咁夾都爭啲跌啲蓉，少滿足✨🐥 牡蠣手羽先 $68/隻冇特別，唔建議，零蠔味，淨係知食緊雞翼，性價比極不高❌🍺 手工牡蠣黑啤 $88(IWATE Oyster Stout BEER)見佢用蠔釀造嘅酒，又話數量限定，就試吓佢咩料，淨係飲到係甜嘅黑啤，冇想像中有蠔/海鮮嘅味道，只能說，係幾好飲易入口嘅黑啤…查看更多

很久沒吃過生蠔，今晚預約了這家小店吃生蠔。餐廳燈光是橙黃色，配上木系裝潢，感覺既溫馨又舒服，有吧台、榻榻米、室外等用餐空間，座位靈活。晚市已經全場爆滿，生意很好。餐牌上提供生蠔、刺身、意粉、火鍋等，想大部分菜式都是以生蠔入饌。一場來到，我們點了幾款特色菜。⭐️鹿兒島產和牛、生蠔涮涮鍋$580有鹿兒島產和牛、蔬菜包和兩隻生蠔。湯底是清淡的昆布湯。鹿兒島產和牛雪花密密麻麻，涮數十秒，入口油脂充沛，非常柔嫩！兩隻生蠔非常飽滿，胖墩墩的，入口完全沒有腥味，口感一流，滑溜滑溜的，日本生蠔口感幼滑偏奶香。加上豐富的蔬菜包，例如蘿蔔片、金針菇等蔬菜，非常豐富。⭐️明太子芝士玉子燒$98有驚喜的明太子芝士玉子燒，玉子內餡有芝士和明太子，入口軟香且帶著芝士和明太子的鹹香滋味，很美味！⭐️牡蠔忌廉意粉$118生蠔乾配上意粉同樣出色，生蠔入口就像肉，有肉煙煙韌韌的口感，配上忌廉意粉，配搭簡單美味。⭐️KAGURA彩虹魚生飯$198賣相吸睛的彩虹魚生飯，魚生刺身放在玻璃瓶內，慢慢挖出來，有拖羅、三文魚籽、山芋蓉等，口感清爽，加上醬油漬物，整體味道更上一個層次。⭐️牡蠣餃子雞翼$68/隻炸得外脆內軟，裏面有有迷你小蠔和明太子，又香又甜，很美味！…查看更多

🔥超有Feel🇯🇵人氣牡蠣小屋咁特別，當然要去試下啦🤗😛🔸日本琵琶蝦(兩食）$320🔺首先食左個刺身先，超級新鮮，上菜時個蝦頭仲喺到旭😂個刺身爽口彈牙同埋好鮮甜，好正😋不過得五塊😭之後再將個蝦頭同殼一齊煲左個麵豉湯🤗加左d菇類同豆腐粒，都好鮮甜，幾好飲😋👍🏻🔸鐵盒燒生蠔 半打 $220呢間主打食蠔，一定要試下呢個蠔啦，佢係用個鐵盒裝d蠔再加清酒同水落去煮熟d蠔🤗d蠔都幾大隻，好多汁，幾鮮甜下，仲食到少少清酒味，可以原味或者加少少醬汁落去食，正😋必食😝🔸汁燒免治雞肉 $38燒得幾香口，點埋醬汁同蛋液一齊食，好滑好好味😋🔸牡蠣茶漬飯 $58用左甜甜地嘅蠔乾，湯底清清地，好香，再加埋wasabi撈埋一齊食，好爽呀😝即刻醒神曬😂🔸鹽燒吞拿魚胶 $118呢個真係第一次食，份量十足，好抵食，肉質嫩滑又帶著吞拿魚香味，魚油好豐富，加上羅蔔蓉酸汁或檸檬汁，可減低油膩感，好味👍🏻🔸汁燒牛胸腹肉 $48肉質有口感，牛味及肉汁好足夠，唔錯😛🔸牡蠔忌廉意粉 $118呢个意粉🍝都幾特别，蠔肉鲜甜，手打寛條麵口感幾好，幾弹牙，而蠔嘅鲜味滲入忌廉汁當中，有種鮮甜嘅海水味，稍嫌忌廉味太重，因為唔太鐘意忌廉🙈如果鐘意食忌廉嘅呢个意粉都好正😋💫聽講呢間餐廳由日本人主理，主打🦪生蠔、海鮮🤗每日都有唔同嘅時令產品推介，有興趣可以問職員😛整體覺得呢間餐廳嘅食物都幾高質，好好味，食完好似去咗一轉日本🇯🇵😝好滿足🥰🥰稍嫌不足就係呢間餐廳比較細間，好似有少少壓逼感咁🙈当日星期六6pm去到，都爆场了，座位唔算多，有吧枱，榻榻米枱同埋一般枱，如果唔係疫情，可能就好d😂😂不過都幾推薦去試下😋🤗食蠔嘅必去👍🏻…查看更多

男友曾與同事們放工後在此輕談淺酌，表示食物滿意，氣氛舒閒，便帶我到訪品嚐與體驗。𨋢門一打開便看到餐廳招牌下擺放著一隻隻主角牡蠣，令我對點選食物目標更清晰。餐廳裝潢十分簡單，店舖面積亦不算大，大約可容納25-28人，但氣氛非常熱鬧溫馨，一列的吧枱客人一邊品嚐一邊與師傅談笑風生，另一邊有脫鞋雙腳放桌下之堀炬燵，整造出半個室空間，下班後小酌的大伙兒投入甚歡，加上餐廳內有數名有日籍服務員與客人，被日語包圍的久違感覺恍如置身日本，就算沒有特別的日式擺設，整個氛圍已經感覺旅行中。餐廳食物款式主要以小點及送酒小吃為主，例如有串燒、刺身、壽司、小食、沙律及主角蠔食，亦有數款主食提供，非常適合與同行暢談歡聚。餐廳蠔為主角當然是必點之選，所以點了四款蠔食及其他款式食物試試。第一款蠔食：一打十二隻生蠔連殼放進鐵盒放於我倆旁燒，倒進清酒燒9分鐘。看著計時器一秒一秒過去，煙霧從氣孔中冒出，心情愈趨着急，當計時器嚮遍餐廳後服務員隨即趕上，拆開蠔殼後呈上。蠔雖屬中型，但每隻也非常肥美，不禁跟男友笑說比自己荷包更要飽滿。蠔燒至剛熟狀態，外表脆彈口感，內裡蠔肉軟腍嫩滑，鮮甜帶微海鹽咸蠔汁不但浸著蠔肉，還在蠔肉中滲出，口內充滿蠔肉蠔汁非常滿足。第二款蠔食：嚐試經炸後的吉列蠔，炸蠔即叫即炸十分熱燙，與燒蠔相比size較小，炸粉略厚但能有效鎖著蠔汁，令蠔鮮味香濃，附上沙律醬及味道如餃子醋的酸汁，兩者都能減低炸粉的油膩感，個人較喜愛沾沙律醬，因為略嫌酸汁稍有蓋過蠔鮮味。第三款蠔食：豬肉片size剛好包裹蠔肉一圈，肉質尚算軟腍，咬下時與蠔肉質感尚算一致，加上燒汁鹹度剛好，帶有惹味感同時不會蓋過豬肉與蠔味，而且去除燒豬肉所帶來的乾涸口感，每隻為一口size，方便容易進食，只略嫌蠔肉味道與質感稍稍被豬肉片蓋過，略有喧賓奪主之況。第四款蠔食：忌廉汁意粉上放有2-3隻蠔肉及菠菜，忌廉汁稀杰度剛好掛在每條麵條上，而且份量多至浸著意粉，令每一口意粉充滿忌廉汁，但醬汁味道奇怪地帶甜，是從未品嚐過的忌廉汁味道，與蠔味更不配襯。壽司：每隻壽司的壽司漬飯不用沾上豉油已帶輕咸香，米飯煙靭彈牙，既粒粒分明飽滿又有足夠黏度不易鬆散。在隨機十款壽司中，我倆較喜歡油甘魚壽司、拖羅壽司及魚籽軍艦，油甘魚與拖羅均帶有微魚甘香，魚籽外皮富彈性，魚籽粒被黏液連繫著，一次過咬後咸香魚籽油一次過爆出，口感、味道及層次感不缺。串燒：免治雞肉串燒必需配汁燒同時原來附有豉油蛋黃汁。燒汁與上述串燒同款，微咸帶出惹味而不會蓋過雞肉味，免治雞肉比想像中鬆軟不會過於扎實，雞軟骨更與雞肉撈勻在內，增加了咀嚼度，沾上蛋黃汁後帶有輕微蛋黃鮮，由於雞肉串己淋有燒汁，蛋黃汁在此作用不大。四款串燒中較喜愛牛舌及牛胸腹肉，牛舌厚切尚算爽口，而牛胸腹肉燒烤熟度剛好，保持咀嚼肉質同時尚算嫩滑，且有效鎖著肉汁。第一次過品嚐四款牡蠣製法，基於餐廳牡蠣十分新鮮，還是最簡單的鐵盒燒生蠔最滋味，最能呈現出牡蠣鮮甜帶海水咸的清新新鮮感，食蠔食到飽確實非常滿足！謝謝男友的推介～----整體評語：食物-所有食物都十分新鮮，不論串燒肉類、刺身壽司及海鮮均嚐到其原味道及不帶雪藏味，主角牡蠣新鮮度更為出眾，而烹調方法、調味與醬汁配搭均恰到好處，不但沒有蓋過食材鮮味，更有效提升味道，而且所有食物都即叫即製，意粉、串燒與炸物等熱葷也灼熱滾燙。.服務-服務員殷勤有禮，密切留意客人需要，一舉手一頭足也立即趕上回應，更會與客人談笑聊天打成一遍，可看到客人十分享受及擁有一個愉快的用餐時間，餐廳亦沒有限時用膳，可以多次落單，一邊慢慢品嚐菜式，一邊與朋友及服務員談天說地，上菜速度也十分合理，首輪點餐大約15分鐘後送上，其他食物其後也逐一呈上。.衛生-所有餐具碗筷也乾淨整潔，沒有任何崩壞及食物殘渣，地面與傢俱也一塵不染，不覺黏立。.環境-少有餐廳擁有一遍熱鬧氣氛，浸在一遍歡笑聲音的我倆不但不覺嘈吵，還被各人的笑臉動容，樂在其中。.抵食-雖然不是平民價錢，但其原材料及烹調方法份外出眾，記念節日或偶爾享樂一番也是不錯選擇。…查看更多

多得飲食情報科組長契妹留意到，得知五月初銅鑼灣新開咗間日本生蠔專門店「牡蠣小屋」，收到風後即組隊同大食會一試。步出升降機門，即見吸睛嘅冰陣上擺出多款新鮮海產，當中當然不乏生蠔，感覺有少少似入咗個高檔嘅迷你魚市場咁。一眼睇哂嘅用餐區域空間感足，大至上可分為四區，圍繞著開放式廚房有八個高櫈吧位。水吧旁另有四個吧位。近窗位置一邊有兩張二至多人嘅合併式散座。另外一邊則有三張要除鞋入座嘅四人榻榻米枱。以網上訂座，只知道疫情下晚市分六點及八點兩輪，到場先知被安排坐榻榻米區，同行嘅長輩進出就有少少難度，所以建議大家如果唔方便坐榻榻米枱的話，最好於訂座時註明。店內光線充裕，以木為主嘅間隔十分清爽，簡樸嘅佈置時尚中仍流露著日本嘅文化。最受一眾煙民歡迎相信就係個露台。餐桌上擺有自助餐具、紙巾、調味料及垃圾鐵桶。飲品牌共有六頁之多，大多日英對照。早已知悉開瓶費為$150/樽，四人就自備日本清酒，真係冇諗到小店會配上名牌「能作」純錫酒器！水松封面嘅中文版食物餐牌同樣有六頁，部份菜式附有彩圖，簡單易明。服務生大多都仲好生手，明顯仍在適應期，幸好其態度溫婉，都幾落力，最興奮就係聽到佢地以日文跟貴客溝通，因為有咁多日本人幫襯係一種信心嘅保證。落單就要搵對節令及是日推介最熟嘅經理哥哥。野菜沙律（$68）：野菜沙律清新爽脆，酸甜醒胃。鰤魚魚鮫（$138）：友善嘅經理哥哥告知吞拿魚魚鮫日日都有，當日精選嘅鰤魚魚鮫就唔係時時有，貴在屬新鮮貨。魚鮫嘅肉質幼嫩鮮嫩，燒焦嘅魚皮亦香脆惹味。特上刺身拼盤（$880/四人份）：特上拼盤內含七款刺身，其中嫩滑嘅北海道海膽、肥美嘅拖羅、爽潤嘅北海道帆立貝及牡丹蝦為指定刺身，均新鮮甜美；節令款式為油甘魚、金目鯛及立魚，質素反而比較平庸。拖羅蔥花卷（$88）：拖羅蔥花卷芳香鮮嫩。鐵盒燒生蠔（$380/一打）：招牌鐵盒生蠔於食客面前燒煮。並由專人帶上手套，以秒速即拆；哥哥純熟嘅手勢確真令人嘆為觀止！燒蠔不單熱辣辣，而且仲脹卜卜，咬落厚潤爽滑，不用加以調味已夠鮮甜，必吃推介也！串燒以長碟呈上，相當有睇頭。汁燒牛舌串燒（$88/串）、汁燒黑胸腹肉串燒（$48/串）：汁燒牛舌爽彈香濃，汁燒黑胸腹亦鬆潤甜美。汁燒黑和牛串燒（$88/串）、鹽燒雞翼（$38/串）：汁燒黑和牛爽厚潤澤，雞翼則香口味佳。汁燒豬腩肉串燒（$38/串）：汁燒豬腩肉肥瘦均勻，爽甜多汁，係多款串燒中之最！鮟鱇魚肝（$58）：鮟鱇魚肝醇香軟滑。蠔土手味噌鍋（$280/二人份）：圍住煲邊嘅味噌於煲滾時慢慢溶解。如相所示，即叫即於餐桌上煲煮嘅蠔鍋份量十足，鍋中嘅六隻生蠔都係咁肥嘟嘟、滑捋捋，雜菜亦鮮爽討好。牡蠔忌廉意粉（$118）：意粉麵條軟韌有彈性，頂面嘅蠔隻鮮甜肥潤，混入嘅忌廉亦芬芳柔滑，四口子分一客剛剛好唔會太溜滯。北海道布丁（$48）：布丁甜品香甜軟滑，大人細路都啱食。新店「牡蠣小屋」環境開揚簡潔，經理哥哥誠懇有幹勁，主打靚蠔菜式及日式串燒質高美味，可謂貨真價實，配埋四周嘅日語對白令細佬彷彿身處於日本般，令人倍添樂趣，絕對值得一試。…查看更多