愛上米線 (漆咸道南) (已結業)

之前經過呢間米線鋪已經想試，今日經過見到個menu換咗新，又係lunch time ，梗係入去試吓先啦！牛魔王麻辣湯米線：有牛展、牛九、肥牛，每款份量都唔少。牛展好香，夠哂入味，仲好淋添👍🏻，而牛九冇雪藏味又有牛味😋飲咗啖湯好香，唔會太麻，麻辣適中👍🏻蒜香炸豬扒蕃茄湯米線：炸豬扒好大件，亦都好香蒜味，肉質嫩😋蕃茄湯底仲要係有機嘅添👍🏻飲落去酸酸甜甜咁😋櫻花蝦魚腐串：一串3大粒，好香脆，而肉紮實，入面仲食到櫻花蝦，咸香咸香，上面仲灑上海苔粉，味道好夾😋👍🏻大澳爆汁雞翼：好香蝦醬味，唔會過咸，外脆內嫩又juicy 呀😋👍🏻懷舊蔥油餅：夠薄脆又夠蔥味😋，不過要記得襯熱食呀！檸檬柚子蜜、青檸梳打：柚子蜜夠哂潤喉，加埋檸檬酸酸甜甜，好清潤。而青檸梳打好fresh，好解渴👍🏻見到餐牌原來有酒精飲品提供，下午茶有炸雞等，咁真係下次可以黎，整返個happy hour呀😆

店內的裝修都幾新潮，以黑白紅三色為主，感覺坐得幾舒服同環境夠乾淨。同之前食過既餐牌唔同左，有新既湯底，仲有車仔麵叫，自己簡配料同湯底。蟲草花胡椒杞子雞肉湯米線 湯底幾濃，胡椒味重，搭配豬骨湯，好正！入面嘅配料好多，雞肉係屬於滑身嗰隻，呢一個米線岩晒女士們啦，感覺好滋補。牛魔王麻辣湯米線一打開就聞到好攻鼻的麻辣香味，好香！鐘意吃麻辣的人一定喜歡，牛魔王裡面有肥牛、牛丸及牛𦟌，牛丸爽口彈牙，肥牛及牛𦟌都好軟淋同入味。懷舊蔥油餅配藤椒野菌雞粒藤椒雞粒表面好香脆的，帶點麻辣，蔥油餅厚度岩岩好，搭配香蔥好夾，別有一番風味。佢個湯底真係唔錯，有機會試下堂食，可以免費添飯或米線，用盡個湯底。