韓韓館 (已結業)

新開韓國店,一行8人去試新野,裝修好特別,我好喜歡佢的椅抽氣都好強,好似去左韓國禁,入到去就遠離左香港禁啦*^O^* 朋友和我都超喜歡,而且可能多人食,樣樣我們都試,叫左12碟左右,可惜當日無我想食的甜品和特式飲品……唔知點解好多都無了＝0＝ 我們食左好多款肉.最值得推介一定要選厚切,佢地唔會鞋又好咬口,我喜歡配生菜+泡菜+蒜頭, 配左菜就食極都膩,呢到小菜係任取添加的,我們添左好多次……另一推介係蛋啦,佢會送一次蛋醬係爐邊,又唔老喎,蛋醬應該加左d野,佢會放d泡菜成為泡菜蛋,好特別,見到有個手搖便當,又order試下,食前搖佢先,我們每人都搖左佢幾下,呢個飯盒其實幾好架,放工要發洩可以黎叫呢個飯,當佢仇人禁搖,然後食佢落肚,重點係搖完當然唔靚仔啦,但又好味喎,即拌飯禁囉!海鮮煎餅有虾,八爪魚,帶子仔都幾香脆,普通煎餅,會推介大家去試,注意旺角韓韓館同中環韓韓館名字一樣,但食物唔同架,中環主要係食部隊鍋,旺角主力韓燒,我都有係到試部隊鍋,呢到細鍋d味道淡d……最大問題係漏單好嚴重,大家有心理準備追下佢呀!

同食每月聚會，佢地又係韓迷，所以就試試新野。牛肉卷 - 好食，紫菜帶麻油香，包得夠實唔會一夾就散，一陣就掃晒。甜辣醬炒年糕 - 比想像中冇咁辣，年糕煙韌，但size就長左DD，細舊D比較好。牛舌 - 呢款係薄切，所以一落爐好快就食得，肉質爽口嫩滑，建議包生菜蒜片，仲惹味。骨付牛助條 - 呢個勁，攤開我估有兩尺長，影相呃like最岩，肉質都比較軟滑，但近骨位就有少少筋。蒜蓉牛油帶子 - 錫紙兜上，因為唔係正接燒，所以要花D時間煮，不過帶子size幾大，而且新鮮，雖然好似貴貴地，不過都可以trytry. 生果雪條 + 梨汁 - 非常聰明既做法，咁樣我就keep住有凍梨汁飲，又唔會淡左，而且賣相都好特別。 

喺朗豪坊返工咁耐，終於等到有韓國燒烤食，唔駛下下走去隔離食"看禾"。於是，喺佢地開張等二個月（因為第一個月通常係試業，最好等佢地run順咗先好試），即刻約埋同事"為食蕭太"同"潔癖格格"一齊去擦返餐。 去到門口，果然坐滿人，好在我地有book位！ 室內環境尚算OK，唔會有太大油煙味，食韓燒最怕食完全身燒烤味，嗰日邊度都唔駛去。Lunch價錢由HK$45至HK$119，喺呢頭嚟講，價錢都算OK。"為食蕭太"一向鍾意有大食大，唔貴唔叫，HK$119嘅加拿大厚切豬腩肉當然走唔甩啦！"潔癖格格"就話好掛住Do Min Chun Si，要食炸雞喎（無set都要照叫）。   我就叫咗份牛舌。由於我地三個太肚餓，決定先叫一個Kimbap頂住肚先。就喺叫完餐嘅一刻，"潔癖格格"突然發出一聲厭惡的叫聲"咦~~~" 原來係個鐵板上面煎蛋嘅果條坑有蛋漬，難怪"潔癖格格"咁大反應，咁就梗係即刻叫人換啦！雖然換完之後係無事，但... 分已扣！換完板，梗係等加蛋同蒜頭啦！點知店員話Lunch係唔provide嘅~咁老實，而家喺朗豪坊食個晏只係5、6十蚊，仲要provide埋呢D嘢，真係蝕俾你呀！等咗大約3