焼肉而今 by 富小路やま岸

男友話要帶貓奴食燒肉🤩 果然值得一試😍🔸極上A5黑毛和牛燒肉定食 $488四款唔同部位嘅A5和牛，油花咁靚又平均嘅外觀已經好吸引🤩🔸醬汁薄燒A5黑毛和牛燒肉定食 $338男友喜歡薄燒偏向油份無咁重嘅選擇，食返和牛本質同醬汁嘅味道，相對無咁油膩。🔸牛舌 $90貓奴食燒肉必追加厚切牛舌😛 外層燒至微焦，入面依然軟嫩有彈性🥹跟餐有茶碗蒸、沙律、前菜、湯同白飯。燒緊嘅時候香噴噴，但油煙唔大，食完都唔會成身燒肉味👍🏻貓奴個人喜歡西冷同羽下位置，和牛西冷肉味較濃，羽下則油脂較濃郁，款款各有特色😚薄燒配蛋汁食好滑溜😋跟餐有幾片菇同南瓜🎃甜品有蕨餅💚環境闊落幾舒服，只係窗邊位置太陽曬住，燒嘅時候愈食愈熱😅不過食完離開都冇油煙味，呢個值得讚👍🏻🐾貓奴足跡🐾🌐 焼肉而今 by 富小路やま岸 (尖沙咀)📍尖沙咀梳士巴利道18號維港文化匯K11 Musea 6樓603號舖…Read More

這間燒肉已經是第三次吃了, 食物質素+環境 確實是好. 第一次來都是經日本朋友介紹, 一吃之下，覺得ichiban今次第三次來, 同事很喜歡吃燒肉, 指定選擇這一間. 午餐時段分了兩個, 我們選了這個時段 12:00 -13:30 , 用餐時間一個半小時午餐menu 其實都有多款選擇, (忘記了拍照),Set 1, 就是厚切+ 薄切 $480, Set 3 就是薄燒 $330。 全部都是A5和牛, 所以質量都非常好. 其實厚切薄切各種都有好吃. 同事就點了厚切。我自己就點了薄切 (加+90 加配厚切牛舌。厚切不多介紹， 因為今次比較想推介薄切。 因為兩種我都吃過， 很多人心目中都覺得 厚切最好, 但我一般都是看性價比, 薄切確實更有驚喜， 沾上雞蛋， 再點醬汁,我真的會給90分. 至於牛舌方面， 不錯但未去到太驚喜， 因為我本身很喜歡吃牛舌， 所以一定會加配。 如果跟兩個一起來， 可以嘗試點兩種餐share， 一次過試兩種口味。 如果一個人 又只想品嚐一下餐廳質素， set 3 這個價位真的不錯餐廳在 K11 mesea ， 環境寬敞 非常適合聊天 。 下次有機會會再分享燒肉…Read More

今年生日又撞正停晚市堂食，本身一早book好咗嘅晚餐變咗食午餐。但有得食和牛燒肉，無論朝早定夜晚食都係開心嘅！一坐低就嗌酒飲午市以和牛燒肉定食為主，有多種部位選擇，另外有sukiyaki、烏冬、石鍋飯等等。定食包括沙律，前菜，白飯同茶碗蒸。茶碗蒸超滑溜，啖啖充滿日式高湯味想咩部位都試下，所以點咗極上A5黑毛和牛燒肉盛合定食同埋醬汁A5黑毛和牛牛小排燒肉定食，另外加一份牛舌。極上A5黑毛和牛燒肉盛合定食有四個部位，分別係牛柳(ヒレ)、貝身(カイノミ)、西冷(サーロイン)肩胛(肩ロース)。全部都有好靚嘅油花，未食落口都知道好味牛柳同貝身都係脂肪少，非常柔軟而肉味香濃。西冷油脂豐富，油脂同肉味好平衡。肩胛同樣都有豐富油脂，而且肉味濃厚。醬汁A5黑毛和牛牛小排燒肉定食嘅牛小排(カルビ)，係我食燒肉最愛食嘅部位加咗醬汁嘅牛小排帶點微甜，醬汁味道剛好，唔會搶咗牛肉味。另外點嘅牛舌係厚切，爽口得嚟唔會韌。值得一提嘅係服務幾好，開咗爐覺得好熱，侍應就即刻較大個冷氣而且會過嚟幫手燒肉，雖然我本身鍾意自己燒多啲。總括嚟講食物質素高，A5黑毛和牛同喺日本食到嘅一樣咁正呢餐飯感覺好似返咗鄉下咁。…Read More

揉合懷石料理同現代燒肉嘅元素，選用日本直送高級A5黑毛和牛。晚餐一個頭千千聲，估唔到午餐燒肉$290起就食到。普通定食更加只係百零蚊起。但係一場嚟到冇理由唔食燒肉嘅。環境舒適光猛，服務都幾周到。日本經理主動幫我哋合照。雖然午餐要自己燒，員工冇講到啲肉係咩部位，但我覺得好食開心就得了。😋😋😋😋當日叫咗兩款燒肉定食，套餐包括茶蒸碗，海帶湯，白飯，漬物同沙律，非常豐富。小貼士💡Download K11會員App，除咗儲分，最新優惠呢啲大路嘢，佢有時仲會派錢俾你洗。我試過被邀請做簡單問卷，佢回咗$800 K Dollar俾我洗，真係好正🤩🤩…Read More

母親節食飯決定揾返啲高級享受既餐廳🍴好彩早兩星期book位，呢到經常性full booking‼️一入門口感覺非常舒適，環境光猛。職員全部都好有禮貌，一坐底都即刻倒熱茶比我地，不過因為舖頭有落地大玻璃，出面啲陽光打入嚟非常之熱，所以最後都選擇冰水🤣🤣我地分別揀左: 極上A5和牛燒肉盛合、日替A5黑毛和牛盛合、醬汁薄燒A5黑毛和牛牛小排，另外仲追加左一碟牛舌🤩🤩。三個餐都有伴碟、飯、茶碗蒸個啲配埋。驚喜既係呢啲睇落咁細微既食物都整得咁出色。蛋非常滑溜，用料上乘、湯入面既牛都好軟淋，牛味都仲keep到。唯一要彈既就係職員一上碟時無介紹邊一份係邊個盛合，亦無介紹碟上既牛係咩部位，幸好後來有位應該係經理的男職員過來逐樣簡介😋👏🏽牛肉一放入口即化，牛味出色又有，油香味既有，肉類真係非常高質，睇來由日本入口的牛肉又真係無花無假☺️而最驚喜嘅竟然係追加的牛舌！厚切4片，一啲都不孤寒！肉質厚實爽口，既不韌亦不羶😋😋😋抵讚‼️我地真係一路食，一路嘩嘩聲🤣的確水準很高，體驗一流☺️☺️💓價錢方面就真係唔平，不過想食質數保證，又想食得舒服、service既，呢到又真係幾滿意🤣🤣記住要黎既早啲book位啦！好似係無得walkin架~~…Read More