正道和牛燒肉店 (已結業)

之前新開時同D女仔Friend去幫襯過，佢d和牛和其他食物好得 ，坐得好舒服，不過當時就唔係任食，少少貴。知道佢4月開始轉做任食，做緊promotion$388, 加$48可任食啤酒汽水，嘩...A4和牛丶帆立貝丶蟹腳等有7款肉可無限添食，昨晚同老公去咗試，又得喎! 先黎刺身壽司，沙律, 這些無得encore, 但份量好多。跟住就到肉類，任我地添食，我老公食肉獸，和牛丶牛舌refill咗幾次，我就主攻和牛丶帆立貝和蟹腳，食到真係好飽，個蒸飯 & 水冷麵都食唔落。老公覺得好扺，要約班friends再去多次喎！

前排個朋友話佢公司附近有間新開既日式BBQ, 個人一向對日本野無好感(又貴又唔飽)我提議食韓燒啦不如, 但無人睬我所以最後都試左呢間 可能新開所以唔洗等而且都唔係太多人食!因為遲去所以D FD已經開始左, 佢地留左少少前菜(刺身)比我應該係正道刺身拼盤(有三文魚, 蝦, 和牛同海膽)前面兩樣就正常 和牛同海膽真係好新鮮, 本身好怕海膽唔多新鮮既味, 但呢個完全無問題 跟手就開始BBQ啦, 都叫左好多下.(豬、牛、雞都有)大部分既肉都好新鮮同埋份量都幾合理既間野係賣牛既, 最出色一定係D牛啦 所以我地叫左好幾款.前肩肉每塊都好薄, 真係有入口即溶既感覺呢個西冷係我最鍾意既, 價錢係貴少少, 但真係好好味 牛舌好爽 食左好幾舊都唔覺得太膩因為有個FD唔食牛肉, 所以叫左雞柳 因為我已經比D牛滿足曬個食慾, 唔記得左雞好無味但朋友就話係好味既, 不過份量有D少喎(無計啦,佢唔食牛)呢個唔記得叫咩, 係同炸蟹肉丸, 好脆香口 同埋少少海鮮中和下幾好!!淨食肉D FD話唔夠飽 就叫左2個薄餅(一個原味一個泡菜味)因為個人比較喜歡韓仔口味, 覺得泡菜味好正 最後叫左雪糕(綠茶/焦糖/柚子)