大丸和風食堂

今日試咗係女人街既日本料理，門口容易搵係地舖位置，店門口既日式設計大招牌，推門入內既日式裝修，夠氣氛！待應親切有禮招待，同朋友二人安排坐卡位，位置闊落舒適，又可以慢慢睇餐牌點食物，掃碼自己落單，夠方便！先點了牛肉壽喜鍋，熱辣辣上枱，加了日本蛋，攪拌後加一件牛肉入口滑滑好美味！仲有其他配料，芋絲，冬菇同菜，本人最喜歡壽喜燒湯底甜甜的，滿意！再點了四點刺身有三文魚腩、油甘魚、吞拿魚同埋甜蝦，四樣刺身都好新鮮，好甜美！跟住點了鹽燒日本手羽，燒烤過既食物好香口，賣相靚靚上枱，手羽夠晒入味，見隔籬枱配啤酒一流，下次要試吓先，最後點了黑蒜油蝦拉麵，喜歡黑蒜油湯底，好香口，一口麵一口湯先食到日本拉麵真正既味道，整體滿意！有機會再嚟幫襯！…查看更多

好耐都冇出過去旺角行街，見到一間裝修好有心機嘅日式舖頭，所以就試吓佢啦四周圍都加咗啲日式裝飾隻招財貓好得意❤️❤️❤️～天婦羅配手打凍烏冬天氣咁熱，好適合食凍烏冬配埋天婦羅，有大蝦又有南瓜同平時好少何見到嘅茄子 好正😊今次我自己揀咗配胡麻醬～牛肉壽喜鍋價錢相當優惠，即使天氣熱都好想好想試吓佢入面有好多料 除咗有好多牛肉 又極多菜同菇仲有超滑既豆腐個湯底我都差唔多飲晒🤣🤣🤣🤣值得一提，店員好細心另外會比多個碗仔我哋食壽喜鍋🥰～牛油果軟殼蟹卷厚厚一層牛油果 配埋軟殼蟹 簡直冇得頂！～火隻三色丼有三款餸 分別係三文魚、左口魚同飯立貝每一款都燒得好香 飯加咗醋 🥰🥰整體份量都好大份，我哋兩個人都食唔晒…查看更多

行開旺角發現新開咗間日本嘢，門面幾光猛，所以同朋友試吓😋刺身盛(四點) ($108)有三文魚腩、油甘魚、吞拿魚、甜蝦，都幾新鮮，尤其是三文魚腩特別肥美，好有油脂香👍🏻👍🏻帶子壽司($32) 三文魚壽司($20) 天婦羅蝦壽司($22)帶子都幾大粒，食唔到雪味，味道幾好；三文魚壽司正常水準；天婦羅蝦壽司有驚喜，係啱啱炸好熱辣辣，脆卜卜👍🏻特盛海鮮丼餐($138)餐跟一碗味噌湯，加咗$12落咗巨峰梳打三文魚幾大塊，有鮮甜帶子同三文魚籽，蝦雖然得一隻，但係非常大隻👍🏻佢可以免費追加壽司飯，但其實飯量好多，就算男仔都好夠食牛肉壽喜鍋($58)幾抵食，賣相不錯而且大大兜😍調味唔會過甜，有娃娃菜、芋絲、海帶、金菇等等，冬天有個熱鍋食一流👍🏻👍🏻黑松露三文魚沙律($48)三文魚份量好多，雖然黑松露味出咗啲，但我同朋友都覺得幾可口，幾肥美👍🏻👍🏻芝麻手羽($58)份量有3隻，新鮮炸起好香口，配埋蜜糖芥末醬食不錯👍🏻黑松露薯條($38)又係至愛黑松露😂，正常水準發揮，實唔會中伏😂好食餐廳總括嚟講水準不錯，價錢合理，位置便利，同朋友吹水食飯嘅好地方～會再嚟👍🏻👍🏻…查看更多

剛買咗機票準備旅行, 朋友建議約出黎傾行程, 隨意入咗呢間日本料理。原來呢間餐廳新開試業中, 晚市暫不設加一。餐廳內多個卡位, 坐得舒服, 食物款式選擇多, 一般刺身、壽司、丼飯、小食、鍋物等等….都有齊帶子壽司: 帶子鮮甜肥美, 配上細細件壽司飯, 顯得帶子更加飽滿。三文魚加州卷: 三文魚面加有沙律醬同少少蟹籽可增加口感又提升味道。飯卷嘅飯包得唔會太多, 飯粒亦唔乾唔硬。中間有青瓜、玉子、蟹柳, 三重口感, 豐富。三文魚海膽丼: 丼飯配有味噌湯, +$12 追加京都宇治抹茶鮮奶抹茶鮮奶香滑微甜;丼飯面層佈上了五片三文魚同埋海膽, 三文魚雖然唔太厚, 但食到魚香; 海膽甘香冇腥味, 丼飯壓實大大碗, 好飽肚。牛肉壽喜鍋: 湯底好重醬油味, 熱湯將牛肉浸熟, 可因應自己喜歡熟度而夾起, 唔會焯過龍鞋十十感覺。湯底同牛肉味道好夾, 仲有滑豆腐、兩舊芋絲同埋少許金菇、少少蔬菜, 吸收咗湯底而有少少醬油鹹味…查看更多