三ステーキ

😜😜自己牛扒自己煎😝😝平既去餐廳食牛扒，叫medium(即係五成熟）多數都變medium well (七成熟甘解），但有時叫medium rare (即係三成熟），佢又真係整到好生上碟，所以好中意呢間，俾你自己煎住食，中意生d又得熟d又得🤪🤪又幾好玩加！首先要介紹一下佢個玩法，佢就真係好似日本好多餐廳一樣，係用自助售賣機（但我竟然忘記了影相😅😅）有三款牛，包括三拍子，牛柳同西冷，仲有唔同gram可以選擇自己足夠份量，包括200，300同400，叫牛包沙律唔好再買啊！飲品就要買啦或者有水提供。今次我就叫300牛柳而朋友就叫300三拍子，叫完就有人帶位！先來個沙律，係自助沙律吧，細細地都可以啦，幾中意食個通粉個湯我就覺得一般，唔好有期望朋友既三拍子我既牛柳上來個陣佢係一成到加咋，個面熟入面生，我就一路切一路燒一路食， 記得反下另一邊唔係就一面太熟😅😅😅而且唔夠熱可以搵員工換板！ 掛住食牛唔記得食飯🤣🤣🤣佢個到飯，沙律同湯都係任食加，所以一定飽😂😂😂😂…查看更多

話說九點係深水埗收工，食黎食去都係嗰啲冇咩特別，男朋友去左帶我食呢間Triple Steak😋十點閂門，我地九點幾去到都仲要排隊，本身好肚餓唔想等，但見都唔算排好耐，又好似值得一試！餐廳用左日本好常見既「售賣機」形式買你想食既Set，菜單基本上得三種：1）三拍子牛 2）牛柳 3）西冷，每款都有三種份量比你揀。我地排左20分鐘左右就入座啦，我嗌左Triple Steak，男朋友叫左牛柳，兩種牛都叫左中間既份量。 結論係雖然Triple Steak價錢平啲，但我同男朋友都覺得好食過牛柳😂 因為飯湯同沙律係任添，所以真係唔會唔飽！兩個人最後都食唔哂啲牛，Overall 黎講我覺得係抵食，會再黎！…查看更多

晚飯時間排隊等左半個鐘，先買飛，再又店員安排座位。座位唔太舒服，有d 迫，好多客人一食完就即走。試了佢地嘅招牌「三拍子牛」$75，都算算可以。另一隻「牛柳」似乎比「三拍子牛」好，肉質鮮嫩些，但份量望落俾「三拍子牛」還要細份。…查看更多

尷於IG熱潮人氣的確小不了💁🏻‍♀️當日星期三6:10pm已經到人龍真心唔短 🧟‍♂️已經要排到隔離電單車用品舖嘅後巷位置前後等左一個鐘多D到7:30pm終於可以禁機點餐啦溫馨小提示🧚🏻‍♀️部機唔識收2蚊同新嘅500蚊紙尷於得一張新500蚊紙🤷🏻‍♀️店員都好好人打開部販賣機換張500蚊💵比我地入座後⏱就可以自己去廚房比單等牛扒啦餐廳好貼心有準備到即棄圍裙適合著淺色衫🥼嘅朋友由於牛扒🥩系跟餐嘅可以自取湯🥘&飯🍚&沙律🥗主角到啦🎉牛柳（400g)西冷（400g)三拍子牛扒（200g)認真講🤔真心唔好食三者之中如果要揀牛柳比較算系正常少少之外🙈其他就唔點好過點西冷就簡直不值一提朋友話仲難食過煲湯嘅豬𦟌肉真心肉質系韌嘅而且肥膏都比較多貴得無道理🤷🏻‍♀️三拍子普通到無得再普通嘅牛肉真心大家樂會好食過佢😂一個字「伏」兩個字「劣食」但店員嘅服務系唔錯假如覺得塊板唔夠熱可以自行去領餐處換嘅店員好細心同快手咁幫你換熱好嘅板假如為左食物而黎我勸就免啦但為左玩下部自助販賣機或者感受自助煮牛扒嘅我雖然都唔推薦但可試一下無妨但要等足一個鐘你地就要諗清楚啦🤣…查看更多

星期日下午3點幾去食，人唔算好多，排左大約20分鐘，我叫左個三拍子牛$75，老公叫左個牛柳300g $115，再叫多罐雪碧$15。排隊排到門口入錢落佢部自助售賣機都買飛，之後等店員安排入座，入座時佢會比部bibi 機你，到bibi機响就可以去台前拎牛扒喇。在拎牛扒前有空檔就去自助沙律bar拎沙律、沙律醬、白飯、湯、水、冰、紙圍裙、餐具。枱上有些醬油、蒜等可以比你陣間食牛扒點的。牛扒是熱石上的，有張紙巾鋪面以免油彈出，牛本身是1成熟，用熱石的熱力將佢整熟。店鋪冇想像中咁細，都座到廿幾三十人，座位的細的，如果去食就唔好帶大背囊，因為冇位你擺，地方乾淨既，係有日式自助小店feel的。三拍子牛其實冇乜味，牛柳牛味會好少少，建議落蒜及醬油調味，成個過程幾得意既，唔會話排半個食15分鐘既感覺，店面只得一個人，唔知係因為唔夠人手或是整唔切牛扒定還是想營造個排隊既效果，就算入面有好多位佢都會要你等先比你入去；順帶一提如果你想2個人share1份牛，你是需要額外買多一份沙律，因為沙律是任食的。…查看更多

食左幾次都仲想食架牛扒。令次都見人龍勁多，每次要排30分鐘先可以入席，入席又要等半個鐘先有得食！等等等~~~在門口購票機買自己想食的牛級數，比完錢會有人帶位入席，之後票比服務員，服務員會給你一部機，機在響起就有得食，要自己行去令牛扒。在牛扒還未有得食時，要好好食幾轉沙津菜，我最愛落芝麻食，仲可飲牛肉湯同埋白飯無食。預先把調味料裝在長細碟上。食左幾轉沙津，終於有牛扒食了。牛扒預先煎香了兩邊，令到埋枱沙沙吱吱咁叫。先是反轉煎一會，再快速切片煎會兩邊。第一次來食時石板好熱，呢幾次食相對唔夠熱，所以效果冇咁好食！今次叫左3拍子同埋牛柳，我個人覺得3拍子仲濃牛肉味d, 相反牛柳味淡味些。如覺得石板唔夠熱，可要求更換塊新的。…查看更多

見到有社交網站大肆宣傳呢間石板牛排店，再加上每次經過都見到大排長龍，好似好吸引咁，今日男友話去試下！我地下午五點三左右去到，見到竟然得三四個人排隊，咁岩又有一大班人走，職員都好快手執枱，所以好快都到我地！要先係門口既自助販賣機揀要食邊款牛扒及份量，再入錢買票（部機係唔比入散銀只可入錢幣），買完票後等職員安排坐位。叫左最平既兩款牛扒，t要自己落，有鹽，黑椒，味道一般。任飲任食既有椰菜沙律，白飯，湯，同水。總結，我覺得唔值得特登排隊去食！…查看更多

見到網上不停介紹深水埗呢間牛朳大件又抵食, 仲要係石燒, 沙律, 白飯, 湯都係免費任添而大家對呢餐廳既評價都唔錯, 見今日放假就黎試下諗住今日係平日下晝會少D人啦, 點知去到已經排緊隊啦, 前面大概有10幾人比起我上次想黎食少左好多架啦等左30-40分鐘左右, 終於有位, 門口有部點餐機, 揀好餐比哂錢就會安排入座然後將果張飛仔比職員所有野都係自助形式, 沙律, 湯, 茶, 白飯都係自己出去攞牛朳未到之前緊係飲左沙律先啦, 沙律菜可以落麻醬或者醋, D菜都好鮮甜架朋友食左幾碗呀等左一段時間, 牛朳終於出場啦以下呢個係三拍子牛朳, 我叫左180G, 但對於我黎講都好夠食牛朳煎過2邊, 其他就按照自己既喜好去調整個生熟度我唔鍾意食太熟, 6成左右就岩哂我, 食落去有口感, 有肉汁, 但呢隻肉質就冇咁滑以下呢個係牛柳300G, 相對三拍子就滑D, 味道就大家差唔多要自己落鹽或者醬料去調味總括呢間牛朳係有特色既, 而且都抵食, 牛朳唔係話好高質既牛朳, 但相對起佢既價錢黎講算係物超所值想試既朋友就真係要排下隊啦, 因為地方好細,  坐得都有少少迫架最好就係平日既下晝黎, 想食夜晚我諗都要5點左右就要黎排隊啦…查看更多

今日終於試左屋企附近個熱石牛扒，雖然要排隊，但係都係等左半個鐘就入得，可接受。係門口有部機收錢，自助形式，好似日本拉麵店買飛果啲機，買完飛後就會有店員帶你去坐位度。不過有少少野要留意返，因為部機找錢同出飛都係同一個地方，所以開頭我都睇唔清楚以為找少左錢，好在身後的熱心情侶話比我知先見到原來錢係個暗位度。今日試左牛柳，好味道。計返價錢性價比必食，$85有飯有沙律，煮熟一成後，用熱石上，想食幾成熟自己黎。所以建議唔好叫咁大份，雖然熱石唔夠熱可以更換，但係麻煩。日式食法，有豉油有蒜末，加埋落牛扒度好好味。下次有機會會帶埋老婆再去試其他野食。🤤🤤…查看更多

早兩個月前老公已經係網上睇到呢間野 近近地好想試約齊人星期五夜晚去 見到勁多人排隊 老公已經叫我排隊先 佢去泊車點知前面個女仔已經同我講佢係最後一個今日決定同老公拍拖仔黎試多次 我6點45分已經到左但人都係咁多 排隊排到入後行排左1個鐘左右 終於到我地啦~首先要係門口買飛 款式唔算多 我同老公就要左400g牛柳同400g三拍子買完飛 入到去會有人帶位 地方唔大 位置都唔多帶位個個會解釋要去邊個位拎野 跟住就張頭先買個張紙俾服務員呢個時候 老公就出去吧枱位拎飯,沙拉,湯我就係位到等岩岩服務員俾我既牌仔響服務員態度非常好等左唔係好耐就響 老公就去拎牛牛牛柳牛味重 煮得耐會比較易老 唔算太大份 老公唔太飽因為飯,沙拉,湯係任食 所以最後一定可以食飽既三拍子 非常嫩滑 熟耐都唔會老 牛味唔夠牛柳重 但肉汁都多仲有好多調味品 但真係勁污糟 我只落左小小蒜珍珠白飯同牛一齊食 非常之夾沙津只有椰菜絲 紅蘿蔔絲 我有小小覺得苦湯就比較清淡 只食完牛 飲返啖都幾舒服總括黎講都食物方面非常滿意 好味 又可以自己選擇幾成熟只有排隊方面比較耐 但都一定會在黎!!!!…查看更多

Triple Steak，來自日本的牛扒專門店，以自助購票方式點菜，每款牛扒有三種重量選擇，連同三款不同的肉，合共有九個配搭，如果你是大胃王，點一份400g的牛扒是不錯的選擇，但如果你是位胃口小的女士，仍有180g的選擇。今天與柑太到了Triple Steak。內裡裝潢很簡單，坐位不多，而且很狹窄，二人坐位只有平常的七成寬。我點了一份牛柳300g，而柑太選了三拍子牛180g。店內提供圍裙及自助白飯和沙律，碗杯及飲用水任用。醬料很多選擇，比較推介是三拍子蒜蓉、芥末肉蔥和柚子胡椒，不單是做為牛扒的醬汁，用來送白飯也是一流。牛扒是需要自己去櫃檯自取，所以會有白餐紙蓋著。這便是三拍子牛扒180g，肉質不錯，未及西冷一般有咬口，但肉質較為嫩滑。由於牛扒本身只是blue，要食medium rare以上熟度，需要自行等待牛扒在烤石煎熟本人的牛柳(應該是300g但實際不足請看題外話)，肉質不錯，但油脂很少，作為牛柳便較為遜色，以百多元的價錢可以吃到這個分量，實在是超值。…查看更多