上水貨舖 (已結業)

上次經過見到以為新開咗間文青舖頭，一直以來都無入去行過，琴晚經過入去睇下，點知原來入面仲有野食，就買咗個片皮鴨卡霸拎返屋企做宵夜聽店員講佢地做外賣無堂食，夜晚八點後而家仲有限時宵夜優惠。片皮鴨卡霸估唔到都幾有驚喜，個醬汁同片皮鴨好夾，食得出入面仲有擺少少京蔥，令到食落更加有層次，沙律菜都好新鮮，宵夜來講係幾健康嘅選擇，個份量啱啱好夠一餐，落order個陣見到佢水果茶都有好多選擇，我諗下次都會試埋！！

今日嚟到大圍行街，見到間野叫上水貨舖，已經比佢個店名吸引到🤩，原來係間賣香港製造嘅良心小店，店員話係喺上水開分店開到大圍。🇭🇰佢地有野賣又有野食，最後買左個片皮鴨卡霸，有啲似墨西哥夾餅，包裝好靚，好足料，入面有鴨肉有沙律菜仲有啲配料，味道唔會話太咸，醬料份量控制得啱啱好👍🏻，值得一試😋。Size如果女士食嘅話做正餐就啱啱好，男士的話可能就唔夠飽，要再叫啲小食，做下午茶或宵夜好推介。支持香港小店💪🏻。