鬍鬚佬私房菜

Dinner organised by Professional Athlete 2 months ago. Literally a hole in the wall inside an old building in Sheung Wan with tables organised in a family-run business setting.爵士湯 to start. Rich and collagen packed. Would have been better had they put in more cantaloupe to accentuate the sweetness. 椒鹽南非鮮鮑魚 Flavours were on point but the abalone was not sufficiently cooked. Needed to use knife and fork to slice it up.蛋白花雕蒸蟹 Crab not exactly meaty. Shaoxing wine was absent. 棟篤雞 showstopper of the evening. Crispy skin and succulent meat.紅酒炆牛尾 Ox tail was properly stewed but the flavour profile was rather monotonously sweet. Would have been better had it add a tad of tomato paste for a bit of freshness and acidity. 墨魚滑腐竹浸芥菜. I am a fan of mustard leaf and tofu skin cooked in a hearty broth so this one works for me.魚翅撈飯 another showstopper of the evening. Server stirred in generous portions of shark fin in fried rice on the table. 鮮奶紅棗桂圓燉花膠 for dessert. The perfect sweet ending.Overall an excellent venue for family/friends gathering at a budget. Only $560/pp for a scrumptious menu comprising fish maws and shark fins. …查看更多

一間非常有特色嘅中菜館! 用料充足! 菜式夠創新又特別!呢一間係上樓嘅私房菜，有一種屋企食飯嘅感覺，由上環地鐵站行過去都唔算太遠，但入口就有機會比較難搵少少。想黎嘅朋友仔一定要訂枱，冇訂枱想 Walk in 應該未必會安排到，因為我哋訂枱之後就要決定埋野食，所以每一枱都已經點好哂所有嘅食物。人齊，就可以上菜😄食物種類非常多，花多眼亂😂睇過你哋就會明白! 總括黎講當晚嘅食物嘅水準到中至高，味道都夠，好食嘅! 當中有一個冰鎮咕嚕肉比較特別，食落口外凍內脆，口感一流，建議快啲食，唔係嘅話個口感就會冇咁好，凍熱個對比冇咁大。不得不提嘅就係個爵士湯，鍾意飲湯嘅朋友一定要試! 個湯超級非常足料! 鮮甜又夠味! 大量乾瑤柱...螺頭...花膠....好好飲嘅一個老火湯... 另外豉椒蟶子煎米粉都要試下，食落口新鮮，個汁嘅鮮味比底嘅米粉吸哂，少少脆又夠香又到鮮味! 而其他菜式例如棟篤雞，花甲都好食，但冇乜太大特別。 羊腩煲我自己覺得普通，我下次食會揀其他特別菜式，未必會再想食羊腩煲 Lu 。價錢我會覺得普通，唔太便宜，埋單唔會有種好抵嘅感覺，但一分錢一分貨，食得出佢喺有擺心機去煮，去準備每一款菜比我哋，有喜慶日子我會諗起返黎再食! 成餐飯去到尾昇佢會出黎同大家敬酒 Check back 😂 好開心!! 笑死!! Respect !!…查看更多

朋友大力推介，我抱住半信半疑嘅心態去試試，點知味道相當驚喜，非常好食！以下系我點的菜單：爵士湯正宗糯米雞紅燒石岐鴿盤龍鱔兩味花雕鴨舌冰鎮咕嚕肉龍鳳珍肝卷南乳蠔豉炆斋魚湯勝瓜腰果露我建議必試爵士湯，好多花膠火腿瑤柱，料好足，好飲到最後一滴都唔想篩👍🏻另外，冰鎮咕嚕肉同蜜汁鱔魚都不要錯過，好食得嚟又見廚師功力😎👍🏻👍🏻👍🏻仲有糯米飯超軟糯超好食😜最後甜品腰果露，腰果應該系有炒香過再磨成糊，好香又不會太甜，必點好食😋😋…查看更多

鬍鬚佬私房菜是一間樓上私房菜館，主打粵式中菜。一如其他私房菜館，所有菜餚勻需要提前預訂，未能即場加菜。店內放置了三張大圓枱，中式裝潢，整潔舒適度普通喇！首先送上的是爵士湯，以花膠、鮮雞、瑤柱、金華火腿、哈密瓜、南瓜等肴製，湯汁味道都算濃鮮，但膠質感不重，相信主因是選料用上爽身的花膠所致。另外，哈密瓜不及密瓜甜美，個人喜歡以密瓜煮湯多一點。懷舊煎蓮藕餅整體口感略鬆散，用粉少，蓮藕碎粒是爽感來源。個人口味較喜愛爽實的作品。紅燒 BB 鴿炸得皮脆肉香，雖然選材不「BB」，少了一份嫩感，但換來更豐厚的鴿肉享用。蜜餞金蠔拼牛柳粒黑椒蜜餞汁調味不俗，牛柳好吃。金蠔恰如其份，未有帶來特別驚喜。整條卷曲的蟠龍鱔外觀粗狀，肉厚軟嫩，少骨，魚味鮮，豉汁惹味。薑蔥霸皇雞雞味不俗，但稍稍不夠滑。錦鹵帶子雲吞用上薄皮廣東雲吞皮製作，出品較驕小薄身，即炸即吃熱辣香脆，亦吃到中心部份的帶子餡料。甜酸汁製作傳統，內含菠蘿、叉燒、蝦等配料，傳統風味。薑汁芥蘭炒煮時間短，較硬身。另外可考慮追加薑汁份量。甜品即磨腰果露，仍然保留少許腰果碎的口感，甜度適中，味道不俗。整體而言，鬍鬚佬私房菜各菜式水準持平，感覺家常，出菜大碟足料，擺盤賣相不花巧。以人均消費約四百元來説都算合理。…查看更多

饞嘴嘅蕃薯uncle日睇三份報紙，收集到嘅飲食情報都會轉交俾XO仔去搞大食會聚餐。牛年放寬後，等到四月終於決定要報復式試食，第一炮就揀咗間連個朵都勁過人嘅「鬍鬚佬私房菜」。暗藏於中環永吉街一間商廈內，「鬍鬚佬」門牌講明只安心招待會員。以電話訂座，即時得悉全店最多可容納三十多個食客，最低消費額為$280/成人、$250/小童、$10,600/包場，只收現金，並冇加一或切餅費，開瓶費一律$20/瓶，資料詳盡得很。由於只做晚市，貴客必需預先定好菜單，小肥就從其推介項目中自選咗八道餸。餐店冇私人廂房，用餐區域一眼睇哂，散座分佈於大客廳內，牆上貼出多幅字畫及相片，店主明顯屬愛集郵之人。虎度門外嘅布簾警告內有兇猛廚師，深知他來自江湖，細佬當然不敢擅闖，幸好大廳內兩位姐姐友善健談，落力效率高！餐桌上擺有齊備嘅自用及公用餐具、茶水及紙巾。嘻嘻，見到同場有好啤酒嘅P助喎，梗係要啤一啤佢啦！雖然青島（$38/樽）平啲，不過肥肥家族始終情迷藍妹（$40/樽）。埋位先有酸酸甜甜嘅醬蘿蔔俾大家開開胃口。眼見長輩們對陳列架上嘅花生小食有興趣。。。姐姐隨即開咗罐麻辣花生（$18/盒）比兩位辣妹試試，好客之道盡在不言中。爵士湯（$480/六位起）：據悉，大大鍋招牌爵士湯所用嘅哈密瓜係一半切成粒粒，另一半則打成汁後連同乾濕螺頭、花膠、火腿、瑤柱、豬肉、雞隻等煲製，堅足料！靚湯香濃甜美，毫不油膩，當中嘅螺頭潤甜有嚼勁，花膠夠腍，每人分咗兩大碗後仲有得打包返屋企飲多餐。鍋貼明蝦（$196）：蝦多士不單外表金黃橙美，第一口咬落已覺多士鬆化乾巧，蝦隻肉厚爽彈，最出色就係所落嘅咸蛋份量適中，成功為菜式增添惹味嘅同時，又能吊出明蝦嘅鮮甜，必吃推介也！椒鹽鮑魚（$90/隻）：清蒸同炆鮑魚就食得多，椒鹽鮑魚都係第一次見。意外地，飽滿脹起嘅椒鹽鮑魚香口惹味，唔韌之餘仲好爽。黃金鮮魷魚皮（$180）：依碟可以話係小肥食過最正嘅黃金鮮魷拼黃金魚皮！黃金魚皮巧薄鬆脆，即使魚皮面仍黏有咸蛋黃碎都完全唔會覺得過咸或過濕，超！黃金鮮魷唔止夠新鮮，最重要係厚身得黎夠腍，咸蛋黃比例恰到好處，令兩者嘅鮮與濃非常協調，大家千祈咪走寶！墨魚滑釀油炸鬼（$160）：可能因為有比較下，此道墨魚滑釀油炸鬼雖則炸得夠乾身，但就偏咗微微硬，而且味道略為欠奉。小弟愚見，或許將此餸安排喺鍋貼明蝦前食會有不同嘅效果。楝篤雞（$288/隻；轉新鮮雞另加$200）：楝篤雞一上枱，連隔離枱嘅客人都要八吓咩來頭，唔打得都睇得先！等大家為鮮亮有光澤嘅雞隻影完大特寫後就交返入廚房斬。原來楝篤雞係經過燒完先再炸，迫咗啲雞油出黎先可令雞皮香脆中帶點爽潤，雞肉亦得以鬆軟唔乾嚡。雲腿上湯浸菜苗：翠綠嘅菜心清甜軟腍，簡單味佳。豉椒蟶子煎米粉：鬍鬚師傅雖擁有粗獷嘅外號，但其實心思極之細密，細佬原本點咗豉椒炒蟶子，佢就主動加入煎米粉變作單尾。已預先切好嘅蟶子爽脆鮮甜，每人有一條先可以疊出蟶子小山丘；索哂豉椒蟶子精華嘅煎米粉半脆半腍，香濃惹味，蕃薯uncle一邊叫飽，另邊卻又清哂啲米粉，美味程度不言而喻！甜品有敬送甜甜嘅提子。「鬍鬚佬私房菜」大客廳嘅環境有少少住家嘅感覺，店主及店員誠懇齊心，招呼十分周到。功夫菜料靚滋味，香口菜式尤其有料到，每人平均消費三百多元實屬經濟之選，XO仔雖常掛於口邊，但有心食肆當真值得支持！臨走前終有緣一見鬍鬚佬哥哥，單憑相片相信讀者們都可以感受到其鬼馬親切嘅形象，但就未必估唔到佢嘅廚藝咁得呢！…查看更多