平民扒房@友蠔食

「平民扒房」真係好鬼鍾意呢個名，平民都可以蠔一蠔， 無錯係生蠔個蠔。旺角行街行到攰，見呢度門口有d人等位，似乎應該唔錯，等埋一份。等左一陣就有位，餐廳雖然坐滿晒人，但都唔洗等好耐，坐低見到牆身notice先知，原來用餐時間係1小時。爭取時間，懶人選擇揀套餐🤣叫左個二人晚餐，有湯、有小食、海鮮拼盤、石燒牛、仲有意粉、飲品，非常豐富。真係有d擔心會60分鐘食唔晒😅先上兩碗紅湯，完全無一般羅宋湯嘅酸，易入口。 🦪🦐再嚟海鮮拼盤，攞盤實而不華，但影相打卡都算吸晴。主菜生蠔~正~ 應該有兩款蠔，一款肥美d，厚肉；另一款無咁肥，但大隻；兩款都好新鮮，肥美果款味道較creamy，大隻果款就肉質爽滑，各有特色，好味。其他海鮮仲有凍熟蝦、黃金螺、青口、凍蜆、帶子刺身，粒帶子真真真係好厚身，目測大概3cm厚， 入口鮮甜、爽彈👍👍 小食可以3選2，揀了吉烈蝦🍤、蟹肉忌廉薯蓉🥔吉烈蝦夠乾身唔油膩，唔錯。因為留肚食main course，所以無食到薯蓉，無意見。 主食1 石燒牛板腱🥩又係大大件，望到都開心。 用上近年大熱嘅石燒，可自己控制生熟程度，仲好細心會有兩塊石板，一塊燒熱了的，用作燒牛扒用，另一塊石板沒有燒過，用作放置燒完嘅牛扒，讓牛扒避免過熟。牛扒非常juicy，我燒到7，8，成熟，切開都仲有好多汁；牛扒中間有筋膜，增加了嚼勁；點埋跟餐盤奉上的黑椒汁食，又完全成了另一種濃香嘅味道。 🦞🍝主食2 燴龍蝦忌廉意粉 (原先跟餐的蒜蓉白汁蜆意粉暫停，可以加$20，就即刻升級龍蝦意粉，幾抵食) 龍蝦汁味極濃郁，意粉麵條熟腍程度剛剛好，有小小咬口，汁底濃稠度剛好讓麵條做到掛汁效果。龍蝦已拆肉，龍蝦拑大大舊肉放入口超滿足。 🥂飲品 雜莓特飲、芒果乳酪消暑解喝，味道唔太甜，唔似狂落糖漿果d HEA飲，雖然唔係新鮮果汁，但味道唔錯。 加埋一，兩個人500幾，有扒、有蠔、仲有龍蝦意粉，性價比高。…查看更多

燴龍蝦忌廉意粉 🍝 $99 (8/10)睇落就細細碟 其實分量超多 意粉嘅軟硬度適中而且幾掛汁 忌廉醬幾creamy 但係同時又唔會太過漏 龍蝦有兩丈舊 仲有蝦膏 真係好足料 龍蝦肉質比較紮實 彈牙有口感巴西牛柳(200g) 🥩 $88 (7.510)200g就大概係一隻手嘅份量 厚度都有兩至三cm 一上枱店員都好詳細咁解釋點樣煎塊牛扒首先要係熱石度煎熟 再放喺凍石到放涼 避免過熟 一開始都有少少手忙腳亂 但係都幾有趣 因為係自己煎 所以熟度可以自行調整 另外會配黑椒汁或者洋蔥汁 亦都可以跟飯意粉或者薯條 今次就揀咗薯條 份量超級多雜莓乳酸特飲 🍓 +$8芒果乳酸特飲 🥭 +$8平時都比較驚呢啲特飲會好伏 但係今次都唔錯乳酸味幾重 甜度適中 OVERALL:推薦😆 (7.5/10)叫得平民扒房就知價錢夠晒親民 大概$50最平就食到個餐 仲包是日例湯 性價比幾高 而且小店亦都主推生蠔 不過當日因為生蠔師傅唔喺度就試唔到啦 價錢同樣都幾親民 小店位置唔多 夜晚更加係會大排長龍 不過因為小店冇得book位 大家可以選擇外賣自取或者早啲嚟食…查看更多

近期成日見到人分享去食生蠔🦪搞到我都心郁郁好想食🤤所以就約埋去 平民扒房食蠔🦪兼鋸扒🥩因為唔係好識蠔，所以請店家介紹，佢就推介我哋試2⃣️款。兩款都非常大隻，有手掌咁大😍今日精選西班牙蠔嘅蠔形呈長身，海水味濃🌊肉質肥美爽口。Gillardeau No.0 肉質肥厚creamy，味道鮮甜，🈶️濃郁嘅蠔味，連瑤柱位都好鮮甜😋店家提議我哋食咗西班牙蠔先食呢款，因為呢款好嘅味道層次好豐富，由一開始嘅海水鹹味，然後係香濃嘅蠔味，最後會食到有少少榛子嘅味道，呢個就係呢款蠔嘅特色所在。依家仲做緊買一送一優惠，店家話比起喺出邊大概平咗成$20隻㗎😱呢度嘅石燒牛都好抵食‼️澳洲和牛200g都只係$148🤩 肉質鮮嫩多汁，軟稔唔油膩😋店家亦都好細心，除咗燒熱左嘅石板外，仲有一塊唔熱嘅石板俾我哋放煎好左嘅肉，咁就唔驚會過熟，🉑️以慢慢食～芝士脆脆薯蓉上面鋪滿甘香🉑️拉絲嘅芝士，再灑上脆脆嘅薯餅粒，口感豐富。燴龍蝦忌廉意粉有大大嚿嘅龍蝦肉。喺入面加入西芹粒食落清新d唔會膩。菠蘿特飲同芒果特飲梳打份量唔會嗆而且甜度啱啱好，飲完個人清爽晒😌…查看更多

🔅🔅🔅今晚與閨蜜相聚各自瞥下男友撐檯腳就來個二人浪漫鋸扒夜選址係旺角熱鬧通菜街勝在選擇多價錢親民最後揀左平民扒房🔸主打熱石板扒類仲有各種新鮮生蠔由於個人不太好生蠔所以揀左一份扒和意粉🔹<熱石板澳洲和牛200g> 選左呢款餐廳近期的主打上碟時和牛只有一成熟～把它慢慢煎至五成熟好喜歡這處理方法😋可按自己心水來煎～和牛口感比較淋肉味不算突出而且脂肪也較多不過味道也是不錯👍🏻🔸<燴龍蝦忌廉意粉>看賣相正常一般原來味道非常之好龍蝦肉很多毫不吝嗇肉質爽口彈牙又好鮮甜😍和濃稠的忌廉汁十分配搭意粉軟硬口感不錯芝士很香兩個人share份量剛剛好～😆🔹<菠蘿特飲>菠蘿味好清新好解渴味道不太甜很不錯🤩🔸<雜莓特飲>雜莓味不夠突出味道較淡一般般～🔹原來凡叫熱石板類已配前菜湯同白飯而且可以無限添加所以後加了一個飯最後食到超飽呀😳🔸<總結>食物的性價比挺高回頭率也很高～🔅🔅🔅…查看更多

旺角女人街小店一向多，但要揾到高質素的特色餐廳卻不是易事。平民扒房@友蠔食這個餐廳面積小小，想不到食物竟有如此quality.既然近期見周圍掀起一陣自燒牛扒風潮，見呢到又有得燒當然要試試。呢到的牛分左幾款，最平唔使80蚊，就已經有一份石板牛扒，有 紐西蘭cube roll, 美國牛板腱, 巴西牛柳同澳洲和牛, 而且份量亦都分左兩款, 小食可以叫200gram, 大食可以叫400 gram, 最正係價錢仲已經包埋前菜沙律、白飯、餐湯任食，照顧到大細胃王的需要。前菜沙律, 蕃茄新鮮, 沙律菜清新-蕃茄薯仔湯蕃茄薯仔湯夠暖胃, -蘑菇忌廉湯蘑菇忌廉湯, 幼滑足料-澳洲和牛我地今次就叫左澳洲和牛，和牛上枱前已經略略烤過表面，跟住自己就可以烤到心水嘅生熟程度。其實兩、三分鐘就已經能夠燒好。燒好的和牛肉質柔軟，咬落多肉汁，牛味最濃，性價比超高！石燒以外，餐廳也供應多款主食如意粉和飯類。-燴龍蝦忌廉意粉龍蝦嫩滑彈牙 ， 啖啖肉， 意粉煮得軟硬適中，而且忌廉汁濃而不膩，讓意粉口感滑溜。-最後我哋仲叫咗兩杯特飲，石榴特飲酸香清涼唔過甜-雜莓乳酸特飲乳酸即係益力多，味道酸甜開胃，兩杯飲品也配上椰果粒，帶來豐富的味覺享受。…查看更多