大壹燒鵝 (登輝大廈)

傳統港式燒味店幾時都咁受歡迎。喺銅鑼灣登龍街的「大壹燒鵝」，更加係人氣熱點，皆因附近都係以食日本菜、西餐等。餐牌主要都係圍繞店舖名菜，馳名燒鵝。下午茶時間，人流超多。燒鵝瀨幾抵食。瀨粉好大碗，幼滑又唔碎。幾件燒鵝應該係併上。燒鵝皮薄身脆口，鵝肉嫩滑多汁，味道有層次不會很重調味。旁邊以榨菜絲代替油菜，爽口美味。鵝片飯另一款試咗鵝片飯。起咗骨，鵝片肉比較薄身，鵝肉味道芳香，有淡淡的炭燒味道。白飯比較乾身，唔算太吸引，不過好大碗。鹹檸七配燒味都幾夾😋大壹燒味三併（例牌）仲想試吓其他嘅燒味😋揀咗叉燒，燻蹄，燒腩仔叉燒厚切特別有口感，肉質夠腍，少少燶邊，偏少少肥就最正。燻蹄正常，沾醋汁酸酸甜甜最好吃。燒腩仔皮脆卜卜。但偏瘦，冇咗肥瘦相間嘅肥美～跟餐加嘅油菜好大碟!一次過食咗幾款馳名燒味相當滿足😋👍🏻🌟…查看更多

今日午餐去咗大壹燒鵝食，原來入面有卡位，比想像中乾淨。落單用QR code，餐牌有燒味單雙拼飯，燒鵝單雙拼飯。飯可轉米粉，瀨粉，河粉。可加錢要飲品。叉燒飯 $58叉燒大概有12舊，叫咗瘦，其實都係半肥瘦，係燶邊既，食落質感味道都唔錯wor，又淋又蜜味，肥位唔少。伴有少少鹹菜。飯粒就乾身同瘦長。叉燒河粉 $58呢個叉燒叫左半肥瘦，真係半肥瘦wor。呢度叉燒會分開上。河粉都大碗，上面加上蔥花，質感味道可以啦。燒鵝瀨粉 $68可惜無原隻燒鵝賣，仲燒緊，只好叫燒味飯。加$10要燒鵝胸，份量唔多，不過皮少少脆而多汁，脂肪唔算多，而肉都淋，可惜係凍凍地，一樣伴有鹹菜，另上甜醬。希望下次可試試原隻燒鵝。瀨粉比河粉明顯好食，滑溜彈牙。叉燒例牌 $68見叉燒好食，即刻叫返個例牌。叉燒賣相不俗，燶邊半肥瘦，而上面灑上桂花瓣，仲係暖暖地上枱，呢個好出色。總括而言，燒鵝唔錯，叉燒出色，價錢稍貴，不過值得一試。…查看更多

見到良心group 有講哩間良心燒味,叫大壹燒鵝,今日去赤柱探監前要試試佢,裡面環境唔錯,有鵝之地獄睇XDD又有動物牆紙,好可愛呀,一心諗住黎試鵝,都冇望其他燒味XD叫左個2個燒鵝瀨粉,一個係我黎到之前暴生已經食緊,我見到好多皮,以為佢學人走皮.....搵定餐具先,咦,好企理喎,拎定筷子等開餐,到我果份黎到...啊.....啊........有榨菜啊....夾下D 鵝....真係冇肉XXDDD 女人最想要咁瘦啦,有兩舊係有多D 肉既,已經好快食曬,瀨粉好滑,幾好食,榨菜都好食,但D 鵝真係冇肉,一係皮一係肥膏,同埋有D 過鹹過油,食完去洗手間啦,都幾乾淨既,但係出返黎見到人地D 雞同燒肉好靚仔,點解咁瘦架D 鵝...下次食雞試下先.…查看更多