大丈夫食堂 (已搬遷)

諗住聖誕節前，收工係附近食少少嘢，就同屋人出發去西九文化區影超大聖誕樹，搵下搵下就發現呢間令我非常驚喜嘅隱世小店！店舖唔算大，要等一陣先有位，menu 唔算話好多選擇，但我地叫嘅幾樣樣嘢，全部都令我眼前一亮 我地叫咗必食嘅吉列豬扒定食，燒鯖魚定食，蛋壽司同軟殼蟹手卷。吉列豬扒定食真係必食，外層爽脆，內裡鮮嫩多汁，非常高汁嘅豬排定食；睇落簡單嘅燒鯖魚定食，都做得咗出色，不得了；蛋壽司比我個女食曬，我都唔知咩味；軟殻蟹手卷都係可以 encore 嘅 list內為一美中不足嘅，係牛肉飯都係「準備中」，未有機會試到，希望下次再過去時可以試到…查看更多

正所謂："計劃勝於治療，廁所用黎痾尿"。我們午餐時段，已經計劃晚餐。兄弟一黎Whatsapp ：大丈夫？我即用一口流利過"想節能，能能能"的日文回覆：大丈夫!點知中左伏，原來發現要排隊，凡是要排隊既餐廳，我係絶対絶対絶対唔會食，因為我不嬲覺得男人的時間係用黎搵大錢的!!!我突然心生一計：我就搵兄弟黎排左先，我見客會遲D到呀。咁我就既唔使排，又有得食啦。(在此拜謝兄弟偉大的壯烈犠牺)。油甘魚刺身 $55：張開嘴，啊，才吃上第一口，我有種頓悟的感覺：師傅，明白了："人的快樂在乎學曉等候"。入口即溶，加上厚切的口感，一級棒desi呢。鰻魚丼 $98：這是兄弟的選擇，他不斷重覆著好吃，又後悔著沒有選擇$158更厚身的鰻魚，滿足更飽滿的口感。看著他食得如痴如醉的樣子，我似乎又明白了。香港人即使排隊也要吃，是因為香港人的快樂，不過只是為了嚐上美味的這一口，吃上美味，未必的是全部的快樂來源，但絶対是其中一個主要的快樂來源。燒鯖魚定食 $88：定食，伴隨著蛋、飯(轉烏冬加$15)、沙律(唔夠仲可以免費添)、鯖魚一向是我的選擇，貪其干香的肉質，不算多骨的燒肉身，點上幾滴檸檬，錦上添花的程堪比搽上印度神油，直不甩，不過由於劈腥的關係，鯖魚鹽分含量會較重手，注重健康人士須注意。還點了一些小食，增添美味：北海卷 $30、火炙玉子 $14、天婦羅南瓜 $28。八點半入座，九點半食完，人潮剛好散去，咁係...走先啦係咁先啦下次再玩啦!這一餐沒有特別邊吃邊寫食評筆記，因為好吃的東西，不用刻意記下，你的味覺自然而然地，為你的人生，留下深刻的印象及味覺回憶。…查看更多

呢排交通有啲阻滯，坐紅van出到公司附近都已經夠鐘食晏😂，所以我索性長沙灣嗰邊落車。朋友呢日都返哩邊，叫佢12點落嚟陪我食咗晏先返office。正正因為12點已經到餐廳，所以先唔使等位，但其實已經9成滿，得返2張枱，勁誇張！食完出面更加企滿人等位。我之前經過幾次都係咁。究竟餐廳點解咁有人氣、大排長龍呢🤔？呢到有午餐menu，熟食魚生夾夾埋埋都有成10款，價錢由$60-$100不等，唔使收加一服務費。每款午餐都包沙律、茶碗蒸、漬物同麵豉湯，🥤汽水就另加$6，熱茶就包咗。定價尚算合理，不過喺呢區就性價比一般啦。我要咗蒜香醬漬三文魚丼($70)，賣相非常吸引，沙律、漬物、湯、蛋、飯放埋一齊👍，好豐富。各樣前菜味道都唔錯，雖然唔係話好驚艷，但合格有餘，蛋幾滑、漬物係海草，比起平日嘅常見三色漬物醃蘿蔔黃瓜特別。到主角三文魚丼喇，🍣厚厚三文魚刺身有成5,6片，肥美紋靚，新鮮嘅；另一邊就有啲醬油三文魚粒，比較濃味，不過不足以代替豉油。飯量同餸量都夠，三文魚好味，但令我失望嘅係個壽司醋飯，因為比較濕同漿住，扣咗好多分☹️。不過我都成碗食哂，好飽好飽。朋友就要咗燒鯖魚定食($70)，目測條魚🐟都唔細，佢話都幾好食。不過我就一啖都無食過，所以無得comment啦。總括嚟講，食物質素都可以接受嘅，係個壽司飯失色咗，希望係一次半次失準😅，而唔係呢到特色。而家認真麻麻哋，浪費咗啲魚生，如果唔係咁應該會好好食。價錢中等啦，個set就真係好豐富同飽肚嘅。環境同服務方面就不過不失，無乜特別好或差，但都算比想像中坐得舒服。我認為呢間和食店都值得一試，要食晏就最好12:15前到。不過諗深一層，餐廳係咪真係值咁強人氣呢？大家各自判斷吧😆。…查看更多

今日去咗長沙灣大丈夫食晚飯，一去到裝修整潔，感覺唔錯。我叫左個燒鯖魚定食，因為我唔食魚生。我男朋友就叫咗個三文魚親子丼。我男朋友嗰個飯一嚟到就嘩一聲因爲魚生好新鮮。都係90幾蚊，就好興奮喇。之後聞到廚房有好香嘅燒魚味，我就諗仲唔係我嘅嘩60幾蚊條燒青魚大到呀！仲要冇魚腥味，應該好新鮮，燒到啱啱好，果皮脆脆的，裏面魚肉仲有好多汁個沙律應該係用咗柚子沙律醬，酸味味好開胃，仲可以添食😍食完其實好飽但都叫咗個日式燉蛋😂🙈個燉蛋好滑，裏面有兩片菇，好香，應該係花菇味。真係一試愛上，好期待下次去試佢嗰個鰻魚飯…查看更多