Outback Steakhouse (新城市廣場三期)

Outback都算喺香港幾廣為人知嘅西餐廳，我都有少少上咗佢癮，時不時都要嚟食吓個燒雞肉芝士夾餅同黑糖包😌今日同男朋友11點一開門就過嚟食，大約11點半其實都已經好多客人喇～叫完嘢食好快就會有湯嚟，今日呢個係青瓜湯🥒男朋友就最憎青瓜😂我就覺得個湯正正常常，係一個偏稀少少嘅湯嚟～之後當然有黑糖包😍暖嘅時候加埋佢個牛油食，真係好幸福，仲要可以refill添😆我哋呢餐每人食咗一條🤣我叫咗我最愛嘅燒雞肉芝士夾餅 ($98)🤤夾餅入面有芝士、烤雞同埋煙肉，配咗一個蜜糖芥末醬，個醬嘅甜味比較重，同個夾餅都好夾☺️旁邊仲有啲薯條，不過今次嘅薯條比較淋同埋唔夠鹹，最後都係自己加鹽🤣男朋友叫咗芝士白汁燒蝦寬麵 ($128)🍝個醬汁好濃，可以包住哂啲扁意粉，意粉口感亦都煮得啱啱好～而蝦都非常之爽，食完呢個之後會超飽🤤個lunch set仲要包埋一杯好大杯嘅嘢飲，所以我覺得呢個lunch set真係好抵食架😌仲有值得一讚嘅係店員非常有禮貌，所以吸引到好多人食😁…查看更多

星期五平日午市lunch都大排長龍，起碼等20分鐘。入面有好多位，每張枱之間有間板，但都好近，偏吵又好應聲。*黑糖麵包 (跟餐)麵包任食，但黑糖味其實淡到不得了，烘到熱熱地，搽啲淡牛油，唯一優點係麵包夠鬆軟。蘑菇湯 (跟餐)今日係蘑菇湯，之前試過青瓜湯，粟米湯，都係好creamy同埋好膩，次次飲到一半都會放棄。燒肉醬味豬肋骨 $128Baby back pork ribs雖然啲ribs短，勝有好多條ribs，用刀輕輕一切就會離骨，肉嫩juicy，醬汁唔會太酸太甜，味道恰到好處，唔會搶晒肉味，正！薯條熱辣辣，粗身，外脆內軟，又重薯仔味，唔洗點茄汁都好好食，集合世界上薯條最正嘅元素！燒雞肉芝士夾餅 $98Chicken quesadilla 夾餅煎到又香又脆，入面有雞肉蘑菇，雞肉肉質唔會太乾，蘑菇得幾片，有好多拉絲芝士，可惜夾餅邊冇餡，咁就可以點下隔離嘅芝士醬(?)，佢係少少酸又鹹鹹地，同夾餅都幾夾吓。熱檸茶 (跟餐)俾熱水自己沖茶包整熱檸茶，水唔夠熱，但尚算沖到茶色茶味，檸檬新鮮唔澀，唔落糖都唔會酸到苦。…查看更多

Outback 在沙田新城市廣場三期新開張，未曾試過既我，今日襯Weekend 與朋友試吓！地方寬敞，坐位舒服，食物質素不錯。上菜時間恰當。需要改善的地方，餐飲太慢。溫馨提示: 上第一道菜式就要叫餐飲…查看更多

開張冇耐 1點午餐時段已經爆棚 所以12點食就冇咩人 枱同枱之間好闊落 坐得好舒服 店員好好笑容 可能因為啱啱新開 不過餐廳啲單好亂 店員不停咁上黑糖麵包 但係我地冇叫過*前菜 青瓜湯 沙律青瓜湯好新奇 青瓜味唔係好重 青瓜已經煲到冧曬 飲落creamy唔膩 沙律菜正常 凱薩沙律醬有啲多*芝士白汁燒雞肉雜菜寬麵 $128大大碟 雞肉大塊 超碼有六七塊 雜菜有西蘭花 紅蘿蔔 紅椒 量多 唔係平時餐牌寫雜菜 然後俾得幾條洋蔥你 芝士白汁好濃 配寬麵好夾 面頭有一片片半融的巴馬臣芝士 總之就係creamy白汁料多意粉*燒雞肉芝士夾餅 $108馬蘇里拉芝士做餡 可以拉到絲 雞肉調味夠 夾餅熱辣辣 煎到少少脆 薯條超級好味 係我食過最好食的薯條 外脆內軟 連皮炸 粗幼度啱啱好 食到薯仔味*美國安格斯肉眼牛扒 $218有牛味 有少少韌 應該係煎耐左少少 牛扒調味啱啱好 唔會特別鹹 重口味嘅人可以點埋汁…查看更多