神庭居酒屋 (已結業)

今次嚟試一間新開左一個月左右既日式居酒屋。環境裝修都幾靚，居酒屋有兩層，上層可以包場搞活動。店員亦都好熱情介紹食物，服務態度非常好，亦會詢問客人食物質素，我同朋友顧住打卡🤭，店員亦都幫我哋將食物再番熱，其中一樣食物酒味太濃亦幫我哋重做。我哋又係全部都要既朋友，兩個人叫左四個小食，四款燒物同第二杯半價既黑啤。嗱嗱臨介紹番先～燒雞泡魚乾 $58，食落好香口，甜甜嘅醬汁，魚乾吾會太硬，有咬口，加埋蛋黃醬一流😋神庭秘製煮蜆 $128，值得一讚，蜆既份量好多。而酒亦係比較濃既清酒，食完會醉🤭所以，我哋反映完，店員重新幫我哋調味再整🤣唐揚墨魚咀 $68，好似魚旦甘大大粒既墨魚咀，炸粉吾會太厚，食落有咬口又鬆脆，都有7-8粒，大滿足。芝士年糕 $42，口感煙煙韌韌，就係一般嘅炸芝士年糕一口和牛（左） $68，和牛牛味濃厚，只有用鹽去調味，令牛味更出，口感亦十分軟腍，整串都沒有筋位。韭菜芝士豚肉卷（中） $35，芝士味道吾夠濃郁，食完有點滯既感覺。中規中矩，不算太特別。汁燒豬頸肉（右） $38，醬料味道不濃不淡，豬勁肉亦彈牙爽口，邊邊位有少少燒焦，食落有些焦香免治雞肉$40，啖啖肉之餘，又有點脆脆的軟

佐敦話大唔大話細唔細，但係當中大街小巷，串埋就好似個迷宮咁。而每條街都有隱藏大佬咁，人地唔講你都未必知有間餐廳既存在。而「神庭居酒屋」將會係我今晚打既大佬，等我都睇睇openrice爬一爬攻略先！👇📌佐 酒 小 食 - ▪️ 燒 雞 泡 魚 乾 -▪️ 燒 鯖 魚 -▫️ 第一個小食必嗌呢個「燒雞泡魚乾」，魚乾唔會太硬太乾，鹹中帶甜，沙律醬都唔洗額外點就夠哂味；而「燒鯖魚」燒到岩岩好，肉質仍然保持嫩滑Juciy，亦無果種魚腥味，相當好食。📌燒 物 - ▪️ 串 燒 盛 - ▫️ 串燒唔洗諗呀，一定on list咖啦，一口氣整左四串分別「雞皮」、「鹽燒牛舌」、「汁燒豬頸肉」、「一口和牛」。雞皮燒得夠哂脆口，牛舌煙韌有咬口；豬頸肉汁燒過，但唔會過鹹，而一口和牛一啖過，過足口癮呀；另外嗌左兩串「免治雞肉棒」同埋「韭菜芝士·豚肉卷」。雞肉棒肉質非常滑溜，而豚肉卷脂肪比例平均，咬落油香十足，配搭韭菜芝士有另一番風味！ 📌炸 物 - ▪️ 芝 麻 炸 雞 翼 -▪️ 唐 揚 炸 雞 -▪️ 蒜 香 雞 軟 骨 -▫️ 飲得酒既話，無可能唔整返幾樣炸物既，分別試左「芝麻炸雞翼」、「唐揚炸雞」、「蒜香雞軟骨」。炸雞翼炸