반찬앤쿡 Banchan and Cook (時代廣場) (已結業)

這不覺已開幕近三十年的商場 (還有人記得，這兒的前身是電車廠嗎？)，最下面和最上面都食肆林立。這家位於九樓的洋風韓式料理，因價錢比較大眾化，加上接受商場美食現金券，所以常有人龍。我們也是因為想好好「燃燒」現金券，這天加入了排隊的行列。人雖多，然而流轉也快，不消二十分鐘，已經能入座了。邊等位邊閱覽餐牌，那幾乎被揭爛的雜誌式餐牌上，介紹了本期主打的「玫瑰雞」：倒不是因為以玫瑰入饌，而是顏色與玫瑰花瓣相像。那與同一國出產的「玫瑰鍋」，是否有相似之處？為了「最有效益地」用掉手上的現金券，我們點菜都很克制，除了以玫瑰醬烹製的炸雞 (只賣剩沒有骨的一款，比較令人失望)，還有韓食店堂選的白切肉；特別是此店指明是「燒醬油黑毛豬」，便更想試了！經營這店的飲食集團，開了很多韓式食肆，甚至店子全韓文的都有，「哈韓」得很。試過他們幾個品牌的炸雞，暫時以這家的比較普通。「無骨落地」的影響也不少！還有一味白切肉，不只「系出名門」，還標榜燒醬油的製法，所以肉色也理所當然的不是「白雪雪」，而是染了啡色。至於口感和味道⋯⋯一客正宗的白切肉，已能滿足鄙人了。小試兩道菜，用掉手上的現金券，補$191，這回淺嚐人氣店之旅結束。當中體驗，就像門外候位的人龍一樣，來得快、散得快。…Read More

在Banchan and Cook 開業不久的時候已經嚟食過， 今次相約姊妹來吃午餐😚， 餐廳主打新派韓國料理， 店內座位舒適， 我們兩個點了傳統紫菜包飯$78、燒醬油黑毛豬白切肉配大醬生菜$182、韓式炸雞(有骨半份) $118、原味真露兩支$144。 ⭕傳統紫菜包飯🌯 ～ 薄薄的一層米飯包起來， 餡料特別多， 口感紮實唔會鬆散， 食材雖然簡單，但整體味道很好。 ⭕燒醬油黑毛豬白切肉配大醬生菜🥙 ～ 肥美的黑毛豬白切肉配上生菜、芝麻葉、青椒片、蒜片、泡菜和大醬一起吃， 好惹味又正宗😋。 ⭕韓式炸雞(有骨半份)🍗 ～ 怕食唔曬，所以我哋點了半份， 外脆肉嫩， 配菜有年糕和薯條， 好美味。⭕原味真露🍶 ～ 每次食韓國菜必點真露， 用來配韓國料理簡直一絕。 幾喜歡Banchan and Cook， 開心的用餐體驗👏🏻。🏷️溫馨提示～ 整個用餐體驗均屬個人分享意見， 只作參考😊。 …Read More

BANCHAN & COOK當中「반찬（Banchan）」指韓式小碟拌菜，而事實上有別於一般韓國餐廳，反而將西餐及新派元素融入韓式料理文化，主要提供特色蛋包飯、意粉、甜品等輕食。店內木系裝修簡潔舒適，與大部分傳統韓國餐廳截然不同，反而近似咖啡店一樣走文青風格。玫瑰醬燴雞腿肉蛋包飯 ($138) 醬汁其實是以韓式辣醬、番茄醬及忌廉調配而成，早年於韓國一炮而紅，酸甜微辣唔。輕輕𠝹破奄列蛋皮後蛋漿半熟流心質感嫩滑，飯底亦加入醬油、紅蘿蔔、翠玉瓜等炒製，惟雞腿肉煎得比較乾硬稍欠嫩滑。炸芝士豬扒忌廉年糕 ($105) 比傳統韓式年糕幼小，所以煙韌度相對較低而口感偏軟。醬汁近似卡邦尼意粉並帶醇厚芝士及忌廉奶香。炸豬扒中間裹住軟心芝士，外脆內軟層次分明。燒醬油黑毛豬白切肉配大醬生菜 ($162) 大醬味道近似麵豉醬並帶微辣，黑毛豬肉已經以醬油烹煮入味，並火炙表面再添一份燒烤香氣，毋須加上其他調味料已經足夠。厚切豬肉肥瘦均稱油脂豐腴，肉質爽嫩彈牙毫不乾韌，配上生菜肥而不膩。玫瑰醬有骨炸雞 ($118) 醬汁方面與蛋包飯如出一轍，但由於加上玫瑰花瓣令玫瑰醬名副其實帶彈彈馥郁花香，除了炸雞之外更附有薯條及韓式年糕，由於醬汁份量偏多所以炸雞外皮已經變軟亦無可厚非，慶幸雞肉依然保持嫩滑多汁。韓式雜莓牛角包窩夫 ($92) 配以士多啤梨及藍莓賣相精緻，可惜質感比較硬實略失所望，或因加上過多糖漿所以牛油香不如想像中濃厚。盛夏冰爽西瓜檸檬梳打 ($48) 結合西瓜及檸檬兩款清新水果充滿夏日感覺，但用上西瓜糖漿為主味道稱不上相當天然。焦糖脆脆鮮奶咖啡 ($48) 焦糖香氣濃郁，與咖啡調和恰到好處，面層加上焦糖脆脆口感豐富。…Read More

因為早前喺時代廣場買嘢有coupon所以就有藉口去食好嘢啦一開業嘅時候有試過呢間嘢 嗰陣覺得麻麻地通常都係去食School Food雖然而家執咗咁為咗用啲coupon就諗住俾多次機會啦嗰日係公眾假期夜晚七點walk in都唔使排隊我同朋友都係選擇困難症 都諗咗三個字先落單中途店員都冇過嚟打擾 我哋嗌咗明太子慢煮雞胸蛋包飯，燒醬油黑毛豬白切肉配大醬生菜，無骨炸雞一份(甜辣/醬油)，香橙綠茶沙冰同埋凍伯爵拿鐵咖啡明太子慢煮雞胸蛋包飯本身諗住商場餐廳都麻麻地諗住個蛋嚟到都係熟晒點知個蛋真係啱啱好 好滑好香慢煮雞胸就好嫰滑又juicy 燒醬油黑毛豬白切肉配大醬生菜個黑毛豬好厚身 夠肥 邊位有少少焦脆包住生菜同紫蘇葉食 大大啖肉好滿足兩個人食 食多兩舊係真係會有啲滯但配埋蒜頭辣椒又會平衡翻無骨炸雞一份(甜辣/醬油)無骨炸雞非常多汁唔係嗰種好明顯有炸皮嘅炸雞加上甜辣味道 有啲似咕嚕肉既感覺醬油蒜頭味道就甜咗少少本身係想要一半甜味一半鹹味嘅食食下覺得兩隻味都好似香橙綠茶沙冰橙味有啲蓋過咗綠茶味但唔係嗰種好假嘅橙汁本身鍾意飲天仁嘅香橙綠茶微糖我感覺上就好似 只不過係沙冰版伯爵拿鐵咖啡個樣其實唔錯不過係茶味較淡總括嚟講我覺得佢哋嘅飲品有改善空間但係食物比起一開業進步咗好多而且係好食下次如果朋友想係港島食韓國菜都會想帶佢嚟食…Read More

之前試過一次呢間位於時代廣場既Banchan and Cook，感覺都幾驚爲天人，今日又去食返餐先。Banchan and Cook係一間韓式餐廳，菜式融合韓式同西式既菜式。星期日下午12:30到，唔洗等位。餐牌好似一本雜誌咁，今期以聖誕做主題。餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。免費小食免費小食係青瓜漬，白蘿蔔漬，同紫梛菜漬，爽脆甜酸，好開胃。初雪芝士炸雞 半份 $138 另加一上次試過無骨炸雞，今次我哋揀左半份有骨初雪芝士炸雞試吓先。初雪芝士炸雞個名好浪漫，原來係炸雞上面灑上糖霜做雪，所以食落甜甜哋。炸雞成座山咁，大概有8大件，足有半隻春雞，有齊雞脾，雞全翼同雞胸。炸皮好脆，又甜甜哋，肉質都仲嫩，唔會乾爭爭。炸雞上面有4件煙韌年糕，沾滿甜甜哋嘅味粉。下底就係粗身炸薯條，雖然唔熱，不過沾另上嘅蜜糖煉奶或者蝦肉色嘅煉奶都好好味。呢份炸雞真係甜到漏。仲跟左每人一對膠手套俾你食雞用。韓式卡邦尼意粉 $108 另加一韓式卡邦尼意粉係圓身幼身意粉加左好多菇片同煙肉碎。個忌廉汁好香濃又好夠沾滿每一條意粉，好邪惡。而菇片同煙肉碎又可加添口感。係一份唔錯嘅卡邦尼意粉。燒醬油黑毛豬白切肉配大醬生菜 $182 另加一上次試過呢個招牌菜，今次又要encore。燒醬油黑毛豬白切肉一客八件，肥瘦相間，塊皮同脂肪超有彈性，質感超好，上面明顯見到少少燒過嘅痕跡，凍食都冇問題。伴碟有5塊生菜同4塊類似紫蘇葉，俾你包住白切肉，連同伴碟嘅白芝麻粒泡菜，青辣椒粒同蒜片，再配埋灑上白芝麻粒嘅大醬包住白切肉一齊食。食落完全唔覺膩。大醬同蒜片都好辣，辣椒粒就少辣。烤朱古力棉花糖 $98 另加一餐牌寫話烤朱古力棉花糖需時約15一20分鐘，不過其實唔洗等咁耐。烤朱古力棉花糖係用烤盤上枱，棉花糖有九大粒，食一粒棉花糖塞滿把口，口感軟綿綿，上面灑上朱古力碎同朱古力醬，食落都幾甜架。下底有大量消化餅碎，伴碟仲有兩塊消化餅，為份甜品加添口感。溶化朱古力 $42 另加一溶化朱古力可揀熱或者凍。天氣仲凉浸浸，我哋當然揀熱啦。大大杯熱朱古力上面有一pat忌廉同朱古力碎，啲朱古力碎真係搞得溶。朱古力飲落唔會太甜，ok喎。士多啤梨紅桑子梳打 $42 另加一士多啤梨紅桑子梳打顏色好靚，下底係紅色嘅士多啤梨，上面就係浪漫紫色。叫左少冰，店員提一提話顏色層次可能會冇咁靚，不過又唔覺喎。野飲仲有青檸一件同一粒新鮮紅桑子喺上面。味道方面帶非常淡嘅莓味，主要係梳打水味。清嗮所有野超飽！入座後就見到要排長龍等位，好彩今日夠早到。…Read More

𝙫𝙚𝙧𝙮 𝙘𝙤𝙯𝙮 𝙖𝙣𝙙 𝙨𝙥𝙖𝙘𝙞𝙤𝙪𝙨 𝙧𝙚𝙨𝙩𝙖𝙪𝙧𝙖𝙣𝙩 𝙬𝙞𝙩𝙝 𝙖 𝙨𝙚𝙡𝙚𝙘𝙩𝙞𝙤𝙣 𝙤𝙛 𝙠𝙤𝙧𝙚𝙖𝙣 𝙛𝙤𝙤𝙙! 𝙩𝙝𝙚 𝙚𝙜𝙜𝙨 𝙖𝙧𝙚 𝙧𝙪𝙣𝙣𝙮, 𝙨𝙢𝙤𝙤𝙩𝙝 𝙖𝙣𝙙 𝙛𝙡𝙖𝙫𝙤𝙧𝙛𝙪𝙡... 𝙞𝙩'𝙨 𝙙𝙚𝙛𝙞𝙣𝙞𝙩𝙚𝙡𝙮 𝙖𝙣 𝙚𝙜𝙜-𝙘𝙚𝙡𝙡𝙚𝙣𝙩 𝙤𝙢𝙪𝙧𝙞𝙘𝙚💯 𝙗𝙪𝙩 𝙤𝙫𝙚𝙧𝙖𝙡𝙡 𝙩𝙝𝙚 𝙛𝙤𝙤𝙙 𝙖𝙧𝙚 𝙖𝙡𝙡 𝙧𝙚𝙡𝙖𝙩𝙞𝙫𝙚𝙡𝙮 𝙨𝙬𝙚𝙚𝙩 𝙩𝙤 𝙢𝙚:(.自從冇得去旅行之後就冇再食過蛋包飯，竟然比我係time square發現呢間蛋包飯專門店，仲有好多款韓國小食添！蛋包飯上菜時已經見到佢浪下浪下咁，一切開蛋皮入面啲蛋漿好似熔岩咁流出嚟，蛋香十足，蕃茄炒飯配韓式炒牛肉勁好餸飯🤤 食韓國嘢點可以唔叫炸雞，呢度嘅蜂蜜炸雞除咗底層墊咗粗薯條外，面頭仲有啲炸年糕，可以點蜜糖芝士醬或者千島醬，一百蚊大大份幾個人叫嚟share就啱哂～ 想止止韓燒癮可以試吓燒黑毛豬，一塊塊半肥瘦嘅五花腩滷味好入味，包埋生菜、紫蘇葉、大醬、蒜片同泡菜等，食落勁滿足！最後試咗牛角包窩夫同兩款飲品都唔錯，呢出開銅鑼灣可以一試～…Read More

🌸太古美食🌸반찬앤쿡 Banchan and Cook🍲今天到了太古一間自助點餐的韓國餐廳-「반찬앤쿡 Banchan and Cook」享用是日晚餐❗餐廳鋪面非常寬敞，裝修簡約，以木系素材為主調，以自助點餐形式點菜然後到取餐區自取，亦有自助區取餐具、碗碟及溫水❗店員亦十分親切殷勤有禮。我們一行2人共點了以下餐點：1️⃣🌟烤牛肉蛋包飯 $98厚切烤牛肉肉質鮮嫩，口感不會韌，蛋包香濃幼滑，配合粒粒甘香可口炒飯，配搭豐盛，十分滋味❗美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕2️⃣🌟燒醬油黑毛豬白切肉配大醬生菜 $162燒醬油黑毛豬肉肉香肥美，肥瘦層次分明，還有爽口豬皮，配韓式大醬、泡菜及爽脆生菜包裹著食用，十分惹味❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️3️⃣🌟韓式炸雞 （無骨半份）$108韓式炸雞炸得黃金香脆，雞肉嫩滑，充滿韓式甜辣醬味道，相當脆口肉嫩，還有同樣香脆的粗炸薯條及韓式年糕，十分惹味❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️4️⃣🌟韓式雜莓牛角包窩夫 $72以牛角包制成的窩夫包，配有新鮮香甜紅莓、藍莓及士多啤梨，還有香滑鮮忌廉，配搭十分滋味❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️5️⃣🌟 濟洲綠茶鮮奶 $42綠茶鮮奶帶香濃鮮奶味及清新綠茶味，口感清新怡人❗️美味指數：⭕⭕⭕⭕賣相指數：⭕⭕⭕⭕抵食指數：⭕⭕⭕⭕️6️⃣🌟溶化朱古力 $42溶化朱古力帶香濃朱古力味，還有香滑鮮忌廉，味道香甜❗️美味指數：⭕⭕⭕⭕賣相指數：⭕⭕⭕⭕抵食指數：⭕⭕⭕⭕️🌟為是次餐廳用膳的推薦菜色❗總括而言，此韓國餐廳的食物質素不錯，價錢相宜，還不收取加一服務費❗餐廳位於太古站大型商場，交通方便，絕對是太古的韓國料理之選❗ …Read More

物價高昂的時代廣場也有親民的韓國餐廳。店內裝修好有CAFÉ感，以木材為主，又有花花草草，牆身還有不少鏡。餐前小食是醃蘿蔔青瓜，酸酸甜甜好開胃。烤牛肉蛋包飯 - $118厚厚的半熟滑蛋比起下面的炒飯還多，炒飯以醬油、翠玉瓜、豬肉及紅蘿蔔炒成，口感豐富；上碟後，侍應會於蛋的中央用刀輕輕一切，雞蛋滑得自然滑下來，滑蛋入口粘稠鬆軟，好濃厚的雞蛋味；韓式炒牛肉份量也很多，濃厚的梨汁洋葱炒成，牛肉大片又鮮嫩；還有沙律菜平衡一下膩感。燒醬油黑毛豬白切肉配大醬生菜 - $182黑毛豬肉質嫩滑多汁，油脂分佈均勻，五花肉位置肥瘦相間、層次分明，以醬油燒製已經好惹味；韓式食法一定是配大醬生菜，韓式大醬富豆香，帶有顆粒，口感有點像不辣的豆瓣醬。蜜糖無骨炸雞 - $128無骨吃起來比較方便，炸雞脆得掉渣，連旁邊的薯條及年糕也被蜜糖厚厚的覆蓋著，口感極甜絲絲，還有兩款炸雞醬跟配。韓式雜莓牛角包窩夫 - $92把牛角包壓成窩夫的形狀，想不到會變得鬆軟香脆得多，牛油味更加香和突出，撒上糖和蜜糖，入口鹹鹹甜甜的；還有士多啤梨、紅桑子和藍莓。濟州鮮奶綠茶 - $42鮮奶味道特別濃厚，平衡了抹茶醇厚的茶香。溶化朱古力 - $42非常濃郁的朱古力味，綿密甜美的忌廉還有些朱古力粉和朱古力碎，多重朱古力感。…Read More

🍽燒醬油黑毛豬白切肉配大醬生菜 （$162）豬肉醃得入味，係甜甜地既醬油味，肉質好淋，配埋生菜同紫蘇葉，加埋醬料大醬、蒜頭，辣椒夾住豬肉，減低個油膩感，真係食幾碟都冇問題🤤🤤🐖🍽蜜糖炸雞 無骨（$108）試埋另一款推薦菜式，炸雞咬落香脆，入面juicy。炸薯條同炸年糕都幾出色，撈埋炸雞外層甜甜既蜜糖一齊食都好夾🍯餐廳真係好啱約埋一班閨蜜過sweet sweet 既一日！👧🏻👧🏻👧🏻🧡…Read More

今日放假一日，去左試新餐廳，地點係位於時代廣場既Banchan and Cook，係一間韓式餐廳，不過菜式融合韓式同西式既菜式。星期六下午12:30到，唔洗等位。餐牌好似一本雜誌咁，今期係10月份，以Halloween做主題。餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。今日第一次黎，叫左一個蛋包飯，一份肉，一個小食，一份甜品同兩杯飲品分享。先黎一客免費小食，係青瓜漬，白蘿蔔漬，同紫梛菜漬，爽脆甜酸，好開胃。芝士炸雞半份 $138 另加一韓式餐廳當然有炸雞食，有幾款唔同口味，又可以揀全份或半份，有骨或者無骨。我哋揀左半份無骨芝士炸雞試吓先。半份炸雞都成座山咁，有十舊左右，雖然唔係熱到辣口咁上枱，但係都炸得皮脆肉嫩，全部都係雞髀肉，仲有肉汁。上面有幾條煙韌年糕，下面墊左好多炸薯條，全部面頭都滿佈芝士份，夠哂味。另配一小兜千島醬同煉奶，點埋黎食更加甜。燒醬油黑毛豬白切肉配大醬生菜 $182 另加一燒醬油黑毛豬白切肉一客八件，肥瘦相間，塊皮同脂肪超有彈性，質感超好，好邪惡，而味道腌得唔錯，燒醬油少少甜甜哋咁。伴碟有生菜同薄荷葉各4塊，俾你包住白切肉，連同伴碟嘅泡菜，青辣椒粒，同好辣嘅蒜片，再配埋灑上白芝麻粒嘅豆板醬包住一齊食。食落完全唔覺膩。黑色海鮮蛋包飯 $145 另加一黑色海鮮蛋包飯擺盤有心思。主角黑色奄列我真係第一次食，切開雖然冇蛋漿流出黎，不過蛋係算嫩滑嘅，而且味道帶微微鹹墨汁味，唔錯。奄列上面加左酸酸甜甜番茄蓉，同奄列味道好夾。下面嘅飯唔係普通白飯，係炒飯黎架，仲加左紅蘿蔔粒，翠玉瓜粒，牛肉粒，椰菜，粟米等等唔同配料加添味道同咬口，個人幾欣賞。海鮮有連頭虎蝦一大隻同兩隻連殼青口，質素正常。伴有沙律菜同車厘茄，加左適量沙律醬。可惜所有野食上得好快，我哋等到凍左先食，如果唔係應該會更好食。韓式雜莓牛角包窩夫 $92 另加一韓式雜莓牛角包窩夫一客兩件，未食先聞到窩夫同蜜糖香。窩夫係暖架，真係似牛角包嘅酥皮質地，少少外脆內軟，上面淋左蜜糖，再灑上糖霜，不過絕對冇過甜。另伴一大pat香滑輕忌廉，新鮮藍莓，紅桑子同士多啤梨。呢個價錢有呢個質素，唔貴喎。科學怪人之夜(竹炭抹茶) $48 另加一 （左）科學怪人之夜明顯見到三層，由底至上有抹茶同竹炭，最上面灑上南瓜子同松子。味道方面其實好淡，帶好淡嘅抹茶味，半杯都係碎冰，好健康。士多啤梨紅桑子梳打 $42 另加一 （右）士多啤梨紅桑子梳打顏色好靚，下底係紅色嘅士多啤梨，上面就係好浪漫嘅紫色，有青檸一件，仲有一粒新鮮紅桑子喺上面。味道方面帶非常淡嘅莓味，主要係梳打水味，絕對唔驚過甜。總括而言，今餐食物唔錯，好有特色！餐廳裝修幾靚，座位舒適，服務員態度友善，今餐嘅用餐體驗幾好。…Read More

時代廣場這間韓國菜竟然有萬聖節主題👻🎃一定要和閨蜜來這裏共同感受韓國風味🇰🇷-🎈醬油蒜頭炸雞🍗(無骨半份) $128外出吃炸雞必點無骨吧！除了炸雞外還有年糕和薯條🍟醬油蒜頭的味道挺好，但炸雞吃起上來不是那種非常脆口，有機會是因為醬汁令到外層變得軟淋吧～-🎈燒醬油黑毛豬白切肉配大醬生菜🥬 $182強烈推薦💗非常厚切的燒醬油黑毛豬白切肉🤤這裏還配上紫蘇葉和生菜連同🥩一起吃的呢～我還是第一次用上紫蘇葉配🥩及泡菜，感覺真的不錯有別於普通生菜，挺有韓式風味！連閨蜜曾在韓國生活都覺得這間算是香港味道挺正宗的了😍-🎈明太子慢煮雞肉蛋包飯 $132我和閨密一致同意粉紅色明太子醬拍照很美😌所以在這麼多蛋包飯中選擇了這款🤪蛋包飯中的蛋汁很滑不過略嫌裡面的炒飯味道淡了一點～但很夠鑊氣還有很多配料的呢～真的要大讚這裏的慢煮雞肉😍😍調味調得很好之餘還很嫩滑🥳完全沒有那種吃雞肉會很乾柴的感覺～-🎈科學怪人之夜 $48完全想不起當時為何神經質叫了這杯期間限定的대나무 숯 말차🤪大概是因為萬聖節主題感覺有趣吧😂這杯的底層是抹茶然後再在上面混了竹炭而成的～看到的感覺是正常都有層次感的但沒有太大驚喜，不過也挺符合萬聖節主題喔🎃喝起上來抹茶味比竹炭更濃郁～-🔸반찬앤쿡 Banchan and Cook📍銅鑼灣勿地臣街1號時代廣場9樓922-923號舖…Read More

朋友突然約食飯，去了銅鑼灣時代廣場一間餐廳「반찬앤쿡 Banchan and Cook」食晚飯，餐廳地點方便，環境不錯😌，最後我們兩人叫了：1️⃣ 黑色海鮮蛋包飯 $125黑色海鮮蛋包飯，因為朋友唔食牛肉，飯底轉左白飯，一切開 (黑色) 蛋醬慢慢流出來，味道的確不錯，但賣相沒有想像中吸引2️⃣ 燒醬油黑毛豬白切肉配大醬生菜 $162食韓國菜，一個很受歡迎的菜式3️⃣ 韓式炸雞 (無骨半份) $108兩個人想食多啲野，只叫了半份炸雞🍗，炸雞炸得幾好總數💰：$434.5 (點菜總數 $395 + 服務費$39.5)…Read More

一間我係東薈城好鐘意食既餐廳 次次有朋友黎玩我都會約佢地食呢間 佢地既蛋包飯同炸雞係我既至愛 有一排無黎 發覺佢多左d新菜式 竟然有慢煮雞胸蛋包飯 ($105) 俾減脂增肌既朋友多個選擇 好貼心! 呢排研究緊慢煮雞胸點煮會滑d既我 好有興趣試下😂 佢既雞肉係滑既 有淡淡既香草味 蛋包飯仍舊咁正 飯係用牛肉粒加牛肉汁去炒 隻蛋整到岩岩好 一切開d蛋汁就流晒出黎 好正! 不過我都係覺得牛肉蛋包飯正過雞肉😅見到隔離枱食呢個燒醬黑毛豬白切肉配大醬生菜($162) 之前好似無見過 引唔住叫左黎試下 超大份!!好好味 攞舊肉 點d汁 再加生蒜 泡菜 同青椒仔 用菜包住食 好惹味!!!每次黎到必點既無骨炸雞半份 ($108) 真係好好味!!!炸雞有蜜糖醬係面 但一咬落去個皮都仲係脆既 超級新鮮 有好多芝士粉係面 甜甜地好正 仲有我最鐘意既年糕🤤不過薯條就林左少少 但都好味 俾我地秒速清晒🤭因為個黑毛豬有d辣 忍唔住叫左2杯飲品 朋友個白桃梳打($42)好好飲!!好香白桃味 仲有d白桃粒添!!我懶養生咁叫左熱紅豆鮮奶($42) 我好鐘意呢杯喎 鮮奶有淡淡既紅豆香 仲有d玫瑰味 唔錯!其實已經飽到暈咁滯 但朋友好想試佢個烤朱古力棉花糖($78) 佢整得好靚好吸引 唔算太甜 我覺得最正係撈埋個底d餅碎一齊食 多種口感 我麻麻地甜品都食左幾啖😋 P.S. 好鬼鐘意食佢地每枱都會有一碟既醃蘿蔔同青瓜 😂 …Read More

今日去咗Time Square 食飯之前去開東涌見到一直想試今日終於了咗心願🤤一嚟上嘅就係燒醬油黑毛豬白切肉配大醬生菜，第一吓緊係就咁食個肉肉先，配淡醬油汁燒過入口回甘啲肉好嫩夠哂味，第二吓就用青紫蘇葉放一片蒜片一圈青辣椒仔，一塊肉肉再配啲泡菜，包實一啖咬落去🤤青紫蘇嘅香味，蒜片辣椒仔嘅辣味，肉肉嘅咸香，嘩~~~你明㗎啦之後就食個原味炸雞，今次我揀咗無骨嘅食落就大啖大啖放哂入口😌外皮炸到金黃bling bling 脆卜卜咁，入面就滴哂肉汁無敵呀登登登重頭戲就係蛋包飯，我都係因為佢慕名而嚟㗎，一上個蛋包飯用刀慢慢咁切開，你聽唔聽到啲滑嘟嘟嘅蛋彈彈吓嘅聲，飯底係牛肉粒炒飯，呀，我自己一個都食得到成碟囉到咗6，7月就係桃嘅季節，所以佢哋都推出咗桃味嘅飲品🥰最愛呀，呢兩款都係爆多果肉，一款係桃奶酪一款係桃梳打，呀我真係好好好鐘意桃桃，好好飲好開心好滿足…Read More

裝修風格簡潔休閒，走新派韓國菜路線，除咗大路嘅炸雞之外，仲有人氣蛋包飯 等上菜前，先吃醃青瓜蘿蔔，新鮮爽口好食慢煮雞胸蛋包飯($105)要趁熱用刀把蛋從中間切開，蛋才能保持半熟幼滑，蛋香味濃， 底下是帶微甜的牛肉飯，用蛋包著吃，一流！ 配角慢煮雞胸也不惹少， 肉質Q彈香軟， 絕對不能和一般嚡歰歰的雞胸相提並論， 水準之作！韓國美食代表，原味炸雞($108/半份)， 配芝士醬和蜂蜜牛油醬， 口感都算香脆燒醬油黑毛豬白切肉配大醬生菜 ($162)，黑毛豬唔算太肥 ，帶油香又唔會太油膩 ，用生菜包著吃，增加爽脆感，驚喜位是還配有桑葉，用桑葉包黑毛豬是另一個層次，增加一層更獨特的香味， 喜歡甜品烤朱古力棉花糖($78)，甜絲絲的感覺很療癒，焗的時間掌握得很好， 焗得外層香脆內裏是半溶的狀態，不過烤棉花糖一定跟甜分不開，嗜甜的朋友一定很喜歡 至於飲品，極力推介夏之白桃奶酪($48)和濟州綠茶鮮奶($42)，前者香桃味十足，唔太酸，唔太甜，味道剛好，後者重清新的綠茶味…Read More