Follow

為一個姊妹慶祝生日，因為臨時決定，毫無頭緒，唯一想選擇比較方便主角的地方，所以目標是以長沙灣為主。搜尋中找到這間Follow, 地點雖在舊區，但往地鐵站也很方便，看着價錢不太貴，相片中的環境好像頗舒服，食評也彷彿還不錯，就決定這間了。我們一行8人，大家都是有選擇困難症，貼心的廚師先生為我們介紹菜式👍我們選了兩份2人餐，另加一份鮮果柚子油醋沙律，兩份水牛城雞翼，一份香煎三文魚白松露意大利飯。兩份2人餐其實只有4份湯，好人的廚師先生給我們每人一份，這個雜菜湯清爽，開胃👍另，酸奶忌廉封門柳手工闊條麵，封門柳很嫩滑，近年間吃的最好吃的封門柳👍👍👍，不過，這麵的汁沒有龍蝦汁那麼濃，若同時叫兩款，最好先吃這個，才吃龍蝦汁闊條麵。香煎三文魚白松露意大利飯也很好吃，魚，汁和飯的組合很協調，雖然沒有特別驚喜，但真的很好吃😋只顧吃，忘記影相🤣🤣🤣多謝體貼的廚師先生和替我們影相的女店員，今晚很開心，相信生日主角也非常難忘。今夜星光燦爛，色香味俱全。👍👍👍👍👍…查看更多

深水埗總是臥虎藏龍的地方，小巷暗處中便會無意發掘到性價比高餐廳。今次來到朋友預訂的一間西餐廳，是富有外國氣息的門面。黑色的門面配上磚牆，並放滿植物，既有尋實氣氛又富有外國的戶下感覺。內面主要以木為主，晚餐放在帶燈泡植物裝飾及蠟燭，有小店溫暖感。套餐簡直是選擇恐懼症的恩物，縮窄揀選範圍，而且可以品嚐到不同款式的食物，毫無疑問選擇二人套餐。沙律菜與風乾火腿、芝士、沙律醬撈外，還加入蜜糖芥末醬及早餐脆片，驚喜地夾！甜甜酸酸又爽脆如吃零食般過癡，是有心思的凱撒沙律。把蘿蔔、椰菜、番茄切粒，煲至非常腍身，可惜加入太多蒜茸、黑椒，整個湯重蒜茸味且辛辣。較杰身的一個番茄醬汁，酸度溫和易入口，有3粒意大利雲吞，之前意大利雲吞印象一般，不過此雲吞令我改觀，餡多而且皮薄，晾水足夠，醬汁與雲吞能融為一體好入味，很好奇是外賣還是自家製擺盤如此有藝術成份，3隻顏色醬分別為1隻芥末醬及2隻酸薑醬，但為何是白色？綠色及藍色便不知曉，但2款醬都與豬鞍都非常合襯又解膩，更有動力多吃數件，豬鞍沒有特別調味更突出豬鮮味，一切肉汁不禁流出，口感軟腍。自家製闊條麵片片易入口，撈勻蘑菇忌廉汁，好creamy而不溜，大約有3-4片封門柳，切片後仍可嚐到肉汁，而且表面燒至脆身內肉嫩，意粉上的小小牛柳也用心製作。Blueberry Crush Fruit Punch ：味道如清淡的水果梳打，甜度適中，夏天甚為解渴。抹茶鮮奶：頗香抹茶味的抹奶鮮奶，走甜後更有原始抹茶味。—整體食物有心思用心製作，放在碟上的食物也認真對待，而且價錢合理親民，性價比甚高。環境方面人流不多帶寧靜，服務員也有禮殷勤，餐廳被列入為朋友與我必回頭之選！…查看更多

同朋友闊別多年，難得一聚，為食嘅佢就follow我食Follow。隔條馬路已經認得佢同埋Follow。餐廳外面已經係小花園，放置咗各種小盆栽、攀爬植物。室內環境都有心思，枱上有燭台、小燈泡等，增添氣氛。黎到就嘆個二人餐。頭盤有足料凱撒沙律，有幾片富咸香味嘅Parma Ham。沙律上面灑滿芝士，果仁增添脆口口感。是日餐湯係椰菜湯 ，將椰菜打至蓉，口感較杰，味道清新。前菜有意大利雲吞，好「芝」味，一咬就食到blue cheese味。蕃茄醬微微帶酸，中和咗芝士嘅膩。主菜肉類二選一，選擇燒西班牙豬鞍配薯菜，為是日驚喜。豬鞍好厚身，但一啲都唔嚡，亦唔會似落咗好多鬆肉粉咁散曬。肉質外燒到香脆，內柔軟，富滿肉汁。伴碟有燒蔬菜同薯球。木板上嘅一點點係Washabi薄荷醬，增加味道層次。另一主菜係酸奶忌廉封門柳闊條麵。封門柳七成熟，口感柔軟。肉味十分濃郁。第一次食加入酸奶嘅忌廉汁，有微微酸奶味，好特別。質地比平時更濃郁、杰身。闊條麵煮得剛剛好，每一條都平均沾上忌廉汁溝少少牛肉肉汁嘅濃厚醬汁。飲品用黎打卡一流，兩個富士山分別係焙茶鮮奶同士多啤梨鮮奶。焙茶同牛奶比例好好，而士多啤梨鮮奶酸酸甜甜。整體值得二訪！…查看更多

今日同朋友慶祝生日🎂 喺佢屋企附近搵餐廳🍴搵到呢間令人驚喜嘅西餐🥰 首先環境真係好有feel 係個令人好舒服 可以好好閒聊嘅地方😝我哋見二人餐都有好多嘢食 所以就叫咗嚟試吓 等朋友可以過一個豐富嘅生日😋凱撒沙律份量都唔少㗎 而且蔬菜係好新鮮🥗 食落口索索聲 仲有大量嘅芝士粉同埋幾片Parma ham 連平日唔鍾意食菜嘅朋友都覺得呢碟幾好😂是日餐湯今日係番茄薯仔牛腩湯 都幾足料㗎 番茄味好香🍅 仲食到有一粒粒嘅牛腩碎 整體幾濃味😗意大利雲吞有三大粒 個餡料係菠菜同埋芝士🧀 味道都好出色 上面有厚厚嘅肉醬💛 好鍾意佢個雲吞皮 因為唔會煮得過腍 仲有少少煙韌 燒西班牙豬鞍配薯菜豬鞍好大塊 好厚身 本身都好擔心豬鞍咁厚會冇乜肉汁同埋肉質好韌🥲 但係呢度嘅質素絕對唔係咁樣 外皮燒得好香脆🫢 真係名符其實嘅外脆內軟 尤其係邊邊有少少肥膏嘅部份 而且入面真係好Juicy🐷 薯菜係有六粒細嘅薯粒🥔 再配埋側邊有啲沙律醬同埋薄荷特製嘅醬汁🌱 配埋豬鞍可以去咗後期嘅油膩感 真係食晒成塊都唔會太濟😝酸奶忌廉封門柳手工闊條麵面頭嘅封門柳係鋸扒咁嘅質素🐮 大概5成熟 好啱我口味 食落口肉質鬆軟 而且好重牛味😙 下面嘅闊條麵好重麥味 配埋酸奶忌廉係完全唔膩 再配埋雜菌 成個口感好豐富 而且酸酸地又好Creamy🙂士多啤梨乳酪沙冰好適合炎炎夏日飲翻杯🍓 乳酪味好香 甜甜酸酸好開胃😍 Blue ocean完全係俾佢個名吸引🌊 由藍橙 梳打同雲呢拿雪糕組成🍦超級有視覺效果 倒完落去飲品呈兩層 底層就係藍橙嘅顏色 上面嗰層就好似海中心有浪花咁樣 仲有棵薄荷葉喺中間🏝 好似個小島一樣 真係好似藝術品咁靚🎨牛角窩夫配雪糕雪糕有好多款口味 曲奇 綠茶 豆腐 芝麻 雲呢拿 我地就揀咗曲奇🍪 店員仲好友善咁俾咗一支星星蠟燭我哋 一樣好有視覺效果 我地仲拍咗段片嚟記念一下我朋友生日🥐🧇友人都好滿意呢餐生日飯 環境舒適之餘 食物質素又高 下次再有開心事要慶祝要定會諗起呢間餐廳…查看更多

最近去咗長沙灣覓食，上網搵到依間新開嘅西餐廳，就嚟試吓啦！餐廳裝修都幾靚，有唔少乾花同燈飾做裝飾💐，配埋音樂都幾有情調🎶。我哋就叫咗二人套餐（$488），有齊前菜、湯同主菜，咩都可以試吓。.頭盤 - 凱撒沙律🥗雖然係普通西餐廳常見嘅Caesar Salad，但都算有心思，有幾片Parma Ham同即刨嘅芝士🧀喺面，仲有少少果仁。.是日餐湯 - 雜菜湯 & 椰菜花忌廉湯雜菜湯有加入牛尾去煲，飲落有肉味，亦都有好多蔬菜粒🍅，雖然賣相睇落有少許油膩，但飲落都酸酸甜甜都好開胃，唔會覺得油膩。.而椰菜花忌廉湯🥦就比較少見，入口creamy，亦唔會過鹹，不過始終忌廉湯都會比較有飽肚感。.前菜 - 意大利雲吞Follow嘅二人套餐除咗有沙律🥗、餐湯之外，上主菜之前仲會有個前菜——意大利雲吞，有五粒，餡料係菠菜芝士餡，配埋蕃茄醬🥫食好好味。.主菜 - 燒西班牙豬鞍配薯菜 & 酸奶忌廉封門柳手工闊條麵主菜可選一款肉類及一款意粉，個人覺得選擇有啲少，兩款都只可以二揀一。.首先試西班牙豬鞍配薯菜，賣相好精緻，用咗青綠色嘅芥末醬汁作點綴，豬鞍燒得外脆內軟，外皮好香煙燻味，而中間仲係粉嫩嘅粉紅色，配埋醬汁食，個味道就更有層次。而且薯菜都唔係普通薯條🍟或者薯角，而係春卷、薯波同紫薯🍠波，好特別！.意粉我哋就叫咗封門柳意粉🍝，封門柳其實係牛嘅橫隔膜，肉質鬆軟，牛味濃。廚師將封門柳同樣都煎得啱啱好，大概五成熟。而醬汁係酸忌廉，外間比較少見，醬汁帶有少少酸味，都幾解膩，但我哋兩個就麻麻哋喜歡酸忌廉做醬汁啦。意粉都並唔係普通現成意粉，而係手工闊條麵，闊條麵彈牙又掛汁，配白汁啱晒！.飲品 - Blue Ocean二人套餐仲會包兩杯mocktail🍹或者咖啡☕️，嚟之前都做過資料蒐集，依杯Blue Ocean就啱晒打卡啦！只要將藍橙梳打倒落依個檸檬雪葩🍨，就會有泡泡🫧冒岀，顏色仲好靚添，飲落酸酸哋幾啱開胃同解膩😙。.餐廳性價比合理，價錢唔算特別平，但食物、飲品都好高質，👩🏻覺得值得回訪，不過下次就未必再叫二人套餐，因為實在太多嘢食，太飽啦🤰🏻。另外希望舖頭可以小注意一下上菜速度，本來都正常嘅，但店員喺上主菜前先發現未上餐湯(我哋都唔記得咗)，於是餐湯、豬鞍、意粉一齊上晒，食咗幾啖豬鞍又怕意粉凍咗唔好食，最後食返豬鞍凍咗就無咁香口💔。…查看更多

🕖時段-星期二夜晚7點幾到餐廳入面約5成滿 可以即刻入座✌🏻好似夜少少8點後時間反而多人d_▫️二人套餐 $488🔸燒西班牙豬鞍配薯菜燒得好香 豬鞍都幾大塊同厚身 唔算好juicy但肉質唔乾 另外有啲脆薯波伴碟🥔🔸酸奶忌廉封門柳手工闊條麵封門柳好香牛味🥩 切開牛入面係帶少少粉紅 無overcooked 唔難咬開 要留意忌廉汁有肉桂味 唔鐘意食肉桂既人未必接受到🔸凱撒沙律好大碟 好多芝士碎片 我鐘意佢沙律醬唔會太多 比較健康👍🏻 配有啲麵包粒同甜甜地既脆粒🔸意大利雲吞賣相一般但味道唔錯 佢係蕃茄sauce配雲吞 sauce酸酸甜甜幾開胃 雲吞煙韌唔易爛 食落好香芝士味🧀 _🍽環境餐廳係長沙灣同深水埗中間 門口放左好多植物 餐廳內偏暗 有啲燈串既裝飾 同埋每枱入座都會放個小蠟燭 即刻有氣氛左🕯 …查看更多

呢間絕對係長沙灣隱世美食環境有格調有氣氛, 周圍放左唔少浪漫既燈式; 坐位又舒服食物方面, 好有驚喜, 每樣都覺得好食, 感覺到佢既用心製作!叫左一個二人餐SET➽凱撒沙律面頭放滿滿滿既PARMA HAM, 好滿好多令人覺得好驚喜, 因為平時食既凱撒沙律就咁一堆菜加D 肉粒估佢唔到竟然加埋PARAM HAM睇個樣已經真心吸引食落口好食, 因為佢個醬好得!酸味較重帶甜! 好好食!➽是日餐湯: 椰菜花湯個湯好清好甜食得出好香既蔬菜味濃香但唔會太CREAMY➽主菜: 燒西班牙豬鞍配薯菜 好好食!個豬扒好厚身, 但做到好JUICY外層煎得好香, 帶比較多既咸味肉汁保留到, 而且肉質幾軟身,  厲害加少少佢伴碟既芥末醬, 香仲要讚下係佢薯菜有一隻係「咖哩芝士波」, 好好食咖哩汁係中間, 被少少芝士包住, 呢個真係好好食可惜我睇左MENU 冇散叫!!➽香煎大蝦龍蝦汁手工闊條麵 麵有彈口被好濃香既龍蝦汁包係住, 好好食淨係食麵都開心隻蝦好大隻好爽身➽餐飲跟住兩杯一杯叫左巨峰梳打, 一杯藍莓梳打兩杯都加左D 藍莓係度, 有誠意➽雜莓牛角窩夫配雪糕 因為SET 咁岩賣晒雲吞, 所以就跟住甜品牛角窩夫真係讚, 好新鮮整, 脆口好好食!配搭雪糕食得好開心!!成餐飯食得真係好開心, 好味環境真心好舒服而且侍應好有禮貌, 好殷勤呢個真係會再黎 !!…查看更多

假日到訪長沙灣呢間隱世西餐，入到去燈光柔和，感覺溫馨有情調🌳食物淨係睇擺盤已經有誠意，而且個套餐份量幾足，味道亦都有驚喜，想再回訪試埋其他主菜🤓▪️ 二人套餐 💲4881️⃣ 頭盤 - 凱撒沙律（7.5/10）因為同行友人唔食芝士，餐廳幫我地走曬芝士碎啊🧀️面頭鋪左少少Parma Ham片，而且沙律菜新鮮爽脆，加上沙律醬🫢2️⃣ 餐湯 - 是日餐湯 椰菜花湯（7/10）平時飲椰菜花湯可能會有粒粒口感，不過呢度既係打得幼滑，感覺Creamy同清淡🥣3️⃣ 前菜 - 意大利雲吞（7.5/10）厚度適中既雲吞皮，撈起黎都無散爛，包裹住滿滿既菠菜蓉同芝士餡，芝士鹹香尤其突出，有兩種汁可以揀，分別係蕃茄汁或者忌廉芝士汁，要左前者味道濃郁🍅4️⃣ 主菜 - 燒西班牙豬鞍配薯菜（7.5/10）豬鞍雖則厚身，但係依然鬆軟嫩口，保持到唔少肉汁，感覺都Juicy，而且有香草同椒鹽調味😛薯菜亦都幾有心思，有脆身香口既炸薯餅粒、炸薯蓉波、翠玉瓜等😚本身以為幾個圓圈係隻碟既花紋，點知原來係Wasabi芥末醬，估唔到食落又幾夾😎5️⃣ 主菜 - 香煎大蝦龍蝦汁手工闊條麵（7/10）大蝦只係得一隻，入口尚算爽彈，剩下就係蘑菇片，闊條麵軟身些許，掛汁效果唔錯，有陣陣龍蝦汁、蕃茄汁同同蒜片味道😌6️⃣ 餐飲 - Fruit Punch（7/10）本身包Mocktail或者非咖啡類，呢杯有番石榴、士多啤梨、橙汁、菠蘿汁、梳打，會飲到頭兩者既味道為主，亦有士多啤梨同埋藍莓果肉🫐6️⃣ 餐飲 - 芒果菠蘿乳酪沙冰（7.5/10） +💲26 (跟餐半價)飲落以芒果味為重，又有少少乳酪味，甜酸度平衡得唔錯，後段沙冰溶左，就係綿密既奶昔咁，感覺比預期中輕盈唔膩🤫🔎 整體評分（7.5/10）…查看更多

星期日去咗深水埗行街，夜晚就喺天悅嗰邊搵嘢食。冰室對面之前有間幾出名嘅西餐廳🍽，我喺附近返工時成日食，但舊同事同我講上年轉咗另一間。佢話新餐廳叫「Follow」，質素更勝一籌，咁就真係要試過究竟喇🤨！餐廳環境同之前冇太大分別，行暗色調，幾好氣氛🕯。雖然呢度冇華麗浮誇嘅裝修，不過餐枱闊落，再加埋木系嘅傢俬同地板🪵，整體感覺讓人舒服。以西餐廳嚟講🍽，定價屬中等水平，意粉或飯平均百幾蚊有交易，肉扒就貴少少。佢另外亦設有兩個價位嘅二人套餐，由於懶得諗，我哋就揀咗盛惠$488嘅套餐😝。頭盤係凱撒沙律🥗，呢款沙律係我至愛，因為用上羅馬生菜，食落無咁草青味，又夠爽脆。沙律醬配上大量巴馬臣芝士，再加埋風乾火腿🥓，完勝落好重醋嘅酸味沙律。是日餐湯係蕃茄雜菜湯🍅，雜菜湯並非一般嘅羅宋湯，佢唔係用茄膏開，而係用鮮茄同蔬菜煲，所以味道天然，唔係好酸、杰撻撻嗰種。湯品好有媽媽煲嘅住家湯感覺，無添加味精。鮮茄汁意大利雲吞🥟，郵票形狀嘅雲呑有五隻，無論餃皮定中間啲餡都唔錯。醬汁有兩款揀，分別係鮮茄同忌廉芝士汁，前者相對無咁溜。不過我認為雲吞唔似前菜，似主菜多啲，哈哈。燒西班牙豬鞍配薯菜🐷，呢道菜式如藝術品一樣，擺盤參考咗盆景嘅概念，碟上每粒大小唔同嘅醬汁反映咗廚師嘅用心🪴。除咗靚之外，豬鞍扒味道亦好出色。首先佢夠厚切，肥瘦比例適中，而且肉質一啲都唔嚡，又夠多汁。🥔伴旁嘅薯菜同樣好味，薯寶脆卜卜，翠玉瓜清甜，當中仲有一粒紫薯年糕，口感Q彈好得意。酸奶忌廉封門柳手工闊條麵🍝，闊條麵係手工製作，質感富有嚼勁，而且闊條超過一厘米，所以特別掛汁。酸奶忌廉汁亦好特別，佢比普通忌廉汁更濃稠，食落有少少酸忌廉嘅味道🤤，但記得要趁熱食，因為凍咗就有啲膩。本身對搭配意粉嘅封門柳無乜期望，🥩點知係神級之作。牛柳外層充滿燒烤香氣，微微脆，而肉身呈粉紅色，肉質細嫩，直頭有啲似食緊和牛嘅感覺，無得輸。藍莓乳酪沙冰($52)，晚餐包埋飲品，大部份款式都唔使加錢。🥛乳酪沙冰無令人失望，面頭嘅玫瑰花瓣散發花香，而藍莓本身就同乳酪好夾🫐。整體酸酸甜甜，飲落好醒神，冰感唔太強勁，有啲似食緊甜品Froyo。蘋果薑果粒茶($48/壺)，🍵水果茶一啲都唔馬虎，佢並非採用茶包，而係用上一大堆風乾咗嘅蘋果粒同薑粒🍎，真材實料。每啖均滲透出果香同甘甘涼涼嘅薑味，即使唔落蜜糖，都已經好好飲，再加上佢好大壺，好襟飲。總括嚟講，今晚呢個二人套餐我會俾滿分💯，基本上無任何地方可挑剔。考慮到餐廳位置嘅話，會覺得價格定位稍高，不過食物質素絕對對得住個價錢，超好味道😋。再者，店員服務態度非常好，令成個用餐體驗更圓滿。…查看更多