滿屋日本料理 (大鴻輝(荃灣)中心) (已結業)

放題一向是港人最愛，這晚就來到荃灣的滿屋日本料理任飲任食2小時。餐廳面積廣闊，座位排得頗寬敞。晚市除了特定時段外，還可自選2小時放題，價錢為每位$248至$268。放題紙上的所有食物都是任點任食，款式包羅萬有，刺身、壽司、串燒、鍋物、天婦羅無一掛漏。可能是即叫即製的關係，所以等候出菜需時較久，幸好漏單情況亦不算嚴重。除了即切的新鮮刺身之外，壽司款式應有盡有，而且配搭甚有創意，例如火炙雙重芝士三文魚卷、意大利黑醋雙重芝士鰻魚卷、明太子沙律醬燒三文魚壽司等等...天婦羅可選虎蝦、溫室南瓜、秋葵、有機茄子及有機蕃薯仔，入口酥酥脆脆。炸物同樣都是剛剛炸起，熱辣辣又脆卜卜，款式包括貓山皇榴槤炸彈、芝麻雞翼、台灣鹽酥炸雞、炸芝心香芋丸、自家製吉列蠔及芝士年糕。燒紐西蘭羊鞍燒得略帶微微焦香，羶味不過重。鐵板安格斯牛仔骨微辣惹味，內裡保留肉汁。西京比目魚可說是全晚心水推介，肉質豐腴雪白，配上甘甜的西京燒醬汁，更能突出白身魚的爽甜鮮味。鹽燒鯖花魚僅灑鹽的單純調味，反襯出鯖魚的肉質鮮美，最能表達食材的原始味道。捧捧海苔雞肉混合雞肉和雞軟骨，因此咬下去可以感受到雞軟骨特有的韌度，讓口感更有嚼勁。黃金燒帆立貝舖滿澎湃芝士，令帆立貝更芝味無窮。黑松露汁蘑菇芝士釀雞翼已經去骨，一咬開即爆出流心芝士。個人尤其喜歡燒有機菠蘿，蒸發了生果中的水分，令酸甜天然果香更加突出。香辣蜜桃炒蝦球酸酸辣辣，蝦肉渾圓飽滿。自助區有數款炸物小食，包括炸薯角、葡撻和麥樂雞。一口一個的葡撻外皮層次分明，中間燉蛋口感軟滑。甜品凍櫃內有蛋糕、奶凍等，另外還有新鮮生果。雪糕有Movenpick、Haagen-Dazs、Dreyer’s可選，每人只限一杯。飲品都是自取，海量款式尤其壯觀。…查看更多

臨近聖誕，放題都加咗價，今日要$288加一，不過唔知係唔係聖誕期間所以嘢食款式多咗，有好多嘢食，每樣食一件都食唔晒😂唯有下次再戰！自助區有得拎海鮮冷盤，有青口、翡翠螺、蝦，仲有一啲都唔Hea嘅沙律吧，唔係普通沙律菜，係中華沙律、螺肉、蟹籽都有！海鮮冷盤都好新鮮，啲肉好彈牙，有鮮味，拍得住酒店質素。仲有啲炸物、中式料理、爆谷都有，嘢飲方面除咗汽水之外仲有柑橘蜜，梅酒，清酒。爆谷竟然係好味既，不過放題梗係唔可以食太多😌梅酒OK，清酒有消毒藥水味，柑桔蜜都係唔錯嘅熱飲選擇之一壽司刺身都係有水準嘅！食材都新鮮，炙燒嘅壽司都係即刻整嘅👍🏻壽司方面，推介山葵八爪魚壽司、左口魚邊、蒜香三文魚壽司，仲有大路嘅三文魚、三文魚腩、帶子都好新鮮。唔建議食海膽吞拿魚壽司同埋鵝肝帶子壽司，海膽同埋鵝肝都係勁細粒，如果想食海膽同鵝肝就。。。可以略過，可能叫海膽手卷會好啲，不過我已經食咗好多舊飯所以就食唔落啦🤣燒羊架肥膏唔多，燒得香脆肉嫩，有一小部份較韌不過可以接受燒牛舌又係好正，調味啱啱好，牛舌爽脆仲有必食燒雞軟骨同菠蘿出面有雪糕櫃可以攞雪糕不過只限某種牌子，但係每人可以叫一杯Häagen-Dazs或者movenpick，Häagen-Dazs仲有焦糖脆餅味，正呀👍🏻 …查看更多

今次同屋企人黎左荃灣既美食大廈——大鴻輝商業中心，喺諗緊食咩好時口痕痕想食日本野，就上左去滿屋食放題。本身都食過幾次呢間滿屋同第二度既滿屋，我發現唔同地區既滿屋menu都有少少唔同，但都幾多種類揀。一坐底，事不宜遲，點個刺身先！魚類新鮮油脂亦夠，擺入口時好滿足～其他刺身都好鮮甜！其實滿屋一大特色就係佢有個自助吧台俾你出去拎野食，我次次都會拎佢啲凍蜆同薯格，都好好食！壽司方面都唔錯，最搞笑都係佢既創意壽司。有一塊紫菜包住帶子同吞拿魚蓉，好新奇！燒鰻魚皮香微脆，好食！焗帶子沙律醬酸酸甜甜開胃，有啲蔬菜喺入面更有口感！燒物方面燒菠蘿簡直係我至愛！呢度啲菠蘿好甜，好正！好啦，黎到我一開頭講既野。呢間滿屋係冇炸蠔的，而我食過佢其他分店有。但有芝士竹輪同香芋波波已經令我好滿足😍最後黎到最需要推介既野，就係海膽手卷！！好鮮甜完全冇腥味😋我狂咁嗌黎食！！！最後黎個朱古力雪糕做一個完美既結束。大家黎食既話一定要食海膽手卷海膽手卷海膽手卷知道無？…查看更多

大鴻輝一向都多餐廳，多人排隊等lift,星期日路過附近，望下有什麼餐廳，見到放題就心思思想食😁入到去安排卡位，座位夠寬闊，坐得舒服！沙律、甜品、前菜都放在外邊自助枱面龍蝦沙律下是一片芝士！蟹子新鮮，芥末八爪魚手卷微微的芥末醬，辣得好過癮燒菠蘿，菠蘿夠甜又多汁香辣牛柏葉 - 比較少在放題見到， 香辣即係微辣，怕辣的也可以試，勝在份量少，食完可以再食其他鰻魚 - 可以單點鰻魚👍🏾唔怕食飯食飽晒，味道ok， 香芒龍蝦沙律 - 芒果及士多啤梨配壽司，夠清新燒雞翼我最鐘意食！超級多麻芝，雞翼又熱又脆👍🏾榴連波波內是榴連味的流質涵料，啱晒榴連友！芝士年糕相對比較飽肚，但我就是喜歡食煙韌的年糕😍估唔到會有避風塘炒蟹！很多炸蒜🤤香口熱氣，又愛又恨放題點少得刺身！象拔蚌刺身夠新鮮！其他也不錯，點了一大堆忘記影相鹽燒海蝦 - 大大隻海蝦，蝦肉彈牙，燒完更吸引，海蝦配上少許鹽味就是絕配花膠鮑魚單點都唔平，更何況在放題內可以任點！我都‘補’了2轉😂好開心可以自製棉花糖，好簡單，但真係未試過自己整！還有爆谷機可以食爆谷雪糕雪條有10款可以選1款，食完大滿足,唔使再心思思～…查看更多

收工同屋企人去食飯 佢哋話想食放題😯所以我就OpenRice一陣就揀咗呢間🤔 見佢地點都幾方便 啲刺身燒物又好似唔錯咁💕 一去到佢安排左個卡位俾我哋坐😛 嘩見到有hoegaarden啊！！！仲係任飲喎！我哋每人率先飲咗一支先😂😂佢有冷盤可以係出面自助攞既 啲大蜆都唔錯 中華沙律都好味😋 想省時間食多啲😝作為頭盤都幾好😝之後就叫啲燒物同埋刺身！試咗廣島蠔啦牛舌 蒜片牛柳粒 青魚 羊架😋😋😋 最好食都係個牛舌 一啲都唔老 又算厚切！好推介！！不過食放題就當然係狂食刺身啦😍品種唔算好多款🤔不過common一定要食嘅都有齊晒！除咗北海道角螺 其他我哋都試晒🙊我最鍾意個甜蝦同油甘魚😋😋 油甘魚超正wo 有魚味但唔會話好腥😋反而三文魚我就覺得可以再肥美啲🤤另一重點係吉品鮑燴花膠！😍😍有成三舊花膠😍都幾厚 但唔重味既 唔怕好咸既鮑汁😝可惜我第二round叫果陣太遲 已經賣哂😭果然好野係多人食既😭食飽飽就食生果😙個燒菠蘿好甜好juicy！唔會乾哂 燒完帶出哂個甜味🤤🤤臨走又俾我見到佢有梅酒飲架！我又飲左杯 哈哈😝😝😝不過有冰就仲好啦😝 今晚一家人飲左佢5支hoegaarden 好抵阿！😝…查看更多

友人不在港，小人與日食朋友聯袂到滿屋吃放題。之前在其他的分店吃過，小人大感滿意，未知今餐又如何。花之戀確實了得，管不了三文魚是如何的肥化，總之混有魚籽及飯，蘸些芥末豉油就是超其的好味。鰻魚壽司更美味得要命，甜滑的鰻魚配以壽司，正貨是也！炒豆角乃小人所愛，既甜亦有咬口。燒雞翼及榴槤球已是不用多說的汁潤香口，自是不凡。燒羊架，肥香而不羶，好味到震。芝士煙肉焗蠔極之香口，水準之作。燒牛舌肉質結實緊致，卻又不靭。而今次的燒菠蘿燒得很甜，多汁無渣。差點忘了刺身蝦，以放題來說是中上水平，蝦亦夠大隻。兩次在滿屋的體驗都是快樂而回。…查看更多

呢晚響荃灣行完街，順便黎到滿屋食放題入內安排左一張卡位俾我地，非常寬敞，環境舒適兩本點餐紙等食期間，外面有不少食物，醬料任拎，如自助餐一樣飲品區，選擇極多如果出面飲品唔啱口味，仲有台式特調飲品呢款藍糖荔枝梳打唔錯，叫完先知有得加Q果，蘆薈果啲刺身因為朋友食唔多，所以點既份量較少三文魚質素頗高，鮮甜油甘黑松露芒果三文魚小卷好似花之戀咁，但襯托芒果甜甜酸酸既味道令我encore左一碟壽司樣樣都想試，樣樣叫左啲火炙系列中最左邊既原條穴子壽司值得一叫，味道不錯仲有芝味系列，因為怕芝士好濟，淨係叫左芝士鰻魚壽司，兩樣配搭埋又出奇地幾夾食日式野必叫既蟹子沙律，食下草燒菠蘿必食必encore之選燒羊鞍開始上熟食，羊鞍有驚喜，有羊羶味已經抵讚天婦羅圖中綠色果舊野，叫海膽大葉天婦羅幾大草青味，啱草食類人炸物系列好似春卷果兩條叫乳酪棒圓形係榴槤炸彈同埋芝麻雞翼作為榴槤愛好者，覺得呢舊炸彈味道唔太好，榴槤味有啲假但芝麻雞翼脆嫩多汁，好吃雞軟骨不過不失，無乜特別辣酒煮東風螺辣度十足，螺肉又大粒，值得一叫甜品類有一整個專櫃，泡芙，布甸，生果等等雪糕一人一杯，有哈根大師同movenpick揀限定口味要問員工飽到人都癲…查看更多

身邊的朋友不但喜歡以放題賀生晨, 還喜歡食放題賀聖誕, 今晚就約了一位一排沒有見的好友齊齊聖誕大餐, 來食肆雲集的大鴻輝中心, 單單等升降機已需要一段時間。一出升降機門便看到闊落的等位處, 還有一塊印滿點菜單的電子板。走進店內, 環境光猛, 先見到一個放滿多款甜品的凍櫃, 接着是擺放了沙律、水果、熱食的自助區, 還有一個冰鎮着多款海鮮的即切刺身區, 正! 另一邊還有雪糕、爆谷機和棉花糖機, 走到最入端有一排超級巨大兼放了極多款式的飲品凍櫃, 另外還有熱水、熱茶和熱柑桔蜜供應。 嘩! 這裏不單止放題, 亦是自助餐, 實在太多選揀, 看來今晚一定撐看大肚子離開。內裏地方寬敞闊落, 設有多行四人卡座, 亦有數排排長沙發座的二至四人枱, 還有多張六人卡座、十多人的長枱, 座位非常多, 可容納不少客人, 但走廊位不算闊落, 客人出入自助區有點狹窄。晚巿放題分兩個時段, 分別5:30-8:30pm和8:45-11:30pm, 星期一至三成人收費 ($228+10%), 而成人收費為 ($258+10%); 星期四成人收費 ($238+10%); 星期五六及假期前夕成人收費 ($248+10%); 而星期日及公眾期假早段成人收費 ($248+10%), 後段成人收費 ($228+10%)。最划算是7:30pm前離座或9:30pm後入座全單有85%。我倆都不想吃得太夜, 故揀了早段 ($248+10%), 雖是早段, 但也差不多全場爆滿, 看來餐店挺受歡迎。枱上已放了兩本不同顏色的厚點菜簿, 填好撕下遞交便可, 最傳統的方法。點好食物, 在等待其間便把握時間去自助區。有兩盆熱食, 時時更換, 今晚出過炒雞柳、三文魚忌廉貝殼粉、燒魚鮫、蒸餃子、海蝦、蒜蓉粉絲蒸元貝和蒜蓉粉絲蒸大蝦, 部份只出一次便沒有再見過, 幸兒也取到蒜蓉粉絲蒸元貝 和蒜蓉粉絲蒸大蝦。兩者都熱辣辣, 味道鮮味, 肉質爽彈, 而蒜蓉粉絲 索盡鮮味, 烹調入味, 很美味, 好想再encore, 可惜……不出一會已不見踪影。除熱食外, 還有多款凍食, 辣墨魚仔、辣螺肉、帶子裙邉、海蜇、中華沙律、沙律、凍蝦、凍青口等等, 先來一碟三食, 有帶子裙邉、海蜇和中華沙律, 當中最吸引我是帶子裙邉, 煙煙韌韌, 很有嚼勁, 烹調入味, 香辣惹味。另外, 還取了一碗溫泉蛋冷麵, 份量少少, 很適合。把蛋刺開, 鮮黃色的蛋黃汁馬上湧出, 滑嘟嘟兼充滿蛋香, 拌上加入冷麵汁的冷麵, 稍稍微鹹, 味道不俗。還有即製玉子燒, 中間還捲着芝士、紫菜和蟹柳, 取時師傅才淋上燒汁和沙律醬, 增添美味。玉子 挺厚身，一層疊一層，細仔看看每層厚度相若，但口感不算軟滑, 味道亦一般。同時取了一客胡麻冷豆腐, 豆腐 入口微凍, 滑溜兼富豆香, 混入份量剛好的胡麻醬, 甘香美味, 加上清新的青瓜片和蕃茄, 配搭合宜。******************************先揀選棗紅色點菜簿內的食品, 有特色飲品、刺身、壽司、空運壽司、卷物、火炙壽司、手卷/軍艦、沙律和小食。我是刺身迷, 第一時間就點了四款刺身, 每款兩至三件, 分別有三文魚、油甘魚、中吞拿魚腩和希靈魚。肥美的三文魚 色澤亮麗, 油脂分佈平均, 肉質柔軟油潤, 鮮味十足; 還有色澤亮麗的油甘魚 亦很肥美, 肉質稍稍爽口, 也很吸引; 至於鮮黃色的希靈魚, 肉質爽脆, 味道鮮甜。不得不點新店大優惠的任點任食北海道原產直送的中拖羅, 雖然細細件, 但每件都色澤鮮紅亮麗, 非常新鮮, 肉質柔軟, 但肥美度只屬中度。除點紙單的刺身外, 更吸引大家是即點即切的刺身區, 有刺身、三文魚腩、劍魚腩 等等, 故決意馬上轉攻此區。先點了一客八件的三文魚腩, 的確比點單紙的三文魚刺身肥美得多，加上厚切，口感更豐富。魚油脂相間，肉質更鮮嫩油潤，絕對是encore之選。刺身過後當然輪到壽司, 一向都認為飯類是飽肚之物，每次吃放題都只會點少許試試, 令次也不例外, 主力點火炙壽司。在五款火炙壽司中選了三款, 先吃火炙蒜香牛油三文魚壽司, 三文魚經火炙後, 迫出魚油, 但可惜魚香比牛油香蓋過, 幸兒炙燒的時間掌握得剛好, 肉質油潤兼柔軟，也不錯。另一款是火炙原條穴子壽司, 故不到連放題也可吃到原條的穴子, 的確幾重本。經燒的穴子外表炙至帶點焦燶, 有少少煙燒味, 並沒有塗上太多甜美的鰻魚汁, 更能嚐到本身鮮味, 而肉質亦柔軟嫩口, 很討我喜歡。但最歡喜還是火炙胡麻左口魚邊壽司, 它是左口魚最油潤的位置, 加上再經炙燒，迫出油份，吃落更加肥美油潤，魚油的甘香充滿口腔, 鮮味很得，伴些份量剛好的胡麻醬，魚香中散着胡麻的甘香，兩都配起來很夾, 所以馬上再下單。輪到沙律項目, 足足有七款選擇, 一口氣點了三款, 包括海葡萄海草沙律、意大利有機窩筍沙律和牛油果海鮮沙侓。海葡萄海草沙律 味道清新, 海葡萄和海草稍稍爽口, 但海葡萄略為幼身, 口感一般; 從沒有在放題中見過意大利有機窩筍沙律, 挺特別, 窩筍清爽多汁, 配上生菜、青瓜和車厘茄, 清新怡人。至於牛油果海鮮沙律, 有三款魚類刺身粒, 伴上生菜、牛油果、青瓜和車厘茄, 加入一些酸咪咪的沙律醬, 味道不錯, 可惜牛油果極之生, 一點也不香滑, 失望!最後是小吃系列, 對甘酢海參極有興趣, 可惜店員話沒有來貨, 嗚嗚嗚……幸兒泰式天使蝦 也不錯, 爽脆兼富黏性, 相當新鮮, 夾着少許蒜碎和辣椒粒, 火辣惹味。******************************點完棗紅色的點菜簿後就輪到黑色點菜簿, 有燒物、串燒、天婦羅、炸物、一品料理、和風料理、主食, 選擇不少。燒物共有七款, 大部份放題店也有鹽燒鯖魚, 而這裏除了有鯖魚外, 還有較少見的汁燒石斑魚, 必點一客試試。魚肉底面同樣燒得金黃, 肉質爽口, 味道鮮鹹, 必要再encore。身為魚痴, 除石斑魚外, 鹽燒鯖魚 也不放過, 大小適中，底面同樣燒得金黃，肉質紮實，鹹鮮有至，算不錯。另一款燒物是燒菠蘿, 帶些焦色, 入口微暖, 香甜多汁, 相當新鮮, 推介之選! 而熱辣辣的焗廣島蠔 加入了沙律醬調味, 還有爽口的菇粒和清蔥粒, 芝士焗至金黃半溶, 為鮮嫩的廣島蠔添些鹹香, 不錯! 串燒中揀了兩款, 分別是燒有機日本蕃薯仔和燒溫室秋葵, 同樣美味。我常喜歡粒粒如拇指般大小的日本蕃薯仔，外皮柔嫩，內肉粉綿，獨有的香甜味道已極之吸引, 屈指一數, 好似encore了三四次, 可見它有多美味。而燒溫室秋葵 也不錯, 一串一條，外表帶點焦色，沾上燒汁，甜甜地，味道不錯, 而口感則外爽脆，可惜內的黏液已不多。在一品料理中只點了一客鐵板帆立貝, 三粒都算肉厚肥大，燒弄時間剛好, 肉質鮮嫩中帶微爽, 裙邊則煙煙韌韌, 挺有咬口, 還有清爽的洋蔥相伴, 加埋甜甜地的燒汁, 味道和口感都不俗。今年入冬還未吃蛇羹, 估不到放題都有蛇羹, 馬上來一碗。滿屋蛇羹 熱辣辣上枱, 內有大量的冬菇片、肉絲、蛇肉、木耳絲等, 還加入脆卜卜的蛋散, 落足料, 十分豐富, 鹹鹹地的味道也不錯, 如果有埋檸檬葉、白菊花瓣就正。另一款主食是海鮮喇沙米線, 上枱時散發着椰香, 挺吸引。鮮橙色的湯底, 面頭放了一隻大蝦、細細隻的青口、豆卜和日式魚片。湯底的味道不錯, 香辣兼帶有椰香, 很惹味, 可惜所配的米線已浸至腍身, 如改用米粉相信會較理想。******************************食下講下, 話咁快就差不多兩個半鐘, 最後輪到食甜品時間, 自助區有多款甜品選揀、兩款鮮果、自製棉花糖、即製爆谷和多款任取雪糕。第一輪先是蛋糕甜品出場, 選擇眾多, 有70%特濃朱古力杯、哈蜜瓜奶凍、紐約芝士餅、提拉米蘇蛋糕、木糠布丁、焦糖布甸、芝士撻、多款賣相精美的和菓子等。因已差不多八成飽, 還要吃雪糕, 故只在當中挑選了兩款, 70%特濃朱古力杯 賣相不錯, 味道香濃, 甜而不膩, 但不算很幼滑。至於焦糖布甸 則較甜膩, 亦略為挺身, 故嚐了兩口便放棄了……最後, 真是最後啦! 雪糕有自助軟雪糕、雀巢雪糕、朱古力牛奶冰條、果汁冰和雪糕糥米糍, 選擇都算幾多, 但只能吃得落軟雪糕, 因為實在太飽了, 哈! 自助軟雪糕有雲尼拿味、香芋味和扭紋, 旁邊放了一些配料。唧了香芋味軟雪糕, 再加了一些OREO餅碎、朱古力珠和提子乾, 再插一件哈蜜瓜, 靚晒! 軟雪糕挺幼滑, 啖啖芋頭香, 不算太甜, 加入配料多份口感, 挺美味! ------------------------------長達三小時的放題, 可讓我們慢慢邉吃邊傾, 的確不錯。我倆差不多半年多沒有見, 今晚大家吃得飽飽之餘, 還可傾晒半年內大大小小事情, 真是在滿屋吃得滿足, 又傾得滿足, 期待下次再見面, 不知友人會否又揀吃放題呢?…查看更多