響日本燒肉

平時一般都係食開啲連鎖店嘅燒肉放題，食得多都有啲悶，同埋通常90mins, 食得有啲趕🫣上網見到銅鑼灣呢間「響日本燒肉」放題好似好正咁🤤除咗燒肉吸引，仲有🦪刺身同埋任食Movenpick雪糕🍨仲要係120mins😍真係可以慢慢嘆😝一出lift，見到餐廳周圍掛咗好多紅燈籠🏮樓底夠高，以卡位為主，坐得幾舒服，感覺幾有🎌日式Feel🤗👅美國及澳洲和牛放題 78品 2hrs $398-入座後，選好餐，好快…-店員先上一個刺身拼盤，有生蠔🦪、三文魚、帶子、甜蝦🍤、油甘魚、八爪魚🐙及北寄貝等等，刺身食落新鮮、鮮甜而且份量都幾多😋正❗️-再嚟，就送上🥩燒肉拼盤，賣相幾吸引😍有澳洲和牛肉眼、澳洲和牛胸腹、美國牛肋骨、米澤三元豚西冷、米澤三元豚腩片、手羽先及骨付雞肉腸！食完之後，覺得好味嘅可以再單點㗎😛👻💜當中最愛💜🐮澳洲和牛胸腹：食落油脂充足，肉質軟淋，有牛味，好食😋🐮澳洲和牛肉眼：油脂相對少啲，但口感都非常唔錯🐣手羽先：日本雞肉翼喺好食啲，燒到皮脆肉嫩😋🥩美國肉眼扒: 好大塊，店員好貼心咁提醒唔好燒太耐，輕輕燒一燒真係好食啲，軟淋有牛味😋燒耐咗會有啲鞋口～🎈食完啲嘢就開始單點啦，掃Qr code落單🤗方便！🫶🏻推薦：薄炙澳洲和牛牛肋肉、泡菜石狩鍋、海蝦、南瓜蕃薯天婦羅、炸紫芋圓同埋Movenpick雪糕🍨仲encore咗幾轉澳洲牛😋好滿足！🍹飲品飲品櫃自取，基本嘅罐裝飲品都有，比較特別嘅有🎌日本果汁汽水，我都飲咗兩罐😝🍨甜品有幾款雪糕，係任食㗎😍分別係Movenpick、Dreyers、榴連雪糕同埋芝麻雪糕總結💕放題嚟講，食物真係好高質😋以前成日覺得澳洲牛唔好食，但今次真係俾到驚喜😍原來都好食㗎😋環境舒服，食完都冇周身油煙味👍🏻可以任食120mins真係舒服好多，唔使食得咁狼狽🫶🏻如果喜歡飲酒🍻嘅更加要嚟試下，加$48就可以任飲🍶清酒、紅白🍇葡萄酒及🍺啤酒，真係好正😍…查看更多

🌸銅鑼灣和牛燒肉🌸響🥩面對海外回港隔離措施解禁無期，為了感受一下日本風情，今天相約好友到一間位於銅鑼灣的主打正宗日式燒肉放題的餐廳-「響Hibiki」享用一頓高質滋味日式燒肉放題❗餐廳寬敞舒適，裝修精美，有精美日式木系素材裝飾，座位寬敞舒適❗店員殷勤有禮，會不時替客人收拾碗碟，餐廳使用二維碼自助點餐，非常方便快捷❗🍽我們惠顧了78品料理的美國及澳洲和牛套餐：💰價錢（未連加一，7:30pm前離座）👉🏻星期日至四：$398👉🏻星期五至六及公眾假期及前夕：$428而放題套餐包括：🥩日式燒肉有多款嚴選上盛燒肉，當中包括澳洲和牛西冷、胸腹、一口澳洲和牛粒、美國肉眼、牛肋骨、米澤豚西冷、腩片、香草雞、骨付雞肉腸、牛舌片、雞翼，還有澳洲和牛肉眼、生薑汁澳洲肥牛博燒、油薄炙澳洲和牛牛助肉及薄炙美國牛里脊肉，而我特別喜愛澳洲及美國的和牛肉，牛肉的肉質相當鮮嫩，口感不會韌，相當鮮味，入口即溶，滋味。🥓醬汁燒有醬汁安格斯牛肩胛肉眼博燒、醬汁米澤豚肉薄燒、醬汁羊卷肉薄燒、生薑汁澳洲肥牛博燒、生薑豚肉博燒及生薑羊西冷博燒，每款薄燒預先以秘製醬汁調製，經輕輕燒炙後的燒肉肉質香嫩，充滿著濃郁燒汁味道，非常滋味。🍤炸物 - 天婦羅有多款即叫即制的日式天婦羅，包括香脆鮮甜的大蝦、冬菇、清甜南瓜、茄子、皮脆餡靚的日式炸餃子及鮮味松葉蟹柳天婦羅，更有榴蓮炸彈、紫芋圓及芝士蛋糕。🍣刺身、壽司有多款精選新鮮刺身及手作壽司，刺身有入口即溶三文魚、彈牙口八爪魚、北寄貝、香滑肥美劍魚腩；而手作壽司有三文魚壽司、八爪魚壽司、北寄貝壽司、玉子壽司、加州卷及炸蝦卷。🐟海鮮燒有多款新鮮肥美的海鮮如滋新鮮海蝦、香嫩肉滑鯖魚、紐西蘭青口及惹味辣醬魷魚串。🍗椒鹽燒有款惹味椒鹽燒如免治雞肉棒、雞皮串、雞軟骨串，雞肉串、青尖椒及雞腎串，當中我喜歡雞軟骨串，雞軟骨香脆惹味，鹹度適中。🍲和食 - 烏冬有款日式料理如清湯烏冬、清湯豆腐鍋、泡菜石狩鍋及日式豆腐海帶魚湯等，今次選了泡菜石狩鍋，湯鍋配料豐富，有炸三文魚骨、香辣開胃泡菜及香滑豆腐，味道酸酸辣辣，相當醒胃。🥗小食 - 沙律還有多款清新沙律冷盤小食如和牛田園沙律、溫室番茄沙律、味付螺肉及中華沙律等。🍆蔬菜燒還有多款蔬菜作為燒肉配料，當中包括香甜多汁菠蘿片、冬菇、清甜南瓜、香嫩多汁茄子、雞脾菇、有機金菇及有機本菇。🥤飲品有多款飲品選擇，自助吧有多款罐裝飲品如可樂、無糖可樂、紙包解膩茶飲及日式梳打等，還有多款自家製消滯解膩飲品如桂花烏龍茶，還有花茶包可供客人自行沖製清新花茶，解膩一流。🍧甜品甜品方面有Movenpick 的朱古力及雲呢拿雪糕杯、Dreyer's 的朱古力及抹茶脆筒，還有香濃之蔴、榴槤雪糕及芒果乳酪雪條。醬料方面，提供烤肉必備醬油、新鮮青檸、七味料及香鹽等！總括而言，此日式燒肉放題食物質素高，有多款新鮮肉食選擇，更有多款日式特色小食、刺身及烤肉配料❗餐廳地點鄰近銅鑼灣站，交通方便，是銅鑼灣區內必到的高質日式燒肉放題之選❗🔖總體評分：美味指數：⭕⭕⭕⭕⭕️賣相指數：⭕⭕⭕⭕️⭕️抵食指數：⭕⭕⭕⭕ 📍響日本燒肉 (銅鑼灣)：銅鑼灣渣甸街66號亨環2樓…查看更多

以前係佐敦嘅分店食過兩三次放題，而家仲進駐埋銅鑼灣～今次港島人有口福啦！😏餐廳長時間做緊多重優惠，平日有午市套餐，有多款日式定食或燒肉套餐，啱晒附近嘅上班族。凡惠顧晚市放題，每位敬送海膽魚子伴珍寶級日本宮城縣生蠔一隻，如果生日當月惠顧，4人同行有1人免費，抵喎！2.5小時燒肉放題，可以食盡澳洲和牛、海鮮、刺身、串燒、天婦羅🍤等，星期六、日及公眾假期午市（11:30-16:00）惠顧午市放題，第二位客人可享半價優惠，折實$387/位！😍😍晚市分兩個時段，時段A：17:00-19:30，價格由$393起，時段B：19:30-22:00，價格由$454起。雖然晚市收費唔算好平，不過勝在用料上乘和講究！除咗任食之外，紅白酒、清酒、柚子酒、梅酒都係任飲，絕對可以食到番本！😎紅白酒、清酒、梅酒和柚子酒都有，有原包裝放係隔離用以証明，保證真材實料冇溝水！👍🏻唔飲酒嘅話，仲有多款汽水、果汁或茶等。刺身種類都幾多選擇，有三文魚、油甘魚、劍魚腩、帆立貝、甜蝦、八爪魚、北寄貝等，款款都好新鮮！😋小編最欣賞帆立貝，鮮甜味美，三文魚、油甘魚、劍魚腩厚切肥美，甜蝦好大隻。至於重頭戲海膽魚子伴珍寶級日本宮城縣生蠔，生蠔口感濃厚滑溜，配上一大瓣味道清甜嘅加拿大海膽，和滿滿魚油脂香嘅三文魚子，多重口感和味覺嘅衝擊☺️☺️燒肉有十多款，🌟推薦❗️澳洲和牛胸腹和牛肉眼大理石油花分布均勻，肉質嫩滑多汁。😋🌟推薦❗️醬汁安格斯牛肩胛肉眼博燒雖然薄薄一片比較容易燒燶，不過調味鹹香入味，不錯吃！燒海鮮種類比較少，個人推薦海蝦，蝦雖然係冰鮮，不過都幾大隻，可以一試！其他日本料理如沙律、壽司、天婦羅、炸物、都有，選擇幾多樣化～天婦羅、炸物和串燒全部都係即叫即炸，即叫即燒，保證上枱新鮮熱辣～其中最欣賞榴槤炸彈和芝士年糕，外脆內軟，🌟推薦❗️最後食返個烏冬暖身就啱晒啦！呢到嘅烏冬採用日本稻庭烏冬，口感嫩滑煙韌，次次嚟都要食幾碗！😂😂甜品方面，除咗有蛋糕和慕絲蛋糕，雪糕選擇有9款之多，仲要係任食，唔係人頭計，有Mövenpick、Fruttato Gelato意大利雪糕、雪條和Dreyer’s甜筒。…查看更多

星期日要食餐好，去左食日式燒肉放題，喺OpenRice揾左好耐先決定食呢間響日本燒肉，評論有好有壞，照俾次機會佢。用餐時間2.5小時，周日午市時間，第一位價錢$468另加一，第二位半價，加一以原價計算。小童都係半價。落單用QR Code，有刺身，壽司，燒肉，醬汁燒肉，海鮮，蔬菜，天婦羅及炸物，椒鹽燒，和食及烏冬，雪糕十大種類。1）刺身先黎一客冰鎮刺身拼盤，係有乾冰製造夢幻效果。海膽魚籽生蠔每人一隻，賣相吸引，生蠔好大隻，又新鮮又實淨唔會太鹹，海膽都唔差，唔太腥，上面撒上少少葱花。刺身整體質素算係咁，仲可以自己炙燒完先食，有以下各款：帶子：太薄切不過鮮甜有頭甜蝦：唔差北寄貝：正常油甘魚：薄切不過好肥美，魚味濃三文魚：正常劍魚腩：麻麻哋，唔夠肥美八爪魚：好韌日本每天空運魚生：落左兩次單都無黎到2）壽司冇胃口亦冇興趣試3）燒肉先黎一客燒肉拼盤，用哂紙仔指明咩肉打咩肉，好高級嘅感覺！米澤三元豚西冷：肉夠厚身不過唔韌，又好有豬味澳洲和牛胸腹：冇乜特別澳洲和牛肉眼：冇乜特別澳洲和牛西冷：澳洲和牛當中最好，味道唔錯美國牛肋骨：好韌手羽：麻麻骨付雞肉腸：係脆皮不過好油膩米澤三元豚腩片：超肥，不過好脆口牛舌片：好厚切，肉質都算彈牙值得一提係呢啲肉類本身味道都唔錯（除左牛肉同手羽之外），不過點餐廳提供嘅甜醬油食就夠味。4）醬汁燒肉醬汁燒肉就冇label，明顯肉類質素差啲，所以叫少少就上多多。主要食醬油味，肉質普遍韌，不過我覺得味道方面都好食，某些肉就鹹左少少。有醬汁安格斯牛肩胛肉眼薄燒，生薑汁澳洲肥牛薄燒，醬汁米澤豚肉薄燒，生薑豚肉薄燒，醬汁羊卷肉薄燒，生薑羊西冷薄燒，全部我都有叫，不過又好似無黎嗮，食完唔知邊樣打邊樣。5）海鮮海鮮好少選擇，海蝦都算爽脆鮮甜，紐西蘭青口就非常差，肉霉又無味。6） 蔬菜試左好少，懶得燒。請恕未能盡錄。燒菠蘿片：好香不過好酸燒有機金菇同有機本菇：用錫紙兜裝住，質素可以枝豆：就即食，好新鮮同大大粒7）天婦羅及炸物我基本上試嗮所有天婦羅及炸物。炸物好食，皮脆饀靚。天婦羅嘅炸皮就厚啲，不過都香脆。可惜冇蘿蔔蓉伴碟。松葉蟹柳天婦羅：蟹柳有蟹味大蝦天婦羅：蝦唔大隻不過都爽甜蕃薯天婦羅冬菇天婦羅：菇味好香南瓜天婦羅茄子天婦羅：好大舊好多汁榴槤炸彈：榴槤流心好正紫芋圓：如果芋頭味道濃d就更好芝士年糕：芝士流心非常鹹香日式炸餃子8）椒鹽燒只係試左雞軟骨串，雞軟骨好脆又唔細粒，我鍾意佢味道唔過鹹，啱啱好。請恕未能盡錄。9）和食及烏冬由於冇乜菜食又懶得燒，所以叫返個鍋。清湯豆腐鍋得一磚豆腐，基本上係雜菜鍋，有大量娃娃菜，芋絲，一棵小棠菜，一片紅蘿蔔，一片日式魚蛋，好清淡，味道唔錯。之後encore多一個。牛腩牛筋就冇牛筋得碎牛腩，中伏，唔建議叫。請恕未能盡錄其他食品，我記得仲有兩款泡菜鍋，又有咖喱炸豬排飯等等。10）雪糕對我呢個雪糕控黎講呢度簡直就係天堂。首先款式多，有脆筒，雪糕杯同雪條。居然有Dreyer's脆筒，真係非常正，面頭杏仁粒又大粒又香又脆，雪糕又滑又濃，窩夫餅就又甜又脆，我哋每人食左至少兩支，有抹茶同朱古力兩款口味。明治藍莓雪條都好香甜。仲有幾款香港製造嘅雪糕雪條，特別鍾意黑芝麻味雪糕，又香濃又滑，食落好似有粒粒芝麻咬，我encore左好多轉。另外仲有榴槤雪糕，味道就淡左少少。亦有幾款Movenpick雪糕杯。其他雪糕雪條味道都唔差，芒果益力多雪條（係芒果形狀既益力多味道雪條）好清新，係紅豆雪條雪得太硬。除左以上食物，仲有少量自助甜品，沙律，前菜小食近門口。沙律有番茄同粟米沙律，質素過得去。前菜小食有中華沙律，泡菜，螺肉，正常啦。甜品有多款口味嘅迷你慕絲杯，我試左一杯，味道有啲假，基本上唔見有人攞。飲品全自助，有一個大雪櫃同吧枱。雪櫃有紙包綠茶，解茶，烏龍茶，韓式罐裝飲品（如鮮蘆薈樂，芒果汁），日本罐裝果味波子汽水，汽水啤酒。吧枱有熱茶，熱水，日本清酒，梅酒，柚子酒。總括食物方面，雖然唔係話有咩特別正野任叫任食，不過普遍質素都可以接受。服務員態度好有禮，仲會主動幫手影相，收碟亦快手，食物基本上無漏單，上菜速度都可以接受。座位舒適，卡位靠窗望到街外景色，冷氣超勁，要靠飲熱茶保暖。我覺得都可以一試嘅。不過我同同行友人食完之後兩個鐘頭內先後肚痾，原因不明，之後再痾多一次，都唔算大件事。…查看更多

呢間名為「響」嘅燒肉放題好耐之前朋友已經介紹過，但嗰陣開喺佐敦，一直都無特登過去試，點知依家佢喺銅鑼灣新開張咗，仲要有開張優惠77折😳 見佢個放題平咗唔少，於是就拉埋男友去試吓佢！🔸 放題 $454 (已77折)佢個放題包咗一大盤刺身同燒肉，一坐低就即刻上咗盤刺身先😚，平時食刺身有魚生食一啲都唔出奇，但係佢竟然有埋海膽同生蠔，好驚喜！隻蠔仲要手掌咁大✋🏻 海膽出乎意料地鮮甜，生蠔就有少少海水同腥味，但可以接受，最重要係大大舊口感好正🤤 其他刺身都好唔錯，特別鍾意佢嘅帶子同三文魚，好鮮味，之後仲encore咗添😛主角燒肉終於登場，一大盤肉好吸引呀，等我逐樣為大家介紹吓😋手羽：大大隻，食落正常野，無咩特別美國牛肋骨：唔知係咪燒得過熟，有啲啲難咬米澤三元豚西冷：通常燒豬肉我都驚好韌，但佢竟然出奇地腍身，豬嚟講算好好食🤤米澤三元豚腩片：肥肉偏多，油脂超多，有少少似五花腩，燒到咁上下，食落口仲好脆卜卜🤪骨付雞肉腸：呢個腸好特別，好似真係食緊啲雞肉咁，啖啖肉，好正！澳洲和牛肉眼：油脂唔算特別多，肉質較瘦，較有咬口，但牛味好出！澳洲和牛胸腹：呢個我覺得最好食，肉質夠腍身，完全無筋，抵讚👍🏻澳洲和牛西冷：西冷都好唔錯，油脂會多少少，食落同樣腍軟，燒完仲有好香牛味添😚除此之外，我哋仲嗌咗唔同嘅嘢食，值得推介嘅係炸蝦天婦羅、醬汁安格斯牛肩胛肉同埋日本每日空運魚生🤩 估唔到佢嘅空運魚生竟然有金目鯛同真鯛食，好新鮮，我哋嗌咗幾轉添🤣最後雪糕時間，有唔同嘅牌子同口味揀，除咗movenpick同dreyer’s揀，估唔到仲有榴槤雪糕食，味道唔錯，食埋雪糕，就為2.5小時嘅燒肉放題畫上完滿嘅句號😌總括而言，呢間燒肉放題趁新開張，有77折優惠真係幾吸引😋 而且食物質素亦都好高質，特別係佢嘅刺身同澳洲和牛🤩 而且店員都好好服務，有時仲會幫我哋燒埋一份添🤪…查看更多