五要素食堂 (已結業)

📍Fifth Element Shokudo, Tsim Sha Tsui 尖沙咀平日lunch set 種類都幾多。$78 包主食、洋蔥湯、薯仔沙律。🐮燒美國黑毛和牛丼 lunch set $78和牛都幾多片，厚薄適中。醬汁同飯撈埋一齊食幾開胃👌🏻薯仔沙律🥗都幾大份，唔會好蓉幾有咬口。美中不足嘅係洋蔥湯實在太油😅 湯面反晒光， 飲多兩啖已經好油。價錢適中又多種類 ，平日lunch 經過可以試下💁🏻‍♀️…查看更多

餐廳位於THE ONE ，有露天室外空間，位置闊落，枱與枱之間有適當距離，環境一流，適合同三五知己係道渡過一個休閑嘅下午☺️黑毛和牛燒至微微焦香，唔乾身，一口薄切和牛，一口燒汁飯，一口火箭菜，層次豐富，且中和油膩感😋+💰$18配定食，包含日式洋蔥湯，濃厚薯仔沙律，兩者都略帶黑椒，微辣，作為前菜，夠曬刺激味蕾🤯同黑毛和牛一樣，帶炭香味，入口香而甘😍 平時食嘅牛舌多數係一片片，呢道就以一口牛舌粒嘅形狀呈現，好厚身，嚼勁十足，部分牛舌爽口，部分就帶筋位，各有千秋食第一啖就不禁喺內心大叫: 好好味啊🤤 雞翼面鋪上蒜蓉牛油，酥香可口，皮脆肉嫩，食到舔舔脷😋🔸整體嚟講餐廳位於鬧市中心，卻以💰$100都唔使嘅價錢，就享受到一頓CP值高嘅晚餐，推薦😙 …查看更多

今日午餐時段同同事揀無可揀，平時食開嘅又唔係特別想食，結果決定去左The One先決定揀食咩。黎到the one發覺呢度大部分餐廳嘅午餐套餐係起緊100蚊起跳，想搵間平過100蚊都唔易。我地普通打工仔唔通食個lunch都要咁貴... 好彩係我地臨放棄之前係3樓見到呢間fifth element嘅日本餐廳。大大隻字寫住lunch set $78起，包各式丼飯、扒類、手打意粉及薄餅，今日就決定係呢間啦！============================== 燒美國黑毛和牛丼 $78Lunch set包左湯、沙律同主食。濃厚男爵薯仔沙律有薯仔同青瓜粒撈埋，幾新鮮。湯係自家日式洋蔥湯，洋蔥味香濃唔會過咸，唔錯。燒美國黑毛和牛丼嘅牛肉份量夠，牛肉帶少少筋反而夠為爽口唔會硬，可惜飯偏軟同冇乜汁撈飯，同埋個人麻麻地火箭菜果陣菜青味。Fifth Element Shokudo📍尖沙咀彌敦道100號The ONE3樓L308號舖…查看更多

難得天氣咁好，知道The One依間餐廳有得坐室外，就簡佢去enjoy下啦。室外地方配置十分令人舒適，以木為主調，一坐低已經令人暫時忘記工作上煩惱，人流唔多所以枱與枱之間有一定距離，更加relax。今次叫左lunch set，包埋濃厚男爵薯仔沙律同自家日式洋蔥湯，更加可以用$25去加甜品，依個價錢喺尖沙咀好難搵到！🐄燒美國黑毛和牛丼($78)黑毛和牛係薄切，燒得好好食，唔乾唔韌，入口輕輕一咬就已經可以吞落肚，好有驚喜！最鐘意佢地有大量火箭菜喺入面，一口和牛一口菜，女士們唔洗驚油膩！本來以為無乜醬汁，但原來係加咗喺飯面，微咸醬汁同黑毛和牛好夾，撈埋飯食更加促進食欲，但唯一覺得要改善之處係飯粒有點硬。🐓愛知大葉燒雞肉丼拼青森溫泉玉子($78)因為友人唔食得蛋，所以蛋另上。溫泉玉子上有柚子皮，好清新，依啲細節位都做得好好。（紫菜量多到嚇一跳）雞肉一入口已經食得出「炭燒」嘅惹味！雞皮燒得香脆，雞皮亦無燒過火，仍然保持嫩滑juicy。燒肉汁份量亦岩岩好，唔會令到成個丼好乾。男爵薯仔沙律表面有少少芝士碎，更加突出沙津醬嘅味道。自家日式洋蔥湯煮到洋蔥好軟好軟，雖然有少少咸但確實係日式洋蔥湯嘅味道呢。跟餐只需+$25就可以有甜品，相比單點平太多，而且份量大小無變，咁抵真係忍唔住要試下。🍎🧇肉桂富士蘋果日式鍋夫($68，跟餐+$25)本身我好鐘意肉桂，肉桂蘋果煮得好冧，肉桂味亦足夠，同焦糖味不相伯仲。特別想要讚個cream，連唔食cream嘅我都忍唔住要蘸嚟食！好滑之餘，奶味同甜味作出平衡，唔會只偏向濃郁奶味，連同肉桂蘋果焦糖醬一齊食，中和焦糖嘅甜度，大讚！🍵🧇抹茶大倉紅豆鍋夫($58，跟餐+$25)抹茶味嚟自撒係表面嘅抹茶粉，感覺可以再抹啲。抹茶粉回甘，甜度恰好。紅豆好大粒呢！紅豆唔會過甜，配埋黑蜜同窩夫一齊食好滿足。整體而言，性價比好高嘅一間餐廳！丼份量其實算多，再食埋甜品真係飽到上心口，但埋單都係只合理價錢！加上室外環境清靜，喺尖沙咀返工嘅朋友們可以放低繁忙心情，好好享受午膳，推薦！（但室外地方可能有客人會吸煙，如有敏感要留意）…查看更多