荷華庭園景餐廳 (已易手)

<跟女朋友吃飯系列•四十四>趁著天色好，也決定跟女朋友前往大埔林村逛一逛，求自身也為香港祈求。在村口拋完寶碟後，發覺用了很多體力，決定在附近吃飯，補回能量😆考慮期間，發現一個世外桃園，美美噠的門面成功進入我的眼球。於是我決定跟女朋友進去吃一頓午餐😋餐廳內外三個字：美美噠。在餐廳內，每走一步，也有世外桃園的感覺。餐牌方面午市套餐的選擇比較多，具備一般餐牌的元素，不過可以加添英文，照片，以豐富餐牌的設計色彩。食物方面點了兩個午市套餐，1）西班牙火腿配蜜瓜+羊鞍；2）海鮮忌廉湯+黑松露繪海鮮意粉。先來了西班牙火腿配蜜瓜，蜜瓜很甜，吃得出是新鮮的。西班牙火腿並不是太咸，配合甜甜的蜜瓜，也是值得一戰的。沒多久就來了海鮮忌廉湯，可以說是十分足料，啖啖也是蜆，每一口喝下去也是海鮮，真材實料。主菜等了一會兒也來了，羊鞍率先登場，這是我跟我女朋友第一次吃羊鞍，五成熟的羊鞍，肉質明顯嫩滑，加上薯仔，沙律菜，好吃呀！其後來了黑松露繪海鮮意粉，意粉的硬度適中，且是高質的意粉，材料也有很多，有大蝦，青口，蜆等，貨真價實。吃後，大家也可以去公眾地方逛一逛，有個小型花園在此，十分適合拍照。如有機會，我會晚上再來，應會更漂亮。…查看更多

之前聽朋友推介過唔錯，前幾日特登去呢間林村既餐廳試下。我地一個禮拜前就book定，因為都有八個人，又有人生日要同佢地講定雪山蛋糕個牌寫咩名，又想坐出面好feel d。點知去到果日落大雨，好彩落巴士站行入去都算近，而且餐廳又安排左私人小木屋俾我地，閂埋門傾計食飯感覺好cosy，值得一讚打開個menu，都貴貴地，不過生日飯大家都無特別禁住黎嗌。頭盤我地嗌左 香燒墨西哥薄餅：暖粒粒，咁凍天氣食都幾正，薄餅入面芝士有拉絲，加埋d醬，正份量每人岩岩好一件鮮蟹肉焗釀大蘑菇：d蟹肉好好味，大蘑菇亦好juicy，份量略嫌少左d，但係好食既本來想叫野飲，但見到都要四十幾五十蚊，熱飲選擇唔多，天氣咁凍不如試下佢地d湯朋友話酥皮焗龍蝦湯普普通通，唔太特別我同朋友share既鮮蠔周打湯入面有一舊大蠔，湯算重奶味，但都係普通跟住到d主菜，咖喱大蝦好食，剝曬殻，就咁不就食得，咖喱椰香味同香料味都重，值得試下燒紐西蘭羊鞍好正，叫左五成熟，怕羊羶味朋友可能驚但我好鍾意，有四隻醬俾你點，個人覺得點薄荷啫喱最夾叫左個香蒜炒美國鮮蘆荀，好食但價錢貴左d黑松露汁海膽帶子燴意粉 同 黑松露汁海膽焗海鮮飯 都不過不失燒水牛城豬肋骨好食，舊骨係薄d果種豬肋骨，都多肉食，另外抵讚係隔離d薯蓉，想再食多d感覺呢間餐廳整肉類出色過飯意粉果d最後甜品當然係重頭戲焗雪山，掛住拍片都唔記得影低雪山係黑暗中燒著個樣，可能第一次食所以成個體驗好新鮮，外面有少少酒既苦味，配入面既雜果同埋雪呢拿雪糕，都幾好食。美中不足係餐廳唔記得左放個生日牌，最後我地影相同燒完既雪山影。如果有讀者都係想去慶生，叫waiter上蛋糕前可能要提下佢地個生日牌，如果唔係就好似我地咁。總括黎講餐飯都食得開心，食物中規中矩，有幾道有驚喜，價錢對我地黎講略嫌貴左少少，最後每人除開大概三百蚊但唔算好飽，不過個環境同埋雪山有加分既。…查看更多

以往去大埔林村，都是新年時去看許願樹，感受熱鬧的過年氣氛，最近才知，林村原來有一間歐洲菜餐廳，Lotus Courtyard Restaurant (荷曄庭)，名字頗為詩情畫意的。在新界村莊吃歐洲菜，就當作一次週末小旅行，實屬難得的愉快經歷。 甫一踏進Lotus Courtyard，就被雅緻的環境所吸引著，這些小橋流水、荷花池、特大的露天茶座，在香港已經很少見了。我們到訪當日是下雨天，但天公造美，吃飯期間沒有一點雨，庭園裡，間中又有蝴蝶飛來，真想來一次撲蝶，雖然這想法非常Old School。感覺兩位PR小姐及餐廳老闆的款待，當天試了很多菜式，只能精選幾款介紹一下。酥皮焗龍蝦湯這碗湯真正有大大粒龍蝦肉的，湯煮得鮮味且香濃，放入香脆的酥皮就更有飽肚感。頭盤是「西班牙風味拼盤」: 包括純種黑毛豬火腿、芝士及凍內腸西班牙黑毛豬近年在港大熱，每間高級餐廳似乎都不能缺少的，現在先試少許，切得薄薄的黑毛豬火腿，味道並沒有因面積而減退，依然有濃烈的豬肉風乾感覺，我很喜歡配蜜瓜或哈蜜瓜來吃，今次再加一片芝士，一起吃入口，軟硬和滑的層次感很獨特。純種黑毛豬帶骨豬扒配焦糖蘋果吃幾片黑毛豬火腿又點會夠喉? 馬上就來原隻黑毛豬骨扒，還用上焦糖和蘋果來吃，燒得香脆可口的豬肉，跟清甜的焦糖和蘋果一起，令肉質更腍之餘，更加添清新的甜味。燒原隻荷蘭牛仔膝原隻牛膝足足可以作武器打人，不過我當然沒有暴力傾向吧。看見這牛膝的外觀，未吃已經感覺到皮質香脆，油脂豐富而肉質軟滑。我估得也沒錯，以上所言非虛，且肉味很香濃，不過我嫌略為熟了點，如果煮得生一點就更有豐富肉汁了。燒紐西蘭羊鞍羊扒用了大量香料來燒，令羊肉少了騷味而更易入口，肉質鬆軟得來很爽，而拌碟的薯蓉不能忽視，煮得軟綿綿的，非常好吃。黑松露海膽焗12”非洲珍寶虎蝦拼香煎羊扒我沒有真正量度過這隻蝦有否12”，但上枱時感覺好震撼，肯定大過一隻手掌。難得咁大隻蝦也燒得很嫩，肉質爽口又惹味。燒焗日本黃金帆立貝這道是我當日最滿意的菜式，大大隻日本帆立貝，配上香濃的芝士來燒焗，味道甜中帶鹹，但不覺太漏，只覺滑溜溜的。精選甜品: 焗雪山這甜品吃落軟綿綿，就像在吃白雪一樣。這是一道很考功夫的甜品，燒的時間要掌握到恰當，朱古加的份量也不能太多，否則就會太燶和太甜了。這個午餐實在太豐富了，吃飽後適宜在露天茶座上，寫意地飲杯咖啡。這次是好的試菜經歷，下次再來時，就要自己去「撲枱」了。…查看更多

一講起林村, 大家好自然會想起許願樹. 其實來到林村, 除咗要去下許願樹外, 也要到荷曄庭食嘢.去到荷曄庭外圍, 已經被佢的環境所吸引. 門口兩旁有個養咗一些錦鯉的魚池. 之後, 就是一個露天茶座, 旁邊有一個荷花池, 而四圍也有不少盤栽作擺設.由於這間餐廳幾個月前轉咗新老闆, 所以裝修上有所不同.首先, 先來飲品, 湯和沙律.我自己最愛椰青, 有些朋友要了青檸梳,打. 椰青好大個呀, 真係較少見, 水多又清甜, 夏天飲一流.湯我最愛酥皮湯, 所以選了酥皮焗龍蝦湯, 也有朋友選了法國野菌忌廉湯. 酥皮即叫即焗, 一打開, 熱辣辣, 酥皮鬆化, 龍蝦湯也很濃, 仲有龍蝦肉.沙律有特級八爪魚沙律和海蝦鮮果沙律. 我都係首次見有八爪魚沙律, 朋友話八爪魚好鮮味. 海蝦鮮果沙律也不錯, 當中有多款生果, 最啱鍾意食生果的我.再來是頭盤, 西班牙純種黑毛豬火腿, 平時食, 大多數是配蜜瓜, 因為肉是偏咸味. 但這個和平日食的好不同, 單食已經可以, 不會太咸, 而且佢是較乾身, 口感也較佳.進入主菜, 今次試咗黑松露海膽焗12吋非洲珍寶虎蝦, 好大雙蝦, 不但啖啖肉, 蝦肉也算彈牙.燒紐西蘭羊鞍, 配有四款醬汁, 任君選擇. 平日我唔係太食羊, 今次這個唔算太騷, 也不會太過乾身.美國無菌黑豚豬配黑松露汁, 這個黑豚豬好厚身, 肉質好鬆軟, 配上黑松露汁, 好夾.最特別是燒原隻荷蘭牛仔膝, 我自己是首次食, 真係好大, 之前需要預訂, D皮都幾脆,最後, 當然唔少得甜品, 有朱古力心太軟, 薑汁梳乎厘和焗雪山.最愛焗雪山, 平日較少食到, 上枱後, 侍應即是淋上酒, 再淋上朱古力醬. 外層是蛋白, 內裡有蛋糕, 雪糕和水果, 真係好豐富, 甜味適中.這裡的老闆是一個好喜愛彈琴, 所以來這裡食飯, 有機會聽到美妙的樂曲.這一餐真係相當豐富. 大家有興趣也可以入來一試.…查看更多