川花烤魚

大漢羊肉串$20先來兩串串燒，本來不打算點，心想近來常常北上吃串燒不會有新鮮感，原來我錯了😂羊肉看上去不太有燒烤的感覺，吃下去卻十分脆口，而且滿口肉肉👍🏻燒牛舌$38夠厚，卻多汁而爽口，不費牙力，驚喜，薄薄的調味剛剛好👍🏻酸菜味烤鱸魚$298其實我不太有吃烤魚的經驗，記得自己吃過江團魚，所以試試鱸魚。想不到口感非常好，我吃過四次烤魚口感最好的一個，滑而爽彈👍🏻因為我們都有少許咳，點不辣的酸菜魚湯底，裡面有豆皮、芽菜、酸菜，配料略嫌少了一點！要讚這店很細心，會將魚兩邊反開方便食客！肥牛$78份量跟口感味道均屬中規中矩！店員得好怕我們太凍，主動提出把門關上👏🏻…查看更多

開左學📚後真係好忙，難得有時間見婆婆，梗係食佢最鐘意既烤魚🐟，之前經過“川花烤魚”己經好想帶婆婆黎食😋。餐廳有室內同室外，裝修以木色為主，牆身掛滿裝飾掛畫，增加左少少文青風，原來仲係寵物友善餐廳，室外可以帶埋寵物🐕🐈‍⬛一齊黎食。江團魚🐟 原條 香辣 （BB辣） $338 我哋揀左骨少肉質嫩滑既江團魚，條魚新鮮大條多肉，配菜有芽菜，豆卜，京蔥，芫茜。BB辣既關係過下水我比左少少呀仔食，佢都食到舐舐脷，不得不讚上菜己經比定魚湯，方便我哋自己加湯。魚湯泡飯 $30特別叫左泡飯比呀仔，魚湯清甜無腥味，好大碗。🍡串燒（牛舌/雞中翼/燒什丸）雞翼肉質嫩滑夠juicy，牛舌燒到岩岩好彈牙又唔韌，我全部揀晒燒汁。婆婆食得開心滿意，下次同老公試埋雞煲先。📍川花烤魚📌 荃灣大壩街29號安康大廈地舖📞46784029**今日平日都多人食（好彩餐廳多枱），如果星期六日應該要等位，所以最好就打黎訂枱**#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處#ilovefood #hkfood #香港美食 #荃灣美食 #美食推介 #美食日記 #大壩街…查看更多

最近天氣又開始變凍，係荃灣好想食暖身又辣嘅野。係荃灣廣場行左一轉都搵唔到岩心水嘅餐廳，一出商場門口就搵到間烤魚，諗都冇諗就沖左入去。除左可以係餐廳入面食，仲可以坐係出面，岩哂中意呼吸新鮮空氣嘅人。一入門口見裝潢好新淨，感覺上好似係新開嘅餐廳，小小油煙味都冇，絕對值得加分。一坐低店員就俾左個2D CODE我手機落單，可以慢慢一路諗一路點，唔駛諗好哂先同店員落單。見餐牌有比較少食到嘅魽魚，就叫左一條試下。魚冇咩骨而且肉質鮮甜同好滑又唔會俾辣蓋過左魚味。不過今次叫左中辣，比起其他嘅烤魚店辣，如果唔食得辣嘅人，小辣已經好足夠啦。除左烤魚，另外仲叫左燒羊肉串，燒牛舌同燒雞翼。外面有焦脆嘅口感，入面卻軟熟多汁，比一般嘅串燒店好食。食到一半感覺到有小小上火嘅感覺，好彩有好多下火嘅野飲叫，眾裡尋他擇左罐加多寶下吓火今餐食得相當盡興，唯一美中不足就係月尾口袋所剩無幾，要等出糧先可以再戰川花烤魚。有興趣係荃灣食烤魚同串燒嘅朋友，不妨考慮下川花烤魚，至於有咩可以食可以睇吓下面我影低嘅餐牌。…查看更多