影片
更多
2015-08-24
1137 瀏覽
話說朋友三更夜半send左個message過黎…仲以為有咩緊要事！？！？原來只係為左黎呢間新開既串燒店開飯…有無咁緊要呀？？難道食左就會識飛？？！！朋友好心急…比我早左半個鐘頭黎到…咁咪比佢發牌lor...反正我係順得人…一d都唔偏食…無相干啦…老闆好好人…知道朋友有排等…所以送左碗毛豆比佢…如果係居酒屋常客都應該知…係用咀咀lur粒仙豆黎食…豆衣係唔食得架…仙豆一d味都無…不過老闆灑左少少鹽係面做調味…呢味就好似中國人剝花生食咁…用黎打發時間又或者係送酒就最好…係午膳時間係有定食選擇既…咪試下天婦羅lor…一個餐例牌有前菜、沙律、麵豉湯…主菜有3隻蝦，3件什菜…份量十足…配菜同飯都一般...主菜皮鬆脆得黎…唔會有油淋淋既感覺…蝦肉鮮甜實淨…原來戲肉係呢條<喜之次>…個名有d古怪…實則係條魚黎…有d似大眼雞咁樣…有朋友曾經係北海道羅臼食過…當時讚不絕口…而係hk應該唔易食到…今次終於可以見到佢既蘆山真面目…原本午市係唔做呢味菜既…因為燒魚時間要用上大半個鐘...但老闆好好人…知道朋友係為左<喜之次>而來…所以破例…只係睇＜喜之次＞既外形...就知道老闆用
有無咁緊要呀？？難道食左就會識飛？？！！
朋友好心急…比我早左半個鐘頭黎到…咁咪比佢發牌lor...反正我係順得人…一d都唔偏食…無相干啦…
老闆好好人…知道朋友有排等…所以送左碗毛豆比佢…如果係居酒屋常客都應該知…係用咀咀lur粒仙豆黎食…豆衣係唔食得架…仙豆一d味都無…不過老闆灑左少少鹽係面做調味…呢味就好似中國人剝花生食咁…用黎打發時間又或者係送酒就最好…
係午膳時間係有定食選擇既…咪試下天婦羅lor…一個餐例牌有前菜、沙律、麵豉湯…主菜有3隻蝦，3件什菜…份量十足…配菜同飯都一般...主菜皮鬆脆得黎…唔會有油淋淋既感覺…蝦肉鮮甜實淨…
原來戲肉係呢條<喜之次>…個名有d古怪…實則係條魚黎…有d似大眼雞咁樣…有朋友曾經係北海道羅臼食過…當時讚不絕口…而係hk應該唔易食到…今次終於可以見到佢既蘆山真面目…原本午市係唔做呢味菜既…因為燒魚時間要用上大半個鐘...但老闆好好人…知道朋友係為左<喜之次>而來…所以破例…
只係睇＜喜之次＞既外形...就知道老闆用左唔少心機...一個大S形...＜喜之次＞有如生龍活虎一樣遊到我眼前...真係叫我無從下手呢...燒魚皮非常之脆...好似炸過一樣...肉質堅實...魚味較淡...無想像中滑…只係一條大直骨...唔識食魚既都可以試下...
之後就剩返燒物…呢味幾特別…係廚師推介之一…要伴生旦豉油食…味道濃郁又啖啖肉...
鰻魚無細骨…可以再燒脆一D…
蠔熟透多汁而鮮甜…雞肉滑而入味…
豬腩肉肥美而不溜...豬味濃...
牛肋肉約7成熟…輕輕灑上鹽已經好原汁原味…
整體感覺…既係老闆…又係師傅…據聞係日本人黎…講得一手好好既廣東話…燒物看似無咩難度…實則簡單美才是巧奪天工之作…老闆憑著其十多年既串燒經驗…實在有其成功之處…
唔知道老闆取名<三品>係點解??依我愚見...是為品情品味品美也!!
張貼
