花宵

星期日夜晚同老公去銅鑼灣花宵食日本菜，叫左好多唔同類型既野食。漬物盛全部都係餐廳自己漬架，酸酸既味道令人開胃。炸骨腸我第一次食，有啲肉台灣香腸，但包住一條骨，好惹味。燒多春魚有3條，就算係我食到魚骨一定要吐出黎既人，都可以唔駛吐魚骨甘成條食。炸芝士年糕入面既芝士呈半溶狀態，外皮又軟糯，好正。青椒仔串($18)、豚肉車厘茄串($38)因為我唔食青椒，交左俾老公負責。豚肉車厘茄串要小心一咬就爆汁，好過癮。油甘魚($58)、火炙中吞拿魚腩($128)、鮫鰈魚壽司(@$38)、金目鯛壽司(@$48)刺身: 油甘魚、火炙中吞拿魚腩刺身肥美，充滿油脂感。壽司: 鮫鰈魚壽司、金目鯛壽司每件壽司已經有少量芥末係入面，好清爽。吉列子持昆布呢個係新產品，外皮鬆脆，入面係一粒粒既子持，口感似蝦餅，好特別。焦糖菠蘿(一份)菠蘿新鮮，出面有一層薄薄既焦糖，甜甜的，唔會黏牙。十勝紅豆抹茶蕨餅最後仲有甜品送，蕨餅屬於彈牙個種，甜甜既紅豆同抹茶係絕配。…查看更多

去到一間日式居酒屋，其實想搵個地方食下壽司，小食。 又吾想食連鎖店，唯有到處搵下，上樓［尋寶］，總想試下小店味道，食下日本味道。今日點了幾個食物明太子手羽先雞翼永遠都咁好食， 當明太子釀係裡面，當然就更加正啦，咸香味令雞翼生息不少。燒多春魚多春魚。經常都會食，但總難以做到可以整到咁靚咁好食，作為小食，一邊吹水。金目鯛壽司火灸銀雪魚壽司各叫了兩件灸燒壽司既香味，完全吾減魚既鮮味，完全食出金目鯛既鮮味磯燒鮑魚這個要趁熱食，佢燒既時間剛剛好肉仍然好鮮嫩多，完全吾會過火。佢上面個汁，係用肝打成，所以可以話係用番鮑魚原味去整，食落更加鮮味…查看更多