ROJO

星期日都要返工，為咗安慰吓自己，決定要食個好嘅晚餐，最後決定食西班牙嘢Sangria ($68)好想飲返杯，叫咗杯 Sangria，好易入口，每次飲Sangria 都好鍾意睇吓有咩水果，呢間就用咗好多蘋果，仲要係青蘋果，飲下，食下水果，天氣又熱，舒服晒，可能因為青蘋果偏酸，所以呢杯Sangria 不會太甜Rojo Mocktail ($60)朋友唔飲酒，飲mocktail，揀咗Rojo Mocktail，bartender會根據客人嘅喜好調較。呢杯有荔枝、青蘋果及薄荷葉，荔枝味道最重，甜度適中，清新舒服，同樣哋有好多青蘋果粒燒吞拿魚火箭菜沙律 ($118)一共有8片吞拿魚，好厚身，外層雖然燒得好香脆，仲有黑椒添，但係裏面仲保留到粉紅色鮮嫩嘅吞拿魚肉，外脆內軟，點少少mustard仲可以增加口感同層次感，有食日本刺身嘅感覺，再食沙律菜，好清新黑松露脆雞球 ($98)唔係一件雞炸完再點黑松露醬咁簡單，係將雞肉打碎後再加入黑松露醬，然後蹉成球狀先拎去炸，起初以為係bite size ，原來係大大件，比乒乓波還要大，外層炸得香脆，金黃色，切開就聞到濃郁嘅黑松露味，雞肉軟滑，當中夾雜少少雞粒，好有咬口西班牙雞肉臘味腸焗飯 ($178)次次食西班牙菜都係食海鮮飯嘅，今次就試吓另一款，西班牙雞肉臘味腸焗飯啦，都係原鑊上，好多西班牙腸同雞肉，飯好焦香，而且軟硬適中，雞肉大件得來亦好嫩滑，西班牙腸鹹香，十分惹味，食開seafood paella，不妨一試！木星街3號 ($68)以餐廳命名嘅甜品，應該好有代表性，就試吓啦，原來係綠茶mousse酥皮，由底講起，先係一片脆脆嘅酥皮，跟著係綠茶mousse，再加上一片朱古力片，上面仲有4粒嘢，朱古力球、藍莓、士多啤梨同一粒橙色番茄仔，賣相一流，酥皮鬆化，綠茶mousse偏甜，綠茶味較淡，整體層次豐富…查看更多

今晚老公約我到炮台山延續西班牙回憶，我比較少到該區覓食，原來以星球命名嘅街道收藏著咁多食肆，浪漫中領帶點熱情嘅地方。ROJO的招牌好Sharp，記得係解作紅色嘅意思，暗黑嘅格調好特別。除了長長的酒吧外還有一道牆以酒樽作裝飾。原來是夜是品嚐 TAPAS三頁紙內包含了TAPAS、主菜及甜品既然是西班牙之夜又點可以無SANGRIA作伴呢~老公則點了一杯芒果味CocktailSangriaTapas 和 Sangria 猶如牛郎和織女一樣匹配，Sangria 用果汁加紅酒使其酒香混和果香，甜甜酸酸入口舒服，有蘋果和橙可增加口感同時增加食慾感。Mango Cosmo HH這杯cocktail芒果味很濃。燒吞拿魚火箭菜沙律等一道先來清新味蕾，吞拿魚有六塊之多而且不是薄切感覺很抵黑椒味不會很辣，配上芥末醬吃有另一番感受，有別於平日吃吞拿魚剌身的感覺。火箭菜新鮮，只用橄欖油拌勻吃能吃出火箭菜原味。西班牙蛋餅外型好獨特，用烘脆了的火腿增添蛋餅嘅立體感，而白色的醬料味道微辣很開胃，配蛋餅吃感覺就像薯條配蛋餅黃醬一樣咁夾。西班牙蛋餅內有薯粒、洋蔥和肉碎，有咸香而不會死鹹，而且有飽肚感。香煎鵝肝配無花果賣相好吸睛，有新鮮無花果、鵝肝、多士，鵝肝和多士差不多大小，確保每口都咬到鵝肝。鵝肝煎得得香，油份滲出都被多士吸收了，鵝肝十分綿軟，配上甜甜的黑醋汁很醒胃，而無花果的果香為鵝肝帶來清新感覺。黑松露脆雞球三粒炸到圓圓的雞球上桌已經很吸引，沙律菜伴著登場感覺無咁熱氣。落刀一切聽到“嗦嗦”聲已經知炸得很脆，切開後見到熱騰騰嘅煙不斷冒出，而內是雞肉和黑松露，黑松露和雞肉完全混和在一起，畫面就像黑芝麻麵包。吃下去雞肉的纖維都全散了，非常柔軟，雞肉散發著黑松露的香氣在口中徘徊，由於調味不濃，黑松露便成了主要味道來源，可見份量也是不少。燒伊比利亞黑毛豬西班牙著名的黑毛豬是吃橡果長大的，因此肉質都會有堅果的香氣。豬的肉汁自上桌後還不斷流出油脂位置份外甘香而不會膩，入口輕輕咀嚼已感受到濃郁的堅果味填滿口腔，不用特別的調味已能吃到伊比利亞豬原來帶有微甜微鹹的肉味，隨後是油脂的甘香在咀久久不散。木星街3號好浪漫嘅甜品名，面層朱古力片, 中間是軟滑綠茶Mousse，底層是脆卜卜的酥皮，不會很甜而且有水果作點綴很精緻。估唔到食Tapas 比吃飯更飽，可能喺環境氣氛和酒精驅使下越吃越多，Tapas賣相精緻，款式繁多，味道多變，百吃不厭。…查看更多

今日又係中央圖書館呢邊收工，老婆約我係天后站等話帶我食好野, 我當然急不及待趕去Join佢啦。上星期我地西班牙蜜月紀念我帶左老婆去食西班牙式燒乳豬佢超驚喜，佢今日帶我去呢間原來就係人氣一直高企的西班牙餐廳ROJO，打算去食我地係西班牙好鍾意邊飲Sangria邊嘆的Tapas。😋我地由天后站一直行，ROJO位於木星街，由炮台山站去其實近好多，不過難得老婆俾驚喜我，行多幾步又有乜所謂呢。😆 ROJO的招牌同個名好配，ROJO係西班牙文，意思就係紅色。ROJO火紅色的招牌係木星街非常突出。雖然只係星期一，但19:30都已經坐滿客人，好彩老婆已經訂了枱。餐廳裝修好新穎，走高格調路線而且幾有情調，枱與枱之間空間都多，係呢度食飯聊天都好舒適。ROJO主打Tapas同埋Wine，所以餐牌上Tapas同Wine款式都比較多，我地當然有點係西班牙經常飲的Sangria，另外點左一杯名叫Mango Cosmopolitan的Cocktail。Tapas就揀左燒吞拿魚火箭菜沙律同香煎鵝肝配無花果，另點了一份餐廳推介的黑松露脆雞球同一份傳統食物西班牙蛋餅。根據我地係西班牙的經驗，Tapas份量每間餐廳都有所不同，所以為免食唔哂，我地都路敢點太多。🙈老婆點的Sangria主要成份係生果同紅酒，之前係西班牙用餐主要都係飲佢，今日飲呢個酒味更香濃，富有果香而且入口香甜。我點的Mango Cosmopolitan芒果同紅莓味都好突出，雖然Vodka份量都多，不過入口唔苦澀。燒吞拿魚火箭菜沙律一出場我地就慶幸冇再加Tapas，因為呢度的Tapas份量唔少，比一般西餐廳的前菜還要大份。吞拿魚雖然唔係好肥美的魚腩部份，不過吞拿魚都好鮮甜，外層燒得好香，加上黑椒等調味，非常搭配。火箭菜老婆好喜歡，爽口清新。另一款Tapas香煎鵝肝配無花果非常美味，無花果好鮮甜，鵝肝外脆內軟油香十足，再配上非常香脆的多士，口感豐富，每人一件，食完已經立刻回味。😍我地係西班牙亦試過食西班牙蛋餅，當地西班牙蛋餅用料都是平價食材，例如薯仔、雞蛋、洋蔥同麵包碎等等製成。今日食呢個高級好多，材料好豐富，更配有西班牙火腿，而且個醬汁都好惹味。餐廳推介的黑松露脆雞球外層薄但好香脆，涵料有好多我超喜歡的黑松露，一切開說聞到濃濃的黑松露味，雞肉打得好細滑。食完4款食物其實我已經打算點甜品，但係老婆居然話想食黑毛豬，咁當然要叫啦。其實老婆真係好鍾意呢個黑毛豬，平時買豬鞍返屋企煎，佢都會指定買Iberico的。🙊呢個燒伊比利亞黑毛豬老婆好滿意，肉質好鮮嫩多汁，口感同用慢煮製出的豬鞍差不多，都係可以將肉汁鎖係豬肉入面。黑毛豬肉味又比普通豬濃好多。基本上唔需要點醬料同調味豬肉本身已經好好味。😋食埋塊黑毛豬其實已經好飽，所以我地只點了一份呢度招牌甜品木星街3號Share，造型好靚，頂層朱古力甜而不膩，中層綠茶mousse唔會太甜而且綠茶味好突出，最底層用香脆的拿破崙酥皮，呢個組合配得好好。今晚老婆有我食呢間西班牙餐廳我好滿意，唯一唔好就係因為唔知飽食多左，最後要捧住個肚返屋企。👍…查看更多

旗袍話想食西班牙野，叫我suggest，但其實香港食西班牙餐都幾貴，諗起之前同大口仔喺炮台山某條小街入面食過西班牙餐廳嘅lunch，水準都不錯而且坐得舒服，於是今晚走過去試吓晚飯啦。好幾個月無嚟，環境一樣咁舒適，星期日嘅晚上6點，已經有一檯客人食緊Rojo Mocktail ($60)餐廳有多種酒類，我就當然係飲mocktail，諗唔到飲乜，於是揀咗Rojo Mocktail，即係bartender會根據我鍾意嘅味道去調較。我呢杯有荔枝、青蘋果及薄荷葉，以荔枝味道最重，甜度天然好易入口，感覺好清新舒服，飲到最尾仲有好多青蘋果粒添Sangria ($68)唔係我飲，唔識評論燒吞拿魚火箭菜沙律 ($118)心諗$118嘅沙律都應該係得幾片吞拿魚撈埋啲火箭菜咁㗎啫，wow點知上菜嗰陣有驚喜喎！總共有8片外層燒得香脆，但入面啲肉粉紅鮮嫩嘅吞拿魚啊，仲要有黑椒喺外層㗎，食落外香內軟魚味濃郁，點啲mustard醬食口感一流；成碟沙律都散發住清新又豐富嘅香氣，超好味！黑松露脆雞球 ($98)店員推薦嘅一道菜，係將雞肉打碎，加入黑松露醬後蹉成球形再炸，比想像中大舊。外層炸得好靚，切開後黑松露醬香氣四溢，雞肉肉質軟滑帶少少雞粒，外脆內軟又熱辣辣非常討好西班牙雞肉臘味腸焗飯 ($178)由於暫時都唔想再食海鮮飯嘅關係，所以食個雞肉chorizo飯啦！夠晒傳統用鑊上菜，飯充滿焦香，軟硬度適中，如果等多陣先撬起啲飯，仲會有飯焦添！雞肉好嫩滑，但如果冇雞皮會更好，配合帶鹹香嘅chorizo一齊食實在太惹味喇！老實講，比起西班牙食嘅seafood paella，呢個更加好味更適合港人！木星街3號 ($68)心諗乜野嚟㗎？原來係綠茶mousse酥皮，最頂層係一片濃郁朱古力，仲有一個朱古力球及雜莓，賣相非常吸引。綠茶mousse偏甜，綠茶味較淡，酥皮鬆化但正正係因為咁所以好難切開share，一切就會爛。但整體層次豐富，食完咁豐富嘅晚餐食埋呢個就啱啱好心諗食物咁好味，星期日都唔滿座？難道呢度真係太偏僻？但一路食一路有好多客人入嚟，即到大概7點幾嘅時候坐滿人了。其實呢區附近都有好多唔同嘅餐廳，要方便嘅可以好方便，但當嗰啲好方便嘅餐廳都未必坐滿嘅時候，呢度咁隱蔽都竟然會坐到滿晒，果然愈做越成功！好好味嘅一餐晚飯，每人$300幾蚊，好抵食！…查看更多