牛站(駅)麻辣火鍋放題

這間人氣火鍋店長期大排長龍，其中一間分店位於觀塘的1亞太中心，主打火鍋放題任飲任食。店內環境寬敞舒適又乾淨衛生，抽風系統完善，衣物不沾油煙味，適合好友們多人暢聚暢飲！SRF美國極黑和牛片 - $298/位 (星期一至四)瑤柱花膠雞鍋共十款招牌火鍋湯底，每日新鮮真材實料熬製。花膠雞湯更是最新推出，有一層厚厚的雞黃油，又有嫩滑的雞肉、花膠、瑤柱、粟米、紅棗及杞子等，鮮甜滋補！肉類方面，SRF美國極黑和牛片有極為漂亮的油花，柔嫩多汁；美國安格斯牛板腱油花分布均勻，爽口油脂非常剛好夠滑順；封門柳油花雖少，但肉味濃郁細嫩；美國牛肩胛片筋絡分布較多較扎實。海鮮方面，肥美飽滿的帆立貝富彈性；鮮甜海蝦易去殼爽滑彈牙；爽脆墨魚及脆鯇魚片鮮味十足。台式小食方面，醬爆糍粑咬開煙煙韌韌有著香甜的紅糖；鹽酥雞嫩滑多汁有濃郁香料芬芳；燒乳鴿皇皮脆肉嫩有豐富肉汁。火鍋小食方面，蝦仁棒棒爽滑彈牙有少少蝦乾；竹笙釀蝦滑鮮嫩爽口；手包蝦肉雲吞皮薄餡滿；台北燕餃包著豬肉餡脆嫩滑順。自助區方面，琳琅滿目的前菜及火鍋配料一律任食，有沙律、熟食、炸物及水果等幾十款應有盡有。甜品方面，自家製甜品連芋圓仙草涷都有，還有兩款軟雪糕及十數款雪糕選擇，當中最吸引一定是Häagen-Dazs。飲品方面，數十款罐裝飲品包括酒精飲品外，還有自家製豆漿及椰青水等，亦有熱飲包括花茶等供應。…查看更多

打邊爐，第一時間會諗起 CP 值高嘅牛站。餐廳座位超寬敞坐得舒適。依舊揀咗 SRF 美國極黑和牛套餐$298/位 (120分鐘任食)牛站耐不耐就會推出新湯底，今期新推出花膠雞鍋底，好正。。有新湯底，當然要試下～ 湯底有花膠、鮮雞、紅棗、龍眼、杞子、粟米、紅蘿蔔等，夠晒養生。花膠份量幾多，鮮雞好滑，湯底味道鮮甜。醬料區有成十多款配料，任君選擇。美國極黑和牛入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。美國牛肩胛片對比SRF和牛，則完全相反，肉質較為結實有彈性，咬落有口感。熱食方面，好多炸物：油炸鬼、午餐肉、炸魚皮。仲有麻辣小龍蝦、台南滷肉飯。燒乳鴿皇充滿油香，咬落皮脆肉嫩。大量火鍋配料選擇。蔬菜方面，不得不讚呢度連羽衣甘藍、豆苗、冰菜、水蓮都有得食，呢啲貴價菜，出面放題好少會見到有。海鮮方面，都有好多選擇。我哋點咗沙白、青口、海蝦、帶子。海蝦彈牙，沙白今次就一般，食到有啲沙。飲品方面，除咗一般汽水、冷泡茶、仲有自家制珍珠奶茶。自家制珍珠奶茶唔太甜，唔錯。呢度仲有梅酒、清酒、白酒、燒酒都係任飲。甜品方面：有豆腐花、乳酪、芋圓、多款蛋糕、奶凍、糖果、爆谷、軟雪糕仲有雪糕。Haagen-Dazs 雪糕任食。…查看更多

想食好耐 成日見到朋友post終於試到啦😛今次去嘅係觀塘1亞太中心6樓分店牛站係任食打邊爐的形式～到訪嘅晚市7點時段，唔使等得太耐就入座肉類同海鮮係用QR code自助落單形式而火鍋配料/蔬菜/前菜/粉麵/甜品/熟食/飲品/酒/雪糕都係自助區任君選擇！！！ 種類多到講唔哂 無誇張😂勁豐富 無論想食咩都一定滿足到特別值得一提嘅係麻辣小龍蝦同燒乳鴿呢啲唔係咁常見嘅菜式竟然都有，非常加分呀至於肉類放題plan有3個價位今次我地揀左中間價位的和牛set除左美國極黑和牛片之外，仲食到安格斯牛板鍵、牛肩胛同埋巴西牛脷托片質素非常好👍🏼 肉質好嫩好香牛味 肥牛之鬼表示滿意🥰除左牛肉 佢地嘅海鮮同海底都完全無馬虎 💯！有海蝦、水魷、沙白同帆立貝，甚至會用冰底上盤～海底我地揀左鴛鴦鍋～係佢地嘅兩大招牌：秘制麻辣鍋湯底+滋補豬筒骨海底😋麻辣湯有唔同辣度任君選擇，大辣或者係BB辣，總有一款啱你口味！另外豬骨湯底濃郁，清清地最食到食材本身嘅鮮味必試之選有白桃烏龍茶同鴨屎檸檬茶，味道獨特又解渴；極黑和牛片厚薄適中，煮到七分熟就可以享受到滿滿牛味總括嚟講，牛站嘅價錢相對於提供嘅質素同選擇真係物超所值。鍾意打邊爐嘅朋友真心推介嚟試吓！…查看更多

打邊爐放題首選｜牛站（駅）麻辣火鍋放題（觀塘）牛駅長期都好full，基本上冇預先打電話留位係好難walk in🥲今次都係預早book枱先食到咋🙌🏻依然係好多食物火鍋配料選擇，甜品同飲品🥤都好多選擇😍質素咁高一定要再訪‼️晚市120分鍾放題大滿足——SRF美國極黑和牛片🍽️人均：$308 (另加一）🕰️時間：假日晚市我哋一行5人湯底另加$48揀咗鴛鴦鍋，🍲清甜椰子雞鍋🍲冬瓜瑤柱豬骨鍋兩個湯底比較之下，稍嫌冬瓜瑤柱豬骨鍋未夠入味，但勝在冇咁重口味家人接受程度會高啲。🥥椰子就一如既往好👍🏻個set入面食咗幾款牛肉，包括以下* SRF美國極黑和牛片* 美國安格斯牛板腱* 手切封門柳* 美國牛肩胛片果然覺得SRF美國極黑和牛片係最新鮮滑嫰😍* 燒乳鴿皇極度推薦大家食佢嘅燒乳鴿，又香又脆又多汁‼️我媽媽話好食過酒樓嘅🤣* 帆立貝* 紹西蘭青口* 鮮甜沙白* 象拔蚌片* 鮑魚海鮮類都好味道😋夠哂鮮甜！* 榴槤炸彈炸榴連好香口，媽媽食完又食👍🏻另外甜品我都試咗好多款，最特別係佢有自家製珍珠奶茶🧋同埋芋圓涼粉😋仲有中式甜品雪耳紅棗糖水💕全部都好好食🤤Bible rating: 9/10📍地址：牛站(駅)麻辣火鍋放題 (觀塘)觀塘觀塘道414號1亞太中心6樓…查看更多

今時今日嘅觀塘已經成為咗另一個旺角，同樣都係有一棟，經常人山人海，而且食放題嘅熱點，😍就去亞太商業中心，🤭裏面就包含咗大量嘅放題，以及燒肉或者火鍋，實有一間啱晒口味。🤤而家嘅火鍋店水準亦都越來越高，亦都引入埋和牛嚟吸引更多嘴刁嘅食客，選擇亦都當然應有盡有，咁就令人充滿食慾。 🤩呢次我又要推薦一下牛駅麻辣火鍋放題。重點推薦嘅原因就係呢度如果食中午放題套餐嘅話仲係做到冇限時四個鐘任食，直頭可以飽到連晚餐都唔使愁。🥰另外而家喺觀塘分店叫指定套餐仲有得任食乳鴿，喺酒樓一隻都唔平，所以有得喺呢一度任食當然就可以變得豪放🤤餐廳裏面，總共有三個套餐選擇，如果能性價比嘅話，2號都的確係夠晒滿足，就會係主打美國牛以及SRF美國極黑和牛片，當堂都升呢左唔少🥳遊走一轉出面嘅自助吧，款式確實係多到數唔晒，前菜就有經常見到嘅味付螺肉、中華沙律、仲有麻辣八爪魚呢啲前菜。😚至於個飲品櫃更加係選擇多到不得了，最特別嘅當然就係佢哋嘅自家製冷泡茶，另外年0度啤酒都有，咁就可以劈得勁都唔怕醉😂SRF美國極黑和牛片— 🥩係時候要介紹是日主角，呢款美國極黑和牛片切得大大片，一碟兩塊大份量十足，🥩喺個湯底度淥到大約七成熟都冇問題，原塊充滿肉感同埋少少脂肪，可以用香軟來形容， 🥩同燒肉唔同嘅地方就係更可以原汁原味食到本身和牛嘅味道。🥩燒乳鴿皇— 🐦呢一度嘅招牌，當然就係任食燒乳鴿，每一隻餸上嚟嘅時候都真係熱辣辣，皮夠晒脆咁就係食乳鴿最正嘅地方，🐦肉質到幾飽滿，而且每一隻都好有份量，嫩又唔柴，值得不斷encore🐦美國安格斯牛板腱— 🐮另外如果想食到最濃郁嘅牛味或者追求最瘦嘅部位牛板腱就會係一個幾好嘅選擇。🐮肉質非常紅潤，除咗新鮮，而且味道更加集中，脂肪為集中喺肉嘅中心，🐮淥熟咗之後嗰脂肪位就有少少彈牙，可以見到肉質嘅紋路係順滑，🐮食嘅時候同樣唔使不斷咁咀嚼，呢啲就係食靚牛嘅享受之處🐮另外海鮮亦都係必點嘅系列， 🦐當中就包括左生猛海蝦，個頭大，而且肉身仍然好緊致，個殼剝得輕鬆，🦐最緊要肉唔痴殼咁就真係新鮮。另外，仲有象拔蚌片，🐚本身都非常新鮮，所以淥嘅時間唔使太長，咁就變得非常爽口，淡淡海水味。 🐚帆立貝每粒都唔細，出奇意料嘅鮮甜，同時呢啲海鮮亦都可以令到個湯底帶出更多嘅鮮甜味，落得越多就更甜，到之後落牛肉嘅時候就有加成嘅效果🤤甜品亦都係令人食指大動嘅原因，單單係雪糕雪條都已經有超過十款，🍨大家一定將個注意力放晒喺Häagen-Dazs，🍦有幾款味道，雜莓味，夏威夷果仁，cookies and cream ， 呢幾款更加係搶手，至於各款朱古力脆皮雪條，🍫亦都係市面上唔太常見嘅款式，款款都有令人心動嘅原因， 至於另外甜品櫃亦都有大量種類嘅甜品，🍮脆皮泡芙，更加係熱門推介，出邊嘅脆皮再加埋裏面絲滑嘅custard , 最奢侈最享受嘅食法，當然就係加埋雪糕落去。🍨食完之後嗰種非一般嘅飽肚真係令人零舍滿足🥰牛站（駅）麻辣火鍋放題 (觀塘)觀塘觀塘道414號1亞太中心6樓…查看更多

簡左SRF美國極黑和牛片個Set，有海鮮🦞同乳鴿食😋香濃蕃茄豬骨鍋好足料，有幾舊大豬骨，好香既茄湯。🥩SRF美國極黑和牛片🥩美國安格斯牛板腱🥩手切封門柳試左幾款牛，都唔錯。推薦和牛片，肉味較濃。燒乳鴿皇估唔到打邊爐都有乳鴿食，仲要係幾好食，外皮脆同多肉汁。麻辣魚皮推薦俾鐘意食辣既朋友，魚皮夠爽，辣度亦好夠，呢個要手機落單。前菜試左帶子裙邊，中華沙律同泡菜，水準品錯。飲品吧有自家製冷泡茶、珍珠奶茶、汽水、果汁、啤酒、清酒🍶、梅酒。甜品有好多款，雪糕又有好多款，仲有軟雪糕機，記得留番個肚。自助吧有前菜、火鍋料、甜品。每款都有好多選擇，好豐富。肉、海鮮，熟食、炸物就係手機落單。如果午市黎，仲可以食足4小時，性價比高👍…查看更多