叉燒丼家

有老朋從英國返嚟，完咗聚會，一行4人本來打算飲餐茶，不過，老朋友話好想食燒味，佢仲喺「叉燒丼家」嘅忠實擁躉，投其所好，就改到嚟食番餐叉燒飯。餐廳環境好大、好深長，入到去大把位揀，茶記格局，所以，主要都喺以卡位為主。雖然我哋得4個，但客唔多，都揀咗坐中間啲6人長枱，方便擺吓嘢。食物嘅選擇包羅萬有，唔會淨喺得燒味食，不過，既然以叉燒起名，自不然喺食佢啲叉燒飯，就算喺叉燒飯，都有好多配搭。特濃芝士叉燒丼飯 $56由於同枱朋友客唔喺嗰啲相機先食嘅人，就唔方便影其他人嘅嘢食，單單只分享吓小弟今餐食咗乜。單喺睇睇飯面滿滿嘅特濃芝士汁就感受到有料到，個芝士汁確喺校得唔錯，夠香濃，質感啱啱好，撈飯確喺一流。而佢哋主打叉燒，叉燒亦做得一手，小弟就揀瘦叉，口感鬆化唔會好柴皮咁，而且，有唔少燶邊位咬吓。熱奶茶當佢都喺間茶記，所以，餐飲都揀番杯熱奶茶，睇見色澤都對辦，雖然飲落唔會話好正好正，但至少茶味夠，茶奶比例都OK，我就收貨架啦。由於真喺客唔多，食完晒侍應都無乜點理我哋，所以，大家都傾咗好耐，有唔少當年今日嘅話題，亦講講晌彼邦嘅生活軼事，移民確喺好多辛酸，大家都明白只喺報喜不報憂而已。…查看更多

完咗聚會，又喺兩公婆搵地方食晏嘅時間，老婆話周周都喺「太子」（茶記），想今周轉吓口味，所以，改咗試吓附近嘅「叉燒丼家」，其實，都喺一家主打叉燒嘅茶記而已，不過，就唔喺淨得叉燒嘅，仲有其他選擇。 走到鋪內，地方都幾大，主要以卡位為主，一室以灰色為主調，格局比茶記就高檔少少，有啲似西餐廳，但卡位就顯得有啲窄。 不過，晌茶記常見放餐具嘅枱邊抽櫃，晌度一樣喺咁，排列得都算幾整齊，「自給自足」，唔使等侍應招呼喺方便啲。 此外，幾款調味料放晒晌枱，自由取用。食物選擇方面，一組喺午餐精選，當然唔會淨得叉燒，仲有唔同款式，連意粉都有，更有素食嘅選擇，啱晒老婆:)，定價為$45-$98，包一杯基本熱飲，但可加錢轉特飲。 另一組就喺全日餐牌，即喺散點餐牌，有碟頭、小食、多士……等等，同樣有好多選擇，但當中都有一款茶記常見嘅常餐供選擇。而睇勻個餐牌，較特別嘅喺脆洋蔥圈叉燒芝士漢堡配薯條，顧名思義你都估到喺以叉燒代替牛肉做漢堡。 野菜丼飯 $45 明知老婆唔喺大食，所以，改要少飯，可減$1，不過，嚟到之後，都仲喺覺得碗飯幾大碗吓，真喺唔知佢有無少飯。賣相就肯定喺平平無奇喇，主要喺炒椰菜，搭啲茄子及甘筍，後兩者就無餐牌圖片所示咁原條，不過，食得出喺即叫即炒嘅貨色，唔喺嗰種兩餸飯炒定一大盆嗰啲，食落幾有鑊氣，但老婆就話幾油吓，查實睇相都見到啲菜幾咁「閃爧爧」。叉燒丼飯 $55小弟就梗喺揀試佢哋嘅招牌叉燒丼飯啦，餐牌已寫明喺有極上叉燒加脆邊雙蛋，其實，又真喺幾大碗飯，配上帶啲燶邊嘅瘦叉、兩隻煎到脆邊嘅太陽蛋，再淋上蔥油，賣相確喺頗為吸引。叉燒入口質感鬆化，唔會又乾又嚡，帶點焦香，而太陽蛋嘅蛋黃又綿又香，篤穿後再加埋蔥油撈飯，基本上唔輸得去邊，最緊要喺飯粒仲喺煮到好軟綿，有飯香，食完又點會「黯然」，哈哈。紅豆好立克 +$8老婆一向喺紅豆鐵粉，之前，有唔少茶記食評都記錄咗佢揀飲紅豆冰，今回佢見到呢款特飲，就一心想試。嚟到一睇有啲瀨嘢，唧咗一大抹忌廉上面，賣相就靚仔咗好多，但佢超唔鍾意啲忌廉，因為太肥膩，結果，之後就過咗落我杯奶茶度。佢話，紅豆夾好立克都OK，但就唔算好有驚喜，勝在有好多紅豆，不過，啲忌廉真喺好餘咗啲！熱奶茶 我杯熱奶茶都OK，茶色有光澤，入口茶底夠醇香，口感嘅柔滑度就一般般啦。而之後加咗老婆杯紅豆好立克啲忌廉（都喺加咗一半左右），茶味喺淡咗，但就變得好鬼滑！整體而言，食物都幾唔錯，不過，仲有啲改進空間。至於啲服務，就麻麻哋，啲侍應好似好hea咁，禮貌都麻麻，唔算話好差，但問多句都唔想答你嗰種。…查看更多