估唔到平日呢度下午茶時間都咁多人，幾乎要搭枱坐。可能呢度嘅下午茶點心都算幾平。極品燒鵝瀨粉 $15性價比高嘅選擇。馬蹄牛肉腸 $11.8䁔笠笠，粉皮有啲厚，唔知點解有啲苦澀味。蘿蔔千絲酥 $14.8咬到一條條蘿蔔絲，皮好鬆化，可惜唔係好夠熱，但都值得叫嚟食下。大良雙皮奶 $14.8上枱時有保鮮紙包住個碗。幾滑，奶味都夠，唔會過甜。紅燒乳鴿 $18.8隻乳鴿真係好細隻，冇乜肉食，乳鴿皮又唔係好脆，過下口癮都可以。煎釀茄子三件 $7.8十分抵食，茄子皮脆卜卜。鮮蝦菜苗餃 $13.8 皮薄涵靚，有菜嘅點心，食落健康感up。雞汁小籠包 $13.8皮有少少硬，但小籠包基本要有嘅湯汁係有嘅。三個人叫左10樣嘢都係＄170，食物水平平均都above average ，算係咁啦。如果唔介意呢度嘅洗手間超級污糟，服務員亦冇服務態度可言，呢度都係經濟可口嘅選擇。…查看更多
我地叫咗燒鵝瀨粉, 叉燒瀨粉, 煎釀茄子, 富臨虾餃皇, 黑椒蒸魚云, 濃湯上海餃子, 醬皇金錢肚....加埋茶錢 & 加一都係 $88. 味道都 ok, 唔係太差
