真滋味美食

本小姐一直都喉住嚟間舖嘅烤🐔脾，好耐嚕。終於有機會可以同朋友晚餐時段一齊嚟到堅尼地城區，我梗係事不宜遲，即刻提出我哋當晚頭盤就係真滋味的烤雞脾啦！個晚仲掛三號風球，本小姐都不理，堅持要到食到雞脾。嚟到舖頭，好開心冇隊要排，同老闆落咗單就即刻有得囉！好運！仲係熱辣辣嘅添。由於太過肚餓，忘記要影像，搣咗一舊，想住擺返已經太遲。哈哈 導致佢賣相不佳雞肉醃製得好入味，入到每一啖都好有味道。不過老闆好似烤過攏，肉有少少乾，不過大致上係好吃嘅。並冇失望。…查看更多

<真滋味>-係隔離街食完晚飯 友人突然話有好介紹就係呢間喺電車總站附近嘅舖頭舖外寫明 烤雞髀要15分鐘烤製 要排隊前或提早打電話訂今次只係行過咁岩友人介紹 明顯就係冇訂但咁岩一叫就有 好彩唔使等太耐—————————————————————-『馳名烤雞脾』🍗 - $30-所謂色香味俱全 呢隻烤脾可以話係香味都殺死人聞落好強燒烤同煙燻既香味 🤤店員會先落少少椒鹽 加埋少少辣粉 不得了食燒雞最緊要都係塊雞皮 慢慢燒 燒走晒啲油份咁樣燒雞皮係零舍香脆 可惜比我整爛左少少咬落去 肉質雖然不是嫩滑juicy 但亦唔鞋反而可以一梳一梳齒開啲肉 唔會話食得好狼狽唯一就係$30食隻雞脾都真係奢侈左少少🤦🏻‍♂️-真滋味美食 (西環)西環卑路乍街163號地下-—————————————————————P.S. 唔駛等好似係因為佢俾咗人哋留起嗰隻比我 🤷🏻‍♂️#foodbeggar #hkfood #food #chickenthigh #chickenleg #grilledchicken #kennedytown #begginginkennedytown #beggingin堅尼地城 #begginginhk…查看更多

今晚約左朋友喺堅尼地城食飯，早左到又餓餓地，嗱嗱聲去探下「真滋味」烤雞脾先！呢個烤雞脾真係會食上癮，次次經過都心郁郁想再會一會佢。雞脾醃得好入味，外皮就烤得好脆，一啖咬落去真係味覺既享受。而且烤雞脾感覺比油炸健康，鐘意食辣既記得叫老闆娘加辣粉，有啲麻辣感，惹味大提升！p.s 曾經有試過排隊時聽到老外稱呼辣粉為magic source，連外國朋友都對「真滋味」炸物讚不絕口！呢間炸物小店係區內無人不識，係一眾街坊、學生既小食首選。不過老闆休息唔定時，有時想食撞岩老闆休息就只有食閉門羹。小店只賣炸物，三寶、墨丸、麥樂雞等基本野一應俱全，但最廣為人推崇既就係佢既烤雞脾，想食就最好打電話叫定先，如果唔係就要企係街到等架喇。…查看更多