影片
更多
2013-10-16
1116 瀏覽
今日同朋友行開銅鑼灣，悶悶地佢介紹我睇套<<被偷走的五年>>，出黎成11點幾，佢又話肚餓想食宵夜！真係比佢激死，兩個男人一齊睇愛情片，仲要一齊食埋宵夜！！！無計，唯有打算隨便找間粉麵檔，點知佢又話想食越南野真係麻煩！老實講，我雖然都幾鐘意食越南湯粉，不過銅鑼灣有邊間特別出名既越南食店我就真係唔太清楚。好彩佢都有做功課（？！），帶左我上名堤，入到去見個場幾冷清，都驚驚地：唔會中伏掛？ 我唔想睇完套好戲轉頭食埋Ｄ難食既野返歸 T_T坐到落黎，四圍望下個環境其實唔錯，昏暗既燈光夾埋淺啡色為主既裝修，格調唔錯，不過兩個男人就有Ｄ怪怪地（暴汗）。由於我心如鹿撞（誤）既關係，叫野食既時候就隨朋友叫左個烤牛肉撈檬，無叫我最鐘意食既火車頭！間餐廳既設計都用左幾多心機，我同朋友坐係玻璃隔離既四人座度，聽Ｄ侍應講玻璃係單面既，即係我地望到外面，而外面望唔到入黎，其實而家唔少餐廳都會係呢種細微既地方做Ｄ貼心既服務，不過唔講出黎既話，客人未必會留意到店家既用心！店舖內仲有不少竹葉既擺飾同越南風味既掛飾，成個氛圍都唔錯，聽朋友話角落仲有個吧台同隔間，可以比鐘意睇波既人成班一齊吹水
真係比佢激死，兩個男人一齊睇愛情片，仲要一齊食埋宵夜！！！
無計，唯有打算隨便找間粉麵檔，點知佢又話想食越南野真係麻煩！
老實講，我雖然都幾鐘意食越南湯粉，不過銅鑼灣有邊間特別出名既越南食店我就真係唔太清楚。好彩佢都有做功課（？！），帶左我上名堤，入到去見個場幾冷清，都驚驚地：唔會中伏掛？ 我唔想睇完套好戲轉頭食埋Ｄ難食既野返歸 T_T
坐到落黎，四圍望下個環境其實唔錯，昏暗既燈光夾埋淺啡色為主既裝修，格調唔錯，不過兩個男人就有Ｄ怪怪地（暴汗）。
由於我心如鹿撞（誤）既關係，叫野食既時候就隨朋友叫左個烤牛肉撈檬，無叫我最鐘意食既火車頭！
間餐廳既設計都用左幾多心機，我同朋友坐係玻璃隔離既四人座度，聽Ｄ侍應講玻璃係單面既，即係我地望到外面，而外面望唔到入黎，其實而家唔少餐廳都會係呢種細微既地方做Ｄ貼心既服務，不過唔講出黎既話，客人未必會留意到店家既用心！
店舖內仲有不少竹葉既擺飾同越南風味既掛飾，成個氛圍都唔錯，聽朋友話角落仲有個吧台同隔間，可以比鐘意睇波既人成班一齊吹水飲酒，不過呢方面我就無咩興趣，靜靜地享受呢種越南氣氛下先係我想要既感覺（但係最好唔係同男性朋友囧）。
可能無咩人既關係，撈檬好快就到左，烤牛肉唔錯，有香味，最重要係佢既汁，係用魚露做底加埋店家既秘方整，非常適合普遍香港人既口味，雖然無佢地係ＦＢ上（我有做後補功課）講到沖破味蕾咁恐怖，但係甜甜地同埋可以帶出撈檬既味道特色，搞到我一唔小心就倒左半支ＸＤ個撈檬既份量非常多，作為宵夜黎講有Ｄ多，D紫椰菜同紅蘿蔔絲好似唔駛錢咁一大堆，不過最誇張係Ｄ烤牛肉，有六到七舊，食完我個口都有Ｄ累！
整體黎講算唔錯，不過終歸唔係正餐，如果下次有機會，我會想係晚餐既時候食多次，我見佢有個生蝦刺身好似幾吸引，都係＄９８左右。
埋單係我朋友比既(唔好誤會!)，所以大概幾錢就唔多肯定，不過兩個人好似一百有找，係銅鑼灣食越南野呢個價錢都算唔錯！可能係因為樓人舖所以先咁少人，所謂酒香都怕巷子深嘛！
張貼
