悄悄食堂

悄悄食堂開業以來一直人氣高企～ 幸運地同朋友訂到檯嚟試😝 不過有啲壓力源自該店instagram偶爾會指出客人種種行為 例如比起影相打卡，更應快啲食飯😳 我明白亦都欣賞該店嘅意圖，不過當自己食嘅時候就有啲啲壓力😖🍚叫咗個A餐 烤三文魚幽庵燒定食（$148）因為想快啲開飯～ 所以無影到太多相三文魚好入味，皮脆肉嫩，非常下飯好食😋飯用上北海道夢美人米，好香水份足夠，好好食👅🍚特別鍾意佢哋自己做嘅漬物，來貨自本地農場，用自己培養嘅米糠床醃成，非常欣賞背後所花嘅心機😙 欣賞呢度嘅食物！🍚店員主動熱心，主動同客人介紹餐點製作方法同埋講解食材嘅資訊，鍾意呢度對食物嘅熱情😛 用餐體驗良好～ 推介大家去試，無論環境食物定員工態度都有水準的小店💯…查看更多

由裝修、佈置、餐具到食物嘅配搭都睇得出店家對美學嘅追求，店內以木家具為主，吧台掛滿酒樽，相信晚市黎更有氣氛。午餐只有A、B同素食C餐，貴精不貴多，上菜前店員會作簡單介紹，務求客人食到佢地希望呈現嘅味道。🍽烤三文魚幽庵燒定食 ($148)用上刺身級三文魚，非常厚肉，以柚子同柚子皮醃完再慢烤至半生熟，肉質非常嫩滑，除左醬油嘅甜味外仲有微酸嘅果香，一消油膩感，係近日食過最好食嘅烤魚料理。如無記錯店員三文魚上嘅係用乳酸發酵嘅白露筍，酸度強勁，帶出三文魚嘅鮮味，非常推薦。🍽紅酒味噌燉和牛面頰肉定食 ($138)店家用上澳洲和牛，燉煮後用筷子可輕易撕開，醬汁酒味、蔬菜嘅甜味同辣味各佔一席位，送飯一流，薯仔更吸收晒醬汁嘅精華。順帶一提佢地嘅米飯都好講究，唔似平時啲日本定食咁用珍珠米，無咁黏口而且帶甜味。🍽純素焙茶焦糖黑朱古力撻 ($64)The Vege Lab嘅出品， 頂層係濃郁幼滑嘅焙茶慕絲，之後係比生朱古力軟身少少嘅黑朱古力層，鬆脆嘅撻面另塗上一層薄薄嘅焦糖，中和黑朱古力嘅甘苦。幾種味道融合得好好，完美演繹純素甜品絕不比普通甜品遜色。🍵京都美好園 森之白 ($51)呢款濃得黎苦澀度會高啲。餐牌上有五款茶粉可供選擇，問店員有咩分別嘅，佢話睇價錢揀，如果可以好似介紹定食咁詳細啲就更好。🍵京都美好園 永保 ($64)抹茶無咩粉粒，奶泡綿密，味道較含蓄溫和，慢慢細味會有回甘。雖然定價稍高，但一分錢一分貨，我同朋友都食得出店家用心設計每道菜，係會想再訪嘅小店，同埋坐唔到榻榻米都唔駛失望，就算坐其他位置都好舒服啊～餐牌:…查看更多

有嘗試打電話去book位但我打得太遲，已full，唯有即刻衝過去等 walk-in 位又咁啱直接有位，太好了店內裝橫係日系簡約風，整個感覺好悠閒可惜無 tatami 位，如果唔係仲 hea🤣menu 方面主食只係得 3 個選擇唔洗我呢啲有選擇困難症嘅人諗咁耐✌🏻#台灣手工黑糖熱牛奶配肉桂條 🍼佢有得俾我自己揀幾重肉桂味 (就係睇浸幾耐條肉桂條)黑糖本身唔算甜，兩者都幾夾個牛奶#日本日向夏本地蜂蜜梳打 🍊粒冰超巨 (友人話塞唔入個口😂)大熱天時飲呢個即刻 gur 哂，而且酸酸甜甜超解暑#烤三文魚幽庵燒定食 🐟柚子汁醃製嘅三文魚，味道非常清新，柚子味好重而三文魚因為唔係烤到熟透，肉質好嫩滑就算碗飯大大都好快食完 (佢啲日本米好好味)#紅酒味噌燉和牛面頰肉定食 🐂面珠躉肉好軟腍，入口即刻散開而且舊肉好入味，個汁送飯都一流#純素熱情果粉紅胡椒撻 🥧見到佢係有胡椒幾特別所以嗌咗呢款熱情果用響甜品度本身就好搶戲但 e 家有埋胡椒嘅香辣味又增添咗個層次甜+酸+辣，好過癮btw 每次上食物店員都會講解得好詳細服務值得一讚 (如果唔係我點會知咁多野😂)雖然佢係幾好食，服務好，環境都好舒服但幫襯得密會破產😂偶爾返工長週過嚟食都ok~…查看更多

和風式設計，有tatami位，竟然仲有bar枱；平日嘅lunch time都爆滿，個名冇改錯，真係比人當食堂，個個去醫肚🤣食堂以木色為主調，木百葉廉窗引入微微的自然光，配埋籐造cushion，真係好舒服好chill。留意返Tatami 位得4枱，每枱坐到4-6人。記得約多啲閨蜜打卡😉少人去就算人地安排比你坐都唔好意思啦😇～𝙁𝙤𝙤𝙙🥕Carrot cake $65同出面嘅味道一樣，但Jenny幾鐘意個texture唔會好實好硬，入口亦唔會太甜太滯～上面有少少cream裝飾，個賣相都好靚🍱烤三文魚幽庵燒定食$148幽庵燒係由柚子醬汁醃製，以懷石料理方法製成的意思。柚子配三文魚係意想不到嘅夾，帶出左魚嘅鮮味，亦多咗一種清新口感🍷紅酒味增燉和牛面頰肉定食$138質素好對得住個價錢🥰牛肉唔單止味濃，仲軟腍到絲絲分明。原來係澳洲和牛😍紅酒亦算入味，好香口配飯做定食一流！有埋小配菜醃蘿蔔，酸酸甜甜幾開胃𝘿𝙧𝙞𝙣𝙠𝙨🍯蜜柑蜂蜜梳打 $64呢杯真係幾出色，Jenny本身以為係會似普通柚子蜜咁，但一飲係好清新好潤嘅味道，係真係fresh honey，唔係一堆jam咁甜耶耶～😍蜜糖愛好者要試吓Jenny覺得，full house 真係有原因☺️無論係食材定烹調方法都見到花過心思，仲keep住轉menu，每次黎都keep到新鮮感～店員亦耐心解釋每道菜嘅特點及烹調方法～第一次感覺咁清楚自己食乜🤣不過都由於餐廳full晒嘅關係，同frd 傾計講下野就要練下肺，大聲少少🤏但overall都係高質嘅餐廳，值得推介去試吓😚日式Zen系環境，如果靜少少就perfect池了～tatami位打卡真係精髓，但提大家記得著襪先坐得😛Jenny係唔會講佢最後點樣變對襪出嚟🤫🤫必殺tatami位…查看更多

日系和風小店 簡約木系設計還設有幾個tatami座位只有三款定食選擇 貴精不貴多欣賞這裡對每樣簡單食材都很講究菜式不花巧 著重揀選優質食材配合適當的烹煮店員服務很好很貼心 細心地介紹每樣食材及烹調方法一頓恬靜舒適又美味的午餐 一定會再訪🤗烤三文魚幽庵燒定食 $148用上刺身級三文魚 烤至半生熟狀態配上柚子汁醃製 清香帶走油膩感肉質非常嫩滑 油膩感亦沒那麼重三文魚肉呈粉紅色的半熟狀態濕潤嫩滑 可以一層層片出來的滑度唯一美中不足的是魚皮有點韌 烤脆魚皮就更正紅酒味噌燉和牛面頰肉定食 $138使用澳洲和牛 牛味特別濃郁突出燉煮後肉質非常軟腍 用筷子輕易撕開 入口溶化紅酒味不算好強烈但肉汁夠哂香濃餸飯一流更有微微辣勁吊出肉味 非常出色超好食！素版川式麻婆豆腐定食 $108椒麻味十分突出 只帶微辣吊味醬汁味道濃郁再加埋油炸鬼脆片添加香口脆感豆腐切成小粒非常適合餸飯 多多飯都食得哂！另配炸日本山藥爽脆又帶少少山椒香 好惹味各款主食都配有自家醃漬蘿蔔、車厘茄及北海道夢美人米這款米飯比一般米更香甜軟綿 好高質！除咗高質主食 悄悄亦帶來不少人氣網店甜品其中有一直好想試的The Vege Lab網店只有6-8吋原個買 悄悄供應單件仲要係限定口味🤩The Vege Lab 純素焙茶焦糖黑朱古力撻 $65濃濃焙茶味在慕絲很突出好香黑朱古力比焙茶更濃郁帶甘味 入口creamy朱古力撻base脆得來鬆化全部一齊食好rich好正 互相平衡 甜度低合哂我心意而且仲要係vegan呢！好出色☺️unstable made 抹茶卷蛋 $60抹茶味略淡 忌廉味好重 較為失望…查看更多

好感動 終於訂到位試到呢間日式定食(⁎⁍̴̛ᴗ⁍̴̛⁎)餐廳裝修使用木系風格 樓底超高 空間感超大 一入到去 女店員好有禮貌咁介紹餐牌上嘅定食仲會溫馨提示小編要先預留甜品 因為好快售罄呢點非常窩心 值得一讚❤️🔖 烤三文魚幽庵燒定食一食驚艷 連唔喜歡魚生嘅朋友都覺得好好食!原來三文魚採用咗幽庵燒煮法😳雖然平時少見 但係會常常出現在懷石料理中的做法係在醃泡醬料中加入柚子原素 待魚入味後再拿去燒 故三文魚格外幽香 油脂滿溢 但不膩口食嘅時候半熟三文魚仍帶點微粉 肉質嫩滑最後食牛潭尾白龍王粟米 畫一個甜美句號～🔖 麥味噌豚汁豚角煮定食豚汁用昆布鰹魚湯熬煮 再帶點味噌嘅咸味配襯落五花腩肉到顯得恰到好處 整體入味又帶鮮但至愛嘅都係沖繩黑毛豬角豚肉 以大紅袍茶葉辟膩 燉煮到入口即溶 非常驚喜😍🔖 純素焙茶焦糖黑朱古力撻 焙茶味濃咗啲啲 加上黑朱古力嘅苦澀 小編就麻麻地( ･᷄ὢ･᷅ )…查看更多

繼續尋找日系美食🇯🇵Brew Note Coffee系姊妹店 餐廳採預約制 要先在網上登記才可入座 所以千祈唔好嘗試walk in, 一定冇位😂甫到門口已經有一種日系嘅感覺; 主要探用木材做裝飾和傢俱 門口旁有三張榻榻米枱 感覺像去了京都佢哋嘅餐牌會定時更換 今日主菜就點了烤三文魚幽庵燒定食和麥味噌豚汁&豚角煮定食每當端上食物時 店員都會詳細介紹食材和煮法 值得一讚👍 首先烤三文魚用上柚子汁醃製能帶出三文魚嘅鮮味 而本身魚肉亦特別肥厚 再配以自家醃製蔬菜, 當季本地種植小菜及北海道夢美人米, 好有飯香另外麥味噌豚汁及豚角煮定食, 豚角煮用上慢煮方法 再加上鐵觀音 所以肉質食落會特別腍及嘗出茶香 至於麥味噌豚汁係利用出汁去熬煮湯底 可以撈飯食😋另外飲品方面就點左一杯台灣手工黑糖熱牛奶配肉桂條及一杯Ecuador chocolate最後甜品方面就點左一客純素焙茶焦糖黑朱古力撻及純素熱情果粉紅胡椒撻 兩款甜品都很特別 味道都很突出 可見心思 並非一般行貨餐廳長期爆滿 而且要預約先可光顧 但絕對值得 早啲訂位吧!…查看更多

記得之前經過門面，就覺得裡面幾有特色🙆🏻‍♀️但當時應該係新開仲未話有咁多人既～而今次去都係有先網上預約左先，因為每個星期一先會開放個個星期既位，所以比想像中都多人book，按左幾次先成功預約到😆-🎈烤三文魚幽庵燒定食 $148要尖叫一下是我最喜愛的三文魚🥳❤️三文魚果真是減肥恩物喔😋呢度既三文魚真係整到好好食超驚艷🙆🏻‍♀️原來店舖是採用了懷石料理中的幽庵燒煮法，吃起上來是半生熟呈微粉紅的狀態，口感嫩滑得來又不會感到太油膩，應是加入了柚子消除油膩感～而配菜的自家醃漬白蘿蔔亦很爽脆，吃完胃口大增😍雖然吃不到大家都說一定要來吃的銀鱈魚但三文魚亦令的很滿足了🧡-🎈麥味噌豚汁 & 豚角煮定食 $128這款相對三文魚來說還是比較普通一點(可能是三文魚實在太驚艷了🤣🤣)豚汁煮味道很濃，輕輕嚐一口便喜歡上了🙆🏻‍♀️裡面的日本大根及甘荀完美地索哂整個湯汁，非常入味！而豚角煮店員說裡面加入了茶葉燉煮，吃起上來好像不太察覺呢🤔-🎈Solight 印度茶忌廉戚風 $65這款戚風蛋糕有點普通，茶味不太突出，不太能吃到印度茶的味道～-🎈Homedo 玉桂蘋果日式芝士蛋糕 $65相反這款個人挺喜歡的🙆🏻‍♀️印象中芝士是輕芝士來的，所以不會太膩，最喜愛是裡面加入了玉桂蘋果，幾有口感😚-🎈台灣 手工黑糖 熱牛奶 配肉桂條 $45暖暖的黑糖牛奶好香，喝完很滿足～-🎈京都 美好園 森之白 $51 呢度實在有太多抹茶可以選擇了😂因為朋友想喝抹茶牛奶所以店員推薦了這款給她😚我喝了一口覺得挺好喝(自問真的不是抹茶控)😳雖然抹茶味道很濃郁但不太喝到苦澀感個人很能接受喔😌-看得出店舖很用心🥰因為每樣定食來到後店員都會向客人介紹用上甚麼材料去烹調😆而且環境亦好靚係木系的設計，有少少似真的去了一趟日本🥳同埋好好彩係竟然坐到榻榻米，所以真係食得好開心💗-🔸悄悄食堂📍荔枝角道143號康和閣地舖…查看更多