滾德起火煱小廚 (已結業)

陪姐妹去金都買結婚用品，買完之後我地就係附近覓食。行過呢間火鍋小廚，見門口貼咗啲明星相，相信食物都唔會差得去邊，於是決定入去試下。炸蝦餅 $98炸蝦餅熱辣辣上枱，爽口彈牙，點埋個醬汁，酸酸甜甜特別開胃。重慶原味雞煲 (小辣) $188 等咗15分鐘，主角雞煲出場。離遠見侍應捧住個鍋，行嚟過黎嗰陣，真係俾佢嚇親，因為個鍋好大個，心唸點食得晒。好彩黎到望望，份量係正常。侍應好細心話我哋知，想食嫩滑雞肉的話，而家就可以食 ; 相反想食濃味啲的話，就可以等多陣，煮耐少少。仲話我哋知呢個鍋係花崗岩石鍋，會釋放一啲物質，會對皮膚好好 (係真唔係，就唔知喇~)。我哋兩樣都想試，於是就開始食咗一部分先。即食嘅雞肉真係好嫩滑，而且特別喜歡佢嘅醬汁，因為好濃味而且夠杰身。其餘嗰啲煮多陣再食，果然係比之前濃味好多，而且辣味再出啲，更加惹味。兩者比較，我會鐘意後者多啲。油麥菜 $32食完個雞煲，因為唔想浪費個醬汁，所以叫咗個油麥菜。於是侍應係個雞煲加水，俾我哋淥菜。 油麥菜吸晒醬汁嘅精華，正~…查看更多

朕今日同埋幾個隨從去到太子區出巡，行到有啲肚餓，咁啱個四眼隨從話有間好野介紹俾朕，話去食雞雞雞煲 － 重要既要講三次，係食雞煲，大熱天時三十幾度呢條四眼仔既然提議去食雞煲，個雞煲一定好好食，如果唔係朕一定拖佢出去返掩。。。黎到滾德起火煱小廚，望一望個餐牌，有雞煲，有烤魚，有火煱仲有小菜炒，咁朕就緊係叫左個靚靚花膠雞煲食下，睇下四眼隨從使唔使返掩啦！！！其他既就俾隨從發版啦！靚靚花膠雞煲 － 朕就叫左小辣，個雞煲一上枱，好香濃既麻辣味，呢度標明係用（原味雞），朕就問下店小二係咩東東？原來原味雞係以無激素方式飼養，屠宰後快速冷藏至零下50度，藉此鎖住肉汁，保留原來鮮味，所以就叫原味雞。市面上大多數雞煲，因為麻辣既關係，多數都係用雪藏雞，因為麻辣係超濃味，往往都會遮蓋左哂啲雪藏味，但係呢度竟然用原味雞，令到客人食到較高質既雞肉，值得一讚！講返個雞煲，呢度用石碢上，幾有氣勢，一上枱煲一陣己經（滾得起），嗰陣麻辣味己經撲鼻而出，朕首先就試下個醬汁先，食雞煲除左雞肉要嫩滑同有雞味之外，最緊要都係個汁，呢度個汁夠哂濃味，麻味夠香，辣味唔會太勁遮蓋哂一切（因為朕叫左小辣），朕覺得呢度個汁仲好味過一X雞煲！好味過，好味過，好味過，重要的要說三次！跟住隨從竟然叫左炸蝦餅同避風塘尤魚鬚，佢話佐酒不能少喎！炸蝦餅幾乾身咬落幾彈牙，唔會腍身，而避風塘尤魚鬚辣味就夠喇，而尤魚鬚略嫌唔夠乾身，同埋炸蒜可以再多啲，咁會更加香口，佐酒會更好！既然隨從咁鍾意佐酒，朕就留俾佢慢慢嘆，朕都係食哂個雞煲先喇！雞煲，雞煲，雞煲，重點係唔止講三次咁少架！！！－－－－－－完－－－－－－…查看更多

今晚同班fd去太子尋食，見到間食店門面和名幾特別走埋去睇吓見除左雞煲、烤魚、火煱，還有小菜:)噤多選擇一於入去試吓，坐低睇完菜單，想想近期食得太多火煱，所以祇係叫左個雞煲和幾款小菜花膠雞煲(小辣)，呢間店用石窩上，可能係傳熱比較快和保温比較耐:)煮左一陣好快滾可以食得，雞都算多肉，而且唔梅，其實雞煲最主要唔係雞，而係個醬汁好唔好，個味入唔入到雞件裹面，呢間個味道係拍得住x品嗰間因為佢醬汁除左多得來而且杰，唔係水流流，食落口後在脷和口腔内係感覺到除左辣、少少麻，之後還有個甘甘甜甜既感覺，有少少似食街邊蒸腸粉時，將醬料混和後既感覺再正d，越食越想食炸蝦餅，新鮮熱辣炸出來，皮薄爽脆，咬落彈牙可口沙爹芥蘭炒牛肉，芥蘭爽得來唔澀，牛肉嫩滑黑椒牛仔骨，牛仔骨味道適中，唔靭避風塘魷魚鬚，咬落好彈牙，味道辣辣地非常嘢味，送啤酒一流最终四個人埋單$792另外老闆在店內試新菜，即值炒辣酒煮花螺，叫我哋試吓味俾意見，之後先推出，花螺鮮甜彈牙，個汁辣味十足。提一提大家，如要幫襯請早d致電訂枱，因經常爆滿，Walk in通常都冇位…查看更多

新店開幕才一個多月我已經來了第4次，第一次來已經很想記下雞煲的美味，想引用韓國朋友的金句 : you must try cannot explain!之後每一次都是因為朋友看到我的分享說要來試，而朋友吃後的反應都一致說要再帶朋友來，見到你地食得咁開心我更開心。美食當然要開心share啦！這裡除了有雞煲，魚鍋，打邊爐仲有小菜，平日晚上人流暫時不多，三五知己睇住電視談談天一樂也，不得不提的是小店的服務是非常的貼心啊！…查看更多