星期五係啟德睇完 GEM 演唱會，睇完都10:30 ，極之肚餓，九龍城出名多宵夜食，就決定一齊去探險，睇吓咁夜仲有咩好嘢食。行到九龍城發現都有唔少泰國餐廳仲有營業，不過都真係靜過以前。見到依間隆姐幾大間，又幾正宗咁，就決定試吓，等左大概10分鐘職員就帶左我哋去依條街嘅分店。………………………………………………炭燒豬頸肉 ⭐️⭐️⭐️⭐️⭐️燒到個邊燶燶地，好香口，食落又唔會太爽，幾啱我口味。份量都幾多。肉碎生菜包 ⭐️⭐️⭐️⭐️生菜好新鮮，豬肉碎大細適中，肥瘦比例適中，不過略為唔夠惹味。泰式紅咖喱（豬） 配 薄餅⭐️⭐️⭐️⭐️咖哩汁偏杰身，椰奶味香濃，又唔太辣，配薄餅一齊食，好味。泰式炒蝦金邊粉 ⭐️⭐️⭐️⭐️河粉係泰式金邊粉好幼身少少煙煙韌韌個種，酸酸甜甜，好味，醬汁炒得幾均勻，仍然有啲濕潤，但又唔會過咸，幾正宗。泰式蒜蓉炒芥蘭 ⭐️⭐️⭐️普通正常嘅一道菜式。龍眼冰⭐️⭐️⭐️⭐️有幾粒龍眼肉，甜度好夠，好飲。芒果糯米飯 ⭐️⭐️⭐️⭐️芒果夠熟夠甜，糯米飯軟糯可口，飯後甜品4個人share 食，完全無負擔，份量剛好。………………………………………………餐廳冷氣都好夠，食物整體都唔錯，而且價錢合理，九龍城泰國菜之中唔錯嘅選擇。…查看更多
