千両 (創紀之城五期(apm))

本地大型壽司店印象中只淨番元氣、千両。元氣質素一船般，適合小朋友；【千両】質素不錯，適合大朋友。開業十八年的【千両】進駐觀塘APM，室內氣氛比較幽暗。幸好剛剛開門客人不太多，可以坐於窗旁。平日食過有午餐又豐富又抵食，不過周末原來冇午餐，唯有散叫。小朋友雖然話喜歡日本菜及壽司，其實只愛熱食。當中以蒸蛋及湯烏冬最受歡迎。【千両】的【海鮮燉蛋 $30】蛋夠香夠滑，火喉控制不錯。蛋內有帶子及蝦，食材豐富，大小朋友都適合。【牛肉冰見烏冬 $58】店員見有小朋友問下牛肉要幾成熟，真細心。不過小女兒都係食家，食牛當然要生。其實有湯，只要在湯內浸耐D都會變熟。牛肉賣相不錯，望落去都嫩滑。這個碗望落去不太大，小編以為小女唔夠食。原來係幼細的稻庭烏冬，填滿整個碗，份量足夠。小女非常滿意。【炙燒明太子三文魚卷  $58】不是什麼高級卷物，特別是三文魚，日本人更加不放在眼內。但是三文魚有 Omega，小朋友比較易接受的魚。卷物上放上炙燒三文魚、明太子及菊花花瓣，顏色搶眼。魚油香入口滑溜，入口味道不錯。叫了兩個手卷都係小朋友都可以食的。【加州手卷 $22】有蟹柳、沙律菜、牛油果、蟹籽，味道不錯。【軟殼蟹手卷 $32】除了有軟殼蟹外裡面有牛油果蓉。雖然【千両】比不上正宗壽司店，但是勝在菜式選擇多而且質素穩定，老少咸宜。…查看更多

千両一向質素不錯，今次到 APM分店。 店內座位舒適， 菜式種類多，我點了特選壽司拼盤$225、 鮟鱇魚肝$48、鱈魚白子$48、炙燒明太子三文魚卷$58、 牛肉冰見烏冬$58。     🔹特選壽司拼盤🍣 ～ 壽司都非常新鮮， 每款各有特色。 🔹鮟鱇魚肝😋 ～ 口感柔軟，油脂香醇。 🔹鱈魚白子😋 ～ 非常鮮味，入口即溶，口感細膩。 🔹牛肉冰見烏冬🍜 ～ 烏冬的口感軟滑， 牛肉香濃好味， 湯底熱辣辣，正呀！ 🔹炙燒明太子三文魚卷🌯 ～ 炙燒後油脂溢出， 滿足滋味。 食物質素很好， 咁多年都能保持一定的水準👍🏻。🏷️溫馨提示～ 整個用餐體驗均屬個人分享意見， 只作參考😊。 …查看更多

APM新開左千両，我一直都好想去試，今日就下午五點幾去攞位，食個early dinner. APM分店啲座位好舒適，環境好好。我同屋企人叫咗五款食物，以下就分享一下食後感：牛肉豆腐鍋 $98呢個鍋好大份，牛肉大大件，豆腐又大大件，真係食得好飽。日本厚燒甜蛋配柚子皮 $22呢款之前食過太多次，普普通通啦炙燒明太子三文魚卷 $58呢款三文魚卷好大份，我覺得好抵食，味道好有層次感吉列廣島蠔卷 $28呢款壽司又係好特別，不過炸蠔嘅味道比壽司醋遮蓋左少少牛肉冰見烏冬 $58呢個烏冬又係我必食，牛肉同烏冬都好滑總括來說，我好鍾意食千兩，因為環境舒適同食物高質，雖然價錢中上，不過間唔中食一次都OK🤭…查看更多